رواية آثار الحب – الفصل السادس والعشرون
الفصل ٢٦
اللهم صلى وسلم وبارك على سيدنا ونبينا محمد صلى الله عليه وسلم…..
محمد …… تقبلى تكونى ملكى النهارده
ذهلت شهد من هذا المنظر وهذا الحديث ايعقل أن تكون اليوم زوجته أن تكون هى من تحمل اسمه لا لا تصدق …
ابتسم محمد على منظرها …. وعلشان كده انا قررت اكتب الكتاب النهارده علشان مش هقبل انى امشى معاكى كده الا لما يكون فيه علاقه اقوى من الخطوبه ..
فقال المأذون …. يالا يا جماعه ورايا فرح لسه
فأمسك محمد يدها واجلسها على كرسى وجلس هو امام والدها …
كانوا الفتايات فرحين للغاية لفرحة صديقتهم فشئ جميل للغاية عندما تصبح اليوم زوجته وحبيبته التى تعب كثيرا لأجلها .
اما شهد فبعدما استوعبت للموقف ابتسمت على جنونه الذى تتخيلى فى يوم أن يصل إلى هذا الحد ..
فهى سعيده لأنها ستصبح زوجته وكفى بذلك .
ظل يرددون الكلمات المعتاده وكان ادم من الشهود
..
بارك الله لكما وبارك عليكما وجمع بينكما في خير..
هذا ما سمعناها ومن بعدها توالت الزغاريط والتهانى فأصبحت الان مدام محمد عز الدين .
احتضنوها أصدقائها بقوه وأخذوا يلقون التهانى عليها بود وحب شديد ..
سلم اسر على محمد وادم ايضا …. ثم بعد ذلك ذهب محمد امام شهد ونظر لها بقوه نظرات حب وعشق ثم احتضنها أمام الموجودين وحملها وهى تشبثت به رغم أنها خجله جدا ولكن كفى على الخجل اليوم دام الحضن طويلا فكان يريد ولو ظل طول حياته يحتضنها وردد فى اذنها ببطئ … بحبك يا احلى حاجه حصلتلى فى حياتى .
ابتسمت شهد على حديثه الرومانسى فكانت تريد ان تقول له أيضا بأنها تحبه ولكنها خجلت …ولكن حتما ستقول له .
اخذها من يدها ووقفوا فى منتصف ساحه الرقص وظل يرقص معاها وهو يضع يده فى خصرها وهى تضع يدها على كتفه بخجل شديد …
اما دانه وقفت تنظر لهم بسعاده شديد نعم حزنت عندما تذكرت زواجها من اسر الذى حدث بسرعه شديده لم تستطيع أن تتذكر حتى ما حدث ولكنها عادت إلى رشدها ثانيا فأسر يحبها رغم عصبيته التى تكرها والتى ظلت كثير تحاول تغيرها .. كل هذا واسر ينظر لها فهو يعلم كل ما تفكر به الآن ولكن سوف يفعل لها كل ما يجعلها تنسى ذكرى زواجهم السريعه .
ذهبت تجاها واحتضنها من كتفها اما هى استغربت فما الذى حدث فهم تشاجروا اليوم كثيرا نظرت له بغضب ولوم اما هو قابل هذا بنظرة سكوت لم تحمل فى طياتها اى شئ.
انتهى الفرح بما فيه من حب ومفاجأت …..
فى سيارة اسر تجلس دانه وقد بدى على وجهها معالم المرض …
نظر لها اسر بتمعن شديد وقال …. دانه انتى كويسه
نظرت له بوهن …. اه اه انا كويسه
سكت اسر فهو يعلم بمدى كذبها عليه ولكن سنرى مالذى يحدث بعد ذلك .
ذهبوا إلى المنزل ثم إلى جناحهم …. عندما رأت دانه السرير رمت نفسها عليه واغمضت عينيها
اسر ….. قومى غيرى طيب
دانه ومازالت مغمضه عينيها …. عايزه انام سبنى لو سمحت … ثم غيرت من مجرى حديثها .. اه ومتكلمنيش علشان أن زعلانه منك اصلا
ابتسم اسر على طفوليتها فهو يعلم بأنه احزنها اليوم .
