رواية مذكرات زوجة – الفصل الرابع
اكثرمن ست اشهر على دخول المهندسه وسن حياتنه
وناطق صار غير واحد
ابد مامركز ويانه ولا يدري بينا اربعه وعشرين ساعه مشغول
لو يخابر لو طالع من البيت
طبعا الانسان الآلي الي خاله بلبيت يمشي صح ولا غلطه ابد
ماامن على بيته وزوجته واطفاله
بعد ليش مايلعب بكيفه
فد يوم صعدت انام فوك وهو جان طالع بليل
شويه ومالكبت ماي
نزلت اجيب مي للجهال
سمعته يسولف ويه خالتي بس سمعوني نزلت بطلو كلام ثنيبنهم
اني حسيت اكو شي بس مامتصورته مسوي هاي المصيبه
هيله هااا حبيبي اجيت
…اي اصعدي هسه اجي وراج
صعدت سبحت وبدلت وخليت عطر وبقيت انتضره
بعدين صعد بدل ونام بدون مايحجي اي كلمه وياي
اني كلت ايجوز تعبان حقه هذا دوامه حيل متعب
حتى من يرجع للبيت
تليفونه مايسكت ابد وكل شويه جاييه واحد للبيت
عنده شغله ويااا
جمانه السعيدي
لو باقي على دوامه السابق هواي احسن
على الاقل جنه نشوفه ومحجي وياااا
هسه احنا شمفتهمين منه
تقريبا كمت مااشوف ناطق اله بليل من نام يله يرجع للبيت
ويجي تعبان راسا يبدل وينام
كلها واني عاذرته اكول خطيه مشغول
خل اسكت هو جان يحلم بهذا المنصب
اني لازم اساعده وواكف وياااا مو ازود المسوليه علي
بيوم امير تمرض صدره تعبان ومحتاج يروح للمستشفى
اتصل علي ومايرد
شكد اتصلت ومايرد عليه
حتى خالتي اتصلت ومايرد عليه
اخذنا للمستشفى اني وحماي حيدر
خلوله اوكسجين وضربو ابرتين شويه صار احسن
بعدين طلعنا
من وصلنا للبيت رجعت خالتي تتصل بي
اكو علاج لازم نجيبه من برا
ردنا ننطي اسمه حتى يجيبه وياااا
رد على خالتي وكاله اني كلش مشغول من ارجع اجيبه وياي
جمانه السعيدي
بليل رجع متاخر
صعد شاف امير وكال شلون صار
هيله الحمد لله ليش ماترد علينا
ناطق طلعنا استطلاع خارج الدائره اكو محطات عاطله
وتليفوني مابي شحن هسه شلون صار
…حيدر راح جابله العلاج وهسه احسن الحمد لله
…الحمد لله
من اجيت اعلك ملابسه شفت بودره على الستره مالته
بودرة وجه وبيه عطر
التفتت على وكتله هاي شنوووو بسترتك
ناطق هذا مااعرف بس اني اليوم كل شويه انزعه واخليه بمكان يجوز ادمرت
هيله بس هاي بودرة وجه نسائيه
…شمعرفني احنا دائرتنا بيه هواي نسوان
ايجوز من نزعته وحده منهن شالته وطخت بوجه ودمرت
يله بسرعه جيبي ملابسي
كلش تعبان واريد انام
هيله اني ماصدكت عذره بس مشيته لان اني هم تعبانه
اركض طول النهار
بعد سنه من معرفة ناطق للمهندسه والي بسببه بدا يتغيب عن البيت واني نايمه وماادري بلدنيا وين
جمانه السعيدي
بدا يغيب برا البيت يعني يبات برا ليله وليلتين ويكول شغل
بيوم اتاخر برا حيل وبقيت منتضرته سمعته اجا جوا
وخالتي فتحته الباب
نزلت اني من الدرج اريد اسمعه شيحجي ويه خالتي
خالتي هله يمه بقيت بقلق ليش اتاخرت
ناطق يمه وسن الحمل حيل متعبه ونايمه بلفراش
…ما دزيته يم اهله ترتاح
…اي اليوم دزيته يم اهله لان اني مااكدر اكعد اعتني بيه
خالتي اني باجر اروح اشوفه
…ولله تعبتني اني كتله مااريد اطفال وهي صممت اريد طفل اني مو زغيره
هيله حسيت اني مو اني حسيت مثل الي جاي اتفرج على فلم
شنو وسن حامل شنو ناطق مايريد جهال
هذا ناطق زوجي لو غيره
طلعت عليهم انتم شكاعد تكولون
وسن منو وليش حامل وناطق شنو دخله
انت تضحك عليه وكل هذا الوقت تستغفلني
انت مزوج موووو ناطق احجي ازوجت عليه
ناطق اوكفي افهمج
هيله شتفهمني ليش تزوجت عليه
اني بيش مقصره وياك دور الخدامه بيت اهلك ماعاجبك
تريد موضفه مووو
اي حقك انت مدير لازم تاخذ وحده موضفه مثلك
بس هذا ماكان رائيك قبل من اجيت تخطبني كلت مااريد موضفه
هسه شنو الي صار المدير مايصير تكون زوجته خريجة اعداديه
