رواية كل هذا الحب – الفصل الرابع والثلاثون
34
الحلقة 34
قرأه ممتعة
مروان ضرب ابراهيم تاني و وقع علي الأرض
وهمس صرخت بصوتها كله… بابا ابراهيم… بابا ابراهيم
متسبنيش يابابا متسبنيش
مروان اخدها بعنف وغضب… وابراهيم كان ماسكها جامد… مع انه كان مغمي عليه… بس مروان فك ايديهم من بعض
وهمس صرخت بصوتها كله بابا ابراهيم متسبنيش يابابا ابراهيم متسبنيش
والناس طبعا كانت اتلمت ومروان شد همس
و بيشدها لحضنه همس بعدته عنها وبعنف وغضب… انا بكرهك بكرهك حتي لو انا بنتك انا برده بكرهك
مروان محسش بنفسه غير وهو بيضربها بالقلم
و همس صرخت و بدموع مش قولتلك بكرهك… عارفه بابا ابراهيم عمره مازعلني ابدا…ولسه هتقرب علي إبراهيم اللي مرمي علي الارض
مروان شدها وبعنف وغضب… انا هعلمك ازاي تكلمي ابوكي بطريقه كويسه… الظاهر انه رباكي نفس تربيته وانا هربيكي من الاول وجديد وشالها و ماشي بيها
ام حنين قربت منه وبدموع ورجاء… ارجوك يا ابني سبهاله حتي لغيت لما البنت تاخد عليك
مروان بعنف وغضب… دي بنتي و محدش ليه الحق فيها أبدا غيري وزي ما اختفيت بيها زمان هختفي بيها دلوقتي علي الاقل مسمحش لكلب زي ده… وبيبص علي إبراهيم انه يلعب في دماغها تاني ومشي وسابهم
امها بصت لابو حنين و بدموع و غضب… منك لله يا شيخ منك لله
هو ذنبه إنه اخدها من الشارع ورباها وحافظ عليها بدل ما تحتويه هو و هي… نزلت عشان تموته
😔 انا بتمني كل اللي عندهم اب زيك ربنا يحرمه من الخلفه… لانه هيكون حرمانه من الخلفه عدل من ربنا… من إنه يخلفهم ويعذبهم… انت اللي شيطان في الحكايه دي كلها انت اللي شيطان… انا ندمانه علي السنين اللي عشتها مع واحد زيك جاحد وقاسي حتي علي اقرب الناس ليه
وقربت علي ابراهيم وبدموع وقهر… قوم يا حبيبي قوم… انت ايه بس إللي جابك هنا… ياريتك فضلت مسافر بيها ياريتك ما جيت… وبصريخ حد يوديه معايا المستشفى حد يوديه معايا ارجوكم الحقوه
وفي لحظه كانت الناس شايلاه وركبوا العربيه
وام حنين و بعض من الجيران ركبوا معاه وراحوا المستشفي
وابوها واقف مش عارف هو فعلا زي ما مراته بتقول كدا… طب ليه عمل مع ابراهيم كدا… وهو كان جاي له بكل حب و ود ليه يعمل معاه كدا ليه
ليه ماحتواهمش هما الاتنين بدل ما يعمل معاهم كدا… يعني هو زمان محتواش امها ودلوقتي محتواش بنتها… كان ممكن يقوله خليها معاك وابقي هاتها نشوفها و متحرمناش منها… كان ممكن هما يروحلها… كان ممكن يحلها بطرق كتير غير دي… ليه عمل كدا… ولا عشان انت امها ماتت بسببك زمان… كنت عايز تعوض بنتها… بس مش بالطريقه دي ابدا
أهو انت سلمتها للي هيعذبها ويخلص اللي حصله كله… في البنت إللي ملهاش اي ذنب غير إنك جدها… انت متستاهلش امها ولا تستاهل بنتها… انت لازم تقف مع ابراهيم وترجعها ليه بس ازاي وهي اصلا مش بنته وبنت مروان… دي مشكلتك انت وانت اللي لازم تحلها وترع البنت للي رباها وحافظ عليها واخدها ورحمها من الشوارع ومن اللي كان هيحصلها فيها لو كان سبها… انا فعلا لازم اتصرف لازم
************************كل هذا الحب… عشق حنين… بقلمي… دي دي فتحي… صفحتي الشخصية… باسم… اللهم أسألك الفردوس لوالدى
أم حنين والناس خدوا ابراهيم وودوه المستشفي ودخلوه العمليات علي طول
