رواية كل هذا الحب – الفصل الرابع والعشرون
24
الحلقة 24
قرأه ممتعة
وقفنا الحلقه اللي فاتت لما موني اتصلت علي أسر اخوها و عرفته ان حنين و إبراهيم خلاص وصلوا الفيلا وهو قالها بشر و كره و حقد…خلاص انتي كدا مهمتك خلصت وسيبي الباقي عليا
وللأسف قرر يدمر حياه حنين وابراهيم… الحياه اللي لسه مبداتش اصلا
ابراهيم وحنين… زينب طلعتهم اوضتهم وبحب… حمد لله على السلامة البيت نور بيكم
ابراهيم بحب وصدق… البيت لو نور يبقا نور بحنين روحي
زينب بمشاكسه… يا سيدي يا سيدي اية الدلع ده كله اطلع انا بقا واسيبكوا ترتاحوا شويه
ابراهيم بحب… خليكي يا حبيبتي احنا اكيد مرتاحين في وجودكم
زينب بحب انا راحتي براحتكوا انتوا وبعدين انا هنزل احضر الغذاء عشان نتغدي سواء وكمان احمد هيجيب الولاد من المدرسه علي هنا عشان نتغدا كلنا
حنين بفرحه وتعب…بجد يا ابله زينب بجد عمرو و محمد هيجوا
زينب بحب… ايوه يا قلب ابله زينب هيجوا انا عارفه انك بتحبيهم اوي عشان كدا جبتهم
حنين والدموع لمعت في عيونها… اصلهم بيفكروني ببنتي اللى اتحرمت منها
زينب قربت منها وبحب وأمل… ان شاء الله هترجعلك ياحبيبتي وربنا هيلم شملك انتي وهي تاني
حنين سابتهم ودخلت الحمام عشان تغير هدومها
و زينب قربت من ابراهيم وبجديه وحزن لحزن حنين… ياريت تصلح اللي انت عملته وتبدل حزنها بفرح قبل فوات الاوان
ابراهيم بحزن وجديه… ان شاء الله بكره هروح لاهلها اوضحلهم واظهر برائتها حتي لو حصل ايه منهم هتحمله
زينب بجديه وخوف عليه… انت لازم تاخد احمد معاك لازم
ابراهيم بجديه… لا يا زينب انا اللي غلطت واللي غلط لازم يتحمل نتيجه غلطه
زينب بخوف… بس انا خايفه يأذوك
ابراهيم بصدق وجديه… اكيد مش هيأذوني اكتر ما أذيت حنين انا لازم اصلح غلطي و اردلها اعتبارها وشرفها
زينب بأمل…ربنا يسسر لك الامور يا حبيبي بس متقولش لحنين علي حاجه غير لما تخلص
ابراهيم… ان شاء الله هسافرلهم و ربنا يقدم إللي فيه الخير
زينب… ان شاء الله يا حبيبي خير يلا روح غير هدومك علي ما احضر الغداء وهات حنين وتعالي
نزلت وسابته وابراهيم فضل قاعد مكانه يفكر في مقابلته مع اهل حنين لغايه لما هي خرجت من الحمام وراحت علي السرير
ابراهيم أخد باله وبحزن…مش هتتغدي؟؟؟
زينب نزلت عشان تحضر الغداء بس لو مش حابه خلاص براحتك
حنين بصتله بحزن وتعب… انا هنام شويه وان شاء الله ابقا اصحي علي ميعاد الغداء
ابراهيم علي نفس حزنه… ماشي براحتك
ودخل الحمام اخد شاور وغير هدومه وقلبه مش متحمل نظرات عيون حنين اللي كلها اتهام خلص وراح قعد جنب حنين وبيتأمل فيها و منمش لغايه لما حنين صحيت بعدها بساعتين ولقيته مازال علي وضعه وبنوم… في ايه و ايه اللي حصل قاعد كدا ليه
ابراهيم بحزن ووجع… فيه اني بحبك ومقدرش استغني عنك… و اللي هيحصل اني ان شاء الله هعمل المستحيل عشان ارجعلك كل حاجه وارجعك ليا تاني بس انتي اديني فرصه
