رواية كل هذا الحب – الفصل الخامس والثلاثون
35
الحلقة 35
قرأه ممتعة
همس ماشيه في الشارع بتنادي علي ابراهيم
وبدموع و حزن… انت فين يا هيما انت فين
وابراهيم ماشي في الشارع بقهر و وجع… وبينادي علي همسته… انتي فين يا همستي سبتي هيما ليه هيما هيموت من غيرك والله هيموت
و مروان كمان طلع يدور علي حنين بنته اللي هي همس
وحنين بتجري على الطريق خايفه من أسر يمسكها
الكل تقريبا بقا علي طريق واحد وهو طريق الخطر
حنين وهي بتجري من أسر لمحت بنت واقفه حزينه وبتعيط
و طبعا حنين فاقده الذاكره بس عاطفة الأم ليها دور كبير… قربت منها… وبصتلها اوي… وحاسه انها تعرفها حاسه انها حد قريب منها اوي بس هي مين ده اللي متعرفهوش
وبحب وحنان وتعب من الجري وقربت منها … انتي بتعيطي ليه يا حبيبتي ووقفه كدا ليه
ولسه همس هترد حنين شدتها واستخبت خوفا من ان اسر يشوفهم… وبعد مااستخبوا
حنين بحب… قوليلي بقا ياحبيبتي مالك وبتعيطي ليه
همس بدموع… بعيط عشان ضربوا بابا و خلوه ينزل دم كتير وبعدين اخدوني منه وانا هربت عشان عايزه أروحله بس انا مش عارفه اروحله ازاي
وبدموع وشهقات… ارجوكي وديني ليه ارجوكي
حنين بحزن وتأثر لدموعها… بس انا معرفش باباكي فين ولا هو مين يا حبيبتي
همس بدموع وشهقات اكتر .. يعني انا خلاص مش هشوف بابا تاني
حنين بحب وجديه… لا هتشوفيه يا حبيبتي احنا هنستني بس هنا شويه… وبعدين نروح نسأل اي حد علي الشرطه اللي موجوده هنا و نروح لها سواء يمكن حد يقولي انا كمان مين
ولاسف محستش أبدا ب أسر اللي واقف و سمع كلامهم
و بشر و بيصقف بايديه… براڤو يا قطتي براڤو… يعني انتي مش عارفه انتي مين ولا رايحه فين وبتساعدي غيرك براڤو
حنين اتخضت أول ما شافته وبغضب… ابعد عني والله لو قربت لقتلك فاهم
أسر بغضب وشراسه و لاواه دراعها وراء ظهرها.. ايوه انا فاهم بس انتي اللي مش فاهمه اني خلاص جبت أخرى منك
وبغضب اكتر… عارفه انا ممكن اخلص منك دلوقتي بس لازم اخد حقي منك الأول
حنين بعنف و غضب… انا معرفكش ولا عمري شفتك قبل كدا
أسر بغضب وعنف وهو مازال ماسك ايديها … متقوليش مش عرفاك دي تاني والا انتي اللي هدفعك التمن غالي اوى… وبتريقه… ايه نسيتي أسر حبيبك… ونسيتي حبه ليكي
حنين بغضب اكتر… انا عمري ما احب انسان حقير زيك لاني بكره امثالك
أسر زاد جنونه وشدها من شعرها وبعنف… وحياه كل الحب اللي انا حبتهولك لازم تندمي علي كل كلمه قولتيها دلوقتي… وبيشدها وهي بتشد همس
و همس بدموع وخوف… انا معملتش حاجه والله معملتش حاجه
حنين برجاء وخوف علي همس… ارجوك سيبها لحالها سيبها هي معملتش حاجه أبدا انا لقيتها في الشارع
أسر بتريقه…لا خليها لان البت دي هتنفعنا وبصراحه هي مزه زيك بالظبط مع انها طفله بس فرسه عايزه خيال
حنين بغضب… انت انسان سافل انت ازاي تقول عليها كدا دي طفله ومتعرفش حاجه عن اللي انت بتقوله ده
