رواية كل هذا الحب الفصل الثالث عشر 13 – بقلم ديدي فتحي

الحلقة 13

قرأه ممتعة

ابراهيم اول ما لف راسه وشاف حنين الصدمه والدهشه لجمته… وهي كمان مش اقل منه صدمه ودهشه… وهما الاتنين في نفس واحد… انت!!!!…. انتي!!!!

الكل قام وقف واستغرب ان حنين بتتكلم

ابراهيم راح لحنين وقرب منها و مسك دراعها بعنف وغضب و اتهام…. انتي ايه مش هتبطلي نصب بقا يعني شويه تنصبي عليه وشويه علي اختي وجوزهاوبصوت عالي فهميني انتي عايزه ايه بالظبط عارفه لو كنتي جايه تنتقمي مني في اختي انا مش هرحمك فاهمه ولا افهمك بطريقتي اللي انتي عارفها وحفظها ومش تايه عنها

حنين دموعها نزلت بوجع وقهر وقلبها اتكسر ميت حته من كلامه

احمد أمر كل الموجودين يمشوا وبجديه وعنف لحنين… يعني ايه معني الكلام اللي هو بيقوله ده لوسمحتي فاهمينا

زينب قربت منها…انتي بتتكلمي يعني مش خرساء و كنتي تعرفيه قبل كدا وجايه تنتقمي مني بس انا اللي غلطانه اني أمنت لوحده معرفهاش وفتحت لها بيتي وهي جايه تنتقم مني وبسؤال لها… ممكن اعرف انا عملتلك ايه عشان تعملي فيا كدا وتمثلي علينا انك خرساء

احمد باتهام… علي فكره انا كنت متاكد ان ورا سكوتك ده حاجه ممكن تقولي انتي حكايتك ايه ممكن ؟؟؟

ابراهيم اتكلم بهجوم وعنف… هتتكلم تقول ايه انها كانت وحده من ضمن اللي عندي و كا وقبل ما يكمل كانت حنين ضرباه بالقلم وبدموع وقهر… انا عمري ما كنت كدا ولا هكون فاهم ولسه هتخرج وتسيبهم

زينب مسكت دراعها بعنف… مش هتمشي من هنا قبل ما تقوليلي ايه حكايتك وليه مثلتي علينا انك خرساء

حنين بصتلها بشرود وتوهان… تفتكري انا مهما احكيلك انتي هتصدقيني وتكدبي اخوكي وبدموع… علي فكره انا مش زعلانه منكوا انكم اتهمتوني ظلم لاني واخده علي كدا و انا مش هحكي حاجه لاني استكفيت من الكلام والحكي وكمان عشان اخوكي مينزلش من نظرك عارفه انا لو زعلانه فأنا زعلانه عشان خسرتك انتي كأخت ليا

وسابتهم وخرجت ودموعها مغرقه وشها

زينب راحت لإبراهيم وبسؤال واتهام… ممكن تقول معناه ايه كلامها ده وايه إللي انت عملتوا فيها

ابراهيم بغضب… انا معملتش فيها حاجه هي اللي مش كويسه ومبقاش انا ابراهيم اللي محدش اتجرا لغيت دلوقتي وعمل اللي هي عملته ده لو مرضتلها بدل القلم عشره وخرج وسابهم

وزينب قعدت علي الكرسي وعيطت بحرقه ووجع… وجوزها اخدها في حضنه ومش عارف يقولها ايه ولا يعمل ايه ففضل السكوت عن الكلام لان السكوت احيانا بيكون احسن من الكلام بكتير

******************************كل هذا الحب (عشق حنين) بقلمي دي دي فتحي… صفحتي الشخصية.. باسم… اللهم أسألك الفردوس لوالدى

حنين راحت شقتها اللي قاعده فيها و رمت نفسها علي السرير وعيطت بقهر وحسره وافتكرت لما حلمت بيه الصبح وفعلا حلمها أتحقق وغرقها تاني من بعد ما كانت بدأت تستقر علي الشاطئ وتبعد عن البحر وغدره

