رواية مذكرات زوجة – الفصل الخامس
دخلت للغرفه ابجي وجسمي كله يرجف
وجهالي يبجون وخايفين
اخذتهم امي ونومتهم واني تمددت وتغطيت جسمي كله يرجف
ابجي واناشغ مجاي اصدك الي صار وياي
معقوله ناطق يبيعني بهل سهوله
المشكله ادور على عذر مجاي الكه ابد
شو خادمته وخادمه اهله وصاينه عرضه ولا ارادده
ولا اعصي اوامره
ماكو على الساني غير كلمة حاضر وصار وتدلل
ليش يبيعني بهاي السهوله
والمصيبه الاكبر خالتي وعمي
ليش مساندينه ليش واكفين وياااا
ليش الطيب بهذا الوكت ماعنده حظ
جمانه السعيدي
ناطق من اول مادخلت وسن للدائره
وهيه عينه عليه وتحاول تلفت انتباهي
وتخلق مواضيع حتى تحجي وياي
كانت تغريني اي تغريني بمشيته وعطره وقربه مني
ولمن شافت هيله
بدت تحرضني عليه
كل شويه وكالت معقوله هاي زوجتك
رغم هيله احلى منه بهواي وازغر
شلون انت مدير عام وهاي زوجتك
مالايقه عليك ابد
المفروض تاخذ وحده من مستواك
كل هاي الأشياء عززت الغرور بنفسي وبديت اتعالى على زوجتي اكثر واكثر
لمن كمت مااشوفه بعيوني ابد
صار ست اشهر من ازوجت اني ووسن
طبعا هي الي طلبت مني ازوجه حتلو بلسر
وبقت تقدملي مغريات لمن وافقت ازوجه
امي وابوي يعرفون لان اني مااكدر ازوج بدون علمهم
بلبدايه ماقبلو
بس لمن عرفو هذا الزواج بلسر
وهيله مراح تعرف ابد
واني بقيت اللح عليهم هواي
لان وسن جننتني وطيرت عقلي كمت مااشوف غيره ابد
جمانه السعيدي
بعد اتلث اشهر من زواجنا طلعت حامل بس حمله موزين
على طول تعبانه وماله خلك لأي شي
وماتكدر حتى اداوم
اضطريت اخلص كل وقتي وياها لان طلباته ماتخلص ابد
الحد اليوم حيل اتخربطت واخذته للعياده
وبعدين رجعته للبيت وتخربطت عليه
رجعت اخذته للمستشفى
ومن المستشفى اخذته الاهله حتى امه أدير باله عليه
رجعت للببت متاخر
واني كل اعتقادي هيله نايمه
لمن دار الحديث بيني وبين امي
كانت هي واكفه وسمعت كلشي
بس اني احب هيله ومستحيل استغني عنه ابد
هيله بت عمي وعشرت عمر وأم جهالي
اكيد يومين اتلاثه وراح تهدء وترجع
اني اعرف هي تحبني ومستحيل تعوفني بس هاي لحظة
عصبيه
هيله امي نومت جهالي ورجعت عليه جسمي كله يرجف
ومااكدر اسيطر علي ابد
جابتلي امي غطه وغطتني بس بدون فايده
الرجفه ماتروح مني
امي ابو احمد هيله مااعرف شبيه جسمه كله يرجف
…شوفيه خاف مصخنه
…لا مو مصخنه ابد
…خل ناخذه للمستشفى احسن
بدلت امي وابوي طلع السياره لفتني امي بغطوه وصعدوني بلسياره
راح ويانه احمد ومحمود بقه يم الجهال
وصلنا وفحصني الطبيب الخفر
بس شافني كلني ارجف ومااكدر اسيطر على نفسي
الدكتور متعرضه الصدمه
امي اي دكتور
الدكتور قرب وفحصني كال هاي صايره عدها انهيار
انهيار عصبي
صاح على السستر جيبي قنينه براسيتول بسرعه
وخليله كانونه
اول شي ضربوني ابره وبعدين شكلولي كانونه
وخلولي بيه قنينة براسيتول
شويه شويه خفت الرجفه مني
كمت ابجي كلما اذكر مصيبتي ابجي
بابا مسح دموعي وكال لا تبجين موزين عليج حبيبتي
اهدء وإنشاء الله كل مشكله واله حل
جمانه السعيدي