وام حنين كريمه… فضلت بره وبتدعيله ان ربنا يشفيه ويطلعه بخير وسلام
و بعد حوالي ساعتين ابراهيم طلع والحمد لله خيطوا له جرحه ونقلوه دم لانه كان نزف كتير
وكريمه بدموع وحزن… طمني عليه يا دكتور طمني
الدكتور بجديه… هو الحمد لله كويس هيفوق من البنج بس وهيكون كويس وسابهم و مشي
و كريمه دخلت وراه الاوضه و قعدت جنبه وبدموع… سامحني يا ابني سامحني
وبعد وقت ليس بقليل
ابراهيم فاق وبتوهان… همس همس متسبنيش يا همس هيما هيموت من غيرك والله هيموت من غيرك
وقام مره واحده وبصريخ… متسبنيش يا همس متسبيش هيما
وامها قامت قربت منه وبتحاول تهديه وبحزن ودموع… حقك عليا يا ابني حقك عليا ياريتك ما جيت ياريتك ما جيت
ابراهيم بصلها بوجع وحزن وتعب وبدموع وانين يقطع القلوب … ليه بتعملوا فيا كدا😔 ليه بتوجعوني علي اللي انا بحبهم😔 ليه قلبكوا قاسيه اوي كدا😔 حرام عليكم والله حرام😔 كفايه حرقه قلبي علي اهلي😔 و حرقه قلبي علي حنين روحي… ليه بتحرقوا قلبي علي همس كمان ليه😔
وبجنون و بيشد في المحاليل… انا لازم اجيبها منه لازم اجيبها هي بنتي انا مش بنته هو… وبيحاول ينزل وامها بتمنعه و بصريخ… الحقوني الحقوني
و الدكاتره و المرضين دخلوا عليهم و كتفوه وادوله حقنه منومه… وهو بتوهان اثر الحقنه…. تعالي لهيما يا همس تعالي ياحبيبتي تعالي… وانا عمري ما هرجع هنا تاني و وهخفيكي عن الدنيا كلها وغمض عينه أثر حقنه المنوم
وأم حنين قعدت جنبه وبدموع وحزن… حقك عليا يا ابني حقك عليا يا حبيبي
و لحظات ولقت ابو حنين داخل عليها وبحزن ودموع… جاي ليه عشان تشمت فيه مش كدا
ابو حنين بحزن و جديه… انا جاي عشان ارجعله حنين اللي هو مسميها همس
امها… بعد ايه بعد ما ابوها اخدها وهياخدها ويسافر
ابو حنين بجديه… فاكره من اكتر من خمس سنين لما واحد من معارفنا كان مسافر نفس البلد اللي كان فيها مروان وجه وحكالنا علي اللي هو عمله لما ولع الشاليه برودي بنت عمه اللي هو اتجوزها بعد حنين وموتها هي و بنته
أم حنين بجديه… ايوه فاكره
أبو حنين و بعدها حصله خلل في عقله وودوه مستشفي المجانين
أم حنين بجديه اكتر وأمل… ايوه انت عايز تقول انه
ابو حنين… ايوه بالظبط كدا عايز اقول انه مجنون وموت مراته و بنته قبل كدا… واحنا خايفين يموت بنته دي كمان وبكدا المحكمه ترجع لنا البنت
ام حنين وهي بتبص لابراهيم اللي في دوامه من الحزن والاوجاع… بس هنديهاله وهنخليه يبقي يجيبها لنا نشوفها وخلاص… عشان هما الاتنين روحهم متعلقه ببعض
ابو حنين… ان شاء الله هيحصل… خليكي انتي جنبه وخلي بالك منه وانا هروح اعمل المحضر عشان ناخد البنت وسابها وخرج
وأم حنين بأمل لابراهيم… اطمن يا حبيبي اطمن هنرجعهالك… وبدموع وحزن… بس ابقي خلينا نشوفها لانها شبه حنين و هتعوضنا شويه عنها
وطبعا ده كله ابراهيم نايم و مسمعش حاجه ابدا
****************************كل هذا الحب… عشق حنين… بقلمي… ملكه القلوب… دي دي فتحي… صفحتي الشخصية… باسم… اللهمّ اسالك الفردوس لوالدى
عند مروان👇👇
اخد همس و راح بيت اهله وأول ما شافوه… اتصدموا و مش مصدقين إنه هو
ولسه هيقربوا منه لمحوا… همس بتعيط و بتصرخ وبتضربه علي صدره وهو شايلها
