رواية أسرار أمي – الفصل الثاني عشر
.
قعمز صالح وهو فيه فضول الدنيا كلها وقال لي امه احكيلي وخبريني شن اللي خلاك اتديري هكي شن السبب لي خلاك تقدري تستغني عن حاجات هلبا واتديري هكي
ردت زينب وقالت هدا يا صالح اني كنت بنيه صغيره زيي زي اي بنت كل شي كانت اتفڪر فيه قرايتها ومستقبلها وماتبيش الا الحنان والاهتمام من عيلتها والناس
لكن مش كل نبوه يصير اني كنت متوجعه من هلي واقاربي وجيراني وكل حد بحكم اني كنت سمحه ومجتهده وماسكه في ديني ومحترمه وماعنديش فالخرابيط قعدو يغارو مني
واهلي بدال مايكونو السند ليا حتى هما ماقصروش فيا كنت انروح من المدرسه وامي تتلقاني وتعالي يازينب وديري يازينب كنت صغيره وخاطري نلعب حالي حال البنات
لكن هلي كانو شادين عليا وكان في عقلهم ان اني مصيبه وحانجيبلهم العـ . ـار طبعا هداك الوقت جيت وني فرحانه بي شهادتي المتوسطه وجايبه المعدل لي نبيه واخيرا بنخش التخصص لي نبيه
بس راحت فرحتي لما بوي قال مافيش قرايه لا شي انتي كبرتي ومن اليوم مكانك الحوش وتخدمي الحوش لعند يجي نصيبك وتتزوجي واني وقتها عارضت بس ماقصروش فيا بوي وخوتي
وقالولي من انتي بيش تعترضي انتي بنت والبنت مكانها معروف اني وقتها كنت ضعيفه كانو يحسسو فيا ان البنت مش كويسه ووجودها ماليش داعي
لعند جا اليوم لي تقدملي فيه ولد عمي والخبر نزل عليا زي الصدمه ولد عمي ياصالح كان لا يخدم لاينفع وديما دايخ كان مقضيها شراب وهالاوسـ . ـاخ
اني وقتها رفضت وقلت مستحيل ناخده هدا ماهوش قد يفتح بيت اساسا جيت نزلت تحت رجلين بويا وقتله يابوي اني بنتك من لحمك ومستعده نقعد خدامه
اني وقتها ارضيت بي كل شي ونزلت من قيمتي وكرامتي بس عشان ماناخذاش بس سكتت على كف من بوي وقالي عندك جرءة ترفضي انتي ترفضي قراراتي وتكسري كلمتي
اني وقتها طفح الكيل وقفت وقلت مستحيل ناخده لو يكلفني الموضوع حياتي وزي العاده جو خوتي وبوي وامسكي يازينب وين يوجعك وقالو لي ولد عمي تعال والبنت موافقه
طبعا اني قلت مستحيل نرضى بالشي هدا وجابو ولد عمي وخطبوني له وقتله منبيش ورفضت بس ولد عمي قال توا تتعودي مع الايام ومافيش حد خداء بي رأي
جا يوم الزواج واليوم لي مفروض يرفعني فيه بس اول من جو عندي وقتها اني كنت مانيش قعدا طلعت ومارضيتش على روحي وقلت نهرب خير من نقعد
طبعا مشيت لي وحده من صاحباتي وقعدت امعاها وكانت امها بس لي تعرف وبوها ماكانش عنده علم لانها كانت حريصه اتخبيني لما بوها يكون قاعد
بعد اسبوع ونص بوها شافني وكان شاك فالموضوع وقالوله كل شي وقتها حط يده على راسه واتصل بي هلي وجو عندي ووقتها الناس كانت تتكلم وكلت وجوهم
رفعني بويا وجاوني للحوش وشن انقولك ياصالح دارو فيا كل مايجي في بالك ورقدت فالمستشفى اسبوع بحاله وبعد رجعت جاني بوي وقال في واحد بيجي يرفعك بدون لا عرس لا شي والشخص هدا يحيى لي هوا بوك الحالي
طبعا اني كنت رافضه بس وقتها ربطوني وقفلو عليا لعند جا اليوم لي بياخدني فيه يحيى ووقتها قلت لعل وعسى يكون فيه الخير ليا ويعوضني
لكن يحيى هدا لي انت تشوف فيه قدوه كان سبب من اسباب وصولي لهدي الحاله لان كمل عليا وكان قبلي متزوج 3 ومطلقهن ومافيش وحده جابتله اصغار
وكان مسكر عليا وموريني الويل وبعد نمشي لي هلي وانقوللهم منيش مرتاحه يكملو عليا ويردوني اني وقتها خلاص معاش عرفت شن اندير
وقعدت انفكر كيف اندير وجو في بالي اكثر من فكره لكن قلت نبعد في الشيـ . ـطان بس لعند جا اليوم وجتني فيه جارتي وكانت سبب في تغيير حياتي….
.
الفصل التالي اضغط هنا
يتبع.. (رواية أسرار أمي) اضغط على اسم الرواية لتجد الفهرس كاملاً بجميع الفصول.