رواية مذكرات زوجة – الفصل العاشر
بقت وسن واكفه وتباوع علينا
وناطق واكف ولازم ايدي ويحاول يقنعني
التفت عليه
ناطق : اطلعي برا
وسن : هاي عليه
ناطق: اي عليج اكو غيرج هنا بعدين شلون ادخلين بدون ماادكين الباب
وسن: لا انت تخبلت تحجي وياي هيج
ناطق : تعرفين يمته تخبلت من صدكت بيج وركضت وراج
وسن : اي خبلتك ست هيله
اني تحجي وياي هيج وين رجولتك قبل كم ساعه كاعده وتحجي عليك هي وعلي وماخذه راحته على الاخر
ناطق كتلج اطلعي برا
هيله باعي اني سكتتلج هواي ترا اعرف ارد عليج
واوكفج عد حدج
بس أخلاقي وتربيتي ماتسمحلي انزل المستواج ابد
جمانه السعيدي
وسن اخلاقج ضحكتيني وين اخلاقج مساع لابسه ضيك وتفترين ببن الزلم
هيله افتر بين الزلم بس اشرف منج مابكت رجال من بيته وزوجته
لزكتيله لزك حتى عرضتي علي الزواج
هاي شيسموها برائيج
وسن هذا ناطق هيج كلج
ناطق اس مااريد كلام زايد اطلعي وسن عندي كلام ويه هيله
وسن مااطلع ابد هااا حنيت ترا ماجانت عاجبتك
لو عاجبتك صدك ومقتنع بيه
ماعفته وزوجتني
هيله شفت هاي افعالك نزلتنا لهيج مستوا
وحده بلا اخلاق ولا مبادئ تحجي علينا
وسن هاي عليمن ولج انتي وحده متخلفه حتى شهاده ماعندج تقارنيين نفسج بيه
اني المهندسه وسن
هيله آلاف مثلج عدهم شهايد بس ماعدهم اخلاق ابد
ناطق اطلعي وسن
مشا ناطق ودفعه وسد الباب
وهي كامت تصرخ اخ بطني اخ الحكولي بطني توجعني
هيله اهوووو اطلعله يمعود ولي العهد راح يموت
رحت اني فتحت الباب وطلعت وناطق طلع يحجي عليه
ناطق انتي كل مره نفس القوانه تتحججبن اخ بطني اخ بطني
مو هاي هيله حبلت وجابت وتركض النهار كله بلببت تشتغل
ولا يوم شكت ولا كالت
اصلا ماادري بيه بيا شهر منا لمن اجيب
جمانه السعيدي
وسن واني تقارني بهاي المتخلفه حيله جنه حيل حصان
ناطق هااا صرتي احسن وكمتي تتعاركين
وين اخ بطني زاد الوجع عليه
بعد مااكدر
استغفر الله ياربي وتالي شلون راح تخلص وياج
وسن تعال رجعني الفراشي اريد انام
ناطق وملابسي منو يغسلهن
شلت الملابس واريد اخليهن بلغساله اجا امير
امير ماما تكول انطيني ملابسك اغسلهن فوك واجففهن
وباجر ادزهن الك
ناطق هاك اخذهن عساها بحض وسن وبخته
هيله دزيت امير يجيب الملابس
غسلتهن وجففتهن وكويتهن وعطرتهن
وخليهتن بتعلاكه
ثاني يوم كعدت الجهال يرحون للمدرسه اتريكو وطلعو
راسا اندكت الباب
هيله منو
ناطق اريد ملابسي اريد اروح للدوام
فتحت الباب اريد انطيهن اله
دفع الباب ودخل
هيله ذني ملابسك اخذهن وروح
ناطق اريد بندول راسي حيل يوجعني يمكن ضغطي صاعد
هيله دخلت جوه وكتله هسه اجيبلك
طلعت لكيته كاعد على ميز الطعام ولازم راسه بايده
ناطق راسي كلش يوجعني
هيله اتريكت
…لا بعدني احس رأسي راح ينفجر
…هسه اسويلك ريوك وجاي الصراحه كلش انقهرت علي
شكله تعبان حيل
الله يساعده وسن مدمره احواله بلتنغوص ماله
طلعت بيض وسلكته
وخليت القوري على النار
جمانه السعيدي
وهو لازم راسه وكاعد
هيله اذا ماتكدر لاتروح للدوام اليوم
ناطق اي هي هم هيج مااكدر اداوم اليوم
خل اتصل وانطيهم خبر
اتصل وعتذر
كشرت البيض وقطعته وعفته بدون ملح
وخليت الخبز كدامه
اكل شويه وكال مااكدر اريد جاي
صبيت الجاي وكمت افرك براسه
هيله ليش ماتروح تقيس الضغط خاف صاعد حيل
موزين يسوي جلطه
ناطق ولله مراح يجلطني غيرج
هيله واني شكوووو
ناطق حرمتني من هذا الحنان والحب تعبتيني هيله
هيله افرك براسه واحجي وياااا
انت تعبت نفسك اني مامتعبتك ابد
راسا سحب اديه ثنيينهن وباسهن
ناطق اريد حبايه من ذني الادين الحلوات
جبت حبايه ونطيته ماي شرب
ناطق اريد انام ومااكدر انام جوه هوسه البنات بعدهن هنا هنه وجهالهن وخطار
ممكن انام يمج ساعه وحده الحد مااصير زين
هيله اي نام اني راح ارتب البيت واحضر الغده للجهال
ناطق تمام
دخل جوه نام واني رحت اغطي
جبت بطانيه وغطيته
ناطق تعاي اضغطي على راسي يوجعني
هيله اسويلك ليمون راسا ينزل ضغطك