و همس بعنف وغضب… نزلني أروح لبابا نزلني انا بكرهك والله بكرهك… وبدموع… يارب تموت و بابا ابراهيم هو اللي يعيش وياخدني من هنا
مروان اتجنن علي همس ونزلها بعنف علي الارض ولسه هيقرب عليها ويضربها
همس جريت علي الباب ونزلت تجري علي الشارع وهو واهله نزلوا يجروا وراها عشان يلحقوها
وهمس جريت علي الشارع بكل جهدها و لقت نفسها تعبت وهما هيوصلولها دخلت مكان و استخبت فيه عشان محدش يشوفها
وهو و اهله كانوا وصلوا و دوروا عليها كتير بس ملحقوهاش لان همس مهما كانت طفله وسريعه في الجري اكتر منهم بحكم سنهم
مروان واقف وبصريخ و غضب… هلاقيكي يا حنين هلاقيكي و هخبيكي من الدنيا كلها ومشي هو واهله
وهمس قاعده و الدموع مغرقه وشها وحزينه… وبدموع انت فين يابابا ابراهيم… سبتني ليه يابابا… انا غلطانه اني قولتلك نروح نزور عمتوا زوزو… انا غلطانه والله غلطانه… تعاله خدني وانا اوعدك اني مش هقولك تاني تعاله نزور عمتو
وبعد وقت من عياطها وحديثها لنفسها… نامت مكانها من خوفها ان حد يلحقها
***************************
عند أسر وحنين و باسم👇👇👇
أسر دخل الفيلا هو و رجالته وكل هدفه حنين بس ويموت اي حد يشوفه وفعلا هو ورجالته عملوا مجزره
وحنين اترعبت من صوت الرصاص و الخوف ورعب اتمكن من باسم… اللي قلبه وقع في رجليه من صوت الرصاص وحس انه فعلا هيخسر حنين بعد ما كان هيقولها هي مين واهلها فين
شدها لحضنه وبخوف وحب… متخافيش يا حنين متخاقيش ان شاء الله مش هيحصلك حاجه يلا بينا نهرب من هنا بسرعه يلا ولسه هيقوموا
أسر فتح الباب بعنف وقوه وحنين اول ما شفته ماسك المسدس وواقف كدا…. استخبت ورا باسم
اللي اتكلم بجديه وخوف علي حنين… حسابنا بره عن حنين يا أسر هي ملهاش ذنب ومعملتش حاجة
أسر بيقرب عليهم… بخطوات مرعبه… وباسم بيرجع بحنين لورا لغايه لما خلاص مبقاش وراهم فراغ
اسر بكل هدوء و بمكر بيبص لحنين… وهو في حد برضه يأذي قطته البريئه دا حتي يبقي عيب وحرام ولا ايه ياقطتي ياشقيه
باسم بكره… وانت اللي زيك يعرف الحرام منين انت واحد بلطجي ومجرم ومتعرفش ربنا
أسر علي نفس هدوءه ومكر… وانت بقا اللي عارف ربنا مش كدا… لما تاخد حاجه ملك أسر المسيري ليك وتخبيها وتقول انها ماتت… وبتريقه هي دي برضه الرجولة يابسوم؟؟
باسم بعنف و غضب… لا حنين عمرها ما كانت بتاعتك مستحيل تعرف انسان زباله زيك
أسر بشر و غضب… طب كفايه عليك طوله لسان بقا… وفي لحظه كان مصوب المسدس علي صدره و ضربه طلقه وحنين صرخت بصوتها كله
وأسر شدها من شعرها… بتصرخي عشان ده هااا بتصرخي عشانه… ايه صعبان عليكي ولا ايه؟؟؟
حنين بعنف وغضب… ابعد عني يا حيوان ابعد عني
وباسم بيقاوم الألم و الوجع اللي هو فيه وبتعب…ابعد عنها يا أسر ابعد عنها
أسر بصله باستفزاز… انا لو بعدت عنها هقرب لمين
وبعنف… انت إنسان مريض لما فكرت انك هتفضل مخبي قطه أسر المسيري وهو مش هيعرف يجيبها
وبيشد حنين يلا يا قطتي يلا تعرفي انا مشتاق لك اد ايه ووحشاني ازاي
حنين بعنف وغضب… والله هقتلك هقتلك لو قربت مني ابعد عني ابعد
أسر شدها من وسطها بعنف وحنين أتألمت من مسكته دي
