رواية كل هذا الحب الفصل العاشر 10 – بقلم ديدي فتحي

الحلقة 10

قرأه ممتعة

حنين فضلت ماشيه في طرقات الليل المظلمه ومن كتر اللي هي اتعرضتله وقعت واغمى عليها

و واحده راجعه هي و جوزها من عند اهلها… وجوزها كان هو اللي سايق العربيه وهي اول ماشفتها و بدهشه وجديه لجوزها استني نشوف مين دي استني

جوزها وقف بالعربيه ونزلوا لقوا حنين لا حول لها ولاقوه وحطوها في العربية واخدوها معاهم بيتهم وبعد وقت ليس بقليل حنين فاقت بتعب ووجع وفتحت عيونها وبتحاول تقوم بس كانت تعبانه ومش قادره ومرات الشخص قربت عليها وبجديه وتاثر لحالتها ارتاحي وقوليلنا عايزه ايه واحنا نعملهولك… حنين فضلت زي ماهي وغمضه عيونها بوجع وحزن

وبعد شويه سألوها اسئله كتير هي مين و اسمها ايه او اي حاجه معاها تدل علي شخصيتها بس هي مااتكلمتش والتزمت الصمت

عدا يوم واتنين واسبوع علي وجود حنين في بيتهم وجوزها كان عارف انها العروسه اللي انتشرت صورتها في وسائل الاعلام بس مقالش ده لهدف في دماغه

وفي يوم حوالي الساعه ٢ صباحا… بعد ما مراته نامت واتاكد من ده راح اوضه حنين ودخل ولسه بيقرب منها  قامت من النوم مفزوعه ومخضوضه وبخوف ولاول مره تتكلم من ساعه ما دخلت بيتهم… فيه ايه و عايز مني ايه ارجوك سبني في حالي انا كدا كدا كنت همشي من عندكم بكره ارجوك سبني اروح لحال سبيلي

الشخص برغبه وبيقرب منها اوي… متكونيش فاهمه اني مش عارف انتي مين علي فكره من ساعه ما شوفتك بفستان الفرح ومرميه علي الطريق و أنا كنت عارف انك انتي اللي عريسها رمها في ليله دخلتها بعد مااكتشف عملتك السوده… بس عملت نفسي مش عارف عشان تيجي هنا واستمتع بيكي انا كمان زي ما غيري استمتع بيكي وقرب عليها اكتر

حنين بصريخ ودموع…. أبعد عني يا حيوان ابعد عني انا عمر ما حد لمسني وبدموع ورجاء… ارجوك ابعد عني حرام عليك انتوا بتعملوا فيه كدا ليه والله كدا حرام

الشخص متاثرش بدموع حنين ورجاءها وهجم عليها زي الوحش المفترس ولسه هيشد هدومها حنين صرخت بصوتها كله و مرات الشخص سمعتها وراحتلها

ومتصدمتش من منظرهم ابدا لانها عارفه جوزها ايه وماشي علي ايه

وجوزها بمكر وخبث… شوفي اللي احنا مدينا لها ايدنا واخدنها وهي مرميه علي الطريق بعد ما فرطت في نفسها وجوزها فضحها ورمها عايزه تغريني انا كمان وابقا زيها متعرفش اني بحب مراتي ومخلص لها

مراته اتكلمت بحزن ووجع لانها عارفه جوزها ماشيه بطال بس مستحمله عشان خاطر اولادها…وبعنف وغضب ودموع… كفايه بقا كفايه انا جبت اخري منك واستحملت كتير عشان خاطر ولادنا وبحزن وقهر بس خلاص مبقتش قادره استحمل اكتر من كدا

جوزها بعدم اهتمام… وانا قولتلك اللي عندي عايزه تصدقي صدقي مش عايزه انتي حره الباب يفوت جمل

مراته بصتله بنظره حزن ووجع… ياااالله يعني بعد كل السنين دي تقول كدا طب اعمل حساب للعشرة اللي بينا او حتي اعمل حساب ولادنا

