رواية كل هذا الحب – الفصل السادس والثلاثون
36
الحلقة 36
قرأه ممتعة
رعد أول ما نزلت وبجديه… انت مين وقاعد هنا ليه
ابراهيم كان في دنيا تانيه… دنيا فيها حنين و همسته وبس وبيسترجع الذكريات معاهم
يامن قرب عليه وبجديه… هو احنا مش بنسالك انت مين و رفع وشه لفوق
لقوا شخص عيونه كلها حزن و دموع ووجع لقوا شخص دقنه طويله نوعا ما والحزن والكسره باينه عليه
رعد أول ما شفته وبصدمه😲 من شكله و كسرته… انت مستحيل!!!
ويامن بصدمه😲اكتر منها… البأف مش ممكن
رعد بصدمه… مش ممكن تكون الشخص اللي انا شوفته قبل كدا
و بيتبص ليامن معقول يكون هو معقول
يامن بعنف وهجوم… و ليه لا والله أنا اتمني يكون هو لانه يستاهل
رعد قربت منه وبجديه… ممكن تقولي قاعد كدا ليه وايه إللي حصلك وصلك للي انت فيه ده؟؟؟
يامن بعنف… رعد سيبك مهما يكون حصله فهو يستاهل
ابراهيم بصله بحزن و وجع ولسه هيقوم يمشي من قدامه وقع اغمي عليه
و رعد قربت منه وبجديه… شيله يا يامن بسرعه شيله
يامن بصلها وشاله من غير كلام مع إنه مكنش عايز يشيله بس رعد استحاله هتسيبه كدا…فشاله وركبه العربيه
يامن بجديه وهو سايق… هنوديه اي مستشفي و نسيبه ونمشي
رعد بجديه… لا إحنا مش هنوديه المستشفي احنا هناخده معانا البيت
بامن بصدمه… اااايه تاخديه فين يا أختي انتي اكيد مش عارفه بتقولي ايه
رعد بجديه اكتر… لا عارفه كويس انا بقول ايه انا لازم اعرف ايه اللي وصله لكدا و فين البنت اللي كانت معاه
يامن بجديه و غضب… واحنا دخلنا ايه بيهم ما يولعوا في بعض
رعد بجديه وعنف في الكلام… الظاهر إنك نسيت ان شغلتنا معرفه الحقايق مهما كلفنا الأمر وان احنا لازم نتعب عشان نرجع الحق لأصحابه
يامن بعنف… ده استحاله يكون ليه حق عند حد استحاله ده اكيد مجرم وعايز يتربي وشكل الايام ربته بما فيه الكفايه فسيبه بقا لنصيبه
رعد بعنف وجديه… حتي لو مجرم يبقا لازم نعرف أجرم في ايه
يامن بغضب…بس انتي ممكن توديه اي مكان تاني غير بيتنا و اشمعنا ده اللي هتوديه البيت مهو احنا كل يوم بنشوف اشكال اكتر من كدا
رعد بجديه وشرود… مش عارفه بس يمكن عشان شوفته قبل كدا بشكل غير الشكل ده فأنا لازم اعرف هو ايه اللي وصله لكدا والبنت اللي كانت معاه راحت فين وكمان مقدرش اوديه الجهاز هوديه بتهمه ايه
يامن بعنف وغضب… فتقومي تجبيه بيتنا مش كدا!!