وباشتياق وتوهان في عيونها… عارفه انا بقالي قد ايه مشفتكيش… اوعي تكوني مش عارفه أسر حبيبك بتاع الجامعة
حنين بغضب و عنف… انا معرفش انت بتتكلم عن اية… لانك حيوان وانا مستحيل اكون عرفتك في يوم من الايام أبدا
أسر بصريخ وغضب…. ومين اللي وصلني لكدا مين هااا مين اللي بعنادها دمرتني وكانت روحي متعلقه فيها وسابتني عشان سبب تافهه مين
حنين بغضب… ابعد عني لان انا مش عارفه حاجه عن اللي انت بتقوله ده أبدا
أسر وهو مازال ماسكها من وسطها و بيمشي ايده علي وشها…وبهمس… هعرفك كل حاجه و انتي بين ايديا يلا بينا وبيشدها وسط صرخات حنين
وباسم قام تاني وحاول يشدها منه
أسر ضربه طلقه كمان و الطلقه جت في رجليه وقع و مقدرش يقوم تاني
و حنين بصريخ… سيبني يا حيوان سيبني
وبصربخ اكتر… فوق يا باسم فوق ارجوك فوق
باسم فتح عيونه ببطئ وتعب… حنين روحي السفاره وخليها ترجعك علي مصر انتي اهلك في مصر مش هنا وغمض عيونه
أسر بشر… انا هوديها متخافش بس مش عن طريق السفاره لا ده عن طريق طيارتي الخاصه
وشد حنين واتجاهل صرخاتها ونزل بيها من علي السلم
و أم باسم كانت بره و أول ما شافت المنظر ده والناس وهي ميته و حنين وهي بتصرخ وأسر شاددتها
وبخوف ورعب…انت مين وواخدها فين.
أسر قرب منها وبهمس مخيف… انا مين فاانا أسر المسيري
وواخدها فين واخدها عندي في بيتي
أم باسم… انا هبلغ عنك الشرطه ولسه هتمشي
أسر ضربها بالمسدس علي دماغها اغمي عليها
أسر بشر… عشان كلامك الكتير اللي ملهوش لازمه ده
وحنين بتشد نفسها منه… وبصريخ وغضب… انت حيوان حيوان وانا بكرهك أبعد عني ابعد عني
أسر شالها وهي بتضربه علي صدره وركبها العربيه ولحظات وكان حاطط لها مخدر في منديل وكتم نفسها بيه خلاها غابت عن الوعي
و بتوهان… سبني يا حيوان سبني انا بكرهك بكرهك
وأسر وهي بتنام اثر المخدر وبيملس علي وشها بحب وعشق… ما هو انا كمان بكرهك و هأكد لك ده وانتي معايا و في حضني لما نوصل مصر
وبعد وقت ليس بقليل أسر وصل لمكان طيارته الخاصه
وطبعا حنين كانت لسه تحت أثر المخدر شالها وحطها في الطياره بعد ما اداها حقنه مخدره تخدرها لفتره طويله لغايه لما يرجعوا مصر ورجعوا مصر
وأسر شالها من الطياره ركبها العربيه عشان يروح بيته وهو كمان يخبيها لنفسه
حنين بعد ساعه من ركوبهم العربيه فاقت و فتحت عيونها ببطئ وتعب
وأسر بصلها وبمكر وخبث… حمد لله على السلامة يا قطتي الحلوه حمدلله على السلامه
حنين بعنف وغضب… انت عايز مني ايه انا مش عايزه اروح معاك ارجوك سبني لحال سبيلي ارجوك سبني
أسر بمكر وخبث اكتر… بس انا عايزك وده كفايه لاني مش مهم عندي انتي عايزه ايه
لان أسر بتاع زمان اللي كان بينفذ لك كل طلباتك خلاص الله يرحمه ودلوقتي… بقيت أسر المسيري… اللي الكل بيترعب من اسمه و بيعمله الف حساب وانتي كمان لازم تعملي لي الف حساب
حنين فكرت للحظه و قررت انها تعمل حاجه مجنونه
وأسر شافها و بمكر… بلاش تفكري كتير لأن محدش هيرحمك مني ولا حتي الموت
حنين بعنف و غضب… محدش هينقذني منك… بس انا اللي هنقذ نفسي من حيوان زيك
و في لحظه كانت فاتحه باب العربيه و نطت منها
والعربيه كانت ماشيه… و هو للحظه مش مستوعب هي عملت ايه
