رواية مذكرات زوجة – الفصل السادس
هيله انقهرت اكثر من تصرف ناطق هذا
جايني وبكل بساطه يريد يرجعني ومايتعب نفسه
يخسر بس اعتذار ومحبس ذهب
يعني اني بعينه هلكد رخيصه
توقعت يحرك الدنيا حتى ارجع وياااا
توقعت يبقى واكف ويتوسل
توقعت يكلي أي وحده بهاي الدنيا ماتمله عيني غيرج
اني ندمان ارجعلي
اعتبريه نزوه لو غلطه وبعد ماتتكرر
من كد القهر والتفكير الزايد صخنت وحلكي طكك
ماكدرت انام
جمانه السعيدي
التفكير ذبحني اني شنو غلطي كنت امشي مثل الساعه
انسانه مثاليه بمعنى الكلمه
ياترى الغلط مني
المفروض كان لازم تكون شخصيتي قويه
ويكون اليه رائي من البدايه
كان المفروض اتمسك بدراستي واذا هو يحبني فعلا ينتضرني
اني ليش هيج رخصت نفسي وياااا
خفت يعوفني
واذا عافني قابل هو آخر واحد بلدنياااا
اني غبيه بقيت مدنكه كدامه لمن داسني برجلي
جمانه السعيدي
التفكير ذبحني اكو تناقض بروحي اريده ومااريده
اريده لان ابو جهالي وحبي الاول
ومااريده لان رخصني وباعني
تمرضت ليل نهار نايمه واكلي كلش قليل
امي محتاره بجهالي
بعد يومين لاخ اجت خالتي تعتذر وتصلح الموقف
جايبه ملابس للجهال وحلويات
اني رفضت اقابله وامي تعاركت وياها عركه شكبرها
الصياح وصل السابع جار
امي عود هاي انتي اختي وامنتج عليه ليش هيج
شبيه هيله مو حلوووه مايصير عدها اطفال
عنيده مو نضيفه ماخادمتكم
خانت العشره اخلاقه مو تمام ولله الناس كله تتمناها
ليش هيج البنيه مريضه صار اسبوع ولاليله ليل ولا نهاره نهار
ماكو مخافة الله حسيتوها رخصيه وكمتو تلعبون بيه
خالتي واني شعليه اني رحت خطبتله هو اجاني وخلاني كدام الأمر الواقع كبل كال راح ازوج
هو طفل وامنعه قابل
امي الله لايرضا عليكم البنيه جان انجلطت
لو هي وحده من ذني الملعبات جان خليتوله قيمه
بس احنا البشر هيج
الزين اندوسه ومانهتم ابد
جمانه السعيدي
طلعت خالتي زعلانه من البيت
بعده بيوم رجع اجا ناطق وبابا تعارك وياااا
لان اني فعلا مريضه من الصدمه ومااكدر اكوم
ولا اكدر ارجع أمارس حياتي الطبيعيه
بقت محاولات ناطق وبيت عمي حتى ارجع واني مااقبل
الحد مافات شهر واني عد اهلي
صرت شويه احسن بس كلش كئيبه ومااحجي هواي
اجا بابا وكال اريد احجي وياج بموضوع مهم
بابا شوفي اني اعرف زوجج غلط بحقج
بس هذا الشي مو حرام ابد
الشرع حلل اربعه
وحنا ماعدنا مره تطلك ابد اريدج ترجعين البيتج
وتشرطين علي اي شرط تردي
اي طلب اطلبي واني اوكف وياج بس طلاك لا
جهالج بعدهم ازغار والدنيا تخوف
وانتي ماعندج شهاده وتشتغلين وتعتمدين على نفسج
وبعدج زغيره وحلوووه
هيله مااريده بعد
بابا خلاص ارجعي وخلي يصرف عليج وعلى جهاله
وهو الممنون
انتي بعدج زغيره اذا بقيتي بدون زواج الكل يطمع بيج
واذا ازوجتي احتمال ناطق ياخذ جهاله منج
وحتلو بقو عندج زوج الام مايحب اطفال زوجته مثل ابوهم
جمانه السعيدي
واني اعرف بنتي قويه مستحيل تهجمين ببتج بايدج
هيله مو اني الي هجمت هو الي هجم بيته وضيعني اني واطفاله
بابا خلاص مثل ماهي اخذت زوجج انتي رجعي
هي بيش احسن منج
هي مره وانتي مره لا تعوفين زوجج اله بسهوله
وتخلينه تأخذه منج ومن جهاله
هيله مااريده خليه تشبع بي
بابا لا لاتكولين هيج لاتعوفين كلشي بسهوله وتنهزمين
جهالج محد يحبهم ويخاف عليهم غير ابوهم
انتي ذكيه شوفي شنو النقص وعوضي
شنو القصور الي صار بهاي العلاقه وحاولي تعالجي
ترا اني رجال واعرف سوالف الزلم كله
الرجال يحن كلبه بكلمه حلوه
الرجال يحب المره الشخصيته قويه
المره الخاضعه وتقبل باي شي مراح تكدر تشغله وتبهره بتصرفاته
مو قصدي تصيرين وكيحه وترجعين الكلمه بعشره
اكعدي ويه نفسج وشوفي شنو النقص الي خلا يباوع الغيرج
هيله اني مابيه اي نقص
بابا لا بيج نقص ونقص هواي هم
تحولتي الي خدامه وكل همج البيت والشغل
لمن كبرت المسافه بينج وبينه وهاي الحيه استغلت