رعد بجدية اكتر… انا مش شايفه حاجه تستدعي اللي انت عامله ده كله
يامن بغضب اكتر… يبقي انتي مبتشوفيش وارجوكي متحملنيش فوق طاقتي انا هوديه البيت بس اعرفي ان ده ضد رغبتي
رعد سكتت عشان متاذمش الموقف… لانها عايزه تعرف اللي حصل لإبراهيم باي شكل
وبعد شويه وصلوا الفيلا… ويامن ندا علي الحرس شالوا ابراهيم و دخلوه الفيلا وهما كمان دخلوا
دي دي بنتهم… ١٥ سنه… جريت عليهم وبشتياق وحب… انا زعلانه منك اوي يا مامي
رعد قربت منها وحضنتها وبحب … وانا مقدرش علي زعلك يا قلب مامي
دي دي بزعل… بقا كدا تسبيني أسبوع كدا
رعد بمشاكسه وحب…لو دي دي و فهد سامحوا مامتهم علي التأخير هتجيب لهم كل اللي هما عايزينه وكمان وهتفسحهم ايه رايكم هنتصالح و لا هتفضلوا زعلانين ؟؟؟
دي دي بفرحه… لا لا خلاص الزعل راح يامامي وانا مش زعلانه
رعد قربت من فهد وبحب… هااا يا فهد ياحبيبي… هتفضل زعلان من مامي ولا هتصالحها
فهد بجديه و ثبات مع إنه طفل سنه لا يتعدى ال١٥ سنه وبجديه… لا انا مش زعلان يا ماما وكمان مش عايز حاجه ولا فسح انا مش صغير على الحاجات دي
رعد بحب… عيش سنك يا حبيبي متكبرش نفسك قبل الاوان
فهد بثبات و قوه… صدقيني يا ماما انا كويس كدا انا همشي عشان عندي تدريب مع الكابتن
رعد بمشاكسه وحب… تعرف لو انا دخلتلك في مره انت والكابتن ده هغلبكم انتوا الاتنين ولا ايه رأيك
فهد بثبات وقوه اكتر… بس اللي عنده عزيمه وإصرار يقدر يتغلب علي اي شئ حتي لو الشيء ده كان اقوي منه
رعد بمشاكسه اكتر… طب ولو اللي اقوي منه ده غلبه برضه
فهد بثبات… يبقي يكفيه شرف المحاولة المهم ان احنا منستسلمش لنقاط الضعف اللي في جوانا ومنخفش من اللي قدامنا مهما كانت النتجيه وكمان منخليش حد يقرب من قلبنا عشان ميتحكمش فينا ولازم ندوس عليه قبل ما يدوس علينا
رعد بجديه و استغراب من كلام ابنها… حبيبي الحب عمره ما كان ضعف أبدا الحب بيقوي القلب بيعيشك أجمل و احلي ايام فهد بقوه و شراسه… وأنا مش عايز الايام دي لأني عايز افضل فهد يامن العمري وبس اللي الموت يخاف يقربله والوحش يهابه والأسد يستخبي في عرينه لما يشوفه
رعد بجديه… كويس اوي كل اللي انت بتقوله ده بس لازم يكون في قلبك رحمه وحب للناس إللي انت هتتعامل معاهم عشان تعرف تفرق بين المظلوم و الظالم
فهد بثبات وقوه… متقلقيش يا عقيد رعد الفهد حتي لو معندهوش قلب فهو هيفضل علي طول فهد وعمره ما هيظلم حد لانه مش شرط يحكم علي اللي قدامه بقلبه كفايه يحكم عليه بعقله… وبجديه… عن اذنكم لأنى اتأخرت علي ميعادي
الفهد ده👆 بقوته و شراسته دي هتقابلوه ان شاء الله… هو وصقر سلطان الحسيني… واشخاص تانيه كتير بنفس قوته وشراسته.. في #الجزء_التالت… #من_عذاب_رعد… وهيكون اسم الجزء مميز عن اي اسم سمعتوه… ان شاء الله… و هيكون كله #اكشن_واثاره_وتشويق… لكم ان تتخيلوا الجزء ده هيكون ايه… وشخصيه فهد وصقر واللي معاهم هتكون ازاي 👉👉
نكمل 👇👇
رعد باستغراب… ايه القسوه اللي في قلب الواد ده من صغره كدا… و بتبص ليامن اللي سمع كل الحوار وبصلها وطلع فوق
و هي راحت لابراهيم اللي الحرس وداه اوضه الضيوف اللي تحت و دخلت عنده وفوقته
وهو فتح عيونه و بتوهان… همس متسبيش هيما يا همس ارجوكي ارجعي لهيما
رعد بستغراب… همس مين… اللي انا شوفتها معاه كان اسمها حنين معقول كان بيحب وحده غيرها… وهي سابته عشان كدا معقول …طب هي فين… ومين همس دي وليه شكله متبهدل كدا
