رواية الضوء الخافت الفصل الثاني عشر 12 – بقلم نهله جمال

رواية الضوء الخافت part 12

البارت بعنوان / بدايه جديده .. بداية أمل

* بعد مرور شهر ونصف *

سلط ضوء الشمس على مبنى أوسكار ، ف خرجت الممرضه من غرفة رزان التي كانت تجلس على كرسي متحرك وعنقها قد ثبت بالشاش ، بعدما رفعت الممرضه جهاز التنفس من فمها لان صدرها لا يحتمل الهواء الطبيعي كثيرآ قالت : حمد الله على سلامتك يا أنسه رزان

رزان بابتسامه وصوت خافت : الله يسلمك

خرجت الممرضه ف وجدت إيبو في وجهها وعلى رأسه قبعه سوداء تخفي الجرح وقال : هي رزان بقت كويسه ؟

الممرضه : بتتعافى الحمد لله بس موضوع التنفس دا هياخد وقت كتير

إيبو : تمام شكرآ ليكي

ثم سار في الممر ف سمع صوت يصدر من غرفة إيلين ف طرق الباب قائلآ : إيلين انتي كويسه يا بابا ؟

إيلين ببكاء : لا

ايبو : طب افتحي الباب

فتحت باب الغرفه ووجدها تبكي ف احتضنته ف قال : في ايه مش كويسه ليه ؟

إيلين : نزلت المرتبه عشان أنضف ومش عارفه ارفع الكرتبه تاني

إيبو : ما طبيعي مش هتعرفي ترفعيها وبعدين تنضفي ليه والمشرف جاي انهارده هو والست بتاعت النضافه ؟

إيلين : عشان الست تيجي تلاقي المكان نضيف

وضع يده على جبهتها يتحسس حرارتها ف ضربت يده ف قال : انتي كويسه يا بابا ؟ امال هي جايه تعمل ايه ؟ وبعدين انتي عروق ايدك اكيد لسه تعبانه متعافتش تماما اوعي هرفعهالك انا

دخل الغرفه ثم رفعها ووضعها على الفراش ف ضحكت هي ف خبطها على راسها في مشاكسه قائلآ : وبعدين انا عايز افهم معرفتيش ترفعيها تقومي معيطه ؟

دخلت الممرضه مقاطعه : يا شباب جالنا خبر ان المشرف عشر دقايق وهيوصل ياريت تستنوه تحت عشان تستقبلوه ويتعرف عليكم

نظر إيبو لإيلين قائلآ : هو يوم طويل انا عارف يجدعان احنا لسه تعبانين والله دا مفاتش الا شهر ونص واحنا راجعين من موت يعني

إيلين بلهفه : بعد الشر عليك

ايبو : بعد الشر عليا ايه بقولك انتحرنا كلنا انتي معايا ولا مع مين بالظبط

ضحكت ايلين ف قال ايبو : يلا عشان نجيب رزان ونفوت على الباقي ننزل سوا

ايلين : يلا بينا

ساروا في الممر ف وجدوا أمير يمسك بعصاه ويحاول ضرب احدهم ف قال ايبو : ايه خير معانا ايه انهارده ؟

امير بصراخ : في فار في فاار تحت رجليكم

قفزت ايلين وهي تحتضن ايبو وتصرخ برعب ف قال ايبو : اااه دناغي حرام عليكي يا شيخه حد يصدق دا ؟ دا بيتخيل جدته اللي ماتت من عشرين سنه

نزلت ايلين ثم قالت : يعني مفيش فار ؟

ايبو : يلا يابنتي يلا شكلي هموت من الشلل مش من الانتحار لا

طرق باب الغرفه ف خرج كريم وهو يمسك بيده حليب بارد قائلآ : ايه بتخبط ليه ما تدخل على طول

إيبو : انت لسه بتشرب لبن بارده من ساعة ما عملولك غسيل معده ؟ لا مش هدخل اطلع انت عشان نستقبل المشرف الجديد

كريم : مشرف ؟ هي ناقصه ! احنا لسه مبقيناش كويسين اوي

ايبو : ما هو دا دورك يا حبيبي هتروح تجيب الموناليزا اللي قاعده ع الكرسي جوا ” يقصد رزان ” وباصه للسقف

كريم : متتكلمش كدا عليها يعم حرام

ايبو : هتروح تجيبها عشان ننزل وانا هاخد امير ورائد وربنا يعيني والله

* بعد ربع ساعه *

كانوا يقفون صفآ بجانب بعضهم ماعدا رزان كانت تجلس على الكرسي الخاص بها

إيبو : قدامك لتاني يوم الصبح على ما البيه يشرف

إيلين : يمكن بيفهم القوانين ؟

ايبو : قوانين ايه القوانين دي المفروض هو اللي يحطها الله يخربيته الخواجه اللي عمل المبنى دا ، اااه راسي بتوجعني اوي

كريم : ونا معدتي بتوجعني برضو محتاج أرتاح

رزان : إيبو إيبو هو جه ولا لسه ؟

تيبو وهو ينظر لها بطرف عين : ع اساس لو جه هتعرفي تشوفيه ؟

كريم : طب ما حد فينا يطلع يبص بصه كدا يشوف الدنيا فيها ايه برا !

إيبو : ولا يا أمير اطلع انت بص وتعالى قول شوفت ايه

أمير بسعاده وهو يركض حاااضر

عاد بعد خمس دقائق وهو يهلل ويقول : ايه دا ! احنا عندنا اتنين مشرفين !

ايبو : لا فكك من اللي بتقعد تتخيله دا وقولي مين اللي شوفته برا مش ناقص هلاوس

أمير : والله اتنين مشرفين والله اتنين !

نظر كريم وايبو لبعضهم البعض ثم نظروا الى الحديقه بفضول ف قال ايبو وهو يضحك : هههههههه دا احنا محدش قادر علينا وفجرنا ف جابولنا اتنين ايامنا هتبقى سودا

رزان وهي تنظر للسقف : اتنين ليه صح ؟ تفتكر ايه القوانين اللي هيحطوها ، ااااه رقبتيي

ايبو : اسكتي يابنتي متتكلميش كتير لحد ما تقومي

إيلين : انا شاكه انهم راجل وست

أمير بسعاده : الا دول اتنين رجااله

نظر كريم وإيبو لبعضهم البعض مره اخرى ثم قالوا في نفس واحد : أهلاااااا !

” لماذا أبحث عن الامل وضوئه الخافت هنا في قلبي ؟