رواية مذكرات زوجة – الفصل الثامن
هيله اباوع ناطق واكف بلباب ويباوعلي من فوك ليجوه
مثل الي مصدوم
سهى لج هيله شطالعه عبالك عارضة ازياء
هيله شكرا بس من ذوقج
ناطق شلونج هيله
…الحمد لله رحت كعدت وسحبت فستاني لان صعد اكثر
الصراحه حسيت بلخجل لان الكل يباوع عليه ومتفاجى من شكلي كلش
وسن من شافت ناطق واكف ويباوع عليه وعينه مانزلت من عندي
وسن ناطق تعال كومني مااكدر اختنكت
تقدم عليه ولزم ايده وكامت
وسن الزمني لا تعوفني مااكدر امشي وحدي
لزم ايده وطلعو من الغرفه
سهى الله عليج مكيجيني مثل مكياجج يخبل
انت مكيجتي نفسج لو صالون
هيله اني تعاي اخليلج مكياج بس كون مكياجج اصلي
مو تقليد حتى يبقى ثابت ومايخرب بسرعه
جمانه السعيدي
شويه ورجع ناطق
ناطق هيله اريد احجي وياج
هيله مو فارغه اريد امكيج سهى
ناطق تقدمت عليه وسحبته من ايده وطلعنا
سهى فدوه خليه تمكيجني
ناطق طلعنا برا
هيله نزلت حواجبي شكووو ليش ساحبني من ايدي
ناطق راح ترحين بهذا البس
هيله وشبي لبسي بعدين هي حفلة بنات شتريدني البس
جادر صلا
ناطق غيري اصعدي غيري ملابسج
هيله مااغير اي شي عاجبك اهلا وسهلا ماعاجبك
ابطل مااروح للحفله
ناطق لا ترحين احسن
هيله عمي عزمني مو انت واذا عمي يكول لاترحين مااروح
عفته ورجعت للغرفه كملت مكياج سهى
شويه واجت خالتي
اول مادخلت عباله ام الصالون لا اني جان ضهري للباب
وجاي امكيج سهى
خالتي يااا جبتن ام الصالون هنا
هيله التفتت هلو خاله
خالتي هله هاي هاي مو جنه هيله عرفته من شامته
هيله اي خاله هيله
خالتي يااا هاي شطالعه ولج اليوم حتى العروس اضيع يمج
هيله شكرا خاله
اجت السيارت ولكل صعد واني بقيت واكفه
عمي كال ليش ماتصعدين
هيله منتضره منى وزوجه اروح وياهم
ناطق مصعد عمي بلصدر وزوجته وخالتي ورا
نزل من السياره وكال تعاي اصعدي
هيله انت مالك شغل بيه ابد روح وسن تصيح عليك
وطلعت الرداء البسته
ناطق ترحين ويه زوج منى الرجال الغريب
واني زوجج ماترحين وياي
هيله اعرف احافظ على نفسي مراح ياكلني ابد
راسا خالتي صاحت يله اتاخرنا عافني وراح صعد بلسياره
ومشا
بس طلعت سيارة ناطق اجا زوج منى صعدت ويااا
ومشينا
وصلت لكيت ناطق واكف برا ومركز عليه
واني عبالك مااشوفه ابد
دخلنا اني ومنى والحفله جانت تخبل الكل يهلهل ويركص
اني كعدت وسكتت
جمانه السعيدي
شويه واجت بنيه زغيره وكالت انتي هيله
…اي
…عمج يريدج بلباب
لبست الرداء وطلعت كالت مو من هذا الباب
من الباب الثانيه
وصلت وفتحت الباب جان ناطق يسحبني من ايدي واصعدني للسياره وقفل الباب وشغل
هيله وين رايحين جهالي بقو بلحفله
ناطق انعل ابو جهالج فهمتي
هيله ترا انت ابوهم
ناطق إلى متى نبقى هيج
هيله هيج شلون مافهمت
ناطق لا فهمتي زين انتي زوجتي واني اليه عليج حقوق
هيله واني وين جانت حقوقي من عفتني ورحت ازوجت
لو بس حقوقك تعرفه
ناطق غلطه اعتبريه نزوه انتي زوجتي وحبيبتي
انتي ام أطفالي اني اريد نرجع مثل قبل
هيله لا لا مثل قبل ماارجع ابد هيله القديمه ماتت
وانت دفنته باديك الاثنيين
ناطق حرام عليج انتي زوجتي ومانعتني من حقوقي الشرعيه
هيله لمن تكون زوجي ومقدرني ومحترمني وتريد خاطري
ساعته اكون الك زوجه وتحت امرك
بس من تروح تزوج وحده عليه وبدون ماادري
يعني تستغفلني
انت من طريق واني من طريق
اني ما ردت ارجعلك ابد بس ابوي اثر عليه
جمانه السعيدي
وسن بس شفت هيله طلعت وبعد مارجعت للحفله
عرفت ناطق ورا هاي الشغله
يمته الله يخلصني من هيله
طلعت ومالكيت سيارت ناطق يعني احساسي حقيقي
اتصلت علي
هيله كاعدين نحجي ورن الفون
باوع شاف اسمه وكطع الصوت
هيله رد عليه خطيه ايجوز محتاجتك بشغله مهمه
ناطق ماارد اليوم اني وياج لازم نوصل الحل فهمتي
ارجعيلي هيله ولله اني ضايع بلياج
هيله ووسن
ناطق شبيه وسن وسن حامل يعني مااكدر اعوفه ابد
هيله واني مااقبل الشركه بئي شي لو اني لوهي
ناطق بنتي بطنه انتي متتفهمين
هيله واني ضاع عمري بخدمتك انت واهلك وماقدرتو تعبي تفهم لو لا
رجعني يله وسن كلبه راح يوكف اكيد تعرف اني وياك طالعين سوووو