وقف العربيه بسرعه ونزل وراها وهي كانت بتجري بكل قوتها عشان ميلحقهاش
*************************كل هذا الحب… عشق حنين… بقلمى… ملكه القلوب… دي دي فتحي… صفحتي الشخصية… باسم… اللهم أسألك الفردوس لوالدى
عند ابراهيم👇👇
ابراهيم فاق وغمض عيونه بوجع وحزن لما افتكر اللي حصل معاه و حرمانه من همسته
و قرر يروح لمروان و يجيبها منه ولسه هينزل
لقا أم حنين نايمه علي الكرسي بصلها بحزن و وجع ونزل عشان يجيب همسته
واتحمل علي نفسه التعب والألم وراح لمروان و سأل علي بيته لغايه لما وصله
وخبط و مروان اللي فتح و أول ما فتح اتصدم لما شافه
وبغضب وجنون… انت ايه اللي جابك هنا ومسكه من لياقه قميصه
وبغضب… انت ايه يا أخي انت ايه… زي القطط بسبع أرواح ولا انت ايه بالظبط بس كويس إنك جيت عشان انا اللي كنت جيلك
ابراهيم بتعب وألم… ارجوك خليني أشوف همس ارجوك انا مش قادر علي بعدها اكتر من كدا ارجوك
مروان بغضب وجنون… همس همس همس قرفتني بالأسم ده هي اسمها حنين مش همس وهي بنتي مش بنتك فاهم
ابراهيم غمض عنيه بوجع وكسره… لانه عارف ان دي الحقيقة وانعا فعلا بنت مروان مش بنته هو… بس هو رباها وعاش معاها علي الحلوه والوحشه… وضحكوا سوا ولعبوا سوا
فتح عيونه و بحزن وقهر… طب خليني اشوفها اخر مره و اوعدك انى هسيب البلد واسافر ومش هرجع هنا تاني مهما حصل كفايه عليا وجع وألم لغايه كدا كفايه
مروان بعنف وغضب… هو انت جاي تغطي علي انها معاك عشان اقول خلاص تاهت وانسي الموضوع… بس ده بعدك والمره دي هيكون فيها موتك بجد واخلص عليك
ابراهيم بدهشه و ذهول… ايه تاهت ازاي يعني
مروان بغضب… انا عارف انها راحت لك بعد ما جريت مني أنا عارف فحسنلك تقولي هي فين
ابراهيم وقع علي ركبته علي الارض وبوجع… ليه عملت فيه و فيها كدا… ليه رجعتها للشارع تاني ليه… دي اكتر حاجه بتكرهها هي الشارع😔
يعني ضيعتها مرتين😔 مره وهي كان عندها تلات سنين 😔ومره دلوقتي😔
وبدموع…حرام عليك والله حرام عليك وقام بوجع وتعب عشان يدور عليها
مروان شافه كدا أتأكد انها مش معاه ونزل هو كمان يدور عليها
ابراهيم ماشي في الشارع وبدموع وتعب ووجع… انتي فين يا همستي انتي فين… هيما هيموت من غيرك يا همس… انتي فين يا حبيبتي… انتي فين
وبصريخ وتعب وبيحط ايديه علي جنبه يكتم وجعه…. انتي فيييين ياهمس انتي فييييين و صرخته كان ليها أثر علي قلب همس
وسمعتها في نومتها… وقامت من النوم وهي مازالت مكانها وبعياط… انا هنا يا هيما انا هنا… همستك مستنياك تيجي تاخدها… وتحضنها وطمنها انك هتفضل معاها ومش هتسيبها في الشارع تاني… وقامت مشيت في الطرقات هي كمان
********************************
حنين مازالت بتجري من أسر عشان تستخبي منه في اي مكان وبتجري بكل قوتها🏃♀️😳
واسر مازال بيجري ورا حنين 🏃♂️😳
مروان كمان نزل يدور علي حنين بنته🚶♂️😳
ابراهيم ماشي بحزن ودموع وبينادي علي همسته🚶♂️😳
وهمس كمان ماشيه وبتعيط و بتنادي علي ابراهيم🚶♀️😳
كلهم ماشين🚶♂️🚶♀️🏃♂️🏃♀️🚶♂️ في نفس الطريق😱
لكم ان تتخيلوا ايه اللي هيحصل😳؟؟
و مين هيقابل مين😳؟؟؟
و همس هتوصل لمين الاول؟؟؟
الفصل التالي: اضغط هنا
يتبع.. (رواية كل هذا الحب) اضغط على اسم الرواية لتجد الفهرس كاملاً بجميع الفصول.