جوزها بصلها وخرج ورزع الباب وراه

حنين قربت منها… والله العظيم هو… مراته بمقاطعه وحزن انا عارفه انك معملتيش حاجه دي مش اول مره ليه

حنين بصتلها بحزن ووجع وخرجت معهاش فلوس ولا معاها حاجه ابدا ومش عارفه هتروح فين ولا تيجي منين بس مشيت حسب رجليها ما توديها قد ايه هي سيئه الحظ مبعثره الافكار مشتته الذهن ضعيفه الجسم

فضلت ماشيه لغيت لما اذن الفجر عليها وتعبت من كتر المشي اقعدت علي مقعد جانبي علي الطريق… قاعده نفسها حد يجي يرحمها من اللي هي فيه نفسها اهلها كانوا سامحوها واحتواها بدل ماهي مشرده كدا… فضلت تفكر ودموعها نزله بوجع وتعب نفسها مروان كان صدقها ومطردهاش ولا حرمها من بنتها… وهي مازالت بتفتكر لمحت عربيه بتقف قدامها خافت ولسه هستخبي في اي مكان لانها مش ضامنه مين اللي هينزل من العربيه دي

ولسه هتقوم لقت مروان نازل من العربيه والصدمه شلت كل كيانها وبصت لمروان بدموع ووجع وهو بصلها بدموع ووجع هو كمان ومابين دموعه ابتسم ومدلها ايديه وهي جرت عليه وحضنته ومسكت في هدومه بخوف وتملك

وبدموع هستيريه… والله انا مظلومه والله عمري ماخنتك والله عمري ماشفته ولا هو شافني

مروان طلعها من حضنه ومسك وشها وبحب وعشق ممكن تهدي ياحبيبتي لاني عرفت كل حاجه وعرفت ان الفيديو متفبرك

حنين بدموع وشهقات… يعني انت صدقت اني مظلومه

مروان بوجع ودموع سامحينى ياحنين سامحيني

حنين بدموع وصدق… انا مسمحاك بس اوعدني انك متسبنيش تاني ولا تصدق اي حاجه عني تاني غير لما تسمع مني الاول

مروان بحب وعشق وصدق… انا هخدك ونهرب عن الدنيا كلها ايه رايك موافقه

حنين هزت دماغها مابين دموعها بالموافقه وباشتياق طب فين حنين نفسي اشوفها اوي واخدها في حضني وحشتني اوي اوي

مروان بيص وراه في العربيه عشان يديلها ملكهاش… وبصدمه هي كانت هنا راحت فين

حنين بصدمه وخوف هتكون راحت فين هي لسه صغيره متعرفش تنزل من العربيه

مروان بخوف اكتر مش عارف مش عارف راحت فين يلا ندور عليها… ولسه هيتحركوا يدور عليها

حنين لمحت واحده شيله بنتها ومره واحده رمتها قدام عربيه من اللي كانوا معدين… حنين صرخت بصوتها كله حنين لاااااااا لاااااا

قامت من نومتها علي المقعد مفزوعه وبتنهج جامد وبدموع ووجع لا ياحنين لا اكيد محدش هيذيكي اكيد انتي بخير وبدموع ووجع اكتر انت فين يامروان انت فين وليه سبتني وليه ظلمتني انت كمان ليه مسمعتنيش قبل ماتحكم عليه… وبدموع وقهر ارجوك تعاله وارحمني من اللي انا فيه ارجوك تعاله

وفضلت تفكر لغيت لما واقفت فعلا عربيه قدامها وكانت فيها تلاته شباب و كانوا سكرانين وراجعين من النيتكلب

ونزلوا ولسه هيقربوا من حنين وهي شافتهم بمنظرهم ده طلعت تجري وهما يجروا وراها لغيت لما دخلت جنينه بيت واستخبت منهم فيها وهما لسه هيدخلوا وراها البواب قام علي حركتهم وبشبه جديه اثر نومه انتوا مين وعايزين ايه

الشباب بسوكر… احنا مين دي ملكاش فيه وعيزين ايه عيزين الموزه اللي لسه داخله هنا من شويه