ذهب تجاها وخلع الحذاء لها ثم فك حجباها وجاء أن يخلع عنها الفستان مسكت يده …. بتعمل ايه
اسر ….. هفك الفستان علشان تنامى
دانه …. لا انا مرتاحه كده
اسر بعند …… وانا مش مرتاح كده
دانه وقد فهمت خطأ ….. خلاص روح نام فى اوضه تانيه لو الفستان هيضايقك
ضحك اسر على جنانها …. انتى هبله ولا ايه قومى غيرى الفستان ده علشان مغيرهولكيش انا
دانه …….
اسر وهو يتجه ناحيتها …انا عارف انك بتعملى كل ده علشان اغيرهولك انا طب متقولى من الصبح
عندما رأته دانه يتجه ناحية الفستان قفزت من على السرير ولكنها احست بدوخه جعلتها تسقط مره ثانيه مغشى عليها …
التقطتها اسر قبل أن تسقط على الأرض واخذها فى حضنه وظل يطبطب على وجهها بفزع …دانه …دانه قومى .. دانه
وضعها على السرير بسرعه واتجه ناحية التسريحه وأخذ البرفن ووضعه على يده ثم وضعها على أنفها حتى فتحت عينيها بتعب ….
اسر …. حبيبتى حاسه بإيه قوليلى الله يخليكى …
دانه بتعب شديد …. انا …انا كويسه مفيش حاجه
اسر بغضب …. من الصبح بتقولى كويسه وانا ساكت وعارف انك تعبانه لازم اجيب دكتوره حالا
وأخذ الهاتف بسرعه من الكومود ثم اتصل بالدكتوره
ظل بجانبها يحسس على شعرها وهى مغمضه عينيها بتعب شديد فبطنها تؤلمها ايضا وهى تقبض على تشيرته بقوه نظر لها ولم يعرف ما الذى يفعله فهو من كثرة خوفه لم يدرى ما الذى يفعله
جاءت الدكتوره وفتحت لها نور فإستغربت … من الى طلب حضرتك
الدكتوره …. استاذ اسر
فزعت نور واخذتها فى الاعلى … فتح اسر الباب ودخلت الدكتوره لفحصها …اما نور … ايه الى بيحصل دانه فيها ايه
اسر …. اغمى عليها فجأه وشكل بطنها بتوجعها اوى انا مش عارف ده من ايه مش عارف
وضعت نور يده على كتف اخاها وقالت بمواساه … خير انشاء الله مفيهاش حاجه
دخل اسر الغرفه وظل ينظر على وجهها الذى اصفر بشده ايعقل أن تكون مرضت بسبب غضبه عليها … لا لم يستحمل ذلك .
انتهت الدكتوره من فحصها ووضعت المحاليل فى يدها لتسكين الم بطنها بعدما انتهت الدكتوره اتجه اسر ناحيتها وقال بلهفه …. عندها ايه
قالت الدكتوره بنبره عمليه …. المدام حامل
اسر …… . ..
نور بفرحه شديده ….. حامل دانه حامل احتضنت أخاها وظلت تردد دانه حامل هبقى خالتوا وانتى هتبقى بابا
كل هذا واسر صامد لم يتخيل فى يوم بأنه سيصبح اب وسيصبح لديه طفل من دانه … ابتسم بعد ذلك بفرحه شديد وقال …. بجد دانه حامل يعنى حامل بجد
الدكتوره …. ايوه يا استاذ اسر لكن انا عايزها بكره تعملى التحاليل ديه لان انا شايفه من جسمها انها ضعيفه جدا هى عندها كام سنه
اسر ….. ١٩
الدكتوره …… صغيره اوى انها تخلف فى سن زى ده المفروض كانت تاخد احتياطاتها
اسر بغضب من الدكتوره …. يعنى ايه يعنى ده خطر عليها لو خطر عليها انا مش عايزه اهم حاجه هى بس عايز اقول لحضرتك حاجه … فى ناس قدها واصغر منها بيخلفوا عادى ولا الموضه حالا معدتش تسمح .
