رواية الضوء الخافت الفصل الرابع عشر 14 – بقلم نهله جمال

رواية الضوء الخافت part 14

[ النفس تميل لمن يُشبهها، والقلب يميل لمن يدخلهُ دونَ إستئذان، والله يُوزع محبته بينَ البشر كيفمآ يشآء والأرواح على أشكالها تقع ” ]

المكان : مبنى أوسكار

الساعه الثالثة والنصف فجرآ

كان إيبو وكريم نائمان في غرفتهما ف إستيقظوا بإرهاق على صوت طرق باب متكرر

إيبو بنعاس : مين بيخبط الفجر ؟

كريم وهو يتململ : تلاقيها ايلين عيزاك

قام ايبو وفرك عينيه قائلآ : الفجر ؟ انا هقوم أفتح

ذهب باتجاه الباب وفتحه ف وجد أمامه حسن يقول : اغسل وشك واتوضى وحصلني على تحت انت وزميلك

ايبو : دا ليه بقى ؟

حسن : هنصلي الفجر جماعه

ايبو : نعم ؟

حسن وهو ينظر له : دا واحد من اهم القوانين اللي انا وحسين حاطينها ، يلا يا شباب اتوضوا وعلى تحت بسرعه

* في مبنى أوسكار الطابق الأسفل *

وقف حسين أمامهم وجميعهم وراؤه ماعادا رزان والسبب عنقها المكسور

أقاموا صلاة الفجر جماعه وما ان إنتهوا حتى قال إيبو : مممم تصبحوا على خير

حسن : خد بس رايح فين ؟

ايبو : هريح شويه انتوا صحيتونا من النوم وخلصنا صلاه خليني انام

حسن : هتناموا من دلوقتي ؟

حسين : خلاص يا حسن خليهم يناموا ساعتين ونصحيهم

ايبو : هو ايه اللي ساعتين ونصحيهم ؟ احنا عايزين ننام تعبانين

كريم : انا معدتي بتوجعني مش هنفضل كدا كتير يعني !

حسين : وعمركم ما هتخفوا طول ما انتوا ملازمين السرير !

ايبو : ايوه نعمل ايه يعني ؟ نفضل نتمشى رايح جاي عشان نخف

حسن : من الاخر دي القوانين بتاعتنا ساعتين ونصحيكم

كريم بملل : يلا يا عم نطلع فوق دول جايين يربونا

إيلين وهي تركض وراؤه : ايبو استنى مش هنتكلم ؟

ايبو : نتكلم فين بقى بيقولك ساعتين ويصحينا ، اوعي

صعدوا لغرفهم ف أمسك حسن بالكرسي المتحرك الخاص ب رزان قائلآ : عشان تعرفي تبصيله كويس لازم تسمعي الكلام وتخفي

رزان : أبص لمين ؟

حسن : هو اسمه ايه ؟ اه كريم

رزان : انا مكنتش بحاول ابصله

حسن : لا حاولتي بس عشان رقبتك بتوجعك معرفتيش تبصي كويس ، عموما الحب برضو ممكن يكون دافع عشان تخرجوا من مبنى اوسكار كويسين

صمتت رزان حتى وصل حسن لغرفتها وفتح الباب وأدخلها وقبل أن يدخلها قال : في بكرا دكتور هييجي يمرن عضامك بحيث تقدري تحركيهم وترجعي لطبيعتك بعد العمليه ، تصبحي على خير

ثم أغلق باب الغرفه عليها وهي تفكر

* بعد مرور ساعتين *

بالطبع كانوا جميعهم نائمون ولكن ايبو وكريم استيقظوا بلهفه وهم يستمعون الى صوت شنيور ف قال ايبو : استغفر الله هما بيهببوا ايه على الصبح !

كريم : هوووف انا اتخنقت ! ومش قايم

ايبو : لا هتقوم وهنشوف في ايه !

