رواية أسرار أمي – الفصل الثالث عشر
.
اتقول زينب لعند يوم جتني فيه جارتي وكانت سبب في تغيير حياتي دزتلي بنتها وقالت بتتعرف عليا واني رحبت بالفكره وفعلا جتني العشيات وتعرفنا وحبيتها
اني فالاول ماكنتش نحكيلها في خصوصياتي وحياتي وهيا كانت ماتسألش اصلا بس مع الوقت علاقتي بالجاره هذي تقوه اكثر واكثر
هيا كانت حاسه اني مش على بعضي وحياتي مش متريحه بدت هيا تستدرج فيا وتشكيلي من راجلها ومعاملته وبوها وخوتها جتني ع الوتر الحساس
اني خذيت معاها وهديتها بس مع الوقت اني لي كنت نشكي ونحكي ونبكي حتى البكاء وهيا كانت اتهدي فيا وتصبرني بس في يوم اقترحت عليا فكره
قاتلي يازينب نبي انقول شي بس متحشمه منك قتلها قولي قالت نعرف وحده كويسه فالاعمال هديك مرات تحتاجيها اني قتلها لالالالا اعوذ بالله من الشيطان الرجيم مستحيل
وسكتت جارتي وقالت براحتك بس اني في اول يوم بس قعدت انفكر فالموضوع وانصارع في عقلي وقلبي وضميري ومشيت لي جارتي وقتلها ارفعيني ليها
ابتسمت وقالت عارفه ان حاتجي تمام بكره بعد يطلع راجلك نمشو وانجو بيش مايديرلكش موضوع قلت تمام جا اليوم الموعود ومشينا والصدمه تطلع المراء ام جارتي
وقاتلي شن مشكلتك يابنتي حكيتلها كل شي قاتلي شن تبي الحل قتلها نبي (بوي: يمـ . ـرض ويتعب في عمره)
ونبي (امي: تنـ . ـقهر لى خوتي) ونبي(خوتي: مايقدموش قدام ويمشو لي طرق ثانيه)
وقتلها نبي راجلي يقعد كيف الخاتم في صبعي وشخصيته تتغير واعطيتها اسماء ناس هلبا قاتلي تمام ساهل وطلبت مني حاجات ليهم وهكي والموضوع خذاء اسبوع واني ندور بيش جبتلها اللي تبيه
قاتلي فتره بسيطه وشوفيهم وفعلا كلهم بدت فيهم لاعراض بدري بدري وكنت انشوف فيهم في يعانو وقلبي فرحان كنت انشوف كيف حقي قعد يتاخذ وني نبتسم
اني كلمت ام جارتي وقتلها نبي نتعلم وفرحت وقاتلي من عيوني وقالتلي على شروط ودرتها وشوي شوي قعدت نتفوق عليها لاني قعدت نكبر في الخدمه وانجند في جنود وكنت ملكه عليهم
صالح كان يسمع وقالي يا امي هانو عليك اهلك وعيلتك ردت زينب وقالت كنت لما نتضايق نمشيلهم انشوف كيف حياتهم قعدت صعبه ونفرح مزاجي يتعدل
صالح قال واني شن قصتي يا امي كيف صار وكيف جيت ردت زينب وقالت اني كنت انزيد في اعمالي لي يحيى ولي عيلتي ومشيتلهم وقتلهم اني لي درت فيكم هكي
بيش انزيد نقهرهم ويعرفو اني خذيت حقي بوي كان ايقول وصلت بيك لي هني وهوا تعبان قتله اي وصلت بيا ومزال صدقني حانزيدك ياشيباني ياظــ . ـالم
وبعدها ياصالح تعرفت على جمال لي كان اول انسان يحسسني بالامان والحب اول شخص حبني واني بسرعه ضعفت لان ماعمريش القيت اهتمام من حد
اني حبيته من كل قلبي رغم اني متزوجه بس لما عرف اني سحـ . ـاره تراجع مني وخاف وقعد ينقل في الكلام واهلي حتى هم كانو يقولو فالكلام واغلب الناس عرفتني
اني وقتها كنت نقدر اندير لي جمال اي شي بس مدرتش اني قتله ياجمال لو ماتبيش انديرلك شي وجهك منبيش انشوفه في المنطقه كامله وفعلا هرب
واني بعد فتره عرفت اني حامل بيك ماكنتش فرحانه ويحيى اول من عرف قال اني كنت متزوج اكثر، من مره ومافيش وحده حملت وشك فيا
بس تداركت الموضوع ودرتله لي في بالك وقعد مايقدر ايدير شي واني جبتك يا صالح واني لي سميتك صالح وكان عشمي واملي بالله انك اتكون شخص صالح لان مانبيش اي شي يضرك
وفعلا طلعت صالح الاعمال ومافيش حد كيفك واني هدي قصتي ياصالح اني درت شي واجد عشانك وكنت اي حد يزعلك ناخذ في حقك من لما كنت صغير
بس اليوم وفي اللحظه هذي انقولك ياصالح لو تبي تمشي او تقعد معايا رد صالح وقال وين نمشي ومن من نهرب اني حتى لو هربت حقيقتي قعدا اني ولدك
اني ماتوقعتش اللي عشتيه هكي بس صدقيني يا امي حانغيرك وانوريك ان الحياة حلوى سكتت زينب وقالت مانضنيش قاللها صالح حاتشوفي
وفعلا طلع صالح ومشاء لي مندر وعادل وحكالهم كل شي وماكانش يخبي عنهم وقالوله حانساعدوك يا صالح وفعلا قعو يحاولو انهم يصلحو من حال زينب واللي صار…….
الفصل التالي اضغط هنا
يتبع.. (رواية أسرار أمي) اضغط على اسم الرواية لتجد الفهرس كاملاً بجميع الفصول.