رواية مذكرات زوجة – الفصل التاسع
هيله اسبح بلجهال واضحك على ناطق
خطيه استوا على الاخر بعد شويه ويطير عقله
اصبرلي اذا مااخليك تتندم على اليوم الي اجيت بي الهاي الدنيا
بدلت للجهال وعطرتهم ونزلو البيت جدهم
شربت ماي دافي ولعبت نص ساعه رياضه
بعدين دخلت سبحت
وبرمت شعري تغديت وغسلت
وبعدين بدلت
لبست بنطرون جينز ثلجي وقميص شيفون ابيض وبي
وركه ذهبي
الردت كشاكش مثل الجرص نازل من فوك الكتف
وهو دلعه وبي سترابلس ذهبي ومخصر وبعدين كلوش ٣ طبقات
لبست اثنيبن كلايد ذهب وحده قصيره ووحده طويله
وسوارات وتراجي طوال
خليت مكياج اوربي وشعري برمته رفعت نص ونزلت نص
لبست حذاء ابيض كعب مربع وسط
خليت عطر
الي يشوفني يكول عمرها ١٧ سنه
نزلت الساعه اتلاثه ونص لكيت البيت هوسه
كل الاهل والأقارب موجودين
دخلت عليهن للمطبخ
هلو بنات اساعدكم
جمانه السعيدي
سهى وين جنتي يمعوده هسه يله اجيتي
هيله بيش اساعدكم
سهى الولد وعمي وابوي يردون جاي صبيلهم
هيله اي هسه
صبيت جاي واخذته ودخلت عليهم
ابوي واحمد ومحمد وعمي ابو ناطق وحيدر وعمي صادق وعلي
وناطق كاعد يسولف عليهم
دخلت سلمت عليهم وبديت اخلي الجاي
راسا طفر ناطق عوفي الجاي اني اقدمه
خليته على الطبله وردت اطلع راسا سمعت واحد كال شلونج هيله
التفتت هذا علي صاير يخبل لحيه وشوارب
على فكره هو خلص معهد تحليل وطلع من الاوائل
والسنه خلص كليه
يعني صار دكتور تحليل
جمانه السعيدي
اني راسا وكفت وابتسمت
هيله هلو دكتور علي شلونك عاش من شافك
علي وانتي العايشه
هيله مبروك الف مبروك تستاهل كل الخير
علي الله يحفضج
ناطق كتلته الغيره راسا كمز
ناطق هيله يردوج جوووو
هيله من رخصت علي انشاء الله نكعد ونحجي اني وياك
علي اكيد مشتاق السوالفج الحلوه
طلعت ولحكني ناطق اجا يمشي سريع من ورا ولزمني من زندي
ناطق شعندج وياااا
هيله ابن خالتي واسلم علي
ناطق انت ماتستحين واكفه كدامه هيج وهو ماقصر
مشتاق السوالفج الحلوه
يحجي وعوج حلكه يقلد على علي
هيله ماجذب صدك اني سوالفي حلوه بعدت ايده عن ايدي وعفته ومشيت
اجا وقت الزفه وسن كاعده مثل القناص عينه على ناطق
وين يروح ووين يجي لابسه كلبيه خليجي احمر
وكاعده
خالتي يمه هيله انتي ابقي بيتنا خاف يجينا احد
وسن ماتعرف كل اقاربنا
هيله اي خاله اني ابقه بس الجهال يردون يرحون للزفه اخذيهم وياج
خالتي اي اخذهم
من طلعو كلهم اتفاجئت علي مارايح وياهم
هيله ليش مارحت للزفه
علي ولله اكره الهوسه اصلا كل هاي المضاهر ماله داعي
العروس والعروسة يحتلفون بمكان حلووو
يسافرون احسن من كل هاي الهوسه
هيله اي ولله صح كلامك
علي كلش ضجت من سمعت ناطق ازوج عليج
مو انتي الي يزوج عليج كامله والكمال لله
هيله بعد شي وصار
علي بس الصراحه اتفاجئت من شفتج يعني ماشاء الله زغرانه وحليانه وكلج طاقه وحيويه
كنت متوقع اشوفج منهاره
هيله ليش انهار الي يبيعني ابيعه وماتندم علي ابد
وناطق باعني