البواب بجديه بعد ماانتبه لوضعهم… انتوا بقا سكرانين وجاين تتبلوا علينا وبجديه اكتر طب استنوا بقا لما ابلغ المهندس احمد وهو يبلغلكوا الشرطه ويجي يتصرف معاكوا

ولسه هيدخل… الشباب وهما مازالوا سكرنين يلا ياعم يلا احنا باين كان بيتهيكلنا ان فيه موزه صحيح يلا ياعم… ومشوا راحوا لعربيتهم وركبوا وراحوا لحال سبيلهم

والبواب فضل يشتمهم فيهم شويه ولسه رايح يكمل نوم اخده باله انه هو نام علي نفسه ونسي البوابه مفتوحه راح قفلها بالمفتاح ودخل يكمل نومه

وحنين بعد وقت وكانت الساعه قربت علي ٥ صباحا راحت عشان تخرج زي مادخلت لقت البوابه مقفوله دموعها نزلت علي اللي بيحصلها ورجعت تاني استخبت في ركن في الجنيه وبعد وقت ليس بكثير نامت علي نفسها او شبه مغمي عليها من الارهاق اللي هي فيه

***********************كل هذا الحب (عشق حنين) بقلم دى دى فتحى.. صفحتي الشخصية باسم.. اللهم أسألك الفردوس لوالدى

و اشرقت شمس جديده علي حنين بس للاسف كانت فاقده الوعي صاحب البيت خارج رايح شغله ومستني ومراته واولاده…  لمح حنين وهي مغمي عليها ونايمه في الارض و اول ما شافها اتخض وبصوت عالي يا زينب يا زينب تعالي شوفي مين دي وهي مالها

وعبده البواب جه علي صوته

احمد بجديه ليه مين دي وازاي دخلت هنا

عبده البواب سكت وعرف انها البنت اللي الشباب كانوا بيدور عليها… بس انكر ان هو يعرف عنها حاجه لانه هو كان نسي البوابه مفتوحه وعشان كدا حنين دخلت معني كدا انه هو مهمل في شغله فالتزم الصمت وانكر اللي حصل بالليل

زينب مراته التي لا يتعدي عمرها 40 سنه جت وشالوها و دخلوها بيتهم وفوقوها

حنين اول ما فتحت عيونها اتخضت ولسه هتقوم وقعت تاني

زينب قربت منها بعاطفه وحنان عشان صعب عليها منظرها

قولي عايزه ايه ياحبيبتي وانا اجبهولك اعتبريني زي اختك وقولي عايزه ايه وانا اساعدك

حنين بصتلها بحزن ووجع ودموعها نزلت بصمت

واحمد جوزهابجديه لزينب… خديها يا زينب دخليها ترتاح شكلها تعبانه واعملي لها حاجه تاكلها

زينب بحب و ابتسامه… حاضر دانا هعملها حاجات كتير تاكلها مش حاجه وحده بس

وفعلا زينب اخدت حنين دخلتها مع انها كانت خايفه منهم بس شكل احمد ميقولش ابدا انه راجل وحش زي التاني وبعد ما حنين غيرت هدومها زينب دخلتلها اكل وحنين أكلت اكل خفيف ونامت من غير اي كلام بينهم

زينب خرجت لأحمد وبحزن… البت دي صعبانه عليه اوي مش عارفه ليه قلبي وجعني عشانها حساها زي ما تكون حد اعرفه أو حد قريب مني

احمد بجديه… هي شكلها تعبانه بس مش عارف ليه حاسس ان وراها حاجه كبيره مخبياها

زينب بجديه وصدق… هيكون وراها ايه يعني دي شكلها غلبانه اوي وبعد وقت من حديثهم مع بعض

احمد بمشاكسه ومرح… بقول ايه

زينب بابتسامه… قول ولاوني عارفه انت عايز ايه

احمد بضحك… طالما انتي عارفه انا عايز ايه طب يلا بينا

زينب بضحك… والله انت قليل الادب علي فكره احنا عندنا ضيفه جوه ممكن بقي تحترم نفسك

احمد بضحك… طب انا اهون عليكي يا زوزتي طب خلاص نروح نحكم الضيفه ان كان يرضيها اللي انا فيه ولسه هيقوم زينب شدته من ايده وبضحك… يا مجنون هتعمل ايه والله انت دماغك فوتت علي الاخر