ناطق اس ولا كلمه اصعدي خل نتفاهم بغرفتنا
هيله شلت الكلاص وكسرته والدولكه وشمرته بلحايط
وبديت اشيل غراض واكسر
ناطق ركضت عليه وحصنته وهي جسمه كله يرجف
اهدي اهدي حبيبتي اهدي واني افهمج
هيله عوفني عوفني حقير
طلع عمي وحيدر على صوت الصياح
كلكم تدرون مووو وهيله الغبيه خله على عمه عيونه
خوش خدامه
هي مايلكوله غير دور ااخدامه
بس ابنكم يريده وحده مهندسه من مستوا
ناطق اسكتي اكلج الدنيا ليل وصوتج عالي
هيله وانتي خالتي وعمي ليش هيج بشنو قصرت وياكم
نسيت نفسي وبس اربد اراضيكم
اركض طول النهار حتى تكونو راضين عني
ابدال ماتشجعونه يزوج
كللوله طلعه ونسه خلي تروح للصالون اشتريله ذهب
اخذه سفره
بس عليمن الخدامه مامحتاجه كل هذني
هواي عليه ماخذه ابنا المدير
مو جاي تاكل وتشرب
كافي عليه اصلا خل تحمد ربه وتشكره احنا مخلينه ببتنا
عمي يابويه موزين عليج هاي العصببه
هيله لا زينه عليه خل افرغ الي بكلبي
كلكم تامرتو عليه موووو
بس مااكول غير حسبي الله ونعم الوكيل عليكم
الله لا يوفقكم
ماوكفة عشرتي وخدمتك بعيونكم
جمانه السعيدي
هيله باوع ناطق هذا اخر شي بيني وبينك فهمت لو لا
طلكني واشبع بلمهندسه صاحبتك
طلكني فهمت اني بعد مااصير الك مره ابد
صعدت الغرفتي اباوع للساعه بلثنتبن بليل
دموعي نزلن مثل اامطر
جمعت ملابسي وملابس جهالي وكعدتهم من النوم
الجهال كعدو مرعوببن
نزلتهم بتراكاتهم واني لبست رداء ونزلت جنطتي
بس شافني ناطق
ناطق ووين ماخذه الجهال ووين رايحه
هيله بيت اهلي اولى بيه بعد ماابقه يمك دقيقه وحده
…الصبح واني اخذج الجهال شوفيهم نعسانيبن
هيله هسه يعني هسه ولله اعيط والم عليكم الناس كله
ماتخاف من الله
ولك ماوكفت العشره بعينك
ضيعت مستقبلي وحرمتني من دراستي
وجبتني هنا حولتني خدامه
وتالي رايح تزوج وحده غيري
كلي شنو تقصيري وياك بيش قصرت اني
خاله احجي عمي وينك بيش قصرت وياكم
ابدال ماتشجعونه على الزواج
كلوله لا زوجتك مابيه قصور متحملتنا اذا تزوج وحده غيره انت لا ابنا ولا نعرفك
خاله ليش هيج اذا زواج ناطق حرك كلبي مره
انتي وعمي حركتوكلبي الف مره
هسه اروح الاهلي وما ابقه ولا دقيقه هنا
كمت اضرب على الكاونتر بكل قوه حسيت نفسي قويه وضعيفه بنفس الوقت
يله اذا ماتاخذوني الاهلي هسه اطلع اني وجهالي وحدنا للشارع
ناطق هاك حيدر هذا مفتاح السياره أخذهم البيت جدهم
هيله طلعت والتفتت على وكتله طلكني ناطق سمعتني
طلكني احسن الك واليه
جمانه السعيدي
مجرد ماطلعت من بيتهم كامن دموعي ينزلن مثل المطر
وما اكدر اسيطر على نفسي
معقوله ناطق بدلني بوحده ثانيه
الهلدرجه اني مالي قيمه عنده
اني غبيه ضيعت عمري بخدمتهم طول النهار اركض وادور
رضاهم لمن نسيت نفسي
وصلت لبيت اهلي وكسرت الباب تكسر
حيدر بس وصلني رجع
طلع محمود فتحلي الباب
دخلت وكمت ابجي بحركه
طلعت امي وابوي واحمد واني كمت املخ لنفسي واعيط بصوت عالي
امي هااا ولج شصاير شكوووو منو مات
هيله اني اني متت ناطق ذبحني بسجينه عميه
جهالي بس شافوني ابجي كامو يبجون ثنيبنهم
بابا شكووو غير نفهم شصار
هيله ناطق ازوج ناطق ازوج واختج واخوك يدرون
وشجعو على هذا الزواج
صار تسع سنوات خادمتهم
وتاليه يزوجون رجلي
الله واكبر اريد واحد يكلي شنو قصوري بيش قصرت وياهم
ليش اني ماعندي حظ
من اجه يخطبني كعد يتفلسف مااريد موضفه
واني مايعجبني الموضفه
اريد ربت بيت
وهسه ازوج موضفه وياااا لا الضاهر من زمان مزوجين
الهانم حامل واني ياغاافلين الكم الله
بابا اهدي حبيبتي كل مشكله واله حل
ادخلي جوه نامي وارتاحي واني باجر ادز على ناطق وافهم منه السالفه كله
الفصل التالي اضغط هنا
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.