رواية الضوء الخافت الفصل الثامن عشر 18 – بقلم نهله جمال

رواية الضوء الخافت part 18

[ بعنوان / الخطبه ٢ ]

وصلوا جميعهم ووقفوا أمام باب منزل إيلين ف قالت والدة إيبو له : زي ما قولتلك انا مش هديهم فرصه ياكلونا أول ب أول هتكلم وانت برضو عرف عمك ظروفك عشان ميفتحش ع البحري في طلباته

ايبو : طب ممكن تضربوا الجرس عشان شايل تورته وصندوقين حاجه ساقعه !

والدته : اضربي الجرس لاخوكي يابنتي

مدت شقيقته يدها لتضرب جرس الباب ف صرخت : الجرس بيكهرب يا ماما

ايبو : احسن احسن

والدته وهي تلوي فمها : لا واضحه البشاير من اولها

طرقت الباب ف فتحت احدى الفتيات ف بهتت وجه والدة ايبو وقالت بتلقائيه : بقى هي دي العروسه

ايبو بقرف : لا لا ايلين بيضا وجميله مش دي ابداا

الفتاه : انتوا العريس اللي جاي لإيلين ؟

والدته : طب ما تدخلينا يا بنتي نفسنا اتقطع في السلم بتاعكم

أزاحت الفتاه الطريق لهم قائله بميوعه : اتفضلوا

دخلوا جميعهم وجلسوا على الأريكه

كانت إيلين تنظر من خلف باب الغرفه بسعاده حتى دخلت ابنة زوجة ابيها قائله : العريس بتاعك قاعد برا ربنا ميقدملكيش الخير

إيلين بغيظ : إنشالله انتي واللي خلفتك

خرج والد إيلين ثم ألقى السلام قائلآ : اهلا وسهلا ايه النو دا اتفضلوا ارتاحوا

والدة ايبو : الله يكرمك معلش على التأخير

والد ايلين : لا تأخير ايه دا حتى الساعه داخله على تسعه والقاعده طويله

ايبو : هي ايلين فين

والد ايلين : طب مش نتكلم الاول بعدين ننادي العروسه ؟ يا حجاااه

جائت زوجته وجلست مرحبه بهم ف قال والد ايبو : والله انت زي ما قولت عروستنا احنا جايين نتفق يعني معاكم على شوية حجات ولو حصل قبول نقرأ فاتحه

زوجة أبيها : مش تسمعوا طلباتنا الاول ؟

أحرجتها والدة ايبو قائله : معلش بس أبوها عايش وقاعد ربنا يديله الصحه نسمع منه هو الطلبات

زوجة أبيها : أنا زي امها وانا اللي مربياها

والدة ايبو : معلش وقت جوازات بناتك ابقي اقعدي اتشرطي احنا جايين نطلب ايد بنت الراجل وهو اللي يطلب

والد ايلين : طب مبدأيآ يابني عندك شقه ولا هتسكنها مع عيلتك ؟

إيبو : عندي شقه طبعا بس لسه هتتجهز يعني

والد ايبو : عنده شقه بإسمه زيه زي اخوه

والد ايلين : بتشتغل؟

ايبو : هو في الحقيقه لسه بس هبدأ شغل إن شاء الله

والد ايلين : الاهم من دا كله متعايرهاش كانت في مبنى اوسكار وتقولها مجنونه وبتاع

ايبو : ما انا كنت في المبنى عادي مالوش علاقه بجنون !

والد ايلين : والاجهزه الكهربائيه والفرش عليكم دا شيء مفروغ منه

والدة ايبو : لا والله؟ طب وحضراتكم هتجيبوا ايه؟ لما احنا الشقه والفرح والفستان والاجهزه الكهربائيه

زوجة والد ايلين : ايه يا حجه ما معروف احنا علينا حجات المطبخ والسفره

والدة ايبو : يا حبيبتي! وجايه على نفسك اوي كدا ليه

نظرت زوجة والد ايلين لزوجها ثم قالت : مش انتوا جايين تطلبوا ايديها ! المفروض تاخدوها بشنطة هدومها

اعتدلت والدة ايبو في الجلسه قائله : انا في مصر كلها بسمع بنشتري راجل وهناخدها بشنطة هدومها بس وقت الجد الكلام يتظبط ! احنا مش قليلين ولا مستنيين منكم فلوس بس احنا شاريين بنتكم هتقعدوا تبيعوا وتشتروا فينا وتتأمروا

ايبو : ثواني بس يا ماما

والدة ايبو : لا استنى بقى ! وانتي بقى ان شاء الله في حوازات بناتك هتقفي لعريسهم على الواحده ؟ دا لو اتجوزوا أصلا !

زوجة والد ايلين : تقصدي ايه ب لو اتجوزوا ؟

اعتدلت والدة ايبو في جلستها قائله : أصل بنتك لسه فتحالنا الباب والجواب باين من عنوانه يلا ربنا يستر بنات المسلمين

جائت احدى بناتها ف قالت والدتها : خدي علبة الجاتوه حطي للضيوف وافتحيلهم كانز من اللي جايبينه دا

همست والدة ايبو لابنها قائله : ما تفكر في الجوازه دي تاني يابني دا من كتر ما هما جلده هيقدمولنا الضيافه اللي احنا جايبينها معانا

ايبو بهمس : يا ماما ما انا قولتلك أهلها مش كويسين بس ايلين بنت ناس وعنيها مليانه والله وحلوه هتحبيها

مصمصت والدته شفتيها قائله : هنشوف

خرجت ايلين بخجل وكانت مرتديه ثوب رقيق ذا لون أبيض ونقوشات ورد

احتضنتها والدة ايبو وهي تقول : ماشاء الله لا فعلا قمر وتستاهل جمييله ، بس انتي رفيعه كدا ليه يابنتي هما بياكلوا اكلك هنا ؟

اغتاظت زوجة ابيها ف قامت قائله : هشوف البنات ظبطوا طبقا الضيافه ولا لا

والدة ايبو : الله معاكي يا حجه

جلست ايلين بجانب والدته ف قال ايبو : بص يا عمي هكون صريح معاك الاجهزه الكهربائيه هجيبها انا بنفسي من ورثي من جدي وممكن الفرش والدي يساعدني فيه لحد ما اشتغل بس باقي الحجات عليكم عشان منكونش مختلفين

* في مبنى أوسكار *

كان الطبيب يمسك بذراع رزان بحذر وهو يجعلها تسير ببطيء وهي تتألم

الطبيب : خطوه مهمه جدآ لتمرين العظام مينفعش تفضلي قاعده كتير حتى وانتي قاعده حاولي تحركيها ولو بخفيف

كادت أن تقع قبل أن يمسكها يد اخرى غير يد الطبيب ، نظرت لذلك الوجه في ظلام الحديقه ثم ابتسمت قائله بسعاده : كريييم

” لماذا أبحث عن الأمل وضوئه الخافت هنا في قلبي “