رواية الضوء الخافت الفصل السابع 7 – بقلم نهله جمال

* في حديقة مبنى أوسكار *

كان كريم يجلس على العشب وبجانبه رزان وإيلين وكان يغني ! أغنيه نمطها سريع كلماتها عميقه و .. كئيبه ! كانت تستمع له وهي تشعر بغصه تحرق قلبها وشعرت أنه قادر أن يصل لأعماقها بصوته وكلماته ، جاء إيبو وأقترب منهم وجلس بالقرب من إيلين وظل يستمع له حتى إنتهى

كريم لإيبو : المشرفه وافقت ؟

إيبو : أيوه بس بتقول متطولوش برا لحد الساعه اتنين بس

كريم : طب حلو دا ، بقولك ايه هي اللي مع رزان في الاوضه دي جت المبنى ليه

إيبو : لا مش عارف

كريم : مش قولت شوفت فايلاتهم كلهم

إيبو : احمم ايه يا عمنا مش واخد بالك في ناس معانا

كريم : اه صح مم طب ايه ؟

إيبو : نفسك تخرج من هنا بنسبة كام في الميه ؟

كريم : 100

نظرت له رزان تتأمله ثم قالت : مفيش حاجه هنا مخلياك عايز تقعد ولو بنسبة ١٠% ؟

كريم بحرج : اكيد فيه يعني إنتوا طبعآ حبيت الكلام معاكم وهفتقدكم لو خرجت

ثم ابتسم بسخريه قائلآ : دا لو بقى

إيبو : وانتي يا إيلين ؟

نظرت لهم ثم قالت : مش عايزه أخرج من هنا لان ماليش مكان ، اصل لو خرجت هروح فين ! لمرات أبويا تاني ؟ انا ماليش مكان

إيبو بغضب : تاني كلامك دا ! قولتلك مية مره انا هنا ومتقوليش كدا وانا موجود !

إيلين : أيوه انت هنا هتعمل ايه مثلا ؟

إيبو : معرفش بس مش هخليكي في الشارع يعني ؟

كريم : خلاص إهدوا ، وانتي يا رزان نفسك تطلعي من هنا بنسبة كام % ؟

نظرت له بعمق قليلآ قبل أن تقول : بنسبة 1%

وضع يده على عنقه في حرج ف نظر له إيبو قائلآ : انا بقى نفسي اطلع بنسبة 50%

كريم : إشمعنا 50 يعني !

إيبو : مقسوم نصين بعيد عنك

ضحكوا على ما قاله ف أضاف قائلآ : إيلين قومي أوريكي حاجه

ثم قام وسحبها من يدها ف جلس طريم ناظرآ للسماء ف قالت رزان : على فكرا مفيش سحابات بالليل

قال كريم تلقائيآ وهو ينظر أليها : اه بس في قمر

كان يتحدث بتلقاىيه ولكنها أخذت الاطراء على نفسها ف ابتيمت بخجل ف إحمر وجهه لإنه لم يكن يقصدها ثم أضاف قائلآ : وفي نجوم وليله كبيره اوي

ضحكت رزان ثم قالت : فقدت الاحساس بكلام كتير لحد ما سمعته منك

كريم : كلام زي ايه ؟

رزان : زي اللي انت لسه قايله دا

كريم : هو انا مش فاهم انتي ازاي مش شايفه نفسك جميله ؟

رزان بحزن : عشان هو قالي كدا

كريم : بيكذب ! او بيحاول يكرهك في نفسك بس الحقيقه انك جميله

إبتسمت رزان قائله : بجد ؟

كريم : ياربي والله ايوه جميله هكذب ليه ؟

رزان : وانت جميل برضو وصوتك جميل اوي ، هو حقيقي انت مبطل غنا !

كريم : ايوه

رزان : ليه مع ان صوتك جميل واحساسك حلو

كريم : عادي دا قرار

رزان : مفيش أمل ترجع فيه ؟

كريم : مش عارف !

ثم نظر لها وهي تنظر له وفي عيناهم الكثير من التساؤلات

* بالقرب من ايلين *

صرخت بسعاده : وااو تجنن

إيبو : يا ستي وطي صوتك انا مخرجكم على مسؤليتي

إيلين : عايزه واحده كمان بلييز

إيبو : لا طفايه ورده واه هتعملي بيهم ايه

إيلين : انت لقيتها فين دي انا اول مره اشوف ورده سودا

إيبو : ورا الشجر مزروعه هنا بيقول عليه نبات شيطاني

قذفتها في وجهه ثم قالت بضيق : إخص عليك جايبلي وردة شيطان

ضحك قائلآ وهو يضع الورده بين خصلات شعرها : بهزر والله بصي هما دايما يقولو الورد الأزرق مميز بس انا شايف ان الاسود أحلى

إيلين : هحطها في مياه وسكر وأحافظ عليها

لوى إيبو فمه قائلآ : مياه وسكر ؟ يلا عشان قفلتيني

إيلين : طب إستمى اجبلك ورده !

إيبو : لا مش عايز يلا

إيلين بحزن : يلا

* بالقىب من رزان وكريم *

كريم : وبس يا ستي

رزان : يعني من وانت صغير كدا ؟

كريم : لا مش فكرة من وانا صغير بس انا شخصيتي وطبعي هادي

إبتسمت له رزان قائله : أنا كمان زيك

كريم : طب كويس دا

رزان : أقولك على حاجه حلوه ؟

كريم : قولي بما اننا قاعدين

رزان : هي لعبه كدا بعملها مع نفسي ، تغمض عينك وأول حاجه تشوفها وانت مغمض تشوفها في خيالك وتفكيرك يعني دي هتبقى أهم حاجه في حياتك

كريم : ممم ماشي نجرب

أغلق كريم عيناه مدة دقيقه ونصف ثم فتحهما سريعآ ف قالت رزان : ها شوفت ايه ؟

وضع أصابعه بين خصلات شعره قائلآ : نشوف لعبه تانيه احسن ؟ أو نكمل كلام وخلاص

رزان : تمام !

إقترب إيبو وأيلين وجلسوا بالقرب منهم ف قال إيبو : ندخل ولا مطولين هنا ؟

كريم : حلوه الورده دي يا إيلين

إيلين : ميرسي دي ورده شيطانيه

كريم بثقه : مين الحمار اللي قالك كدا

إيبو محاولآ التحكم بأعصابه : أنا اللي قولتلها

كريم : أسف والله مقصدش بس الكلام دا غلط

إيبو : يعم بهزر معاها

كريم : انا محتاج انام

إيبو : خلاص يلا ندخل ، وانتي يا رزان متقلقيش بكرا نكلم المشرفه انك تغيري زميلتك في الاوضه

رزان بتنهيده : ياريت

ثم قاموا ودخل كلآ منهم بغرفته ، تذكر كريم أن رزان قد نست معه الإسواره الخاصه بها عندما كان يتفحصها ف أراد أن يعود لإعادتها ف وجد باب غرفتها مفتوحآ وزميلتها نائمه ، إقترب من فراشها ف وضع الإسواره بهدوء وجاء ليخرج ولكن لفت نظره كراسة الرسم على فراشها ، غلبه فضوله وفتحها ف وجد أنها قد رسمته ف اتسعت عيناه دهشه !

” لماذا أبحث عن الأمل وضوئه الخافت هنا في قلبي ؟ “