رواية كل هذا الحب الفصل الحادي عشر 11 – بقلم ديدي فتحي

الحلقة 11

قرأه ممتعة

موني بعنف… انا فاهمه بس عايزاك انت تفهم اني كمان خطيبه ابراهيم شريكك في كل حاجة في الشركه ياريت متنساش ده ابدا وكلها نص ساعه وزمانه جاي وهو يحكم بقا اذا كانت الخرساء تنفع للشغل معانا ولا لا

زينب قربت منها بعنف وغضب… و أوعى تنسي ابدا ان اللي بتتكلمي معاه ده يبقي جوزي وخطيبك ده يبقا اخويا وانا مش هسمحلك تتعدي حدودك ابدا مهما كانت الظروف فاهمه ولا افهمك انا… وبصت لحنين اللي عيونها اتملت بالحزن حست ان املها بيروح قدام عنيها يعني هي لسه بتقول يا هادي يقوم يحصل كل ده

زينب قربت منها وبحب… ولا يهمك يا حبيبتي انا هعلمك كل حاجه يلا بينا واخدتها من ايديها ودخلتها مكتبها واحمد كمان دخل مكتبه بس كان مضايق من طريقه موني معاه وقرر يوقفها عند حدها مهما كان الثمن

وموني بعد ساعه اتصلت علي ابراهيم… وبدلع ووقاحه… انت فين يابيبي وحستني اوي

ابراهيم بنوم وبعدم اهتمام… عايزه ايه مش فايقلك انجزي عشان مصدع وعايز انام

موني علي نفس اسلوبها… طيب اجي اضيعلك الصداع ده

ابراهيم بزهق… دا علي اساس انك مكنتيش معايه امبارح

موني بدلع اكتر… ماانا مقدرش علي غيابك يابيبي وانت مبتجيش الشركه اد كدا هعملك ايه بقا

ابراهيم بزهق اكتر… مش عايزك تتعملي حاجه ويلا غوزي من وشي الساعه دي عقرتي مزاجي بسماع صوتك ده

موني بزعل مصطنع… طب انا زعلانه منك ومخصماك

ابراهيم بجديه… هتقولي كنت بتصلي ليه ولا اقفل السكه في وشك واكمل نوم

موني بسرعه قبل مايقفل… كنت بطمن عليك لانك لغيت دلوقتي مجتش الشركه

ابراهيم باستغراب… ومين قالك اني جاي الشركه… انتي اكيد شاربه حاجه علي الصبح

موني بجديه… انت يابيبي لما كنت في حضنك امبارح قولتلي انك هتيجي الشركه عشان وحشتك زينب اختك

ابراهيم بعدم اهتمام… اه اه امبارح قولتي بقا.. علي العموم انا مبيجيش الشركه غير للضروه وان كان علي زينب هبقا اروحلها البيت اشوفها يلا سلام خليني اكمل نوم وقغل في وشها السكه… وهي قاعدت مضايقه عشان كانت عيزاه يجي وياخد موقف منهم بس دا عشم ابليس في الجنه

******************************كل هذا الحب (عشق حنين) بقلمي دي دي فتحي… صفحتي الشخصية باسم… اللهم أسألك الفردوس لوالدى

&&وبعد شهر&& حنين اتعلمت من زينب بسرعه جدا وبقت استاذه في الحسابات لان في دماغها هدف وعايزه تحققه وكل الكلام كان بين حنين و زينب بالاشارات أو بالكتابه علي الورق وحنين طلبت منهم انها تقعد في مكان لوحدها وهما رفضوا وبشده بس هي أصرت وهما شافوا لها مكان قريب من الشركه وقعدت فيه وكانوا بيروحوا لها يطمنوا عليها من وقت للتاني بالاضافه انها كمان معاهم في الشغل

ومر حوالي 6 شهور علي وجود حنين في الشركه بتاع زينب وابراهيم اللي دمر حياتها… ومجاش لو يوم الشركه لانها مش في دماغه اصلا و هو كل اللي في دماغه ازاي يوقع البنات و يدمرهم… وفضل ال٦ شهور يدور علي حنين او حاجه توصله بيها معرفش يوصلها ابدا… حتي رودي اختفت من وقت اختفي مروان وغيرت رقمها ومسحت الاكونت بتاعها وبالتالي ابراهيم معرفش يوصلها ولا يوصل لحنين وده اللي مجننه الفتره اللي فاتت

و حنين طول الوقت كانت بتثبت لنفسها وللي حواليها انها جديره بالمكان برغم عدم كلامها و صمتها وموظفوا الشركه لقبوها ب ((الخرساء الجميله))