الدكتوره بإحراج من حديثه … انا بقول لحضرتك علشان دراستها وجسمها صغير اوى عموما بكره لازم تعمل التحاليل ديه وتكشف سونار عند دكتور نسا وهو ده الى هيحدد.
كل هذا ودانه تستمع إلى الحديث المخيف بالنسبه لها فهى تريد هذا الطفل تريد أن يصبح لديها طفل من حبيبها اسر لا تسمح فسوف تحميه من أجل أن يعيش حتى ولو كان على حياتها ..
كانت نور بجانبها تقول لها لتهدئتها … سيبك من كلام الدكتوره ديه هما شوية فيتامينات وهتبقى زى الفل
دانه بخوف …. انا خايفه اوى يا نور انا عايزه البيبى
نور بحزن على حال صديقتها … متخفيش يا حبيبتى هيعيش وهيبقى احسن بيبى فى الدنيا
دخل اسر والحزن بادى على وجهه فهذه الدكتوره اللعينه لم تجعله يسعد بطفله …. ذهب ناحيتها اما نور فخرجت من الغرفه لتترك له المساحه التحدث معها …
جلس بجانبها ولم يدرى ماذا يقول لها لكن هى اخذت يده ووضعتها على بطنها وقالت له … البيبى هنا صح وهيكبر هنا وهعمل اى حاجه علشان يعيش حتى لو على حساب نفسى
وضع اسر يده على فمها وقال بحزن …. دانه متقوليش كده مش هسمح لاى حد ياخدك منى حتى لو الطفل ده انتى اهم
دانه وكانت على وشك البكاء …. متخفش يا حبيبى هعمل بكره التحاليل كلها وهاخد الادويه كلها … وكمان ههتم بصحتى جدا وو مش هروح الجامعه عادى يعنى سنه تعدى اهم حاجه حبيب ماما وبابا يجلنا بخير …
وضع اسر وجهه فى عنقها واغمض عينه بقوه فهو يمنع نفسه حتى الآن من البكاء بجانبه …
فكل حصونه تهدمت لم يصبح الان الأسر وانما يصبح الان حبيب دانه قلبها وعشقها قال لها بصوت حاول جعله عميق …. كل حاجه هتبقى حلوه كل حاجه هتبقى تمام عايزك متخافيش وتبقى قويه وابننا هيجى للدنيا ديه انشاء الله .
دانه وكأنها وضع البلسم على جروحها …. وانا واثقه فيك وفى ربنا
مرت هذه الليله بما فيها من سعاده وحزن ومفاجأت ..
ولكن هذه الحياه نعرفها لم تكون دائما على أتم وجه ولكنك سوف ترى العديد من الصعوبات التى يجب عليك أن تواجهها وان تصمد أمامها فالحياه بدون تغيير واختلاف لم تصبح حياه مساويه حياه معتدله ستصبح حياه خاضعه … فعلينا جميعا التحلى بالصمود وبالقوه وأحيانا اقول البرود حتى تستطيع مواجهة المشاكل التى تواجهك واعلم ايها الانسان انها خير 💌
جاء الصباح يحمل فى طياته العديد من الأحداث الحاسمه .
فتح اسر عينه فكان نائما ودانه مازالت فى حضنه على وضعية الامس ظل ينظر لها بحزن شديد ولكن يجب عليه أن يصبح قوى أمامها قلقت فى نومها ففتحت عينها رأته يبتسم لها ابتسامه جعلتها تنسى كل ما يحزنها فقالت ببحه …. صباح الخير حبيبى
اسر وهو مازال يرسم الابتسامه على وجهه … صباح النور يا وردتى .. حاسه بإيه النهارده
دانه …. الحمد لله احسن .. بس قلبى واجعنى اوى وخايفه .