قربت منه وبجديه… ممكن تقولي ايه اللي وصلك لكدا ؟؟
ابراهيم لف وشه الناحية التانيه… و رعد لفت وشه ليها…وبجديه وثقه… خليك واثق و متأكد من حاجه واحده بس ان انا الوحيدة بعد ربنا اللي هتقدر تساعدك في اللي انت فيه ده
ابراهيم لف وشه تاني ومازال علي سكوته
وهي بجديه اكتر… ولو قولتلك هرجعلك همس اللي انت بتنادي عليها دي برضه هتفضل ساكت؟؟؟
ابراهيم لف لها وشه وعيونه لمعت بالدموع
و رعد علي نفس جديتها… ممكن تحكيلي بقا وخليني اساعدك… وتقولي فين البنت اللي كانت معاك قبل كدا
ابراهيم بصلها بحزن ووجع
و رعد بجديه وتأكيد… ان شاء الله هساعدك ده وعد من العقيد رعد احمد الوديدي اللي عمرها ما وعدت حد و رجعت في وعدها أبدا
ابراهيم أمل اترسم جواه لان لما اخدته المره اللي فاتت كان باين من دخولها الجهاز ان ليها هيبه وشأن وممكن فعلا ترجع له همسته
و بدأ يحكي لها بحزن و ووجع من اول ما اتعرف علي حنين علي النت
وازاى عذبها وجرحها وازاي هي ضحت عشانه كتير لدرجه انها ضحت بحياتها عشانه… وازاي كانت نهايتها الموت… وازاي قابل همس وازاي رباها وكبرها ورجع بيها مصر وحصل إللي حصل بينه وبين أهلها… وبينه و بين مروان لما راحله تاني واتصدم لما قاله انها هربت و ميعرفش مكانها فين
رعد اتصدمت من كلامه… معقول في حد يعمل في حد كدا و خصوصا لو كانت بتحبه((كل هذا الحب)) معقول
و بحزن و تأثر من حكايته مع حنين وموتها… وبجديه وعنف… عارف انت تستاهل الموت الف مره ومره بسبب اللي انت عملته في حنين ده وصدقني حرمانك من حنين ده عقاب ربنا ليك
ابراهيم بحزن و وجع… انا هفضل حزين عليها عمري كله بس ارجوكي ساعديني الاقي همس كفايه عليها اللي هي شافته و هي صغيره ارجوكي ساعديني اوصلها
رعد بجديه و قوه…انا لو هساعدك فده عشان البنت المسكينه متظلمهاش زي مامتها ويكون مصيرها الموت هي كمان
و بجديه اكتر… انا هخليهم يبعتوا لك حاجه تاكلها لان ورايا مهمه ضروريه كمان شويه لازم اخلصها و لما ارجع إن شاء الله تاكد اني في خلال ٢٤ ساعه هجيبلك همس
ابراهيم بحزن و وجع… انتي متاكده انك هتقدري تحبيهالي في ٢٤ ساعه؟؟؟
رعد بجديه… بعد ما اخلص مهمتي اديني بعدها 24 ساعه هتكون همس بين ايديك وخليك فاكر إن ده مش عشانك لانك فعلا متستاهلش أبدا وسابته وخرجت وصت ليه علي الاكل يدخله
وطلعت ليامن اللي اخد شاور واستنى رعد تيجي بس غابت… عند إبراهيم لما حكالها وخلصوا سوا
وطلعت فوق ودخلت اوضتهم اخدت شاور و لبست وجهزت نفسها للمهمه بتاعه المسيرى وابنه… لان خلاص الفجر كان قرب يأذن ولازم تخلص المهمة زي ما اتفقت مع باقي الفريق قبل شروق الشمس
قربت من يامن اللي هو اصلا صاحي و مستني يشوف رعد هتعمل ايه هتنفذله طلبه و رغبته فيها زي ما وعدته و هيكون من ضمن اهتماماتها ولا لا
قربت منه وبهمس… كفايه بقا نوم عشان ورانا مهمه دلوقتي
يامن بجديه نوعا ما…ايه خلصتي كلام مع البأف ولا لسه؟؟؟
رعد بجديه… هو فعلا بأف عارف البنت اللي كانت معاه حصلها ايه
يامن بعنف وغضب…مش عايز اعرف حاجه ولا اسمع حاجه عنهم
رعد بجديه… ماشي براحتك بس ممكن تقوم تجهز يلا عشان نطلع المهمه لان الميعاد خلاص قرب
يامن بعنف وغضب… المهمه!!! خايفه علي المهمه… أحسن هنتاخر علي ميعادها… والبأف خايفه عليه وجبتيه البيت عشان تعرفي حكايته وتساعديه… وكل حاجه مهمه ليكي ماعدا أنا صح؟؟؟
رعد بصدمه و استغراب من كلامه… ايه اللي انت بتقوله ده!!!
