رواية الضوء الخافت – الفصل التاسع عشر
رواية 
الضوء الخافت part 19
الضوء الخافت part 19[ كان جمالها في التناقضات التي تحملها ، الفوضى بداخلها ، شكلها المُريح ، تفاصيلها التي لا يمكن احتوائها، عفويتها، و غموضها قاتل احياناً اخرى !
و بطريقة ما ، تبدو قوية رغم كل هذا التعب
]المكان : حديقة مبنى أوسكار
كان كريم يسير ورزان ممسكه به حتى لا تقع أرضآ
كريم : بس حلو انك خدتي أول خطوه تسيبي الكرسي
رزان : لا مش انا دا حسن ، كان مصمم ان دكتور العظام يبدأ معايا في خطوة المشي
كريم : فيه الخير ولله
رزان بإبتسامه وهي تميل رأسها له : ايه دا مش فاهمه نبرة صوتك ؟
كريم : ايه في ايه بقول فيه الخير اصل شايفه مهتم بحالتك
رزان : الله ! التلجايه بتاعتي بتغير ؟
كريم : تلجايه ! وأغير من ايه انتي هبله صح ؟
رزان : بتغير اهو بتقولي فيه الخير
كريم : سيبك من دا كله وشدي حيلك شويه عشان تلحقي تحضري حفلتي
رزان بصدمه : بتهزر ! خلاص جهزتها ؟
كريم : اكيد ، اتكلمت مع الناس اللي هتجهزها واتفقنا على كل حاجه ومش قادر اقولك الناس اللي ناويه تحضر واللي دفعوا تذاكر عددهم اد إيه بجد
رزان وهي تحتضنه : مبروووك بجد ، ايه دا كريم اوعى تسبني هقع والله رجلي
كريم : بتحضنيني ليه هو انا ابن خالتك ، مش هسيبك متخافيش
ابتسمت وهي تضمه أكثر ، ومن نافذة مبنى أوسكار كان حسن وحسين يقفون ينظرون لهم ف قال حسن : فاضل اخر حاجه بس عشان نقفل المبنى دا
حسين : انا شايف انه ميتقفلش ، هيفيد ناس كتير غيرهم صدقني
حسن : تفتكر ؟
حسين : ايوه طبعآ ..
* في منزل ايلين *
والد إيبو : بقالك ساعه عمال تخلي مراتك تتكلم في ايه يا حج ؟ من امتى الحريم هما اللي بيتكلموا كلام الرجاله
زوجة والد ايلين : ما هي مراتك بتتكلم بقالها ساعه اهو مقولناش حاجه
والدة ايبو : عشان مش موافقه كل دا يكون على ابني !
إيبو : خلاص يا جماعه الكوضوع منتهي انا هجيب الحجات دي ! والدبل بعد بكرا هنلبسها تمام كدا ؟ من فضلكم نقرأ الفاتحه اللي من ساعة ما جينا متقرأتش
ميلت شقيقة ايبو رأسها وهي يغلبها النعاس ف قالت زوجة أبيها : لو عايزه تريحي جوا شويه يا حبيبتي اتفضلي احنا لسه مطولين
ايبو بحزم : لا مش هنطول هنقرأ فاتحه ونتكل على الله
وضعوا جميعهم أيديهم أمام وجههم وبدأوا في قراءة الفاتحه
وم ان انتهوا حتى صافحوا جميعهم بعضهم البعض ف جاء ايبو واقفآ أمام ايلين التي كانت تضحك قائلآ : دبستيني ياختي ، يلا اجهزي عشاان كام علقه حلوين بس في بيتنا إن شاء الله
أيلين : انت كنت تطول أصلا ، هستحمل طالما معاك
ايبو : شوف البت مبيطمرش فيها ! طب السلام عليكم انا بقى
ايلين بضحك : هههه خد هنا رايح فين ؟
ايبو : لا هنروح بقى دا الفجر هيطلع واحنا هنا
اقترب من اذنها هامسا : ابقي الحقي كلي من التورته اللي انا جايبها عشان نظرات مرات أبوكي ليها مش مريحاني لا
ضحكت ايلين بصوت عال ف قال ايبو لوالدها : بكرا هنجيب الدبل وبعد بكرا هنلبسها زي ما اتفقنا يا عمي
والدها : على خيرة الله ربنا يتمم لكم على خير
أخذ ايبو والديه وشقيقته ونزلوا على الدرج ف أغلقت أيلين الباب خلفهم وهي تنظر لزوجة أيها التي قالت : اتبسطتي كدا ؟
إيلين : تؤ لسه لما يلبسني الدبله واحطها في عينك انتي وبناتك البايرين
والدها بحزم : ايلين ! عيب كدا !
