رواية الضوء الخافت الفصل الثالث عشر 13 – بقلم نهله جمال

رواية الضوء الخافت part 13

عنوان البارت / بداية المشوار

وقفوا بجانب بعضهم البعض منتظرين حضور المشرفين وفجأه وجدوا ظل لشخصين يقتربون ويدخلون المبنى

دقق إيبو النظر قليلآ ثم قال : ايه دا !

عقد كريم حاجبيه محاولآ رؤيتهم بوضوح ف قال : ايه دا هما دول اتنين ولا واحد ؟

إيبو : مش عارف تقريبا خبطت دماغي في الحيطه جامد !

حسن : مساء الخير ، معاكم حسن ودا توأمي حسين إحنا المشرفين الجداد لمبنى أوسكار

إيبو : ؟؟

كريم : ؟؟

إيلين : ؟؟؟؟؟

إيبو : لا لو انتوا المشرفين الجداد ف الأولى اكون انا المشرف

حسن : مش بالسن تابعنا الموضوع وجينا نساعد

إيبو : انا عارف انه يوم مش فايت والله ، مش كنا انتحرنا بضمير !

رزان : ايبو ايبو انا مش شايفه حاجه !

ايبو : اسكتي بقى خليكي باصه للسقف دي رحمه

إيلين بعنف : ما انتي عندك كريم ما تناديه هو ايه اللي ايبو ايبو

رزان بألم : اااااةع

أيبو : شششش انتي هتاكليها

حسين : خلاص يا شباب اهدوا كدا ! زي ما انتوا شايفين احنا شباب زي بعض ف هنفهم بعض اكتر ! بإذن الله مش هتطولوا هنا كتير وكل واحد هيرجع لحياته

إيلين بخوف : يالهوي ! دا عايز يرجعنا لحياتنا الطبيعيه انا خايفه يا إيبو

نيبو : تؤ كدا خوفت البنت ؟ احنا هنا مرتاحين

حسن : لا ما انتوا مش طالعين سفاري انتوا هتتعالجوا وكل واحد يروح لحاله واحنا مش هنهمل فيكم زي اللي كانت قبلنا

كريم : ايوه مش هتهملوا فينا ازاي هتغيرولنا كل ساعتين

حسين : جدعان لو لغة الحوار هتمشي كدا يبقى بلاها احسن

ايبو : انا قولت كدا والله ، اصل بص يا كابتن احنا لسه مقومناش بالسلامه زي ما انت شايف خيرة الشباب المتكسر واقف قدامك

حسن : ما احنا هنتابع معاكم متقلقةش من حاجه المهم عاوزين نتعرف على كل واحد فيكم

أمير وهو يشير للفراغ وراء حسين نظر حسين وراؤه برعب ثم أعاد نظره لأمير ف قال ايبو بإبتسامة غيظ : اهو اول واحد عرفك بنفسه من غير ما يتكلم ، دا اسمه أمير هلاوس

حسن : هلاوس !

إيبو : اه كل يوم هيعرفك ع شخصيه جديده محدش بيشوفها غيره يعني بدل ما تعالجونا هنفضيلكم اوضه معانا

حسن : جميل ، والانسه الحلوه اللي جمبك ؟

إيلين يخجل وهي تمرجح يديها : اسمي ايلين

ضربها ايبو على يدها بغيظ ف صرخت ف قال : ما تتلمي يا بت ! ، معلش يا باشا دي الجماعه محدش ليه دعوه بيها

ثم اشار ايبو ألى رزان قائلآ : دي بقى ست الكل البركه ، مؤمنه إلى أبعد حد ممكن تتصوروه

حسين وحسن في نفس واحد : ماشاء الله

حسن : اكيد بتصلي ودايما مع ربنا عشان كدا هتخفي بسرعه

ايبو : لا وبتدعي كمان يا باشا ، شايف باصه للسقف بخشوع ازاي من كتر التقوى

خبطته رزان ف صرخت من الألم : اااااع

إيبو : اتوكسي بتضربي ايه

كريم : انا كريم ، عندي اكتئاب طفيف هيروح مع الوقت

حسن : هل يا كريم الاكتئاب دا وصلك للإنتحار . ؟؟

كريم : مش الإكتئاب لا اليأس ..

حسن : متقلقش يا معلم انا وحسين معاك وكله هيتحل مع الوقت

إيبو : انا بقى ايبو ، عندي عصبيه مبالغ فيها مبعرفش اتحكم في اعصابي

حسين : عاش هنحلها برضو سوا

حسن : بصوا يحماعه اعتبروا انهارده اول يوم من أيام تحقيق أهدافكم

نظروا لبعضهم البعض ف جاء أمير فجأه من المطبخ وبيده طبق كبير يحتوي على ماء وصابون وهو يهلل ويقول : نمل واقف تحتكم نمل والله

ثم صفع حسين وحسن بالماء والصابون ف أغمضوا اعينهم وهم يحاولون التماسك ف قال ايبو بشماته

إيبو : ها نفضيلكم أوضة دلوقتي ولا ايه ؟

مال كريم على ايبو وهو يضحكك وضحكت رزان ف ألمها عنقها ف صرخت : اااعع

ايبو : ما خلاص يا ست الشبح متقعديش تخوفينا بصوتك كل شويه !

بينما مسح حسين وحسن الماء من على وجههم وهم يتنهدون ..

تفتكر في أمل ؟ اكيد فيه