حنين بحزن و قهر… تفتكر لو اديتك فرصه الحياه هتديني انا فرصه وبوجع… مفتكرش ابدا لان اللي اتكسر ميتصلحش و اللي بيموت مبيرجعش واللي بيبعد عن احبابه مبيرجعلهمش تاني… وبعدين صدقني أنا مبقتش حنين اللي انت تعرفها لان حنين اللي انت تعرفها ماتت وشبعت موت ومبقاش منها غير شبيه لها وحتي الشبيه دي كمان هتموت عن قريب
ابراهيم قرب منها وشدها لحضنه بعنف وقوه حتي انها اتاوت من شده ضمته بس هو يستحمل اي حاجه غير فكره الموت دي
ولأول مره بعد موت امه وابوه دموعه تنزل وخرجها من حضنة ومسك وشها بأيدي مرتعشه وبدموع لأول مره تظهر لحنين وبخوف ورعب… انتي مش هتموتي مش هتموتي فاهمه لان لو ده حصل انا هموت نفسي وراكي والله هموت نفسي وراكي
حنين اتصدمت من منظره ومن رعشته وخوفه ولحظات و نزل ايده من علي وشها وحطهم علي وشه وعيط بقهر و وجع
و حنين قلبها دقاته زادت من شكله وصوت عياطه معقول هو بيعيط بالشكل ده معقول طب ليه كل ده
قربت منه ولفت ايديها حواليه وبحب لأول مره تظهره من وقت ما شافته حقيقي…ارجوك كفايه بقا قلبي مش مستحمل دموعك دي ارجوك كفايه
ابراهيم علي نفس حالته ارجوكي انتي متبعديش عني ارجوكي وتحولي حياتي لسراب تاني
حنين بحب… تفتكر لو بعدت عنك هيبقي بأيدي تفتكر ده
ابراهيم قام بجنون وهستيريه وبصريخ… ايوه هيبقي بايدك ايوه انتي اللي عايزه تبعدي عني زي ما بعدت هي كمان عني و زاد جنونه وكسر كل اللي يقابله في الاوضه
و زينب طلعت تجري علي فوق وحنين كمان بتقرب منه عشان تهديه عشان جرحه بس للأسف هو مكنش شايف قدامه
وحنين بتقرب منه… زقها بعنف وللأسف وقعت علي الارض و الوقعه جت علي جرحها و اتاوهت بشده
و زينب دموعها مغرقه وشها وجريت علي حنين وهي ماسكه جنبها بتعب
وبتعب والم… روحيله يا ابله زينب روحيله هو محتاجلك اكتر مني
زينب راحت ناحيته وحضنته جامد وهو بيحاول يشد نفسه منها
و حنين ضغطت علي نفسها وقامت بوجع وتعب و قربت منه … انا اسفه اسفه ارجوك سامحني
ابراهيم انتبه لوضعه ولدموع حنين و دموع زينب وحضنهم هما الاتنين جامد
وباسف حقيقي وبدموع… انا اللي أسف أسف ارجوكم سامحوني علي اللي انا عملته فيكوا وانتوا ملكمش ذنب فيه أرجوكم سامحوني
زينب بحب وخرجت نفسها من حضنه وكمان حنين… خلاص بقا يا حبيبي هون علي نفسك
ابراهيم بص لحنين وبدموع… ارجوكي بلاش كلمة موت دي تاني… ارجوكي اديني فرصة أصلح اللي اتكسر وارجعلك تللي ضاع منك… بس ارجوكي بلاش كلمه موت دي
حنين بتعب… حاضر
زينب بضحك عشان تخفف عنهم…طب يلا بقا عشان نتغدا كلنا سوا وكمان احمد والولاد وصلوا و هيخليكم تكوهوا نفسكوا وتفكروا ميت مره قبل ما تجيبوا شروق يلا يلا مهو انا مش هاكل الأكل اللي زمانه أتحرق تحت ده لوحدي
و شدتهم من ايديهم و نزلت بيهم لتحت و أول لما محمد و عمرو شافوا حنين جريوا عليها وحضنوها جامد وهي أتألمت حتي من حضنهم بس دارت
و عمرو بزعل… انا زعلان منك يا طنط حنين ومش هكلمك تاني و محمد… وانا كمان زعلان منك يا حنون و مخاصمك
حنين بابتسامه… بس انا مقدرش علي زعلكم أبدا
عمرو و محمد في نفس واحد… لا احنا زعلانين منك ولسه هيمشوا حنين شدتهم من ايديهم وقعدت بيهم علي الأرض طب ممكن اعرف عموره حبيبي و ميدو روح قلبي زعلانين ليه وانا اصالحهم فورا