رجعني وروح الزوجتك
ناطق انتي مامنج فايده ابد شكد عنيده
رجعنا وفعلا لكينا وسن واكفه برا وتتصل
بس شافتنا اجينا بلسياره نزلت الفون وكتفت اديه
وكفت السياره وحبيت اردله شويه من عذابي وقهري
نزلت وكلت الناطق شكرا حبيبي احلى ونسه
خلي نكررها دائما
فتت من يمهه وهي تاافف
ياربي انتي الي ماخذه زوجي مو اني ماخذه زوجج
دخلت واسمعه تعيط علي انت ليش عفتني اني تعبانه حيل وين جنتو وين اخذته
هااا رجعتو للبيت مشتاق اله
وين جنتو شجنتو تسوون احجي ناطق لا ادمرني
هيله وسن فكره راح لبعيد تصور صارت علاقه بينا
وهذا الشي خلاها تعصب على ناطق وتتعارك ويااا
ناطق اس لا تعلين صوتج هيله زوجتي مثل ماانتي زوجتي واذا نطلع اني وياها ووين مانروح اني مامسوي شي غلط ابد فهمتي
عافه وراد يصيح على خالتي يرجعون للبيت
وهي لان مادارله بال وعافه ومشا كامت تصرخ اخ بطني اخ بطني حتى يرجع عليه
ناطق شبيج
وسن عندي ووجع قوي رجعني البيتي
اخذه وراح
وصله البيته وراد يرجع
وسن تعال لا تعوفني ابقه يمي عندي وجع
ناطق اتصل بامج لان اني عندي شغل اهلي عدهم عرس
ومااكدر اعوفهم
وسن اهلك لوحنيت الهيله وتريد تركض وراها
ناطق شنو هلحجي شنو اركض وراها هيله زوجتي وحاله من حالج
اصلا اني كل وقتي وياج وهي ابد مااروح يمه
وسن اذا صدك هذا الحجي ليش عيونك تريد تطلع عليه اليوم
ناطق تردين الصدك طالعه تخبل ولو هي حلوه من زمان
اني ازوجته قبل لان حبيته اتلث سنوات واني منتضره
تكبر وازوجه
ومن ازوجته كانت احسن زوجه بادنياااا
بعمره ماكالت لا ابد
بس اني غبي ورفست النعمه
وووسن شنو قصدك زواجنا غلطه انت تحلم تزوج وحده مثلي
مهندسه وخريجه وبت اصل وفصل
ناطق بس هيله غير
وووسن انت تربد تموتني روح روح الهيله مالتك هو اني هذا حضي
ناطق اني رايح البيت اهلي وابات هناك لان باجر العرس
وانتي خابري امج تجي تبات يمج
وسن لا اوكف اني هم اروح وياك شعندي باقيه هنا مثلا
مكابله الحياطين
ناطق بس انتي كلتي تعبانه
وسن هسه صرت احسن واكدر اروح وياك
ناطق اذا تعبانه اكعدي بيتج ولا تخافين من هيله لان ماتريدني ولا تريد تشوف وجهي ابد
بعد ماازوجتج
اني هسه شمحصل ثنيبن نسوان وعايش حياة العزاب
وسن ولله اني ماامن بيك رجلي على رجلك
ناطق يله تعاي أمري لله
هيله رجعت للبيت صعدت البيتي بدلت لبست
دشداشه قصيره ونزعت الاكسسوارات
والعدسات والرموش ورفعت شعري
مسحت المكياج
حضرت عشى للجهال معكرون بلجبن واني اكلت تفاحه
ورحت حجيت شويه ويه امي
امي ماحضرت الحنه تكول تعبانه وباجر بلعرس اجيكم
طبعا بيت عمي هوسه فوك واسمع الصوت
بناتهم وجهالهن واقاربنا والبيت مايندخل من الناس
همزين فلتت
لو اني يمهم جان كلشي هسه براسي
نومت جهالي ورجعت الغرفتي نمت
الصبح كعدت على صوت الجهال
امير ماما احنا راح ننزل بيت جدوووو
هيله خل احضر الريوك وغسلو وبدلوو ونزلووو
امير نتريك بيت جدووو لبسنا تراكاتنه الجديده
وراح ننزل
نزلوووو واني رجعت نمت
شويه وحسيت واحد دخل الغرفتي فتحت عيوني ناطق واكف كبالي
كمزت يااا شلون دخلت
ناطق امير عاف الباب مفتوح
سحبت الغطه غطيت نفسي لان لابسه دشداشه دلع كلش
ناطق انتي ليش هيج تتصرفين وياي معقوله نسبتي
العشره والحب القديم
هيله ناطق اطلع برا ولله اعيط واخلي الناس تلتم علينا
انت اليوم مذكر الحب شنو
وين كان هذا الحب وانت تخوني
وتكعد بلساعات تحجي ويه وسن
واخر شي تروح تزوجه
ناطق قربت عليه وكعدت يمه
يمته تسامحيني يمته تغفريلي خلاص شي وصار بعد
هيله واني اكلك خلاص علاقتنا انتهت شي وصار بعد
ناطق بديت اسحب الجرجف منه
وهي كامت تعيط
ناطق خل الناس كله تتجمع انتي زوجتي
شويه ورجع صعد امير ومرام ماما ماما تعاي
انريد ملابسنا الحلوات
ناطق بس شافهم عاف الجرجف وكال استغفر الله
ونزل
هيله امير مواني كايله الباب ينقفل من تطلع
امير ولله نسيته ماما
هيله هاي اخر مره تنسا فهمت لو لا يله ادخل اسبح
واني راح اجهز ملابسكم
الفصل التالي اضغط هنا
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.