ايلين : لا متقلقش هي مش فارق معاها غير انها خدت شقة امي الكلام مبيأثرش فيها .
ثم دخلت غرفتها وهي تضحك بسعاده .
* في مبنى أوسكار *
رزان : مش عارفه بس حاسه اني عايزه أفرد ايدي والف حوالين نفسي كدا
كريم : استني لما تخفي هتعملي اللي نفسك فيه
قالت رزان بيأس : أصل في حجات لو متعملتش في ميعادها مبيبقاش ليها طعم فاهمني ؟
كريم : طب هقولك فكره حلوه ، افردي ايدك طيب وغمضي عينك
رزان : ليه دا ؟
كريم : انجزي بس عشان عمي قرب ييجي وهمشي
رزان وعي تغلق عينيها وتفتح يدها : اهو يا سيدي
انحنى كريم وحملها ثم دار بها عدة مرات ف ضحكت بصوت عال ، ظل على هذا الحال مدة دقيقتين حتى كاد أن يقع بها ف أنزلها وأسندها جيدآ ف نظرت له وهي تضحك قائله : مفيش زيك بجد
كريم : ما انا عارف عشان قلبي حنين مبحبش أزعل حد
رزان : لو عندي ربع ثقتك في نفسك كان زماني مالكه العالم
سيارة عم كريم : تييييت
كريم : عمي جه ، اعملي حسابك مش هاجي غير وانتي خافه عشان أخدك للحفله
رزان : وهترجعني قبل ١٢ زي سندريلا ؟
كريم : سندريلا ايه الله يرحم الجاكيت الرجالي
رزان : امشي يا فصيل
كريم : يلا سلام مؤقت ولنا عوده
ركب كريم السياره بجانب عمه وما أن سارت السياره بهم حتى وجد كريم من يتصل به ، نظر للشاشه ف وجد ايبو ف رد قائلآ : ها حصل ايه ؟
ايبو : للأسف
كريم بخوف : ايه يعم ؟ محصلش نصيب !
ايبو : لا انا اقصد للأسف حصل نصيب
كريم بضحك : يعم الرخم
ايبو : الخطوبه بعد بكرا متنقضش وهات الموناليزا معاك
كريم : الموناليزا دي اللي هي رزان ؟ اقفل يا ايبو اقفل
ايبو : مبهزرش والله لو ما جيت ا الخطوبه مش حاضر حفلتك !
كريم : خلاص جايين هجيبها واجيب حسن وحسين ونيجي
ايبو : ما بلاش حسن وحسين لاحسن ينزلوني تمارين ضغط في الخطوبه ويبقى منظري عار قدام اهل البنت
كريم : ههههههه متخافش متخافش ، مبروك يعم
ايبو : حبيبي يلا سلام
أغلق كريم الهاتف ثم وضع السلك الخاص بتوصيل الكوسيقى للسياره ف قال عم كريم : مين رزان دي يا كريم ؟
كريم : هعرفك عليها قريب 
ثم قام بتشغيل أغنية جنات – بكرا هتحلى
وأرجع راسه للوراء في هدوء
” لماذا أبحث عن الأمل وضوئه الخافت هنا في قلبي ؟
الفصل التالي اضغط هنا
يتبع.. (رواية الضوء الخافت) اضغط على اسم الرواية لتجد الفهرس كاملاً بجميع الفصول.