عمرو… انا زعلان منك عشان بطلتي تيجي عندنا ومش بتلعبي معانا زي زمان
حنين بصت لمحمد… طب وانت يا ميدو زعلان ليه ممكن تقولي
محمد بزعل… زعلان منك عشان مش بتلعبي معايا وكمان مش بتجبيلي شيكولاتة كل يوم زي ماكنتي بتجبيلي وبقالك وبيعد علي صوابعه مش عارف يقول كام يوم من كتر ماعد و بزعل…انا مش عارف بس بقالك كتير كتير
محمد كان عنده 3 سنين يعني كلامه معظمه مكسر وعمرو كان عنده سبع سنين
حنين ضحكت بصوتها كله وبتقلد كلام محمد المكسر وعادت كلامه و كملت بنفس نمط تكسير كلامه… يعني انت مش عارف كام يوم و زعلان علي فكره انا اللي المفروض ازعل
محمد بزعل وبكلامه المكسر… انا زعلان منك ومخاصمك
حنين ضحكت تاني… بس انا مقدرش علي زعلك يا قلب حنون وده تحت انظار زينب واحمد و إبراهيم اللي هايم في ضحك حنين
وأحمد بمشاكسه وضحك… يخربيت ضحكتك يا شيخه ده الواحد عنده استعداد يروح الومان بس يسمع ضحكتك كل يوم
زينب ضربته علي صدره هتسكت ولاااا
احمد بمقاطعه وضحك مفيهاش ولا ده انتي الحب كله يا طعم انت يا نايتي وبهمس…ما تسيبك بقا من اخوكي و مراته وتسيبى لهم العيال و تيجي نروح عشان عايزك في موضوع
وقبل زينب ما ترد كان ابراهيم اتكلم وبغيظ… اقسم بالله بعد معاكستك لمراتي دي نفسي اقوم اخنقك واستريح منك بس اعمل ايه لاختي اللي بتحبك وأنا مقدرش علي زعلها ابدا
زينب بحب… ربنا يخليك ليا يا حبيبي انت مش زي ناس تأكل وتنكر
احمد بمشاكسه… طب تعالي نروح بيتنا وانا مش هنكر حاجه ابدا
زينب بضحك…ده بعينك
احمد…والله حرام عليكي و هتروحي النار
ابراهيم بتريقه… لا اسم الله عليك هتروح الجنه بعد اللي انت بتقوله ده
احمد بغيظ منه ملكش فيه أروح الجنة اروح النار اروح مارينا ملكش فيه خليك مع مراتك اللي عيالي هيجننوها
وبيبص علي حنين اللي بتلعب مع محمد وعمرو اكنها طفله زيهم
محمد بطفوله… يلا بقا قومي نلعب شويه في الجنينه يلا قومي وبيشدها من ايديها وهي قامت معاهم علي أمل إنها تشاركهم في اللعب حتي لو بسيط… بس للأسف قلبها منعها انها تكمل لعب معاهم و اعلن العصيان والتمرد علي صاحبته و حنين قعدت في الارض نص قعده وبتنهج بسرعه و مش قادره تاخد نفسها
وعمرو ومحمد طلعوا يجروا علي جوه الحقوا طنط حنين
الحقوا طنط حنين
الكل طلع يجري مع ان ابراهيم جرحه لسه بيتعبه بس هو وصلها أول واحد ولقاها مش قادره تأخد نفسها و روحها بتنسحب منها… نايمها في الارض بسرعه وعملها تنفس صناعي
ولحظات وحنين بدأت تنتبه لوضعها وبتحاول تقوم بس مش قادره
ابراهيم قومها وشالها بتعب والم بس هو استحاله خلي حد يغيره يشيلها ويلمس جسمها و دخلها جوه وبخوف عليها… انا كنت فاكر انك تعبانه تعب عادي بس الايام الاخيره تعبك المستمر فيها ده اكدلى ان في حاجه تانيه
حنين بتعب و بهروب… لا مفيش حاجه يمكن بس عشان الارهاق بتاع الايام اللي عددت…واول ماندمجت مع الولاد حسيت بالتعب ده وحصل اللي حصل