وبعد وقت قامت مش عارفه تعمل ايه ولا تروح فين وليه الدنيا كل شويه بتدي لها فوق طاقتها

قامت وسابت كل حاجه فيها سابت هدومها وفلوس الشهور اللي فاتت اللي هي اشتغلت بيها و سابت كل حاجه كانت جيبهالها زينب وسابتلهم ورقه فيها كلمتين مختصرين… (انا سكوتي مكنش انتقام منكوا دا كان انتقام من نفسي) و سابت الشقه وخرجت

زينب قررت انها تروح لحنين وتفهم منها حكايتها ايه وكلمه حنين لها انا زعلانه لاني خسرتك كأخت مسمعه في قلبها وعقلها راحت لها الشقه هي واحمد وللأسف حنين كانت مشيت خلاص وسابتلهم كل حاجه دورا عليها في الشقه كلها لانهم كانوا معاهم مفتاح لها ولقوا هدومها زي ما هي وفلوسها والورقه اللي كتباها

زينب دموعها نزلت واتأكدت هي واحمد ان حنين صادقه في تصرفاتها وابراهيم هو اللي كداب وفعلا خسروها و قررت انها لازم تدور عليها وتجيبها مهما كان التمن

حنين مشيت تايهه في الطرقات مسكينه هتعمل ايه كل لما تستقر يجي من لا يرحم يهدم استقرارها مشيت لغايه لما تعبت من المشي قعدت علي مقعد جانبي ومن كتر التعب نامت علي المقعد

زينب و احمد فضلوا يدوروا عليها لغايه لما لقوها نايمه كدا زينب قلبها وجعها عليها اوي حست ان هي السبب في اللي هي فيه قربت منها وبدموع… شروق شروق فوقي يا حبيبتي فوقي حنين قمت بتوهان… انتي جبتي بنتي يا ماما انتي جبتيها معاكي ارجوك يا مروان اديني بينتي ارجوك اديهالي… طب قولي ودتها فين وانا هجيلها… و للأسف دي كانت خترفه من السخونيه اللي عند حنين اثر البرد اللي اتعرضتله وهي ماشيه لان الجو كان برد جامد

زينب بدموع… شيل معايا يا احمد شيل نوديها المستشفي بسرعه ارجوك وفعلا احمد شالها و ركبها العربيه و طلعوا بيها علي المستشفي والدكتور طمنها وقالها ان دي سخونيه نتيجه نزلت برد شديدة

زينب بدموع… ارجوك يا دكتور اعملها الازم وخليها تخف بسرعه كفاية عليها تعب ووجع بقا

الدكتور بثقه… اطمني حضرتك هي كلها ساعتين وهتفوق وهتبقي كويسه وسابهم ومشي

و زينب و احمد دخلوا لحنين

زينب قربت منها وفضلت تملس علي شعرها… وبعد ساعتين حنين  بدأت تفوق وبتوهان… ارجوك وديت بنتي فين ارجوك ادهاني وبصريخ… لا متاخدهاش مني لااااا

زينب قربت منها بسرعه وحضنتها جامد و بدموع وحب بس يا حبيبتي بس ان شاء الله هترجعلك ان شاء الله اهدي يا حبيبتي اهدي والغريب ان حنين استكانت في حضن زينب ونامت تاني… يمكن عشان محرومه من الحضن الحنين الدافي يمكن عشان محدش اخدها في حضنه من زمان حتي مامتها حرمتها من حضنها

زينب بجديه لأحمد جوزها…روح انت عشان الولاد انا هبات معاها

احمد باعتراض… لا انا هبات معاكوا عشان لو احتاجتوا حاجه

زينب.. لا روح عشان الولاد ولو احتاجنا حاجه هجيبها انا

احمد باستسلام وافق علي كلامها ومشي وسابهم وزينب نامت وهي حاضنه حنين

وتاني يوم الصبح حنين فاقت ولقت نفسها في حضن زينب ولسه بتبعد عنها زينب فاقت هي كمان وبحب وصدق… ها يا حبيبتي عامله اية دلوقتي يا رب تكوني أحسن