احمد قرب منها و شالها دخلها اوضه نومهم ورماها علي السرير وقفل الباب وبضحك يلا اجازه النهارده من الشركه عشان خاطر الضيفه… وبيقرب من زينب وهي بترجع لورا في السرير وبضحك… والله لو قربت مني هصرخ والم عليك الناس

احمد قرب منها وبمشاكسه… طب صرخي كدا ولمي عليا الناس وانا اقولهم اني هموت علي مراتي وهي مانعه نفسها عني وقرب اكتر واكتر وبهمس… هااا يلا صرخي سكته ليه

زينب بتوهان… علي فكره انا مش مانعه نفسي عنك بس

احمد بهمس يخطف القلوب… بس ايه اوعي تقولي الضيفه تاني

زينب بتوهان… ايوه هي الضيفه احمد قرب اكتر ولمس شفايفها بشفايفه وبعدين كملي… زينب دابت بين ايديه… هااا اكمل ايه

احمد بمكر وخبث… طالما انتي مش عارفه تكملي اكمل انا وقرب منها اكتر ودخلوا دنيا العشاق اللي مبيدخلهاش اي حد غير العشاق

وبعد وقت كبير احمد واخد زينب في حضنه وبحب وعشق كنت هموت عليكي والله وانتي مش حاسه بجوزك حبيبك

زينب بحب ومشاكسه… اللي يشوفك كدا ميقولش ابدا ان عندنا ولدين

احمد بحب وعشق… حتي لو عندنا ميت ولد برضه هفضل احبك واشتاق لك وبعد وقت ناموا في حضن بعض زي عصافير الكناريا

تاني يوم الصبح***************كل هذا الحب (عشق حنين) بقلمي دي دي فتحي… صفحتي الشخصية باسم اللهم أسألك الفردوس لوالدى

حنين صحيت وقررت تمشي قبل ما احمد يعمل فيها زي ما عمل فيها إللي قبله اعتقادنا منها انه زيه زي غيره متعرفش ان احمد بيعشق زينب وبيموت فيها

ولسه حنين هتخرج زينب كانت خارجه من اوضتها وبدهشه انتي رايحه فين بدري كدا!!!

احمد كمان خرج علي صوتها وحنين عيونها لمعت بالدموع ومرضتش وفضلت السكوت والصمت

زينب قربت منها وشدتها من ايديها وبحب وحنان… تعالي يا حبيبتي ارتاحي وقولي انتي رايحه فين وانتي تعبانه كدا ولو في حاجه ضروريه احنا ممكن نوصلك وبصت لجوزها ولا ايه يا احمد

احمد بجديه… اه طبعا بس بلاش تخرجي لوحدك وانتي تعبانه كدا

حنين دموعها نزلت مش عارفه تقولهم ايه ولا تعمل ايه

زينب أخدتها من ايديها ودخلت اوضتها تاني وبحب… ممكن الجميل يقعد هنا علي ما اعملك الفطار وسابتها ومشيت

وحنين قاعده تفكر بينها وبين نفسها هو في ناس كدا ولا ده حلم و هتصحي منه علي كابوس وبعد وقت من تفكيرها زينب جت لها وقالت لها انها عايزها تفطر معاهم بره كنوع من التغير لحنين وهي معترضتش وخرجت معاها واكلت اكل بسيط وهما محبوش يضغطوا عليها وسابوها براحتهم

احمد وزينب وعمرو ومحمد ولادهم لبسوا وزينب قربت من حنين وبحب… بصي يا حبيبتي البيت بيتك احنا هنودي الولاد المدرسه ونروح علي شغلنا وانتي براحتك بقي لغايه لما نرجع وسابوها وخرجوا

وحنين قاعده مش عارفه تعمل ايه لما بتفتكر اللي حصلها بتدخل في دوامه و مبتعرفش تطلع منها وقعدتها لوحدها دي مضيقاها لانها بتفكرها باللي هي فيه و وصلتله