يامن مسكها من دراعها بعنف وغضب… اللي انا بقوله ده هو الحقيقة اللي انتي مش عايزه تصدقيها لغيت دلوقتي
رعد بجديه …خلينا نطلع المهمه عشان منتاخرش ولما نيجي نبقا نكمل كلامنا في الموضوع ده
و قامت وقفت ولسه هتمشي
يامن قام وراها و مسكها من دراعتها الاتنين وبعنف وغضب وجنون… طب ايه رأيك انك مش هتروحي المهمه دي
رعد بذهول… ايه اللي انت بتقوله ده إنت أكيد مش في وعيك
يامن بجنون اكتر… لا انا في وعي ياعقيد رعد… وبقولك مش هتروحي يا رعد مش هتروحي
رعد بذهول و دهشه اكتر… انت بتقول ايه انت اكيد مش طبيعي
يامن بجنون…انا قولت اللي عندي وانتي عليكي التنفيذ فاهمه… يأما مش هتشوفي وشي تاني
رعد بصدمه اكتر واكتر….انت بتهددني طب ليه وحصل اية عشان ده كله
يامن وهو مازال علي جنونه… حصل إني مبقتش قادر استحمل إنك تفضلي كل حاجه تخص شغلك عليا خلاص زهقت زهقت
رعد بجديه… بس انت متجوزني و عارف انا بشتغل ايه… وايه اهميه شغلي و التزاماتي
يامن بغضب… وانا مش مهم عندك ليه والتزاماتي ليه مش حطاها في حسابك ليه
رعد بجديه وحزن..ده كله عشان معنديش وقت اقدملك اللي انت عايزه
يامن بعنف وغضب… لا مش عشان كدا وانتي عارفه ده كويس… بس انتي دايما بتفضلي شغلك عليه وحتي لما سافرتي أسبوع منعتني من السفر معاكي عشان وجودي ميأثرش علي شغلك و تشتغلي براحتك
رعد بعنف وغضب… وليه متقولش اني كنت خايفه عليك…وكنت عايزه أبعدك عن الخطر علي الأقل انا لو حصلي حاجه… تبقا إنت موجود مع دي دي و فهد ليه مفكرتش في كدا… عشان انت دايما بتفكر في اللي انت عايزه و بس… حتي لو كان ملهوش اساس من الصح و نزلت أيده ولسه هتمشي
يامن شد ايديها بغضب اكتر… قولتلك مش هتطلعي المهمه دي يعني مش هتطلعي
رعد بجديه و هدوء… ولو قولتلك اني هطلع لاني مينفعش مطلعش المهمه دي… لأن كل المعلومات والتفاصيل بتاعتها كلها عندي و المفروض ان انا القائد بتاع الفريق ومينفعش اتخلي عنه ولا عن المهمه أبدا
يامن بجديه وبتصميم… ولو قولتلك انك لو كسرتي كلامي وطلعتيها همشي ومش هتشوفي وشي تاني
رعد بجديه وهدوء عكس اللي جواها و نزلت ايده… يبقا مش عايزه اشوف وشك تاني… ولسه هتمشي
يامن بحزن و وجع وشدها من دراعها… للدرجه دي شغلك اهم مني لدرجه دي
رعد بجديه وهدوء … واجبي تجاه بلدي اهم من اي حاجه في الدنيا لأنى مسئوله عن ارواح كتير ابرياء… مؤكد لو اهملت في شغلي هيروحوا بسببي وانا مستحيل اكون سبب في اذيه حد برئ
وبجديه اكتر… وبعدين مش العقيد… رعد احمد الوديدي اللي حد يهددها… حتي لو كان جوزها اللي بتحبه
يامن بحزن… انتي بتخسريني وبتضحي بكل اللي بينا بسهوله دي
رعد بجديه وثبات… انت اللي وصلتنا لكدا مش انا… وبحزن… وكل مره بتبقي انت السبب في ده وبرضه متعلمتش وسابته ومشيت
و هو واقف مصدوم من كلامها للدرجه دي شغلها اهم عندها منه… للدرجه دي قعد مكانه علي الكنبه بذهول وصدمه… من اللي وصلوا له و قرر فعلا يمشي يمكن تعرف قيمته لما يبعد عنها