نزلوا إلى الطابق السفلي خروجا للحديقه نظروا الى الاعلى ف قال ايبو : اتفضل يا عم ! دا قفل باب السطح تماما

كريم وهو ينظر الى الاعلى ويتخيل رزان وهي تفرد ذراعيها وتسقط في الهواء قال بدون تركيز : احلى حاجه عملوها

ايبو : انا داخل بدل ما ارتكب جريمه هنا

دخل ودخل وراؤه كريم وبينما هم يصعدون استوقفهم حسين قائلآ : ايه يا شباب زمايلكم كلهم صحيوا الا انتوا

نظروا لزملاؤهم وجدوهم يجلسون ف قال ايبو : اه لسه صاحيين فين الاكل ؟

حسين : اكل كدا ع الريق ؟

ايبو : لا هناكل وبعدين نيجي نفطر عشان ميبقاش ع الريق

حسن : هو قصده تسخنوا عضلاتكم شويه قبل الاكل ، زي ما زمايلكم لسه عاملين !

كريم نظر لايبو ثم قال : مش فاهم نسخنها ازاي يعني ؟

* بعد نصف ساعه *

حسين : ٤٢ ، ٤٣

حسن : ها عااش مين هيوصل خمسين

ايبو : يااارب تلاقي خمسين عفريت ينططوك

كريم : اااه مش قادر

حسين : عاش شد.حيلك عشان معدتك تتعافى

إيلين لحسن : طب ممكن اديله يشرب ؟

حسن : لا سيبيه دي تمارين ضغط مفيده عشان ميبقاش قلبك خفيف

حسين ٤٩ ، ٥٠ عاااش يا شباب

وقع ايبو على ظهره بينما كريم ركع وهم يلتقطون أنفاسهم بصعوبه

حسن : يلا بقى عشان الفطار

ايبو : مش عابز اطفح ااااه بتذلونا ع الاكل يا كافر انت وهو

كريم : بطني مش قادر

جلس ايبو وجلس بجانبه كريم وهم يلتقطون انفاسهم ف قال ايبو مشيرآ لرزان : ساعات بقول انا ليه مرمتش نفسي من ع السطح زي البرنسيسه اللي مبتعملش حاجه دي

كريم : متتكلمش عليها كدا

ايبو : متكلمش عليها كدا ؟ ها الفرح امتى !

كريم : يووه انا قايم

ايبو : وانا لاحسن جعان اوي

* على طاولة الطعام *

ايبو وهو يكاد ان يبكي : ايه دا يا عم دا !

حسن : ايه ! بيضه مسلوقه وجبنه من غير ملح وزيت وزيتونه

ايبو : وزيتونه ! السر في الزيتونه يعني دي زيتونه سحريه لما تدخل بطني هتبقى بطيخه !

كريم : انا هاكل جبنه بس

حسن : لا مينفعش يا شباب شدوا حيلكم عشان تمارين بعد الاكل

نظر كريم وايبو لبعضهم لبعض في حزن ثم نظروا لحسن وحسين بغل وحقد

* بعد ساعتين *

دخل كريم غرفته وهو يتعكز ووراؤه ايبو : ياعم السلحفاه ادخل اخلص رجليا مش حاسس بيها

كريم : اااخ الله يخربيت عمي ع المبنى ع القوانين

ايبو : ششششش هنام شويه لو حد صحاني هصور قتيل

* بعد نصف ساعه *

سمعوا صوت رزان : اعاااااااا

كريم : ايه دا دي رزان !

ايبو : حسبي الله ونعم الوكيل ! مش هتخمد انهارده

كريم : تقريبا دكتور العظام عندها

ايبو : يعم ارحمني انت والمومياء المحنطه بتاعتك دي

كريم : قولتلك مليون مره متتكلمش عليها كدا ؟

طرق باب غرفتهم ف نظروا لبعضهم البعض بإتساع اعين قبل ان يقول ايبو : اعمل نفسك ميت اعمل نفسك ميت

تمدد كريم على الفراش وهو يضحك بقوه بينما غطا ايبو وجهه وهو يضحك ف قال كريم : بطني يخربيتك مش قادر حتى اضحك !

” لماذا أبحث عن الأمل وضوئه الخافت هنا في قلبي ؟ “