قامت عملت شغل البيت وكمان عملت لهم غداء علي ما خلصت كانوا هما رجعوا من شغلهم وكمان جابوا ولادهم معاهم

احمد و زينب اتفاجئوا باللي حنين عملته بس مرضيوش يبينوا عشان متحسش انهم اضايقوا من انها عملت كدا هما مش عايزنها تعمل حاجه عشان متتعبش هما عندهم استعداد يجبوا بدل الشغاله عشره بس زينب بتحب تعمل اكل جوزها وأولادها بايديها هي

وحنين مش شغاله عندهم هما احتوائها عشان صعبانه عليهم مش اكتر ومرضوش يقولوا لحنين حاجه علي اللي هي عملته لانهم لو اعترضوا حنين ممكن تفكر عكس كدا ففصلوا السكوت

استمر الحال ده لمده أسبوعين هما يروحوا شغلهم وولادهم يروحوا مدارسهم وحنين تعمل كل شئ في البيت وتجهز الغداء

وطول الاسبوعين متكلمتش ولا كلمه واحدة معاهم ولا هما اجبروها علي الكلام لغيت لما حسوا ان كدا كتير عليها وحسوا بذنب تجاها

وفي يوم بليل ندهوا عليها من اوضتها وزينب اتكلمت بحب و صدق…بصي يا حبيبتي احنا مش عايزين نتقل عليكي ونخليكي تعملي حاجه احنا كنا بنقول انك بتسلى وقتك بس كدا كتير عليكي عشان كدا انا واحمد وصلنا لقرار وان شاء الله يبقي مناسب ليكي ايه رأيك لو طلعتي الشغل معانا منها تسلي وقتك و منها تكسبي خبره ويكون ليكي شأن خاص بيكي انتي هاا ايه رأيك ياحبيبتي

حنين سكتت ومردتش

واحمد اتكلم بجديه… نفهم من كدا انك موافقه علي قرارنا ولا ايه

حنين برضه سكته وزينب استغربت من سكوتها ده وبجديه لها… سكوتك ده معناه حاجه من الاتنين يا اما انتي خرساء و مبتتكلميش  يا اما انتي شوفتي كتير واكتفيتي بصمتك ده انتي مين فيهم ارجوكي قوليلنا ايه حكايتك يمكن نقدر نساعدك

وطبعا لان حنين مش واثقه في حد اكتفت بسكوتها

وزينب دموعها نزلت بحزن… معقول انتي خرساء يعني الجمال ده كله وتبقي خرساء طب ايه اللي حصلك وصلك لكدا طب انتي مين و فين أهلك وليه سابوكي كدا

حنين دموعها نزلت بصمت ووجع و زينب شدتها لحضنها وبحزن وصدق ولا يهمك يا حبيبتي اعتبرينا احنا اهلك وطلعتها من حضنها ومسكت وشها بحب وحنان ان شاء الله نلاقي لك شغل برده متقلقيش وهتفضلي معانا

احمد بجديه… انا هشغلها في الشركه معانا شغلانه مناسبه لها مع انها مبتتكلمش احنا ممكن نخليها تمسك الحسابات او تكتب علي الكمبيوتر او اي حاجه من النوعيه دي بس نختبر ذكائها الاول وبناء عليه نشغلها الشغله المناسبه لها

زينب بحب لجوزها… ربنا يخليك يا حبيبي وان شاء الله هي هتكون قد المسئوليه

حنين اترسم أمل جواها برغم انهم افتكروها خرساء بس كدا احسن من انها تتكلم وتفتح عليها اسئله مش هتنتهي

وعدا اليوم علي كدا… و اشرقت شمس جديده فيها امل لحنين انها تقدر توصل وتعيش وتثبت للناس عكس إللي هما افتكروه عنها وتوصل لبنتها وتعوضها بعدها عنها

حنين قامت بكل نشاط لبست اللبس بتاع زينب اللي كانت اديتهولها تلبس منه وحضرت الفطار وعلي ما خلصت كانت زينب صحيت واحمد قرب من حنين… الله الله علي الروائح اللي تهوس علي الصبح دي… ده مش فطار ده وليمه

