رواية الضوء الخافت الفصل الثامن 8 – بقلم نهله جمال

رواية الضوء الخافت part 8

[ دقة قلب قوية، ووجع خفيف، غير مؤلم لحد المرض، يتوسط

صدري عندما أفكر بك، وكأنّي على وشك السقوط من مكان مرتفع..

وجع خفيف لكنني أحبّه. ]

المكان : مبنى أوسكار

الساعه : الثامنة صباحآ

كانوا قد جلسوا ليتناولوا طعام الإفطار صباحآ وكان كريم ينظر بدهشه عدة مرات لرزان التي كانت تخفي وجهها خجلآ منه بعدما علمت أنه رأى رسمتها

مرت لحظات قبل أن تقول المشرفه بعمليه : عوزاكم تودعوا صديقكم محمد إيبو إنهارده أخر يوم ليه في مبنى أوسكار

أسقطت إيلين قطعة الخبز الخاصه بها وهي تنظر له بخوف وحزن شديد ، كان هو مبتسم ولكن عندما رأى نظرتها بهتت ملامحه أضافت المشرفه قائله : ودع زمايلك وعلى أوضتك عشان ترتب حجاتك

إيلين بخوف وصوت ضعيف : هو ليه هيمشي

المشرفه : عشان أهله عاوزين كدا يا إيلين ، خلصتوا أكل تحبوا تقعدوا في الحديقه شويه ؟

إيلين بحزن : شكرآ انا هطلع غرفتي

ركضت على الدرج صعودآ لغرفتها ف قال ايبو : وانا هطلع أجهز حاجتي ، عن إذنكم

صعد إيبو خلفها ف قالت المشرفه : ها تحبوا تقعدوا في الحديقه شويه ؟

رزان بحرج : اه ياريت

المشرفه : طب يلا ..

* في ممر الغرف *

كانت إيلين تجلس عند باب غرفتها منكمشه تبكي ، بحث تيبو عنها حتى وصل لخا ثم رفعها عن الارض قائلآ : متعيطيش طيب اهدي

إيلين : هتمشي وتسبني ؟

إيبو : بصي يا إيلين انا ..

قاطعته قائله : هتسبني !

إيبو بيأس : مش بمزاجي والله بس بصي كريم ورزان معاكي انا بس ..

إيلين بغضب : إنت ايه ؟ علقتني بيك وعادي كدا عاوز تمشي ؟ إدتني سعاده غابت عني سنين وعايزه تمشي صح ! مبثقش في بخاف من كله إلا إنت حتى لما ضربتني مقدرتش ابعد عنك كتير وعايز تمشي صح ! أنا ايه بالنسبالك ؟ صديقه في نفس المبنى بتتعالج معاك من العزله ؟ محبتنيش صح !

إيبو بدهشه : لا حبيتك بس ..

إيلين مقاطعه : الحب مفيهوش مجاملات يا أه يا لا ! أنا من ساعة ما أمي ماتت ومرات ابويا طلعت عيني بكل بشاعه وجيت هنا انت اللي جببتني في نفسي وفي شعري وفي شكلي وفي كل حاجه وادتني ثقه عمري ما كنت هاخدها من حد غيرك

ثم همست بضعف : مينفعش تسبني وتمشي ! هموت من الحزن تاني مش هيبقى عندي حاجه وكريم ورزان مش هيعوضوني عنك ! متمشيش انت لو مشيت انا هتعب وهرجع أقص في شعري ! بص أنا شعري طول مبقتش أقصه عشانك بص

أمسكها من رأسها ثم احتضنها ووضع رأسه فوق رأسها تاركآ لدموعها ونحيبها العنان .. كانت تبكي بقوه في حضنه وكإنها ستفتقد أبيها للمره الثانيه ، رفعت رأسها ونظرت له قائله بضعف : متمشيش أنا ماليش غيرك وحتى لو في ناس ف انا مش عايزه غيرك

إيبو : مش همشي ومش هسيبك ، أوعدك ..

ثم احتضنها مره اخرى بينما هي احتمت به بقوه ..

* في حديقة المبنى *

تمدد كريم على العشب وهو ينظر للسماء بهدوء ، جائت رزان جلست بجانبه ثم قالت له بهدوء تلميذه مذنبه : انا اسفه

كريم : على ايه

رزان : عشان رسمتك من غير ما تعرف

كريم : لا عادي

رزان : هو ايه اللي عادي ؟

إعتدل كريم في جلسته قائلآ : رزان انتي عايزه تتخانقي ؟

رزان : مش عايزه أتخانق بس عايزه افهم هي الرسمه معجبتكش ؟

كريم : هو انا المفروض دلوقتي أجاوبك صح ! هو انتي جيتي خدتي رأيي وانا مردتش عليكي ؟

رزان بخجل : لا بس ! ..

قاطعها كريم قائلآ : في كل الاحوال الرسمه حلوه

رزان : انا مبعرفش أرسم يا كريم

كريم : أمال معاكي أدوات رسم ليه ؟ وازاي مبتعرفيش وانتي رسمتيني ؟

رزان : بتعلم ، والدتي بتعرف ترسم قالتلي سر الفنان الناجح انه يحفظ تفاصيل حد في خياله ويطلعها على الورق

ثم نظرت إلى عيناه واضافت : وانا عملت كدا اول يوم شوفتك فيه ، حفظت تفاصيلك ، هو انت ليه غامض

رفع كريم كتفيه بيأس قائلآ : إسألي هجاوب

رزان : حبيت قبل كدا ؟

كريم بهدوء : اه مره واحده

رزان : وحصل ايه ؟

كريم : مبتحبنيش يعني كان حب من طرف واحد كانت مغروره وأنانيه جدآ

رزان : طب كويس انك بعدت عنها

كريم : اه كويس ، كل حاجه تعباني من وجهة نظر الناس كويسه

رزان : لا مقصدش طبعآ

ثم وضعت يدها على يده وقالت : انا خايفه

نظر كريم ليدها ثم لها فقال : من ايه ؟

رزان : كمان شويه هتتعمل جلسة علاج جماعيه وانا بخاف منها اوي

كريم : عباره عن ايه الجلسه دي ؟

رزان : كل واحد يحكي مخاوفه

كريم : وايه يخوفك ف كدا ؟

رزان صمتت لحظات قبل ان تضيف بنبره غريبه : خليك جمبي

إبتسم لها كريم مطمئنآ : أنا جمبك متخافيش !

سمعوا فجأه صوت صراخ تيلين وأشياء تنكسر في المبنى ف ركضوا جميعهم إلى الداخل ، وما ان صعدوا حتى وجدوا إيلين وابعه ارضآ وايبو يكسر كل ما يأتي أمامه في المبنى

أمسكه كريم سريعآ ثم صرخ به قائلآ : انت اتجننت ليه عملت كدا

ذهبت رزان لتساعد إيلين في أن تقوم ف قالت المشرفه : خده يا كريم وعلى قاعة العلاج الجماعي يلا ! ومش هسمحلك تخرج برا المبنى دا غير لما يتم شفائك يا ايبو ! سمعتني ؟

بينما كان كريم يسحب إيبو نظر إيبو لإيلين ثم غمز لها ف إبتسمت هي لنجاح خطتهم ..

رأيكم ؟

” لماذا ابحث عن الأمل وضوئه الخافت هنا في قلبي ؟ “