عدل فى جلسته وهى مازالت فى أحضانها وقال … احنا اتفقنا على ايه على اننا نكون اقوى من كده افترضنا أن ربنا مأرادش الطفل يجى على الدنيا هنموت نفسنا لا طبعا لسه اودامنا كتير هنجيب احلى عيال وهتقولى بعد كده انا قولت بس مش عايزك تتوترى ولا تخافى طول منا عايش على وش الدنيا ديه .
ظلت دانه تهز رأسها بخضوع وكأنه أباها يلقى عليها التعليمات وهى تستجيب إليه .
اسر …. يالا بقا قومى خدش دش كده والبسى علشان نروح المستشفى .
دانه بتوتر عند سماعها المستشفى … حاضر
قبلها من جبهتها وقال لها …. مش عايزك تخافى
دانه …. حاضر
اتجهت إلى المرحاض اما هو عاد إلى وجهه الحزين ووضع وجهه فى يديه وظل يفرك بشده فى رأسه .
سيزول كل شئ طالما تحلينا بقوة الايمان ..
استيقظت شهد وهى تشعر اليوم بإنتعاش شديد وفرحه لما حدث بالأمس رأت هاتفها يرن فتحته فسمعت صوت من فاجئها بالأمس ….. احلى صباح ده ولا ايه
خجلت شهد وقالت …. صباح الخير
محمد …. صباح الشهد
شهد بخجل ….. خلاص انت بتكسفنى
محمد ….. معاش ولا كان الى يكسفك انتى مراتى يا حبيبتى .
شهد ….. اه منا عارفه
محمد …. المهم يالا البسى علشان هافطر واتغدى معاكى النهارده ولو لحقنا نتعشى مفيش مشكله
ضحكت شهد على طريقته ….نفطر ونتغدى ونتعشى ليه فطار كفايه اوى
محمد …. ربنا يسهل المهم يالا اتجهزى كده واختارى اوسع لبس عندك وميكاب لا
شهد ….. اممم .. ماشى سلام
محمد بحب …. هتوحشينى الحبه دول
شهد بخجل شديد …. يالهوى عليك باى باى
ضحك محمد على طريقتها واغلق معها ارتدى ملابسه بسعاده عارمه فاليوم غير اى يوم سيسير معها كما يريد فهى اصبحت زوجته ..
فى المستشفى يسير اسر وفى يده دانه توتر يسود على الجو ولكن اسر تمالك نفسه يجب أن يصبح قويا من أجلها من اجل حالتها النفسية . ..
دخلوا إلى غرفة التحاليل نظر لها نظرة اطمئنان وكأنه يقول لها … لاتخافى فأنا بجانبك حبيبتى .
قامت بالتحاليل المطلوبه ..
الدكتوره …. كمان ساعتين وهتطلع التحاليل فى الوقت ده بقا عايزاكى تروحى للدكتورة النسا وهى هتشخص حالتك وهتشوف اخبار الجنين
امأت دانه برأسها واسر ايضا اخذها واتجهوا ناحية غرفة الكشف عند دخولهم رحبت بهم الدكتوره ترحيب حار ..
الدكتوره …. اهلا وسهلا استاذ اسر
اسر …. اهلا ثم أردف بقوله … ديه دانه مراتى هى حامل وعايزين نعرف حالة الجنين ازاى و…وقام بقص لها كل ماحدث بالأمس
الدكتوره …. اممم خير انشاء الله وشاورت لدانه لتنام على سرير الكشف
ساعدها اسر على ذلك وظل ممسك بيدها يضغط عليها بحنو كى تهدأ
قامت الدكتوره بالكشف الكلى عليها وعلى الجنين
وعندما انتهت من ذلك ساعد اسر دانه فى تظبيط ملابسها ثم جلس مع الدكتوره … عامله ايه هى والجنين .
الدكتور …. مخبيش عليك حالة الجنين خطيره شويه الرحم ضعيف وده فى حد ذاته خطر ثانيا زى ما الدكتوره كانت قالتلك أن هى جسمها ضعيف وده عايز حد مناعته قويه بس مش مستحيل احنا هنمشى على العلاج ده والفيتامينات الى انا هكتبها ديه مع المتابعه والأهم من ده مش عايزها تعمل …حركه اوى اى حاجه تأثر على البيبى .