وبرغم انها عاشقه للكتابه ولكن في نفس الوقت تجيد هوايه الرسم ونجيد السباحه جيدا لان كليتها كانت تربيه رياضيه… وكان مجال الشركه وشغلها وصفقاتها في مجال تصميمات الملابس وتصنيعها وتوزيعها علي حسب الاتفاقيات المطلوبه

*************************

&&في يوم ليس ببعيد &&

المصمم اللي كان بيشتغل في الشركه كان أجنبي و طلب عموله اكبر من اللي بياخدها يا إما يسيب الشغل ويشتغل مع شركه منافسه لهم والمفروض انهم كانوا بيعملوا طلبيه لشركه تانيه ومضين معاها عقود بملايين… لان الشركه المنافسه عيزه تخسرهم فعرضت علي المصمم عموله اكبر وانه هو يحطهم قدام الامر الواقع

و احمد اتصل على ابراهيم عشان يجي يشوف حل ويجتمعوا وابراهيم بعدم اقتناع واهتمام… قاله انه هو هيجي بكره يشوف في ايه و ايه المطلوب منه وأحمد وزينب رجعوا بيتهم وهما مضايقين من اللي حصل

احمد بجديه… احنا لازم نبلغ الشركه اننا مش هنقدر نوصل لهم الطلبيه في الميعاد المتفق عليه

زينب بحزن واستسلام… خلاص اللي إنت شايفه صح اعمله مع ان اتفاق زي دا هيخسر الشركه كتير

احمد بجديه وحزن… بس ما باليد حيلة هنعمل ايه مش هنقدر نجيب مصمم بسرعه دي عشان يخلص التصميمات ونسلم الطلبيه في ميعادها وانا هعرف ابراهيم اخوكي بالكلام ده بكره عشان يبقي عارف كل حاجه

زينب قربت منه بحب وعشق… ولا يهمك يا حبيبي ان شاء الله ربنا هيعوضك كل خير وهيعوضك عن الثفقه دي

احمد… ان شاء الله يا حبيبتي ان شاء الله يلا عشان ننام لان بكره هيكون يوم طويل

زينب بحب وعشق… يلا يا حبيبي

حنين روحت من الشركه بتفكر ازاي تساعدهم وازاي ميخسروش الثفقه دي… نفسها تعمل اي حاجه زي ما ساعدوها كتير ولسه مازالوا بيساعدوها فهي لازم تحاول تساعدهم وتقف جنبهم… وكانت واخده ورق تصميمات كتير من الشركه بتاعه المصمم الاجنبي ولنفسها… ان شاء الله انا ممكن اعمل احسن من التصميمات دي وهعمل دلوقتي كام تصميم واعرضه عليهم وان شاء الله يعجبهم

وفعلا اقعدت بكل ثقه وتركيز وذكاء منها ورسمت كذا تصميم كانوا في قمه الجمال و الروعه وفضلت سهرانه مطبقه لغايه ميعاد شغلها ولبست ونزلت حتي مفطرتش وراحت الشركه

و أول ما راحت خبطت علي مكتب احمد وهو سمحلها بالدخول وبعد ما دخلت  عرضت عليه التصميمات وهو شافهم بدهشه وصدمه لانهم روعه واحسن من تصميمات المصمم الاجنبي

احمد قام من علي كرسيه وأمل جديد اترسم جواه وبفرحه… قولي هو فين المصمم اللي عمل التصميمات دي  بسرعه تعالي وديني ليه وبيشدها من ايديها عشان توديه للمصمم هي بتحاول تقوله باشارتها ان هي اللي عملتهم بس هو مش واخد باله… وشدها وراح عند زينب وبفرحه غارمه… وراها التصميمات وهي كمان فرحت جدا

احمد كمل بفرحه… يلا يا زوزتي نروح مع شروق وده الاسم اللي هي قالت لهم عليه عسان تعرفنا علي المصمم اللي عمل التصميمات دي

ولسه هيخرجوا حنين شدت زينب وشاورتلها انها هي اللي عملتهم وعندها إستعداد تعمل غيرهم

زينب بدهشه وصدمه … معقول انتي يا شروق اللي عملتي التصميمات دي معقول

حنين هزت رأسها بمعني اه

واحمد بصلها بعدم فهم وعدم تصديق وحنين فهمت ده وخرجت ورقه وقلم وصممت تصميم جديد لفستان روعه

