رواية أسرار أمي – الفصل العاشر
طلع صالح ومشاء لي امه وحصلها مقعمزه وحاطه رجل على رجل وقالت مش قتلك مرجوعك عندي ياولد بطني قاللها انتي طلعتي عكس الشكل الخارجي معقوله اتديري في شخص هكي
قاتله عشانك اندير اي شي وانحب انقولك اني دايره عقده لي مندر ومستعده انفكها بكره بس بشرط ترجع للحوش وانت راضي وفكرة الرحيل هدي تمسحها من دماغك
قال صالح اكيد لا ومندر توا احسن دكاتره بيعالجوه وانجيبله افضل شيوخ ردت زينب وهيا تضحك وقالت امشي ياصلوحه ودير لي يعجبك واني بكره بنحط العقده في مكان مش حايعرفه حد
واسبوع بالكثير ويكون مندر بين رحمة وايدين ربي صالح اهني سكت وشاف لي امه وقال تمام حاندير لي تبيه وحانرجع بس بالله عليك ديريله حل قالت زينب الحل عندي ماتخافش اطلع انت وامشي لي صاحبك ومن بكره يبدى فالتحسن
طلع صالح وهوا مكسور من امه شعور صعب جدا اتكون اتحارب في عيلتك جا تاني يوم والدكتور قاللهم الحمدلله بدت حالته فالتحسن وفتح عيونه مشاء صالح لي مندر وقاله سامحني
مندر قال اني وين وشن صارلي اساسا رد صالح وقال انت تحسن واني توا انحل الموضوع ونحكيلك كل شي اهني مندر عرف ان زينب وراء الموضوع وقال امك صح وصالح نزل راسه
مندر قال فداك الروح ياصالح انت لي عشته مش شوي ومعزتك راهي في قلبي واني معاك لاخر نفس وردبالك اتحس بشي لانك خويا واكثر من خويا ابتسم صالح وقال خساره فيا صحاب زيكم
من لما عرفتوني وحياتكم ماشيه خلف عادل قال هكي الصحبه ياصلوحه فكنه من دراما وجو الصبايا ضحكو ومندر كل يوم يتحسن اكثر من قبل وطلع من المستشفى بعد 3 ايام
صالح قال لي مندر وسناء اني راجع لي حوشي وحكالهم الموضوع ردت سناء وقالت ربي يحفظك يا صالح ويخلصك من ايدين كل ظالم والله معزتك من معزة مندر ياولدي
رجع صالح لي امه وقاللها صار لي تبيه يا امي يا نبع الحنان لي مفروض اتكون حضني الدافي واتكون صندوق احزاني بس للاسف طلعتي انتي سبب احزاني
بس زينب كانت لاقلب لا ضمير كانت اتشوف وتسمع وقالت هكي جزاء كل حد يعصيني رد صالح وقال باهي احكيلي على موضوع جمال لان لليوم قعد في بالي قالت تمام لكن مش اليوم قاللها امتى قالت كل شي في وقته حلو
صالح مشاء لي بوه لي كان مجرد شخص بالاسم وزينب هيا لي كاتمه عليه قاله يابوي اني تعبت رد يحيى وقال اني قبلك تعبت ياولدي وربي يفكك عن قريب
خش صالح لي داره وكان الحوش في عيونه مظلم وماهوش حوش كان يخاف من حوشهم وكان يقول هدا مش حوش هدا حبس وكاره كل جزء فيه
ناض صالح وفرش سجادته وقعد يصلي ورفع ايديه لله الدي لا اله الا هو وقال يارب ياعالم بي كل خفيه يارب يا عالم بي كل سر يارب ياعالم بي خفايا الكون طلبتك وانت ماتردش طالب ان تهدي امي واتردها لي طريقك
يارب نبي نعرف كل شي مخبى يارب اغفر لي امي واهديها وردها اليك يارب خليها تسيب طريقها لي ماشيه فيه وكان يبكي بي شده وساجد لعند انفتح الباب وطلع بوه وقاله انت تبي تعرف كل شي؟…..
.
الفصل التالي اضغط هنا
يتبع.. (رواية أسرار أمي) اضغط على اسم الرواية لتجد الفهرس كاملاً بجميع الفصول.