أسر بتريقه اكتر… ومش اي طفله دي بنت حنين حبيبه أسر المسيري
حنين بعدم فهم.. انت بتقول ايه… انا اول مره اشوفها دلوقتي
أسر بمكر… مبقولش حاجه يا قطتي ويلا بينا بدل ما اطيرلك دماغ السنيوره دي وبيشد في همس
حنين بعنف وغضب… لا انا مش هاجي معاك لاني معرفكاش
وهمس بصريخ… سبني انا عايزه لبابا سبني
أسر بمكر اكتر… تعالي مهو انا برضه بابا تعالي
وهمس بتقاومه أسر رش عليها مخدر توهها
وحنين بصريخ….عملت ايه يا مجنون عملت ايه
أسر… متخافيش يا قطتي ده بس عشان تسكت و متصدعنيش في الطريق
و بتحذير… اياكي تحاولي تعملي اللي انتي عملتيه ده تاني… لاني ساعتها مش هرحم المزه دي ولا هرحمك انتي كمان
حنين مشيت معاه لانها خافت علي همس منه ومشت… وعيونها علي همس
وبعد وقت ليس بقليل وصلوا الفيلا
وأسر قبل ما ينزل من العربيه خدر حنين هي كمان وخلي حد يشيل همس وهو شال حنين و دخل بيها
موني أول ما شافته جريت عليه وبشر و مكر… يعني هي لسه عايشه وماتتش… واللي احنا شوفناها بره دي كانت هي… وبمكر اكتر… بس براڤو عليك انك جبتها هنا عشان اخد حقي منها زي ما أنا عايزه
أسر بجديه وتحذير…اياكي تقربي منها اياكي
موني بغيظ…. هو ده اللي احنا كنا متفقين عليه ولا انت حنيت
أسر… لا محنتش بس انا عايز اسويها علي نار هاديه
المسيري بستغراب و سؤال… مين دي وجايبها هنا ليه احنا ناقصين مصايب
أسر وهو بيبص علي حنين اللي في نايمه علي دراعه… وبتوهان.. دي احلي مصيبه حصلت لي في حياتي ومشي وطلعها فوق ودخلها أوضته ونيمها علي سريره وقعد يلعب في شعرها لغايه لما نام هو كمان علي الكرسي اللي جنبها
وفاقوا هما الاتنين علي صريخ همس االي نايمه في الاوضه التانيه لوحدها
ولسه حنين هتروحلها أسر مسكها من ايديها وبعنف وغضب…انتي فاكره نفسك ريحه فين هو باب من غير بواب ولا ايه
حنين بجديه… البنت دي ملهاش ذنب ارجوك سبني اروحلها ارجوك
أسر… لا انتي مش هتروحي انا اللي هجبهالك هنا و تعقليها كدا بدل ما ادفنها حيه
حنين بعنف و غضب..انت ليه مش مصدق إني لقيتها في الشارع لما كنت بهرب منك واني عمري ما شفتها قبل كدا
أسر بجديه… ايوه عمري ما هصدق لانها صوره طبق الاصل منك وسابها وراح لهمس
وأول ما شافها… ايه الصداع اللي انتي عملاه ده هو انا ناقص قرف
همس بدموع ورجاء … ارجوك وديني لبابا ارجوك
أسر شدها من دراعها وراح بيها لحنين ورماها علي السرير جنبها
وهمس كانت خايفه اوي من أسر و جريت علي حضن حنين تستخبي فيه
و أول لما حضت حنين قلبها دق بسرعه وعنف ولقت نفسها بتلف ايديها حوالين همس و بحب و حنان… متخافيش يا حبيبتي متخافيش
أسر بغضب… مش عايز اسمع صوت عياطها تاني والا قسما بالله هربيها من الأول وجديد
همس استخبت اكتر في حضن حنين و هي ضمتها بكل حب وحنان و اسر سابهم و نزل