اني اليوم هيله جديده عايش حياتي صح
علي عفيه عليج هاي بت خالتي السباعيه
هيله وإنشاء الله ناويه ارجع للكليه سنة الاخ
علي عفيه بطله
هيله اريد ادخل كليه اهليه حتى اداوم براحتي تعرف اني عندي اطفال ومسوليه
والكليات الاهليه ماتحاسب كلش
علي انتي صدك انسانه ثانيه
اكو تجارب تكسر وتجارب تقوي
انتي هاي التجربه قوتج اكثر من قبل
هيله تعرف شكد تعبت من هاي التجربه ونهاريت
بس هاي التجربه وعتني على حالي
خلتني انتبه النفسي والحك على الباقي من عمري
علي تستاهلين كل الخيرر
جمانه السعيدي
الي اني مامتوقعته ابد ووسن مسجله كل هذا الكلام
وماخذتلنا صوره سو
هاي فرصته حتى تخرب بيني وبين ناطق
حتى يطلكني وتبقى بس هي بلساحه
ماجنت متوقعه هيج تسوي صدك حيه
اجت الزفه ودخلت العروسه
وكمنا نركص اني والبنات من دون كل البنات ناطق يخزر بيه
وكل شويه وكال كافي لاتركصين
واني عناد بي اركص بلزايد
وسن كاعده وتراقب من بعيد منتضره الوقت الي تبخ سمه علينا
خلصنا وهو يباوع عليه وعيونه حمر من العصبيه
بعدين بدينا ننقل العشى
وسن اريد ناطق عندي حجي ويااا
راحو الجهال صاحو اله
اخذته ودخلت غرفت خالتي وشوفته صورتي واني كاعده كبال علي واحجي ويااا
وسمعته التسجيل كله
ماكدرت تصبر ابد لمن هاي اليله اتعدي على خير
المواعين صارت هوسه بلمطبخ كتلهن اصعد اغير ملابسي وانزل اساعدجن
صعدت بس خليت رجلي فوك اريد اسد الباب دفعه ناطق ودخل
جمانه السعيدي
هيله اهووو مووكتك كلش
راسا لزمني من شعري حقيره تكعدين يم علي وتحجين عليه الي باعني ابيعه مووو
بيش بعتج كاعده تاكلين تشربين تلبسين بكيفج
وحتى حقوقي ماماخذهن منج
تالي تكعدين تحجين عليه اني هذا علي مو مانعج منه
جنتي منتضره الفرصه اني اطلع ويخلالج الجووو مووو
هيله عوف شعري جاي توجعني
هاي اني حجيت ويااا وانت هيج ضجت
مافكرت بحالي وانت رايح تعاشر وحده غيري
تزوج وحده ثانيه واني خادمتك بعيؤني وساكته
ضجت من الحجي
لان حجيت ويااا ترا بس حجيت ماسويت شي
اني اعرف حدودي وما اجاوزته ابد
بعدين علي ابن خالتي مو غريب وسئلني عن حالي
الي وصلك الكلام كبر الموضوع شويه
عوف شعري جاي توجعني
جمانه السعيدي
عاف شعري وفتح التسجيل بلموبايل انتبهت هذا موبايل وسن اني شفته بايده
هيله اسمع الكلام زين اني ماجاوزت عليك ابد
ناطق اسمعي هذا الحيوان شيكلج تخبلين زغرانه
صايره حلوه
كاعد يتغزل بيج مايجي يخطبج مني بعد
هيله ولله تسوي فضل اذا اطلكني وانت مالك شغل اختار منو واعيش ويه منووو
انت اختاريت حياتك بدون ما تسئلني لاتجي كل شويه
تسويلي مشكله
ناطق اني اعلمج بسيطه وهذا علي حسابه وياي بعدين
بس خلي هاي اليله تعدي على خير
مااريد اسوي مشاكل بليلة عرس اخوي
ابقي فوك لاتنزلين ابد اذا شفتج نازله اكسر راسج
حقيره ادبسزز مكيفه كاعده ويااا ويتغزل بيه
نزل واني قفلت الباب اخ شعري يوجعني حيل سحبه
الله لايوفقج وسن
هي كوه انتي خرابت بيوت
كعدت وكمت ابجي ولله مقهوره من كلام ناطق