وهما اتصدموا اكتر وزينب بصت لأحمد وبصدق… سبحان الله في الوقت اللي كنا هنلغي فيه الطلبيه ونغير الشركه ربنا بعت لنا شروق عشان تكون شروق لحياتنا كلنا وقربت منها وحضنتها وهي قاعده و بحب وصدق… انتي فعلا انسانه جميله اوي و قلبك مفيش زيه مستحملتيش خساره الشركه وحاولتي أنك تساعدينا بجد انا متشكره ليكي جدا

حنين ابتسمت بحب وفرحه.. انها قدرت تساعدهم

واحمد اتكلم بجديه… بصي بقي يا شروق انا هخلي الكل يشتغل تحت ايدك ويساعدوكي بما فيهم انا وزينب المهم نخلص التصميمات ونبعتها للمصنع عشان نلحق نسلم الطلبيه في ميعادها المهم انتي بس حاولي تخلصي التصميمات بسرعه

حنين بإبتسامه وجديه هزت راسها بالموافقه

ولحظات وخبطت عليهم السكرتيره بتبلغهم ان ابراهيم مستنيهم في مكتبهم

احمد بجديه وأمل… روحي قوليله إحنا جايين حالا وبجديه لحنين… ها يا شروق قدامك قد اية وتخلصي التصميمات

حنين بجديه وثقه كتبت… ان شاء الله اسبوع واخلصهم

احمد بدهشه… أسبوع ازاي دول ميخلصوش أقل من شهر

حنين بثقة كتبت علي الورق… ان شاء الله انا مش هنام غير لما اخلصهم وهسهر علي قد ما اقدر ويكفيني من الليل ساعتين بس عشان نلحق نسلم الطلبيه في ميعادها

زينب قربت منها وبحب… لا يا حبيبتي متضغطيش علي نفسك اوي كدا احنا عايزين نسلم الطلبيه في ميعادها بس مش علي حساب صحتك

حنين علي نفس ثقتها كتبت… انها مش هتكون تعبانه لانها بتحب الشغل جدا  و٦يزاه تساعدهم باي شكل

احمد شكرها وزينب باست راسها وسابوها وراحوا لابراهيم((الذئب اللعين)) ودخلوا عليه بفرحه وأمل وهو أول ما شافهم وبتريقه… خير باين علي وشكوا ان الشركه كسبت مليار جنيه ولا حاجه

احمد بجديه… وانت يهمك في ايه الشركه تكسب ولا تخسر هو انت بتيجي فيها اساسا دانت بقالك ٦ شهور متعرفش عنها حاجه

ابراهيم بلا مبالاه… البركه فيك يا جوز اختي يا غالي واختي حبيبه قلبي

زينب بزعل مصتنع… حبيبه قلبك  انا لو حبيبه قلبك كنت جتلي علي طول دانتي مبتحيش الشركه خالص ومتجليش البيت غير لما اتصل عليك واقولك انك وحشني

ابراهيم بمشاكسه… انتي عارفه انا بحبك قد ايه ومقدرش استغني عنك واموت لو زعلتك مني

زينب بزعل علي انا زعلها منك ومش هكلمك ابدا

ابراهيم قام حضنتها وبحب وصدق… بعد الشر عليكي حبيبتي من الزعل انتي عارفه ان من ساعه ما بابا وماما ماتوا وانتي كل حياتي

زينب بدالته حضنه بحب واشتياق وبحزن ودموع والله بتوحشني اوي.. ابراهيم لسه هيرد قاطعه احمد و بمراوغه عشان يخفف عنها لانه مش قادر يشوف دموعها اكتر من كدا… يا عيني عليك يا ابو حميد احبها الحب ده كله وفي الاخر ملهاش غير اخوها ونسيت جوزها حبيبها

ابراهيم بحب وعشق لاخته… ربنا يخليكي ليا يا حبيبتي و ميحرمنيش منك أبدا وبص لاحمد وبضحك… علي فكره هي بتحبني اكتر منك

احمد قام من علي كرسيه وقرب من زينب واخدها منه وحضنها وبحب… اي حاجه بتحبها حبيبتي انا كمان بحبها

ابراهيم بمشاكسه…الله الله بس صدقوني مفيش حاجه اسمها حب ممكن يكون تعود مش اكتر

احمد بجديه… وانت ايه فهمك انت في الحب صدقني انت لو حبيت عمرك ما هتقدر تستغني عن حبيبتك أبدا

ابراهيم بجديه… انا يوم ما قلبي يدق لحد انا اقتله وادفنه واخد العزاء فيه كمان وبعنف وغضب… مفيش حاجه اسمها حب فاهم مفيش حاجه اسمها حب مفيش وحده مخلصه لواحد كلهم خاينين وكدابين ويستاهلوا اللي بيتعمل فيهم