رعد نزلت في قمه غضبها وانفعالها من كلام يامن وافعاله… وركبت عربيتها وطارت بيها… وبتفكر…ازاي عايز يمنعها انها تطلع مهمه هتقبض فيها على مجرمين زي دول وتحمي البلد من اجرامهم… ازاي يقارن نفسه بشغلها… شغلها متقدريش تتخلي عنه… وهو كمان متقدرش تستغني عنه… ليه يخطها في المقارنه الصعبه دي والمستحيل ان كفه فيهم تطب عن التانيه
و من امتي و هي قصرت معاه… دي هي ما بتصدق اي وقت عشان يقضوه مع بعض و تراضيه ليه كدا… دا هي حطاه أول اهتمامتها… يمكن هو عندها اهم من عياله فا ليه الجمود والظلم ده ليها
ولنفسها… هو أستحاله يتغير هيفضل طول عمره يامن المتهور المجنون اللي تهوره و جنانه وصالهم قبل كدا لمفترق طريق و دلوقتي كمان وياريت فيه سبب
وفاقت علي رن اكرم… في ايه يا رورو الشمس قربت تطلع يلا عشان الكل جاهز ومسنتنيكم… وبمشاكسه… و قولي للواد المسهوك اللي جنبك ده يسوق بسرعه يلا
رعد بجديه و ثبات… يامن مش معايا وانا خلاص قربت اوصل للمكان اللي احنا متفقين عليه عشر دقايق واكون قدامكم و قفلت
وكرم استغرب ان يامن مجاش معاها… مع انه المفروض في تشكيل الفريق وقال في نفسه بعد المهمه يبقا يسال رعد ويطمن عليهم ويحاول يصلح بينهم
ولحظات و رعد وصلت في ميعادها و نزلت والكل عملاها احلي تحيه
وهي بجديه للكل… احنا عايزين نخلص مهمتنا من غير خسائر وكل واحد يركز مع اللي قدامه وبس لان رجاله المسيري مش سهله أبدا
واحد من الفريق اتكلم وبجديه… بس المقدم يامن يا فندم مش موجود كدا هيبقا الفريق ناقص
رعد لسه هترد قاطعها رد يامن… اللي اتردد في اخر لحظه وقال انه مينفعش يسيب رعد في المهمه دي لوحدها ممكن بعد المهمه يبعد شويه عشان تحس بيه وتعرف قيمته…وبجديه… لا انا موجود والفريق مش ناقص
رعد بصتله بزعل و سكتت و كرم أتأكد انهم زعلانين سواء بس بسبب ايه ده هيعرفه بعد المهمه
رعد بقوه وجديه للكل… الكل يجهز و هكرر تاني كل واحد يركز مع اللي قدامه وبس و ملهوش علاقه بحد تاني حتي لو كان الحد ده انا… لازم كل واحد يحافظ علي حياته ونخلص المهمه علي خير
وبقوه للكل…الكل يركب العربيات ويلا بينا
يامن و رعد كل واحد ركب عربيته والكل استغرب من ده لانهم دايما مع بعض
ونسيبهم علي ما يوصلوا ونشوف اسر و المسيري عملوا ايه👇👇
***************************كل هذا الحب… عشق حنين.. بقلمي… دي دي فتحي… صفحتي الشخصية… باسم… اللهمّ أسألك الفردوس لوالدى
عند اسر & المسيري👇👇
المسيري بجديه لأسر… احنا لازم نهرب دلوقتي لان جالي خبر من واحد تبعنا إن العقيد رعد هتقتحم علينا الفيلا في اي وقت
اسر بجديه و استفزاز… ياريت تقتحم عشان يكون اخرتها علي ايدي علي الاقل انول شرف اني اقتل الوحش المقنع اللي حير العالم كله
وبجديه اكتر…وبعدين احنا رجلتنا بره بتأكل اللي قدامها مش بس يقربوا منهم
المسيري بجدبه اكتر منه…والوحش المقنع… مش سهله ابدا… اللي خلي بنت زيها تبقا… عقيد مع انها سنها صغير ومخسرتش ولا عمليه لغيت دلوقتي… يخلينا نهرب ونخاف علي نفسنا منها