المسيري اول ماشافه… وبغضب وجديه… عايز اعرف مين البنت اللي انت جايبها دي وكمان جايب بنتها انت أكيد اتجننت
أسر بجديه… ده حساب قديم لازم اصفيه عشان محدش يقدر تاني ياخد حاجه ملك اسر المسيري
المسيري بغضب و عنف…. انا مش هسمحلك تهد كل اللي انا بنيته كفايه الصفقه اللي راحت علينا بسبب غبائك… وبعدين احنا لازم نهرب من هنا في اسرع وقت ممكن
أسر بعنف و شر…مش انا السبب ده بسبب العقيد عواصف بس والله لاحرق قلبها زي ما حرقت قلبنا وعندي اللي يعمل ده…وبجديه ومكر… واطمن لان كلها ٢٤ ونسيب البلد خالص… وسابه وخرج
راح للنايتكلب…اللي هو متعود يسهر فيه وكمان محدش يعرفه فيه غير قليل لانه مش قايلهم علي هوايته الحقيقه
وكمان معظم اللي فيه زي اسر ويمكن اسوا بكتير… وكل شي عندهم متاح خمره وستات و رقص… و حاجه آخر قله أدب… مهو اللي ميلاقيش حد يربيه و يعلمه الصح من الغلط… والحرام من الحلال… و لما يغلط ميلاقيش ايد تضربه وتعلمه الادب وبدل ما تمد ايدها تضربه تمد ايدها تدفعله فلوس وترشي ده وده عشان تخرج شخص ميستهلش الحياه…علي حساب شخص تاني ملهوش اي ذنب غير إنه شخص محترم و راجل بمعني الكلمه ويلاقي ايد بتغدر بيه و تدفعه تمن شهامته و رجولته… عشان في بلدنا كله متاح والغلبان بينداس
أسر قعد يشرب و يسكر… بس مش شايف غير حنين شايفها في كل البنات الموحودين وشايف
هي حبه الأول و الآخير… هي اللي اسرته بحبها وبعشقها طول الاربع سنين بتوع الجامعه… وكون انها في بيته و علي سريره ده مجننه
وبعد وقت ليس بكثير قرر يروح بيته… وهدفه الوحيد قطته وبس
************************كل هذا الحب… عشق حنين… بقلمي… دي دي فتحي… صفحتي الشخصية… باسم… اللهم أسألك الفردوس لوالدى
عند حنين👇👇
أسر بعد ما نزل وساب همس مع حنين… ضمتها اوي لحضنها وبحب وحنان… ممكن تهدي بقا وتقوليلي اسمك ايه
همس خرجت نفسها من حضنها وبدموع… انا اسمي همس
حنين بحب اكتر… ااالله إسمك جميل اوي يا همستي ممكن بقي تحكيلي حكايتك ايه يمكن اقدر اساعدك و اوصلك لاهلك لان الحرمان من الاهل ده صعب اوي
همس بصت لها وسكتت
وحنين رفعت وشها ليها و بحب… ممكن بقا نبقي أصحاب ومدت لها ايديها
همس بعد لحظات من التفكير و بجديه و طفولية… ولو بقينا اصحاب ترجعيلي هيما؟؟؟
حنين بجديه وصدق… قوليلي ايه حكايه هيما ده وانا ارجعهولك… وبمشاكسه… لاني مش عارفه حاجه ابدا عنه يبقي هرجعهولك إزاي
همس سكتت تاني
وحنين اتكلمت وبجديه و حب… خلاص ياهمستي بلاش تحكي طالما انتي مش عايزه تحكي
همس رمت نفسها في حضنها تاني وبدموع وحزن…ده دلع هيما ليه* همستي* وبدموع… لان انا كنت كل حاجه في حياته… وهو كمان كان كل حاجه في حياتي
حنين بجديه وصدق…ان شاء الله يا حبيبتي تفضلي همسته علي طول بس يلا قولي حكايه هيما ده ايه ولا انتي برضه مش عايزه تحكيلي
همس بدموع وحزن… لا هحكيلك عشان حاسه انك هترجعيني لهيما