حنين دموعها نزلت وسكتت

زينب مسكت وشها بحب حقيقي… ممكن متسكتيش تاني وتتكلمي وتحكيلي اللي جواكي واتاكدي إني هساعدك

حنين بدموع وقهر… صدقيني اللي انا فيه مستحيل حد يقدر يساعدني فيه

زينب بأمل وحب… طب ما تجريبي من يمكن اقدر اساعدك

حنين بدموع ورجاء… ارجوكي انا مش عايزه احكي ارجوكي كفايه اللي انا فيه

زينب علي نفس اسلوبها بس انا عايزه اشاركك في اللي انتي فيه ده مش انتي قولتي اني اختك و بزعل مصطنع… ولا ميشرفكيش اني اكون اختك

حنين رمت نفسها في حضنها وعيطت وبشهقات ودموع ووجع ده انا اللي ميشرفش اي حد اني أكون في حياته

زينب حضنتها وبحب وأمل… هششش احكيلي انتي بس وما عليكي بالباقي

حنين بتردد وتوتر وخوف سكتت وزينب بحب وحنان…لو انتي معتبراني فعلا اختك احكيلي علي حكايتك وبصدق والله العظيم انا عايزه اساعدك ارجوكي اديني الفرصه دي ارجوكي

حنين شافت في عيون زينب الحب والصدق والحنان اللي هي محرومه منه

وبدأت تحكي لها وحده وحده من اول ما عرفت ابراهيم علي صفحات الفيس بوك ورسايلها ورجائها ليه انه يديها

فرصه للحياه بوجوده معاها وهو رفض… وجوازها من مروان وسفرها معاه و تهديد إبراهيم ليها بعد ما كانت استقرت وخلفت بنتها… والضربه القاضيه لزينب لما حنين قالتلها علي موضوع الفيديو اللي ابراهيم فبركه و بعته لجوزها و صدقه زيه زي أي راجل شرقي بيحكم علي خطيبته او زوجته او أخته او أمه او بنته بيحكم عليها من غير ما بيسمعها ولا حتي تدافع عن نفسها وده غلط طبعا مهما كان المفروض الراجل يسمع منهم الأول لإنه هو الدراع الحامي لمراته او بنته او اخته او امه او خطيبته

لانه بيظلمها كتير بحكمه عليها وبيدمر حياتها و يبعدها عن اي شئ وكل شئ غالي عليها اعتقادا منه انه كدا بيدمرها زي ما هي دمرته وميعرفش ان فيه اصلا ذئاب بشريه متوحشه ومفترسه بتخرب وبتدمر البيوت ((فعذرا ايها الرجال عندما تقسوا علينا و تتركونا للذئاب البشريه فأنتم من دمرتونا وضيعتونا وبعدتونا عن اولادنا و فلاذات اكبادنا))

🤲اللهم ارحمنا حينما يتحول الرجال الي ذئاب

اللهم ارحمنا عندما يقهرنا السند (الاخ )

اللهم ارحمنا عندما يقهرنا مصدر الامان والحنان (الأم ) اللهم ارحمنا عندما يقهرنا الملجأ و المأوى (الاب)

اللهم ارحمنا حينما ينكسر القلب ويتحول الي شظايا(الزوج)

اللهم ارحمنا حين نفقد من تمحي عنا الهموم (الصديقه) اللهم ارحمنا حين نفقد الاحتواء والاهتمام (الاخت)

اللهم ارحمنا عندما تنكسر انفسنا ولا نجد من يجبر بخاطرنا

اللهم ارحمنا حينما تضيع المتعه من الحياه (الاولاد)