اسر وهو يحاول التماسك أمام دانه …. ايوه يعنى مع ده كل دانه هتكون كويسه
الدكتوره …. انشاء الله هتبقى كويسه .
خرج اسر ودانه من الفحص الطبى وأخذوا التحاليل وبالفعل لديها نقص مناعه شديد …
دانه والدموع متحجره فى عينيها … ااسر انا خايفه على ابننا … انا عايزاه
اسر بحزن ولكنه حاول عدم احزانها فهو لم يريد الطفل طالما يهدد بحياة حبيبته .
اسر وهو يحتضن اكتافها…. ده اختبار من ربنا لينا لازم نكون قد المسئولية وهنعمل الى الدكتوره قالتلك عليه وكل حاجه هتمشى زى ما ربنا أراد …ثم غير من نبرة حديثه وهو يمسح دموعها
…. وبعدين العياط ده وحش على الطفل قال بضحكه … انا عايز ابنى يطلع فرفوش كده مش حزين .
ابتسمت دانه على حديثها فهى تعلم تعلم بأنه حزين ولكنه يحاول على قدر الإمكان اسعادها فنعم ذاك التى تستحق أن تضحى بحياتها من أجله هو ..
ذهبوا إلى المنزل بعد أن اشترى اسر الأدوية الازمه لها ..
فى المطعم تجلس شهد مع محمد يتناولون الفطار فى جو يسوده الرومانسيه ..
شهد بضحك …. بقا انتى حاجز المحل كله علشان نفطر اومال لو هنتغدى هتحجز ايه
محمد بحب …. الاوتيل كله
شهد ….. امم بس الاكل تحفه
محمد بمناكشه فهو يريد دائما اخجالها …. انتى الى تحفه .
شهد بخجل …. يووه انت بتحب تكسفنى على طول كده .
محمد بتمثيل… انا انا طيب اوى ولله
شهد …. صح طيب اوى … صحيح انا هروح الشغل من بكره بقا .
محمد وقد ترك ما فى يده …. مفيش شغل يا شهد
جحظت شهد عينيها وقالت … نعم
محمد ببرود … ايه اتفاجأتى مفيش شغل كفايه اوى الجامعه وببقا اعد خايف لحد يضايقك أو يعملك حاجه تروحى الشغل كمان
شهد محاولة الهدوء… محمد بس انا فى الشغل معاك ليك حق ماشى تخاف عليا فى الجامعه لكن الشغل انت معايا ..
محمد بجمود…… لا
شهد بعناد …. يعنى ايه لا احنا متفقناش على كده
محمد ….. انتى مراتى واعمل الى انا عايزه
شهد بنبره يشوبها الغضب …. ليه شايفنى عبده عندك تعمل الى انت عايزه انا هشتغل مدخلتش هندسه وتعبت علشان اعد فى البيت استحاله اعمل كده .
محمد بحده …. صوتك ده ميعلاش عليا انتى فاهمه وشغل يا شهد مش هتشتغلى
شهد ….. يبقى تطلقنى بقا انا مش هسمح لحد يهد كيانى .
محمد بغضب …. فى خيالك هطلقك فى خيالك واياك ثم إياك اسمع الكلمه ديه تانى وثانيا بقا مش معنى انى خايف عليكى يبقا انا بعد كيانك
شهد …. مهما حاولت انك تقنعنى انا هشتغل
محمد بعند …. مفيش شغل ..
نظرت له شهد نظرات غضب قامت من على الطاوله واخذت شنطتها واتجهت خارج المطعم .. اتجه ناحيتها وتمسكها من يدها وقال بغضب …. استنى هنا انتى رايحه فين انا الى هوصلك
شهد بحزن …. مش عايزه حاجه منك سبنى فى حالى .
اخذها عنوه واركبها فى السياره واتجه ناحية المقود وسار فى طريقه
شهد بغضب …. نزلنى
محمد ……..