حنين بحب وجديه وصدق… اوعدك لو قدرت ارجعك ليه هرجعك من غير تفكير
همس بجديه… ده أكيد وعد منك انك مهنا حصل هترجعيني لهيما؟؟
حنين بحب وصدق وجديه… ايوه ده أكيد وعد مني اني هرجعك ليه مهما حصل
همس بدأت تحكي لها من اول ما ابراهيم لقاها في الشارع… وطول الخمس سنين اللي هما عاشوهم سواء في امريكا… وبعد كدا طلبت منه انها تنزل مصر عشان تشوف عمتها زينب… وفعلا نزلت بهدف ان ابوها يشوف اخته وتخفف عنه وجعه و حزنه
وفعلا نزلوا وابوها راح مشوار ولما جه قالها انه عايزها تروح معاه مشوار اللي هو كان فيه
وهي وافقت وراحوا… وحكت لها عن مقابله ابو حنين وامها… و موقف مروان من ابراهيم لما ضربه في الشارع وسبوه غرقان في دمه… و مروان لما اخدها وهي هربت منه… وكانت بتدور عليه في الشوارع عشان هي متعرفش مكانه فين وبعدين قابلتها
حنين دموعها نزلت بوجع وحزن
و همس بجديه… انا أسفه يا طنط اني خليتك تعيطي انا أسفه… هترجعيني لهيما بقا انا حكيتلك عن كال حاحه اهوا رجعني بقا الله يخليكي؟؟؟
حنين بدموع… ان شاء الله ارجعك لهيما ياحبيبتي… لان حبكم لبعض عدا مرحله الحب و دخل في مرحله العشق والجنون
و حست انها مصدعه اوي و ان دماغها بقت مشوشه مش فاهمه حاجه ولا عارفه حاجه كل بس اللي هي حساه انها عايزه تساعد همس بأي طريقه وكمان الشبه الجامد اللي بينهم ده وهو مش عارفه سببه ايه… ممكن تكون شبيه لها وخلاص… ممكن تكون صله بيها… طب ازاي وهي مين
دموعها نزلت اكتر… وضمت همس اوي لحضنها وبحب… نامي حبيبتي نامي وان شاء الله بكره ارجعك لهيما حتي لو كان التمن حياتي
همس بترقب… طب ممكن تحكيلي حدوته زي هيما ما كان بيحكيلي لاني مش بعرف انام من غير لما اسمع حدوته
حنين نفسها تحكي لها بس دماغها فاضيه مش حاسه بأي حاجه فيها… هي متعرفش غير حكايتها غير مع باسم ودي حكايه حزينه اوي
وبأسف… معلش حبيبتي انا مش في دماغي حاجه دلوقتي احكيها لك ممكن تحكيلي انتي حدوته من اللي كان هيما بيحكيهالك
همس بجديه وطفوله… ماشي بس لما تشوفي هيما ابقي خليه يعلمك تحكي
حنين بابتسامه… ان شاء الله يا حبيبتي يلا بقا احكيلي
همس بابتسامه… كان يا مكان يا سعد يا اكرام وما يحلي الكلام الا بذكر النبي *عليه الصلاة والسلام*
حنين بحب و واخده همس في حضنها….* عليه أفضل الصلاه و السلام*
همس… كان فيه سندريلا حبت السندباد وحكت لها الحدوته اللي ابراهيم… حكهالها… حكايه السندريلا اللي حبت السندباد علي الفيس
وهمس بعد ما خلصت الحدوته
حنين عيطت بوجع وقهر
و همس بخوف… مالك يا طنط مالك
حنين بدموع و وجع… مفيش يا حبيبتي بس حسيت ان قلبي وجعني اوي ونفسي اعيط و اطلع كل اللي جوايا
همس بحب… عارفه ياطنط لما اشوف هيما هقوله يحكيلك حدوته تكون حلوه عشان تضحكي و متعيطيش ومدت ايدها مسحت لها دموعها
وبحب… ارجوكي يا طنط بلاش تعيطي بقا ارجوكي
حنين بحب… حاضر يا حبيبتي يلا ننام
