رواية أسرار أمي – الفصل الحادي عشر
ناض صالح من على سجادته وهو يقول ياريت يابويا تحكيلي لان مش قاعدلي شي ع الهبال جا يحيى لي عند صالح وقاله بس نبيك اللي تسمعه مايغيركش عليا ومانبيش منك اي ردة فعل مش حلوه
رد صالح وقال مستحيل اندير هكي وصالح اهني استغرب من كلام بوه طبعا كانت واقفه في خلف الباب وكانت تسمع حطت يدها على قفل الباب تبي تفتح واتخش
بعدين فكرت في نفسها وقالت خلاص يا زينب نعند امتى بتهربي خليه يعرف لان جا الوقت المناسب ولي يصير خليه يصير فالنهايه مش حايقدر يدير شي وحايرضى ومشت زينب لي حجرتها الخاصه الاحتياطيه
يحيى قال لي صالح ياصلوحه ياولدي اول شي نبيك تعرفه ان اني مش بوك الحقيقي لكن حبيتك واعتبرتك زي ولدي وماعمري قصرت معاك او حسستك بي شي
صالح اهني حط ايده على راسه وقال لا مستحيل كيف وامتى وعلاش لي صاير اني ولد من وزينب امي؟ رد يحيى وقال زينب امك بس زينب غدرت بيا ولما عرفت كل شي دارتلي عمل وخلتني ساكت وهددتني
صالح وهوا يسمع في كلام يحيى لي كان يحسابه بوه طول هالسنين وكان يشوف فيه سند حس بي جسمه قعد بارد وجاته زي الدوخه وقال اني مش قادر نستوعب
يحيى قال اني اكثر من مره انقولك انت تستاهل احسن من الحياة هدي بس هدا نصيبك لي ربي كاتبه لك فالدنيا وفالنهايه المكتوب مافيش منه هروب خلي عندك يقين وايمان بالله وارضى بي كل وتدكر ان الله ادا احب عبدا فابتلاه
صالح مش قادر يركز وبدون مايحس رقد على فراشه وناض اليوم التاني وشاف التليفون وقال معقوله رقدت كل هالوقت وقعد يتدكر كل شي صار وكأنه حلم
خش علي امه وحصلها قعدا على كرسي امقابله الروشن وعاطيته ظهرها وتسمع في خطوات صالح وهوا يمشي قالت زينب توا اخيرا عرفت بي كل شي مخبى صح
رد صالح وقال علاش يا امي درتي في روحك ودرتي فيا هكي وعلاش درتي في بوي يحيى الراجل الطيب هكي شن كان جابرك نبي تفسير بس
شن السبب لي خلاك تستغني عن دينك وعاداتك وسمعتك وربك يا امي انتي ماتخافيش ربي ماتحسبيش لي بعدين شن حاتقولي لي ربي لو توا خداك كيف حاتقابليه شن بتقولي
بتقولي اني بعت نفسي وديني واخرتي ودنيتي وسمعتي هل عندك وجه اتقابلي بيه ربي علاش هكي بس تكلمي ماتقعديش ساكته انتي مراء مسلمه يا امي
شن السبب لي يخلي مراء مسلمه تعرف دينها وربها اتدير هكي في نفسها وراجلها وولدها هل في سبب يخليك تخسري الجنه عشانه اني يا امي نبيك فالجنه اني كنت في كل صلاتي ندعي ربي يجمعني بيكم فالجنه
بس توا كيف حاندير كيف حانقدر ندعي لي ربي واني عارفك وعارف عمايلك انتي عارفه يا امي ان لي درتيه صعب ان ربي يغفره لكن مش مستحيل
كل الذنوب تغفر يا امي باب التوبه قاعد مفتوح لي كل شخص يبي يرد لي ربي اني يا امي نبيك معاي فالجنه توبي واني حانسامحك وزينب كانت تسمع
تنهدت زينب وقالت ياصالح الموضوع مش بالسهوله هدي انتم كلكم جيتو ضدي وحتى انت ياصالح لكن بدون ماتعرفو شن لي خلاني هكي وشن لي وصلني لي اهني
اني لي مريت بيه كان صعب سواءا من عيلتي او من يحيى او من بوك الحقيقي او من عيلة يحيى اني ماعشتش طفوله زي الناس ولا شبابي زي الناس
رد صالح وقال مهما كان السبب الجئي لي ربي ارفعي ايديك لي ربي انتي عندك شك في استجابة ربي ماتعرفيش ان دعوة المظلوم مافيش بينها وبين الله اي حجاب
ردت زينب وقالت حاولت ياصالح وانضغطت وهدا لي صار بس مش حاينفع الندم بعد توا لي صار صار رد صالح وقال باهي من هوا بوي الحقيقي
ردت زينب وقالت جمال هوا بوك الحقيقي قاللها صالح جمال لي حكالي حقيقتك وانتي كنتي السبب في مو . ته ردت وقالت اي تدكر صالح لما قاله جمال سامحني بعد تعرف الحقيقه كامله
قال يعني انتي كنتي السبب وراء كل شي اني مصدوم منك يا امي كيف انتي تقدري اتديري هكي اني مش قادر نستوعب شن ذنبي اني يا امي قوليلي بس
ردت زينب وقالت وهي اتعيط خلاص ياصالح وبرمت وحطت عينها في عينه وقالت اني كل شي درته عشانك انت وعشان انشوفك في احسن حال
انت ماتعرفش اني في شن مريت وشن لي شفته وتوا جاي انت تحاسبني اني ماوصلنش للقسوه هدي الا بعد شي هلبا مرين فيه اني ماكنتش هكي كنت احن واطيب وحده
بس ضروفي وايكون في علمك يحيى لي توا اتشوف فيه بوك الحنون ماكانش معاي طيب وهوا كان سبب ايضا خلاني نوصل للحاله هذي اني حتى هلي ماطبطبوش عليا
فلهاذا ماتجيش انت ياصالح في اخر الوقت واتعاتبني واتحاسبني اني لو كنت ساكته صدقني توا انت مش موجود اساسا والناس كانو مش حايرحموني
ياصالح اني صح غلطت واتجهت لي طريق ثاني بس حتى الناس كانو في طريق غلط نميمه وغيبه ونقل كلام ويتكلمو في عرضي ويقولو عليا في كلام يعني هدا حلال؟
يعني لي داروه هم حلال اني ماوصلني للحال هدا الا الناس وكلامهم وضغطهم ومنيش ندمانه على شي رد صالح وقال باهي احكيلي كل شي بالتفصيل قالت زينب مدام انت تبي تعرف حاظر حانحكي وانشوف اخرتها……
الفصل التالي اضغط هنا
يتبع.. (رواية أسرار أمي) اضغط على اسم الرواية لتجد الفهرس كاملاً بجميع الفصول.