شهد ……. بقولك نزلنى .. نزلنى لو سمحت
محمد بغضب وصوت عالى فقد ضرب المقود بقوه وقال …… اسكتى بقا ….
التزمت شهد الصمت ومسكت دموعها حتى تصل اما هو ظل يتنفس بسرعه ويضغط على المقود حتى ابيضت مفاصله
وهى انكمشت مكانها واحتضنت شنتطتها وظلت منتظره الوصول .
عندما وصلوا نزلت شهد بسرعه ولم تلتفت ناحية واسرعت تجاه منزلها بقوه
اما محمد قام بالنظر إليها حتى دخلت العماره بعد ذلك غادر المكان .
فى فيلة اسر ..
علموا جميع من فى البيت بحمل دانه وبالمخاطر الذى قد تواجهها فى الحمل ..
وأصرت دانه ايضا على الاتصال بوالدتها لاخبارها بذلك …
فى غرفة اسر تجلس على السرير واسر بجانبها يطعمها ….
دانه بملل …. كفايه يا اسر شبعت
اسر …. هشش … علشان تاخدى الدوا
دانه … انا شبعت والله
دخلت عليهم والدته وهى تقول …. لا ازاى عايزاكى تتغذى كويس علشان منعتك تقوى كده علشان كده جبتلك التفاح ده فيه حديد
ابتسم اسر عندما نظرت له دانه بترجى فمن وقت مجيئها وكل ساعه تدخل والدته بطعام وهو يساعد والدته فى ذلك
اسر …. علشان حبيبتى تبقى قويه لازم تاكل التفاح ده
دانه بتزمر …. كل شوية تقولى كده .. وبعدين انت مش هتروح شغلك
اسر … لا هفضل معاكى النهارده
وضعت دانه يدها على بطنها وقالت … شوفت يا حبيبى بابا اعد معانا النهارده وتيتا كمان اهيه عايزين يأكولنى كتيير لغايه مهتخن وابقا زى الكوره
ابتسم اسر على حديثها فماذا يتمنى اكثر من ذلك .
ناديه …. يالا يا حبيبتى كلى وعايزاكى تلبسى هدوم تقيله كده وتغطى رجلك علطول
دانه بإبتسامه …. حاضر يا ماما
ظلت ترمى عليها العديد من التعليمات للاهتمام بنفسها وبطفلها حتى خرجت فقال بعدها اسر بغزل … بقولك ايه انتى وحشتينى
خجلت دانه منه …. اممم
ضحك اسر على طريقتها …. انتى لسه بتتكسفى اومال لو مش حامل بقا …
دانه …. يالهوى عليك دائما كاسفنى
قبلها اسر من وجنتها وقال … لو مش هكسفك هكسف مين بس
دانه وهى تتصنع التفكير … امم تكسف اى حد .. ثم غيرت نبرتها … اه ماعدا البنات اى بنت اياك تكلمها
اسر …. انا شايف تهديد
دانه وهى تهز رأسها دلاله على تأكيد كلامه … بالظبط كده .
اسر ظل ينظر لها نظرات خبيثه حتى انقض عليها يدغدغها وهى تصرخ بالضحك …
يريد إخراجها من حالتها بأى طريقه هذا هو الحب .
فى غرفة شهد تقطع نفسها من كثرة البكاء فماذا فعلت كى يفعل معها هكذا كل مره يصرخ عليها فهى فى حياتها لم يحدث معها كذلك
جاء لها اتصال ففتحت المكالمه ووضعت التليفون على اذنها ……….
المتصل ….. محمد عمل حادثه ………
…… …… . .. ….؟……….. .
…….. .. …… ..
اتمنى منكم انكم
تتفاعلوا
معايا شويه
وتقولولى
ارأتكم
فى الرواية …..
وايه
الجاى
انشاء يعتبر بدأت ادخل فى الحلقات الاخيره …
بقلمى / شهد خالد عبد الحليم
الفصل التالي: اضغط هنا
يتبع.. (رواية آثار الحب) اضغط على اسم الرواية لتجد الفهرس كاملاً بجميع الفصول.