همس بحب… حاضر بس اوعديني ان احنا هنروح بكره لهيما
حنين مش عارفه توعدها ازاي وهتخرج من هنا ازاي بس نظره الترجي اللي في عيون همس كفيله انها تخليها توعدها وفعلا وعدتها… وهمس نامت في حضنها زي ما هي متعوده تنام في حضن ابراهيم
وبعد وقت ليس بقليل همس نامت
ولسه حنين كمان هتغمض عيونها لقت الباب اتفتح بعنف
وكان أسر وطبعا كان سكران اوي وهي شافته كدا حاولت تتماسك وهو قرب منها وبكلام السكرانين… انتي جايبه دي تنام معانا ليه يلا صحيها و خرجيها بره
حنين مسكت في في همس… وبتوتر اثر منظره… انا مش هصحيها ولو سمحت اطلع بره عشان انام انا مش عارفه انت جايبني هنا ليه بس اتاكد اول ما تجيلي الفرصه همشي من هنا علي طوا
أسر شد همس من حضن حنين وبعدها عنها
ومسكها من دراعها وبعنف و غضب ومازال سكران… انا جايبك هنا عشان تجوبيني علي سؤال واحد بس ليه من 12 سنه عملتي فيا كدا ليه… وليه عشان غلطه صغيره سبتيني اتحرق واتعذب بنار حبك ليه… وبغضب اكتر… مين اداكي الحق تعملي فيا كدا مين… انطقي ساكته ليه انطقي
وشدها من وسطها جامد… ونفسه يعاقبها بس مش قادر….هي حبه و عشقه اللي من الصعب يمحيه من قلبه
وبدل ما يعاقبها لقا نفسه بيهرب منها وبيدعوها لشفايفه وحضنه بس هي زقته بعنف وغضب
و أسر متاثرش بالزقه وفضل ماسكه من وسطها وبحب واشتياق … انتي ليه مش حاسه بيا… ليه رفضاني كدا… انتي ايام الكليه كنتي بتعشقيني… وبتعشقي الوقت اللي احنا نبقا فيه سواء… ليه بتعملي كدا دلوقتي ليه
وبحب وعشق… عارفه انا حبيتك قد ايه… عارفه انا استحملت عشانك ايه… عارفه وانتي بعيده عني اتمنيت الموت كام مره… والله كنت بموت كل يوم وانتي مش معايا… عارفه يعني ايه قطه تأسر اسد… عارفه الوجع و الحرمان اللي انا حسيته في غيابك اد ايه
وبيقرب منها اكتر وبهمس وحزن… عارفه انا حرمت علي نفسي كل البنات… عشان خاطرك وعمري ما لمست وحده فيهم… كل ده عشانك انتي… وعشان فضلت عايش علي أمل المسك انتي وبس… عارفه وانتي بين ايديا دلوقتي حاسس بايه… عارفه احساس الواحد لما بيبقي محروم من اكتر حاجه بيحبها وبيعشقها… ومره واحده وبعد سنين طويله يلاقيها بين ايديه وفي احضانه
حنين بتحاول تبعده عنها وتفك نفسها من حصاره… بس هو كان مثبتها اوي بايديه… وبارجاء… ارجوك ابعد عني وسبني في حالي لاني انا معرفكاش
أسر بتوهان وبتجاهل لكلامها… ارجوكي انتي ارحميني و سبيني البس شفايفك اللي طول السنين دي هموت عليها… وقرب منها اكتر
ومن غير مقدمات التهم شفايفها بعشق و شوق جارف وهي بتحاول تبعده وتزقه بس مش عارفه ولا قادره عليه و ملقتش غير انها تعضه من شفايفه عشان يبعد عنها وفعلا عملت كدا
وأسر شفايفه اتعورت… وحنين بترجع لورا وبارجاء… ارجوك مينفعش اللي انت عايز تعمله ارجوك ابعد عني لاني متجوزه ومينفعش ابدا اللي انت عايزه ده