و بمشاكسه وضحك…مش زي ناس حط جبنه وبيض واجري

زينب ضربته علي صدره… والله انت وحش و انا مخصماك

احمد بضحك… وانا اقدر برده دا انا اموت لو خصمتيني حتي اسألي قلبي وهو يقولك

زينب بمكر… كداب زي صاحبه وبرده انا مخصماك

احمد قرب منها وباسها من شعرها… والله ما اقدر علي زعلك وخصامك ده انتي حبيبتي وروح قلبي كل ده تحت انظار حنين اللي افتكرت مروان وحبه ليها وحبها هي لابراهيم اللي دمر حياتها عيونها لمعت بالدموع ودخلت المطبخ عشان تداريها وتسيبهم يستمتعوا بالحظات الرومانسيه دي سوا وقررت في نفسها إنها تشوفلها مكان تاني وتسيبهم يعيشوا لوحدهم وافتكرت مروان لما كان مضايق من وجود رودي وأكيد كمان احمد مضايق من وجودها وده مش صحيح

وبعد وقت فطروا وراحوا شركتهم واخدوا حنين معاهم الشركه اللي ابراهيم اخو زينب شريك فيها😱😱😱 مع جوز اخته بعد ما ساب شغله في المؤسسه الحكوميه إللي هوكان شغال فيها لان باباه طول ماهو كان عايش كان مانعه من دخول الشركه وكان مانع عنه اي فلوس ياخدها من الشركه اوحتي منه بسبب اللي كان بيعمله… ولما مات طبعا ابراهيم ساب شغله في الموسسه واتجه لشغله في الشركه مع ان باباها كان كاتبها كلها لزينب بس هي مرضتش بكدا وخلت اخوها شريك معاها

احمد وزينب وحنين دخلوا الشركه وحنين خوف كبير جواها مش عارفه من ايه بس الخوف ماليها خايفه امرها ينكشف خايفه تشوف في عيون الناس نظره اتهام تاني خايفه من كل حاجه حواليها مجرد انها خايفه وبس

دخلوا واحمد وزينب ادوا حنين مكتب صغير مبدئيا

واحمد اتكلم و بجديه… للبنت إللي كانت هناك و تدعي موني ده اسم دلعها اما هي اسمها امنيه المسيري وما ادراك من عائله الميسري هنتعرف عليهم في الاحداث ان شاء الله… وبجديه انا عيزاك تتدربي وبيص للحنين ولحظه وافتكر انه هو ميعرفش اسمها برغم انها اقعدت معاهم حوالي اسبوعين وبصلها وسالها عن إسمها وهي كتبت علي ورقه ان هي اسمها شروق… وكمل انا عايزك تدربي شروق علي طبيعه شغلنا وشوفى لها ايه اللي يناسبها وخليها تشتغله

موني بعدم فهم… يعني اية يناسبها؟؟؟

احمد بجديه… شروق خرساء ما بتتكلمش مش عايزك تديها شغل ليه علاقه بالكلام

موني بغضب وتريقه… يعني حضرتك عايزني ادرب وحده خرساء طب ازاي هو من قله الناس إللي تشتغل ولا ايه عشان نشغل الخرس كمان

احمد بجديه وعنف… اعتقد انك سمعتي إللي انا قولته فياريت تنفذي بالحرف الواحد ومش عايز اقولك لو شروق  اشتكت منك هعمل ايه

موني بتريقه… وهي الخرساء كمان هتشكتي مني

احمد بعنف وغضب اكتر… موني ده اخر تحذير ليكي اوعي تنسي نفسك فاهمه

موني بعنف وغضب اكتر منه وحقد… اه اه انا فاهمه بس عيزاك انت كمان تفهم ان انا خطيبه ابراهيم اللي بيعشقني وبيموت فيا وليه النص في كل حاجه في الشركه اوعي تنسي ده أبدا… وعلي العموم هو نص ساعه وزمانه جاي هنشوف ايه رايه في موضوع شغل الخرساء دي وبصت لحنين باستهزاء وتريقه