أسر بشر و غضب… بس العمليه دي هتكون نهايتها و هتشوف… واتأكد ان في اكلي لحوم البشر مستنينها و خسارتنا للصفقه هي هتخسر قصادها اعز حاجه عندها
ولحظات وسمعوا ضرب النار بيعلن عن وصول رعد و فريقها
و المسيري بجديه… مش قولتلك
أسر بشر و غضب… متقلقش علينا خلي بالك بس من البنت اللي جبتها معايا امبارح و من موني وسيب الباقي علي العبد لله و خرج
وضرب النار متبادل بعنف وشراسه بين فريق رعد ورجاله اسر
ولحظات و الاشتباكات بقت بالايد و رعد كانت بتحاول علي قد ما تقدر انها تحمي فريقها قبل ما تحمي نفسها وخصوصا حبيبها و جوزها يامن برغم اللي هو قاله و عمله
بس كان كلام يامن ليه بعض التأثير علي قوة رعد ونفسيتها… وهي حاولت كتير تبعده عن دماغها وخصوصا في الوقت ده بس لاسف مقدرتش
وعشان رعد مش في حالتها المعنويه الكافيه… و كمان رجاله المسيري مش اي رجاله… قدروا للأسف يغلبوا رعد وإللي باقي من فريقها وحطوا علي رؤسهم السلاح بما فيهم رعد و يامن و كرم
أسر قرب من رعد اللي رجالته مسكتها بقوه وعلي رأسها السلاح وبصلها اوي و باعجاب ظاهر و رغبه…. يااااه و أخيرا بقا قدامي الوحش المقنع واخير…. وبتريقه… بس مطلعتيش وحش ولا حاجه
رعد بعنف وغضب… خليهم يسيبوني وانا اعرفك ازاي انا وحش ولا لاء… وبعنف اكتر… بس انت مش هتعمل كدا لأنك مش راجل ومتقدرش علي مواجهه الوحش المقنع أبدا
أسر شدها من شعرها ورجالته مازالوا مسكينها
ويامن بجنون و غضب ورجاله اسر مثبتينه هو كمان… سيبها يا حيوان سيبها والله هقتلك هقتلك لو قربت منها
أسر اتجاهل كلامه و برغبه وشر… طب يلا بينا نطلع فوق و انا اعرفك اذا كنت راجل ولا مش راجل وأقدر علي الوحش المقنع ولا لاء
رعد كان ردها الوحيد بانها… تفت في وشه… والحركه دي كانت كفيله انها تجنن اسر خصوصا ان محدش هانه بالطريقه دي قبل كدا… و ضربها كذا بوكس في وشها و رجالته مسكينها… وهي بتحاول تخلص نفسها من اللي مسكينها او تتفادي ضرب اسر فيها بس معرفتش
ويامن بغضب وصريخ و بيحاول يخلص نفسه من اللي مسكينه بس مش عارف… سيبها يا حيوان سيبها
و للأسف أسر خلي وش رعد يجيب دم… وغير اثر الضرب اللي اتعرضتله في الهجوم والاشتباكات
كرم بصريخ… سيبها يا حقير سيبها
حنين و همس كانوا نايمين وصحيوا علي صوت ضرب النار و نزلوا جري
و المسيري كان خرج بره هو و موني
وحنين قالت ان دي احسن فرصه انها تهرب هي و همس ولسه هتهرب وبتبص ناحيه اسر عشان تشوف هو واخد باله منها ولا لا
لقيته بيضرب رعد بعنف وغضب… وكانت هتهرب بسرعه قبل ما يأخد باله منها… بس حاست إنها شافت رعد قبل كدا
قربت منهم و بدل ما تجري تهرب هي و همس جريت علي رعد
و وقفت قدامها وبصريخ… كفايه بقا كفايه انت ايه حيوان مبتحسش يارب تموت يا حقير يارب تموت ونستريح من شرك
أسر مسكها من شعرها بجنون… بقا عايزني أموت يا قطتي مش عيب برضه عموما انتي اللي هتموتي بس بطريقتي انا… لاني خلاص استكفيت منك و من عمايلك و لسه هيضربها بالمسدس علي دماغها (( هيضربها بالمسدس علي دماغها مش في دماغها… يعني مش هيضربها بالنار ولا حاجه… لانه عايزها يغمي عليها وبس مش يموتها)) ولسه هيضربها