بس ولله موزين عليك لازم تقيس صغطك
جمانه السعيدي
قربت علي وبديت اصغط على راسه
ناطق حبيبتي مجرد ماتلزمين راسي يصير زين
هيله الله عليك راسك يوجعك لو تضحك عليه
ناطق راح اموت من الوجع هو المرض بي لعب
هيله زين راح اعصرلك ليمون واجي
رحت عصرت ليمون وخففته وحليته بشويه شكر ورجعت علي
هيله اكعد اشرب ليمون
ناطق تعاي كعديني
هيله قربت وخليت ايدي جوه ضهره وكعد
بدا يشرب شويه شويه واني كاعده وحاضنته من ضهره
ناطق اني متأكد اذا احصل حضن مثل هذا كل يوم ارجع شباب
جمانه السعيدي
هيله لا ماكو حضن كل يوم اليوم وبس يله خلص عندي شغل
ناطق اعتبريني شغلج اليوم
هيله ولله لو تدري بيك السعلوه يمي ماتخليك تهجم عليك
ناطق لا تجيبين طاريه كل مااشوفه اتخبل مااعرف شلون قشمرتني
صدك البشر ماتعرفه اله تعاشره
عفته نايمه وطلعت هي متوقعه اني هسه بلدوام
هيله يله نام لان عندي شغل هواي
وبعدني مالاعبه رياضه ولا متريكه
حاولت اطلع ايدي حتى اكوم
ناطق ابقي يمي لمن انام ريحتج طيبه
هيله بدينا بشغل الاطفال نام لا اغير رائي واخليك تنزل جوه تنام
ناطق لا عليمن انام هنا على ريحتج
هيله طلعت وطفيت الضوه
اضحك ويه نفسي ناطق راجع طفل يريد واحد يعتني بي
رحت لعبت رياضه وتريكت وطبخت غده
لكيت نفسي بدون وعي اطبخ باميه
لان هو يحبه حيل
ويحب وياها تمن ابيض
كلما ادخل للغرفه الكا نايم ورايح بسابع نومه
يمكن صغطه صعد من الازمات والضغوط الي جاي يعيشه
بس هو خله نفسه بهيج ماازق
كملت طبخ ودخلت سبحت ولبست تراكي
وكعدت بغرفه الجهال اجفف شعري حتى لايكعد ناطق
وخليت شويه مكياج ومعطر
جمانه السعيدي
اجو الجهال من المدرسه
دخلو يبدلون واني رحت اكعده
هيله ناطق ناطق تكعد نتغده
فتح عيونه وباوع زين
ناطق اني وين بلجنه
هيله اتنكت حضرتك يله اكعد الجهال رجعو من المدرسه
خل نتغده
كعد ونزل رجلي من الجربايه وكال
ناطق بله تعاي شوفيني مصخن
قربت خليت ايدي على كصته
راسا حضني وكعدني بحضنه وباسني بخدي
هيله لا مامصخن وعوفني الجهال برا
ناطق الله ريحتج طيبه
هيله كوم الجهال يردون غده
فتحت ادي وطلعت منهن
رحت حضرت الاكل طلع من الغرفه والجهال فرحو بي
امير هيييي بابا عدنا
مرام بابا راح تنام عدنا
ناطق اذا امج تقبل انام عدكم يوميه
مرام ماما حبابه خلي بابا ينام عدنا يوميه
هيله لا مايصير لازم يروح الخاله وسن
امير بس هو ابونا مو ابو وسن
هيله يله الاكل برد تعالو بسرعه
ناطق باوعت باميه وتمن ابيض
الله شكد احب هاي الاكله وماماكله من زمان
عاشت ايدج حبيبتي
هيله الف عافيه
جمانه السعيدي
كعدنا ناكل والجهال حيل فرحانيين ولازكين بي
مامصدكين هو عدنا بلبيت
كملنا اكل وهو شأل المواعين وكال اني اغسلهن اليوم
تفاجئت حيل من تصرفه اول مره اشوف ناطق الي كلمته ماشيه على الكل
واله هيبه وشخصيه لابس صدريه ويغسل مواعين
سبحانه مغير الاحوال
اني خدرت جاي وكعدنا على التلفزيون نتفرج
صارت الساعه ثنتين موعد رجعته من الدوام
لان الكل متوقع هو بلدوام اليوم
لبس ملابس الدوام وصل للباب وكال شكرا
هذا اليوم كان احلى يوم مر عليه
نزل واني قفلت الباب
الصراحه اني هم هذا اليوم كان مميز بلنسبه اليه
وحبيت كلشي بي
ناطق نزلت من الدرج البرا واني كلبي ينمرد
يعني هذا الذهب عندي وبدلته بلتنك
وسن اول ماعرفته شي ضلت اطلع احلى ماعدها
لمن طيحتني بشباكه
بس من عاشرته شفت شي ثاني
انسانه انانيه كلش انانيه
وتحب نفسه وبس ومتسلطه ومغروره
وغياره دائما تغار من الناس الي يمه
يعني غيرته تخليه تحارب حتى تاخذ الشي الي تغارمنه
من شافتني غارت من هيله
وحسته ماتستاهل تاخذ واحد مثلي
ضلت تكبر الفكره بعقلي
واني الغبي ركضت وراها
بلاضافه هي استغلاليه
واي واحد تتعرف علي تحاول تستغله الابعد حد
اني تورطت وياها ورطه
لو ما حامل اله اعوفه وارجع الهيله
مارابطني بيه غير هاي البنيه الي بطنه
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.