يعني بعد كل هاي العشره يشك بيه
طلعت التليفون واتصلت بابا كلته انت وين
بابا اني كاعد يم عمج
هيله اصعد اريدك بموضوع مهم
جمانه السعيدي
بابا اي جاي
صعد لكاني ابجي
بابا هااا خير شكو تبجين
حجبتله كلش صار بيني وبين علي وبيني وبين ناطق
وشلون وسن سجلت الكلام وحرضت ناطق عليه
بابا اسكتي لاتبجين اني احجي ويه ناطق
نزل بابا جوه شويه وسمعتهم زفو العريس الغرفته
ماكووو دقايق كبت العركه ناطق اتعارك ويه علي
وتهدد علي
ناطق يكله انت تباوع العرضي عينك على زوجتي
انت من زمان خال عينك عليه
عيب عليك مره مزوجه شلون تخلي عينك عليه
هيله بعدين سمعت ابوي يغلط ويصيح على ناطق
…انت ماتستحي هاي عرضك شلون تشك بيه بس اني مااعتب عليك امرك مو بيدك
هاي الحيه تحرض بيك
ولك هاي زوجتك عشرت عمر شلون تشك بيه
وعلي انسان محترم وماتطلع منه العيبه ابد
المهم عركه شكبرها ماخلصت اله بااشق الانفس
الله لايرضا عليج وسن شعلت النار وكاعده ولا كأنما
صاير شي ابد
حقيره اني مامتوقعه منه شي زين ابد
خلص العرس وكل واحد راح الببته
قررت انزل اساعد البنات عيب هسه يكولن انهزمت خاف تساعدنا
لبست تراك ورفعت شعري
نزلت ماكو احد العرسان بغرفتهم
والبنات ينضفن
دخلت للمطبخ وبديت انضف بلواعين والطباخ والكاونتر
وسن ماكو داخله بغرفة خالتي ونايمه
دخل ناطق للمطبخ شافني اشتغل
ناطق اريد جاي
ماحاجيته ابد
ناطق ماتسمعين اريد جاي
اخذت القوري خليته على الطباخ بدون ولا كلمه
هو طلع راح كعد بلصاله
خدر الجاي صبيت ودزيتله بيد امير
امير ماما بابا يكول اريد فراش بلصاله تعبان يريد ينام
هيله اي هسه
اخذت الفراش ورحت خليته بلكاع
ناطق اوكفي ملابسي اريدج تغسليهن امي تعبانه
وباجر عندي دوام
راسا طبك الباب وبدا ينزع ملابسه
اني رحت للباب كتله خل اطلع وبدل براحتك
طبك الباب ووكف يمه وبدا ينزع ملابسه
اني درت وجهي
ماحسيت غير حاضني من ورا
دفعته كتله شجاي تسوي
ناطق ولله احبج وتعلمت من هذا الدرس
هيله قبل اشويه تغلط عليه حقيره وادبسزز
ناطق ولله لوما احبج جان ذبحتج ذبح هذا لبس تطلعين بي ليش تحجين وي علي
ليش تنطين فرصه الوسن تطعن بيج
هيله زوجتك اخلاقه مو تمام وتعتقد كل الناس مثله
جنا اني وعلي كاعدين بكل احترام
ونحجي وسئلني عن حياتي وعن وضعي
اسئله كلش عاديه بعدين هو ابن خالتي موغربب
هو بس كان مستغرب من التغير الي صار بشكلي
وكال انتي قويه كنت أتوقع منهاره وتعبانه
جمانه السعيدي
اني مااشوف اي عيب بكلامه ابد
ناطق اني احبج ومااتحمل اي احد يقرب عليج
هيله هذا كان احساسي وياك احبك ومااتحمل اي واحد يقرب عليك
بس انت ماهمك حبي ابد دست علي ورحت اختاربت وحده ثانيه تشاركك حياتك
راسا انفتحت الباب واذا وسن واكفه وتباوع علينا
شافت ناطق بالملابس الداخليه واني واكفه يمه
واكو فراش بلكاع
عقله كام يصورلها اشياء ماصارت ابد
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.