الموقف وكدرت تلعب على هذا الوتر
وكدرت تشغل هاي المساحه الفارغه بينكم
هيله يعني اني سويت موزبن لان مرتبه حياته وانفذ اوامره
بابا اي تحولتي من زوجه تشغل فكره وتشاركه كل ارائه
وافكاره وتفرض شخصيته علي
إلى وحده تنفذ وهي عميه بدون ماتناقش
جمانه السعيدي
ارجعي وحاربي من جديد ورجعي زوجج
لاتعوفينه اله رجعي وانتصري عليه
اكيد هي الي راح تخسر بلاخير لان الحرامي عمره مابتهنه بوكته
وهي حراميه دخلت حياتكم بلحيله منا لمن اخذت ناطق
هيله مااكدر
بابا لا تكدرين انتي قويه تكدرين كلشي تسوووين
قابل هي عدها عقلين وانتي واحد
حاله من حالج لا انتي احسن منه وراح تكدرين تغلبينه
وترجعين زوجج البيتج والجهالج
راح ادز على ناطق واي شي تردي كولي اشرطي علي بكيفج
اليوم عمج يمي ويكول مانطلك هيله ابد
يعني راح تبقين معلكه
لو اطلبين الطلاك بلمحكمه وتبقين معلكه سنه سنتين يله تحصلين الطلاك
وتخلين الحبايب يتشمتن بيج
ارجعي وخل الناس كله تعرف انتي قويه
غيري كلشي بحياتج غيري لبسج وشعرج وتصرفاتج
حبي نفسج
تعرفين تحبين نفسج
حبي نفسج حتى الناس تحبج
انتي حبيتي كل الناس الي عايشه وياهم
بس نسبتي تحبين نفسج
نفسج اهم من كل الناس
ارجعي حبيبتي ورجعي زوجج وبيتج
واني راح اوكف وياج واساندج
جمانه السعيدي
بليل بابا دز على ناطق وكاله تعال نريد نتفاهم
اجا ناطق هو وعمي جاي و كله امل ارجعله زوجه مثل قبل
بس مايدري اني هذا الدرس وعاني وخلاني اعرف صديقي من عدوي
خلاني اعرف حقيقة الناس الي عايشه وياهم
بابا يله حبيبتي زوجج اجا تعاي اكعدي وياااا
كمت باوعت للمرايه ملامحي تعبانه وشكلي ذبلان
مبينه ملامح الخسران والهزيمه على وجهي
بس قررت اطلع وواجه واحجي كلشي بكلبي يريد يقبل يريد يرفض بعد مااخاف افقده ابد
لبست فستان وردي وخليت مكياج حتى اخفي ملامح التعب والزعل من وجهي
سويت شعري طوبه ونزلت كذله
الصراحه جاي ااخر بنفسي حتى استجمع كل قوتي
كانت هاي المواجه الأصعب بلنسبه اليه
دخلت وسلمت بس على عمي
حسيت ناطق ضاج
ناطق شلونج هيله
باوعت علي بستزغار ومارديت علي
عمي شلون صرتي بويه
هيله الحمد لله
جمانه السعيدي
بابا يله حبيبتي احجي اي شي تردي كولي
هيله اريد اسكن وحدي وبعد ماليه شغل بيت عمي ابد
ناطق ميخالف اني اشتريت قطعة ارض وراح اسحب عليه
وابنيه
هيله القطعه تسجل باسم امير ومرام حتى محد يشاركهم بيه باجر
ناطق صار اني عيوني الجهالي
بس هسه ترجعين ويانه منا لمن يكمل البيت لان المدارس قربت والمدرسه منا بعيده
هيله تفصلي الفوك واريد درج خارجي ماله علاقه بيت عمي
ناطق صار
هيله تستعجل بناء بيتنا خوما ابقه معلكه طول عمري
ناطق اي القرض هذا الأسبوع يكمل وإنشاء الله وابلش بلبيت
هيله الجهال ثنيبنهم مدرسه اهليه ماليه خلك ادرسهم
وانت متمكن وراتبك خير من الله
ناطق بسيطه بعد اكو طلبات ثانيه
هيله مصرف شهري اليه وللجهال مليون هم يله يكفي كل احتياجاتنا ترا مليون مو هواي اذا ارفع عليك قضيه بلمحكمه اخذ مليون لان النفقه على حجم الراتب
وانت راتبك خير من الله
ناطق هواي مليون وقصد المدارس
هيله بكيفك اني هذا المستوى الي اكدر اعيش بي
عمي ميخالف تستاهل هيله
ناطق هواي عليه ٨٠٠ واذا تحتاجون شي بس تتصلون
تلكونه كدامكم
هيله اهم شرط ماتقرب عليه ابد ولا تطلب مني اي شي
ومااريد اشوف وجهك ابد
اني راح ارجع علمود الجهال مااريدهم يكولون حرمتنا من ابونا
هااا وبعد شرط اني راح اعيش مره مستقله
اخذ حريتي اطلع اخذ الجهال للمدرسه
واحد يتمرض وانت ملتهي يم ست الحزن
نحتاج شي من السوك اريد اجي الاهلي
خوما كل شويه الو اطلع لولا
هاي شروطي تربد تقبل اهلا وسهلا ماتريد الله وياك
بينا المحاكم
بشرفي اطلك وازوج واحد ثاني بس تخلص العده
اني هم اكدر ازوج موبس انت فهمت
الفصل التالي اضغط هنا
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.