أسر قرب منها وشدها لحضنه جامد كادت ضلوعها تتكسر من شدة الضمه و بهمس يحرق الاذان… طفيلي شوقي واشتياقي ليكي الاول لان انا اللي جوزك مش هو انا احق واحد بيكي في الحكايه دي كلها… انا اللي حبيتك وعشقتك وانا اللي طول السنين اللي فاتت دي مقدرتش اخرجك من قلبي ولا من عقلي… وانا اللي مستعد احرق العالم كله عشانك
حنين بتضربه علي صدره وبعنف وغضب… ابعد عني بقي وسبني
أسر بجنون وبرغبه بتحركه من اثر قربها منه كدا… انا فعلا هبعد عنك بس بعد ما اطفي نار السنين دي كلها
ولسه هيشدها من هدومها… حنين صرخت بصوتها كله
و همس صحيت وجرت علي امها و بتضرب في اسر اللي قريب اوي من حنين وبيشدها من هدومها… وبجديه وخوف علي حنين… ابعد عنها يا وحش ابعد عنها
أسر لسه هيبعد همس…الباب اتفتح مره واحده ودخل المسيري وبعنف وغضب وبيبص عليهم وبجديه … أسر تعالي تحت عاوزك حالا و خرج
أسر زق حنين وقعها علي السرير… وبعنف وغضب بعد ما فاق شويه من حاله السكر اللي هو فيها… عارفه كانت آخر فرصه ليكي النهارده بس اوعدك بكره انتي اللي هتترجيني اني اقرب منك لما تلاقي السكينه علي محطوطه علي رقبه السنيورة دي و بيبص علي همس بشر.. وخرج و نزل للمسيري
اللي اتكلم وبجديه… احنا لازم نهرب في اسرع وقت… لان عرفت من مصدري ان العقيد رعد الوديدي…نزلت مصر عشان تصفينا
اسر بشر وغضب… اتمني انها تيجي في ملعبي قبل مااسافر… لاني عايز اخلص منها القديم والجديد واندمها علي اللي هي عملته غالي اوي
************************ ***فوق عند حنين👇
همس قربت من حنين اللي دموعها مغرقه وشها
وبدموع… ارجوكي يا طنط تعالي نمشي من هنا ارجوكي
حنين ضمتها بحب وبدموع… اوعدك يا حبيبتي اني هخرجك من هنا
همس بجديه… طب و انتي يا طنط
حنين بجديه… متخافيش عليه يا حبيبتي ان شاء الله ربنا هيسخرلي اللي يطلعني من هنا انا كمان
همس بجديه وصدق…ان شاء الله هيما يطلعنا احنا الاتنين من هنا ان شاء الله
حنين بحب… ان شاء الله ياحبيبتي ان شاء الله
***********************كل هذا الحب… عشق حنين… بقلمي… دي دي فتحي… صفحتي الشخصية… باسم… اللهم أسألك الفردوس لوالدى
عند إبراهيم ومروان👇👇
ابراهيم و مروان تعبوا من التدوير… ومروان رجع بيته تاني… بعد ما يأس انه يلاقيها وقرر انه يروح للشرطه يبلغ باختفائها
بس ابراهيم فضل قاعد في الشارع حزين ومكسور و شكله مرهق و تعبان وهو قاعد بصوت يغلبه التعب… انتي فين يا همستي انتي فين… ارجوكي تعالي هيما تعبان اوي من غيرك… وخايف يموت قبل ما يشوفك… ارجوكي تعالي بقا ارجوكي واوعدك اني اخدك ونسافر ومنجيش هنا تاني
وهو مازال بينادي علي همسته عدت عربيه عليه و وقفت قدامه بناء علي طلب اللي فيها
و كانت رعد قلبي العقيد /رعد احمد الوديدي👩✈️ ولسه هتنزل
يامن شدها وبجديه … انتي رايحه فين خليكي
رعد بجديه و تذكر… مش عارفه حاسه اني عارفه الراجل اللي قاعد ده استني اشوفه