هيله مااكدر اسكت ابد احبه اي احبه ومتعلقه بي
وابد مامتخيله راح يفضل وحده غيري بيوم من الايام
ليش باعني بهاي السهوله
ليش هنت علي مو هو يكول انتي حبيبتي
يعني ناطق بعد مايحبني ومايريدني
امي اسكتي ماما حبيبتي لاتبجين موزين عليج
ماجاي اكدر اسيطر على دموعي ابد
احس نفسي مخذوله اي ناطق خذلني
خلصت القنينه وضربتني السستر ابره مهدي وطلعنا للبيت
بس وصلت امي نومتني وغطتني
امي عباله اني نمت
شلون انام شلون عيني تغفه اني حاسه ناطق رخصني حيل
مجاي اكدر اسيطر على دموعي
بقيت بلفراش للصبح يله نمت شويه
واجو جهالي كعدوني باوعت للساعه للعشره الصبح
امير ماما اجا جدو ويكول اريد اشوف امك
هيله روح كله ماما نايمه تعبانه
ابو ناطق اني اجيت اشوف هيله
ابو احمد ولله البارحه حيل اتخربطت عدنا واخذناها للطوارء بليل
حالته ماتسر لا حبيب ولا عدو
ابو ناطق ولله اني عاذره اني ماكدرت امنع ناطق ابد
هو جبير وأمره بيده
هو اجانا مقرر يزوجه وخلانا كدام الأمر الواقع
اني احب هيله
وابد ماحاسبه جنتي
حاسبه حسبت بناتي واني جاي اعتذر منه
دخل امير عليهم جدووو ماما نايمه
ابو ناطق عوفه براحته
ابو احمد اني ساكت الخاطرك اريد اعرف بنتي شنو قصوره
جمانه السعيدي
ابو ناطق لا ولله حاشا ماعدها اي قصور ابد
كامله ومكمله
ابو احمد ليش ازوج عليه
ابو ناطق اني منعته ومامتنع ابد وحتى كتله ممنوع اجيبه بيتنا
مااريد هيله تنقهر ابد
ابو احمد اني من انطيته الكم وامنتك عليه
وكتلكم هاي امانه غير تحافظون عليه
عافت مدرسته ودخلت بيتكم وخدمتكم تالي هاي مجازاته
ابو ناطق اني اجيب ناطق يعتذر منه
ابو احمد شسوي باعتذاره بنتي البارحه جان ضربته جلطه
لو صاير بيه اي شي مستحيل اسامح ناطق
مثل ماابنك عزيز عندك بنتي هم عزيزه عندي
ابو ناطق خليه ترتاح كم يوم ومايصير خاطره اله طيب
هي تامر واحنا نفذ
هيله بابا حجالي كلشي صار ويه عمي
بقيت ساكته محد حاس بوجعي ابد
بقيت يومين نايمه بلفراش
احس نفسي تعبانه ومااكدر اكوم ابد
ولا عندي واهس الاي شي حسيت نفسي انتهيت
منى سمعت واجتني حتى تخفف عني شويه
حتى منى مالي واهس احجي وياها ابد
يوم الجمعه اجا ناطق وراي الاهلي يعني بعد يومين من
طلعتي من ببتهم
جاي كاشخ ومبدل وجايب حلويات للجهال ويااا
جايبلي محبس ذهب حتى يصالحني وارجع ويااا
واقبل بلامر الواقع
الجهال طلعو علي واني ماقبلت اطلع اسلم علي
قفلت الغرفه ورفضت استقبله
باي عين جايني هيج اني رخيصه
جاي يصالحني ويرجعني
اجا احمد وكال ناطق يريد يحجي وياج
جمانه السعيدي
هيله اي كلام ماعندي ويااا ابد
ومااريد منه أي شي خل يطلكني اني بعد ماارجعله ابد
راح احمد
.
شويه ورجعت الباب اندكت
ناطق هيله حبيبتي افتحي الباب خل نتفاهم اني وياج
انتي زوجتي وحبيبتي ومستحيل استغني عنج ابد
هيله طلكني
ناطق لا مااطلكج شلون اطلكج حبيبتي
هيله ماعندي اي كلام وياك طلكني
ناطق لا مااطلكج ابد راح اعوفج ترتاحين وارجعلج غير وكت
الفصل التالي اضغط هنا
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.