ابراهيم باهتمام وخوف… بس احنا لازم نروح للدكتور يلا بينا نروحله
حنين بهروب… لا انا بقيت كويسه
ابراهيم بتصميم… لا هنروح دلوقتي
حنين بهروب من الموقف عشان ميعرفوش الحقيقه ومتحسش بشفقه من حد… خلاص انا هبقي أروح انا لوحدي
ابراهيم بزعل وجديه… لا انا هروح معاكي ومتنسيش اني جوزك و الدكتور كان عايزك تروحيله… ارجوكي من غير انفعال تعالي نطمن عليكي
حنين بجديه وهروب… خلاص بكره هنروح سوا
ابراهيم بجديه لا انا بكره ورايا مشوار مهم اوي خلينا نروح النهارده
حنين بهروب… خلاص لما ترجع ان شاء الله نروح
ابراهيم بأمل وجديه… وعد هتروحي معايا
حنين… ان شاء الله هنروح
زينب بضحك… برضه مهما تعملي يا حنون مش هتهرب من الأكل اللي اتحرق بسبكم يلا بينا نأكل احسن بطني بتسوسو من الجوع
كلهم ضحكوا وراحوا ياكلوا والكل قاعد وحنين بتبص لهم ولنفسها (معقول اتحرمت من بنتي ومن اهلي وهتحرم من دول كمان معقول )
ابراهيم بحب وبيمد المعلقه لحنين… ممكن حنين روحي تبطل سرحان وتاكل مني
حنين أكلت من غير كلام وكلهم أكلوا وخلصوا وبعد ما خلصوا قعدوا يتفرجوا شويه علي التليفزيون
وزينب اخدت جوزها وعيالها عشان تدي ابراهيم مساحه هو و حنين لحد لما يروح لاهلها عشان يقولهم الحقيقه
وبعد مامشوا… حنين لسه هتمشي… ابراهيم شالها بتعب وهي حاولت تنزل وهو رفض وبحب… انتي تعبانه ودي اقل حاجه اعملهالك وصل لاوضتهم و حطها علي السرير ونام جنبها ونفسه ياخدها في حضنه عشان تطمنه هو خايف و مرعوب من مقابله بكره لما يروح لأهلها
وفضل حوالي ساعتين قلقان و حنين حاسه بيه بس ساكته ومش بتقول حاجه
وهو قرب منها وبهمس وحب… ممكن تنامي في حضني عشان اعرف انام ممكن ؟
حنين برغم اعتراض عقلها لفت ليه ونامت في حضنه و هو حضنها جامد و نام و دعوات من قلبه ان ربنا ميحرمهوش أبدا من حضنها ولا من وجودها في حياته زي مااتحرم زمان
**********************كل هذا الحب… عشق حنين… بقلمي…دى دى فتحى… صفحتي الشخصية…باسم…اللهم أسألك الفردوس لوالدى
$$وطلع يوم جديد ملئ بالاحداث الصادمه و المؤلمه… شمس الدنيا اشرقت عشان تحرق القلوب و تصدم الجميع$$
ابراهيم صحي قبل حنين وبصلها اوي و بيتأملها حاسس انها هتروح منه… حاسس بأحساس غريب جواه بس مش عارفه ايه هو… او بمعني اصح مش عايز يعرف
حنين فاقت وبصوت خافت… صباح الخير
ابراهيم بحب وعشق… صباح الفل والياسمين علي اجمل واحلي عيون حلوين عيون حنين روحي… وبجديه… انا هروح مشوار النهارده وان شاء الله يخلص علي خير
حنين بخوف حساه وبسؤال… هو ايه المشوار ده؟؟
ابراهيم بجديه بعد ماسحب نفسه من جنبها وقام عشان يلبس…. مشوار كان لازم اعمله من زمان و اتأخرت فيه و قرب منها و باس راسها وبحب… هتوحشيني وخلي بالك من نفسك… وزينب هتيجي تقعد جنبك لغيت لما اجي
حنين قامت من علي السرير وقربت منه بخوف ودموع… بلاش تروحلهم بلاش لوحدك انا هروح معاك هما ممكن يمو
ابراهيم بمقاطعه وجديه وحب… هما ممكن ايه يموتوني مش مهم المهم اني اعرفهم الحقيقة وعمري مااهخدك معايه ويحرموني منك
حنين بدموع… طب خد حد معاك