همس صرخت بصوتها كله…طنط حنييين طنط حنييين
ورعد بتحاول تقاوم حاله الاغماء اللي هي فيها وبتفتح عيونها من بين الدم إللي نازل علي وشها… وركزت اوي في البنت اللي أسر هيضربها بالمسدس علي دماغها ومسكها من شعرها و كمان نزلت عنيها علي البنت اللي بتصوت اتصدمت لما شافتهم الاتنين
وبتعب وألم… مش ممكن انتوا هنا وفي الوقت ده بالذات؟؟؟
غمضت عيونها بوجع لانها أول مره تحس بالعجز ده… أول مره هتوعد ومش قادره تنفذ وعدها
وبتعب… ارجوك سيبهم هما معملوش حاجه خد حقك مني انا
أسر بضحك وشر… الله الله الوحش المقنع بيترجاني طب انا هخليكي تموتي الف مره في الثانية قبل ما اموتك لما اموتلك حبيبك
وفي لحظه كان موجه المسدس علي دماغ يامن اللي هيموت علي رعد قلبه
رعد شافت الشر و الحقد في عيون أسر… ضربت واحد من اللي كانوا مسكينها برجليها ضربه مقتل في رجله
وجريت علي يامن واخدت الطلقه بداله ووقعت في الارض بسببها
يامن بصريخ… ليه عملتي كدا ليه
رعد بتعب من كدمات وشها و من الرصاصه… عشان اثبتلك ان مفيش حد اهم منك حتي لو كانت حياتي
المسيري بجديه لأسر… يلا بسرعه هات اختك و تعالي لانك فتحت علينا طاقه من جهنم وهات شويه من الرجاله الباقين معانا
اسر فعلا شد موني و بيشد في حنين اللي ماسكه همس و دموعها مغرقه وشها علي رعد وبعنف وغضب ودموع… سبني يا مجرم سبني
المسيري بغضب… سبها هو احنا ناقصين
أسر بجديه وشر… اسيبها ازاي وانا لسه مشفتش غليلي منها وشدها معاه هي وهمس وسط صرخاتها وركبوا العربيه ومشيوا وقبل ما يمشوا
أسر بجديه و شر لباقي الرجاله اللي هما سابوهم بعض مااهدوا معظهم عسان يحميهم… وبجديه… خلصوا عليهم وتعالوا علي المكان اللي انتوا عارفينه
وفعلا رجالته اشتبكوا مع باقي الفريق اللي ضربوا الباقي بكل عنف وغضب… كون ان رعد اتصابت دي حاجه وجعتهم كلهم و خلصوا عليهم بكل عنف و شراسه
وباقي الفريق وكرم ويامن اللي دموعه مغرقه وشه… فوقي يا رعد قلبي فوقي انتي استحاله تروحي مني انا غبي و هفضل طول عمري غبي فوقي
رعد بتعب و ألم… سبني يا يامن سبني وروح لدي دي و فهد سبني
يامن بدموع… انا عمري ما هسيبك أبدا… ليه عملتي كدا ليه
رعد بتعب وصدق… عشان تصدق ان مفيش حد عندي اهم منك أبدا… بس واجبي تجاه بلدي فوق اي اعتبارات شخصيه
يامن بدموع… بس انا مستهلش والله ما استاهل
ابراهيم بحزن ووجع… فعلا احنا منستهلش تضحيتهم لينا أبدا
يامن بعنف… انت ايه اللي جابك هنا مش كفايه اللي حصل بسببك
ابراهيم بجديه وحزن… انا جيت وراكم لاني مكنتش صابر لغايه لما المهمه تخلص فطلعت وراكوا
رعد بتعب و بشبه اغماء… أسفه لاول مره مش هقدر انفذ وعدته لحد بس صدقيني لو ليه عمر هنفذ وعدي ليك
وبتعب اكتر وجديه…و علي فكره مش هتبقا مهمه همس وبس لان حنين حبيبتك لسه عايشه… وهما الاتنين مع اسر المسيري.. و غمضت عيونها
الفصل التالي: اضغط هنا
يتبع.. (رواية كل هذا الحب) اضغط على اسم الرواية لتجد الفهرس كاملاً بجميع الفصول.