اللهم ارحمنا في كل زمان و مكان يارب العالمين 🤲🤲

ونكمل آخر جزئيه في الحلقه 👇👇

حنين خلصت الحكايه لزينب اللي قلبها اكتسر مليون حته واتصدمت من اللي عمله اخوها معقوله هو بالقذاره والحقاره دي معقوله هي اتخيلت انه يعمل كل حاجه الا انه يعمل في انسانه بربئه وملهاش اي ذنب غير انها حبته ذنبها ايه عشان يعمل فيها كل ده ويدمر حياتها ويحطمها بشكل ده

قامت من جنب حنين بقلب مفطور وعيون باكيه حزينه

وحنين ندهت عليها وهي كانت في دنيا تانيه وحنين فكرت انها بعددت عنها لما قالت عن اخوها كدا ونزلته من نظرها… هي مش عارفه حكيتلها ليه ولا عشان ايه بس هي كانت محتاجه لحد يسمعها ويخفف عنها بس للأسف زينب سمعت وبس

وحنين غمضت عيونها بوجع وحزن وبينها وبين نفسها اتمنت ان ربنا يريحها من الحياه القاسيه دي وياخدها عنده اكيد هترتاح عند ربنا اكتر من عند البشر القاسين والحياه القاسيه دي

زينب خرجت من المستشفي شكلها يغني عن السؤال وهدفها الوحيد هو ابراهيم وفعلا راحت له وخبطت علي باب شقته بعنف وغضب

وهو كان مع موني في اوضه نومه… قام بسرعه ولبس اسرع… وقال لموني متخرجش بره لغايه لما يشوف في ايه وخرج بسرعه وفتح الباب واتصدم لما لاقي اخته وحبيبه عمره منهاره بالشكل ده وبخضه وخوف حقيقي عليها… مالك يا حبيبتي ايه اللي حصل و ايه اللي عمل فيكي كده قولي

زينب دخلت بوجع وقهر… وكسرت أي حاجه وكل حاجه تقابلها في شقته وبصريخ وهستريه… انت حيوااان حيوااان انت اكيد مش بشر انت شيطان.. شيطان في صوره انسان… وانا اللي فرحانه اللي ليا اخ و هيكون سند ليا… ليه تعمل فيها كدا ليه وعملت كدا في مين تاني و دمرت حياه مين تاني كل كلمه كانت بتقولها كانت بتكسر اللي يقابلها

وابراهيم واقف مزبهل من منظرها و بيقرب منها … وهي بصريخ و بتزقه عشان يبعد عنها وايديها اتجرحت من التكسير وهو جري عليها بخوف ووجع… ارجوكي كفايه بقا و قوليلي فيه ايه

زينب مسكت فازه ورمتها علي الارض والفازه اتكسرت ميت حته وبعنف وغضب…وايديها بتنزف وبتشاور علي الفازه فيه… ان قلوب اتكسرت ميت حته زي الفازه دي… فيه ان ام اتحرمت من بنتها واتحرق قلبها عليها بسببك…فيه انك دمرت حياه انسانه كل ذنبها انها حبيتك… فيه انك وجعت قلوب كتير اوي… في ان الحلال اتحرم والحرام اتحلل وبوجع وانكسار وده كله بسببك انت

انت أخويا اللي كنت فكراك سند ليه في دنيتي بعد امي وابويا ما ماتوا وبدموع وقهر… بس انا خلاص مبقاش ليا حد لا اب ولا ام ولا أ…  ابراهيم ولأول مره وبدموع إوعى تقوليها يا زينب اوعي تقوليها ارجوكي انا استحمل اي حاجه في الدنيا… الا الأذى منك انتي ارجوكي بلاش ومتقولهاش تاني وبيقرب منها بخوف عليها وحب… ارجوكي خليني اربطلك جرحك وانا هعملك اللي انتي عايزاه

زينب بعدت ايديها عنه بعنف وغضب اكتر وهي مازالت بتنزف… متاكد انك هتعمل اللي انا عيزاه

ابراهيم بجديه… اكيد هعمله طالما انتي عايزه كدا

زينب بدموع ووجع وقهر من اللي هو عمله…. اللي انا عايزاه إنك تتجوز حنين

ابراهيم!!!!!