ابراهيم بجديه… مهما كان اللي هيحصل لازم اروحلهم وسابها ونزل
وحنين قعدت تعيط بوجع و حرقه
و زينب دخلت عليها وقربت منها و حنين رمت نفسها في حضنها وبحزن و وجع… انا خايفه عليه يا ابله زينب انا خايفه عليه آوي انا كنت عايزه اروح معاه
زينب بحزن وخوف تداريه… متخافيش يا حنين ان شاء الله خير متقلقيش
**************************كل هذا الحب… عشق حنين… بقلمي… دي دي فتحي… صفحتي الشخصية… باسم… اللهم أسألك الفردوس لوالدى
ابراهيم سافر لأهل حنين وخبط علي الباب واخو حنين فتح له و بكره… انت جاي هنا ليه مش كفايه اللي انت عملته فيها جاي تاني ليه
ابراهيم… انا جاي أعرفكم الحقيقية واقولكم ان أنا المذنب وحنين مظلومه وانا اللي عملت فيها كل ده وهي ملهاش اي ذنب وكمان انا اللي فبركت الفيديو اللي انا وهي فيه لانه كان بتاعها هي ومروان… بس رودي بنت عمه هي اللي ساعدتني في كدا… عشان يطلقوا وتاخد هي مروان لانها كانت بتحبه
وابوها بعد ماطلع علي صوته وبصدمه وغضب… يعني انت عايز تقول ان بنتي مظلومه وانك انتي اللي حولت حياتها لجحيم… طب استفدت ايه وانت اساس متحبهاش لانك لو كنت بتحبها مكنتش عملت فيها كدا وضعيت شرفها وشرفنا في الارض… وبغضب اكتر ومسكه من هدومه وبجنون ليه عملت كدا ليه ليه
ابراهيم بتعب وحزن وقهر… عشان هي قالتلي لا عشان رفضتني… عشان مفيش حد بيحب حد ولما بنحب بننجرح اوي وبنموت بالبطي
امها بدموع وقهر وانت عشان… متجرحش جرحت بنتي… وبدموع اكتر… ربنا يوجع قلبك زي ماوجعت قلبي عليها
ابراهيم بحزن ووجع… ومين قالك اني متجرحتش ومين قالك اني متعذبتش اكتر منها
امها بدموع وقهر… وبنتي ذنبها ايه في اللي انت اتعرضتله زمان ذنبها ايه هااا
ابراهيم بوجع وصريخ… ذنبها ذنبها
امها بعنف وغضب… قولي ذنب بنتي ايه ذنبها ايه تعمل فيها كدا وتحرمها من كل حاجه حلوه في حياتها وتعذبها العذاب ده كله وكمان تخلينا نشاركك في الجريمه دي قولي
ابراهيم بيقرر اللي حصل قدام عنيه زمان… بس مش قادر ينطقه مش قادر يقولهم اسبابه
اخوها دخل جاب سكينه و مسكه من لياقه قميصه وبعنف وغضب وصوت عالي..انا هقولكم ذنبها ايه ذنبها انها وقعت في ايد ذئب بشري من الذئاب البشريه اللي بتنهش اعراض البنات… ذنبها انها وقعت مع واحد حقير وزباله زيه… ذنبها انها وقعت ضحيه لكلب من كلاب بحر الظلمات… ذنبها انها حبت اسر اوي ولما وقفتله علي غلطه وعنادت قلبها كانت النتيجه انتحاره وعاشت اربع سنين في تانيب صمير بسببه… ذنبها انها خافت تعمل مع ده كدا وتعيش بتانيب الضمير ليه كمان… ذنبها انها سلمت قلبها وعقلها لواحد ميسواش حاجه … وانا لازم اخد حقها منه… ومن غير تردد ولا تفكير غرس السكينه في قلب ابراهيم… وزقه وقعه علي الارض… وبعنف وغضب لابوه وامه… انا هبلغ عنه البوليس عشان يجي ياخد الكلب ده… وهروح اجيب حنين دلوقتي… وعمره ماهيلمح ضوافر من ضوافرها تاني
ابراهيم بتعب ووجع ودموع ومسك رجله اخوها وبارجاء… ارجوك متاخدش حنين مني ارجوك سبهالي وبلاش تحرمني منها… وبصدق ودموع اكتر… والله العظيم انا بحبها وبعشقها اوي والله هعوضها عن كل اللي شافته والله هعوضها