يامن بمشاكسه… علي فكره انتي لسه نازله من السفر بعد ما صممتي انك تسافري لوحدك في المهمه بتاعه المسيري… يعني الواحد هيموت ويقول قاموسين ولا تلاته كلام ولا ايه رايك؟
رعد بمكر وبجديه … انا مديه لنفسي مهله 48 ساعه عشان اقبض علي المسيري وابنه فمفيش اي وقت ولا حتي لكلمه واحده
يامن بزعل مصطنع… علي فكره حرام عليكي وهتدخلي النار
رعد بضحك… لا انا ان شاء الله هدخل الجنه بس اطلع منها انت
يامن قرب عليها بعشق و شوق جارف و بهمس ميحسهوش غير القلوب العاشقه… والله هموت عليكي ووحشتيني بجنون اهون عليكي تسبيني كدا
رعد بهمس وحب… مستحيل مينو يهون علي رعد قلبه ابدا مستحيل
يامن علي نفس همسه… وده كله وهما واقفين بالعربيه قدام ابراهيم اللي قاعد علي الرصيف في دنيا غير الدنيا وكمل
بهمس… طب يلا نروح لمكانا لان اشتياقي ليكي مجنني و معذبني وهموت واقول القاموس الكلمات بتاعنا
رعد بجديه وحب وعشق… للأسف مش هينفع ابدا المهمه اللي عندي لازم اقوم بيها بنفسي قبل ما المسيري وابنه ما يهربوا ويعملوا جرايم اكتر من اللي هما عملوها
يامن لف وشه و بزعل حاول يداريه… خلاص ولا يهمك
رعد لفت وشه ليها و بحب وعشق… رعد قلبك بتموت لما تكون زعلان… ما بالك بقا لو هي السبب في زعلك ده
وبعدين انا معايا 48 ساعه يعني ممكن بدل ما تقول قاموسين تلاته كلمات… ممكن تقول شويه من قاموس واحد لغايه لما اخلص العمليه علي خير و اوعدك نسافر علي مكانا اللي بنروحه علي طول…وبحب… ممكن بقا خلاص ولا هتفضل مكشر كدا
يامن بحب…انا عمري ما ازعل منك أبدا يا حبيبتي بس صدقيني فعلا انتي وحشاني آوي انتي بقالك اسبوع مسافره بعيد عني
رعد بحب… ان شاء الله اعوضهولك يا حبيبي
يامن بمكر… طب يلا بينا نلحق شويه الكلمات قبل ما يطيروا ولسه هيسوق
رعد مسكته من ايده وبجديه… بس مش قبل ما انزل اشوف اللي قاعد ده لاني حاسه اني عارفاه وشوغته قبل كدا
يامن لسه هيعترض رعد بمقاطعه… خمس دقايق مش كتير علي حد محتاج مساعده
و نزلت وهو هيموت من الغيظ… بس طبع فيها و مستحيل تغيره… وهو مساعده الناس حتي لو علي حساب نفسها ومكنش قدامه غير انه ينزل وراها
ورعد أول ما نزلت وبجديه… انت مين وقاعد كد ليه… هي بتقوله كدا عشان يرفع وشه… وتتاكد من احساسها ان هو ولا لا
و ابراهيم قاعد و في دنيا تانيه… دنيا فيها حنين و همسته وبس وبيسترجع الذكريات معاهم
ويامن قرب عليه وبجديه… هو احنا مش بنسالك انت مين و رفع وشه لفوق
لقوا شخص… عيونه كلها حزن و دموع ووجع… لقوا شخص دقنه طويله نوعا ما والحزن والكسره باينه عليه اوي
رعد أول ما شفته وبصدمه😲 من شكله و كسرته… انت مستحيل!!!
ويامن بصدمه😲 اكتر منها… البأف جوز الملاك مش ممكن
الفصل التالي: اضغط هنا
يتبع.. (رواية كل هذا الحب) اضغط على اسم الرواية لتجد الفهرس كاملاً بجميع الفصول.