زينب قربت منه وبحب… اهدا يا حبيبي اهدأ

و ابراهيم كمل بجديه وبهروب عشان يقفل الكلام عن الحب… انتوا كنتوا عايزين ايه اكيد مكنتوش عايزني عشان توروني المشهد بتاعكم ده أكيد في حاجه تانيه مهمه عشان تكلموني اجي هنا لان بقالي حوالي 6 شهور مجتش

أحمد بتريقه… لا يا فصيح مكنتش عايزك عشان كدا احنا كنا عايزينك عشان… وحكاله اللي حصل عن موضوع الثفقه و المصمم الاجنبي اللي سابهم و شروق اللي ادخلت في الوقت المناسب و انقذت الموقف

ابراهيم بجديه وتريقه… وهي الخرساء دي بالذكاء ده انا شاكك فيها علي فكره

زينب بهجوم ودفاع… متقولش كدا علي شروق هي بنت غلبانه وطيبه وبتساعد كل اللي حواليها من غير مقابل فبلاش تظلمها زي ما بتظلم نفسك باللي بتعمله فيها

ابراهيم لسه هيرد قاطعه خبط الباب وكانت موني خطيبته اللي دخلت وجريت عليه وحضنته بكل وقاحه قدام اخته وجوزها

زينب اتكلمت بغضب… اظن المفروض يكون في حدود اكتر من كدا يا اخويا يا ابن امي وابويا ولا ايه رايك

ابراهيم بعدم مبالاه… عادي يا زيزي يا حبيبتي عادي و بثقه عشان تعرفي بس إنهم كلهم واحد وكلهم ملك للكل ومفيش واحده مخلصه لواحد ابدا

أحمد باشمئزاز من كلامه… والله عيب اوي اللي انت بتقوله ده حتي اعمل حساب لأختك

ابراهيم بدفاع… اختي غير اي حد اختي فوق الكل

زينب بعنف وغضب… ليه هو انا مش بنت زي كل البنات ولا ايه

ابراهيم بغضب و بهروب اكتر… ياريت نغير الموضوع ده لاني معنديش استعداد اسمع محاضرات علي الصبح

زينب بدموع ووجع… والله اللي في دماغك ده غلط غلط صدقني اسمعني وافهمني بس وانا افهمك

ابراهيم بعنف وصوت عالي… انا مش عايز اسمع حاجه ولا افهم حاجه كفايه اللي انا شوفته كفايه بقا

وخرج و رزع الباب وراه وزينب وقعت علي الكرسي وعيطت بكل الوجع اللي جواها واحمد قعد جنبها و شدها لحضنه.. كفايه دموع بقا كفايه

زينب بوجع ودموع… انا تعبت من افعالة اللي هو بيعملها ده اخرته ايه بس وذنبهم ايه البنات اللي بيعشمهم وبيضحك عليهم… وبدموع وشهقات… واغيرله ازاي اللي في دماغه بس هو اتجوز مرتين وخطب مرتين وميكملش معاهم وفي كل مره هو اللي بيبقا غلطان… حتي لما سمع كلامي عشان يتجوز من كتر زني عليه راح خطب واحده شمال ومتعرفش يعني ايه ربنا وزادت في العياط اكتر

واحمد قرب منها وبحب… ان شاء الله ربنا يهديه ويقابل اللي تعوضه وتغير مفهومه عن البنات ادعيله انتي بس

زينب بدموع… يا رب يا احمد يا رب

ابراهيم خرج هو وموني عشان يمشوا

و بدلع لإبراهيم… ثواني يا حبيبي ثواني هجيب شنطتي واجي معاك

ابراهيم بعدم اهتمام… ماشي روحي… وعيونه علي مكتب حنين اللي مفتوح قدامه هو ميعرفش مين دي بس شكلها وهي نايمه كدا جننه

دخل المكتب يشوف اللي نايمه دي مين وجت هنا امته هو عمره ماشافها قبل كدا.. جزء من شعرها البني الجميل مغطي عيونها… بس شفايفها باينه عباره فراولايه سبحان الخلاق فيما خلق

قرب منها اكتر عنده احساس بيدفعه انه يلمس شفايفها بس ازاي قرب ايده من شفايفها وبيمشيها عليها ببطئ  وحنين نايمه مش حاسه باللي هو بيعمله من تعبها و سهرها اليوم إللي قبله في تخليص التصميمات قرب منها اكتر واكتر و شال ايده من علي شفايفها وبدأ يرفع الشعر اللي مداري عيونها

نكمل بعد شوية