اخوها زقه برجليه وقعه تاني
ولسه هيمشي… ابراهيم قاوم التعب اللي هو فيه بسبب العمليه اللي لسه معدتش عليها اسبوع وكمان ضربه السكينه اللي في قلبه… وشد اخوها من لياقه قميصه… وبتعب وشبه عنف… محدش هياخد مراتي مني فاهم محدش هياخدها… وبتهدد… ولو حاولت تاخدها مني… هموتها واموت نفسي والله هموتها واموت نفسي
اخوها بعنف وغضب… يبقا انت اللي تموت لوحدك ولاسف ضريه تاني ووقعه جثه هامده
وابراهيم بصوت متقطع… اوعي تروحي معاه ياحنين وتبعدني عني… اوعي تروحي انا هموت من غيرك والله… اوعي ياحنين تروحي و تسبيني زي ماهي سابتني وغمض عيونه
واخوها بص لامها وابوها… وبجديه انا هبلغ البوليس يجي ياخده وهبقا اقولهم كنت بدافع عن نفسي وانتوا روحوا هاتوا حنين بس متقولهاش حاجه لو سالت عنه لانه كدا كدا عما يجي البوليس هيكون ماااات😔
***************************
وعلي الجانب الاخر$$
موني بتتصل بالتليفون وبكره وشر… ايوه يا أسر الفيلا فاضيه و مفيهاش حد غيرها هي و زينب اخته و دي تخبطها خبطه تكومها مكانها
تعالا يلا وانا هشغل حرس الفيلا اللي بره
أسر بكره وشر… خمس دقائق واكون عندك خليني اشفي غليلي من قطتي البريه اللي حرمتني منها زمان وحولتني من معيد في الجامعه لأكبر تاجر مخدرات بسبب غلطه مليش فيها اي ذنب
وبعد وقت ليس بكثير اسر وصل الفيلا
وموني كانت ملهيه الحرس اللي بره
واسر دخل الفيلا… وطلع فوق… ودخل اوضه ابراهيم وطبعا موني هي اللي كانت وصفهاله… وحط فيها حاجات هتقبل حياتهم ودمرها وهتقلب الراويه راسا علي عقب
حطها وهو خارج من الاوضه… زينب شافته ولانه كان لابس قناع مداري عنيه معرفتهموش
وبخوف وسؤال… انت مين وطلعت هنا ازاي انت اكيد حرامي… ولسه هتصرخ وتنادي حد من الامن او الخدم.. كان هو اسرع منها وضربها بالمسدس علي دماغها واتعورت واغمي عليها ووقعت علي الارض
وحنين طلعت تشوف زينب غابت ليه… لقيتها وقعه علي الارض ودماغها بتنزف… قربت منها وبصريخ وخوف… ابله زينب ابله زينب ايه اللي حصلك فوقي وردي عليه… ده كله واسر واقف قدامها وهي مش مركزه مع حاجه ابدا غير مع زينب اللي مرميه قدامها
وقامت عشان تشوف حد من الخدم يساعدها… شافت اسر وطبعا كان لسه لابس القناع
وبخوف وجديه… انت مين وعايز ايه
اسر قرب منها وشدها من وسطها… وبيمشي ايده علي وشها… وبهمس وتوهان واشتياق… لسه حلوه زي ماانتي عيونك زي ماهيا … خدودك زي ماهيا … وبيلمس ايده علي شعرها… وشعرك الجميل الجذاب زي ماهوا … وبيلمس ايده علي شفايفها… حتي شفايفك اللي طول عمرها سحراني ومجنناني زي ماهيا
حنين بتحاول تبعده عنها بس مش قادره عليه ابدا… وبعنف وغضب… انت مين وعايز مني ايه
اسر قرب منها وبشر وانتقام…انا مين؟
فاانا شخص انتي عارفه من سنين
وعايز ايه؟
فاانا عيزك انتي ياقطتي البريه
الفصل التالي: اضغط هنا
يتبع.. (رواية كل هذا الحب) اضغط على اسم الرواية لتجد الفهرس كاملاً بجميع الفصول.