رواية كل هذا الحب – الفصل الخامس والعشرون
25
الحلقة 25
قرأه ممتعة
حنين بعنف وغضب… انت مين وعايز مني ايه
اسر قرب منها بشر وانتقام… انا مين؟؟؟
فاانا شخص انتي عارفاه من سنين
وعايز ايه؟؟؟
فعيزاك انتي ياقطتي البريه
حنين بعنف وغضب اكتر… ابعد عني ياحيوان ابعد… وبتزق فيه
وهو كان واقف زي الجبل… وبهمس… قريب اوي هتكوني بين ايديه وفي حضني… وبهمس اكتر… انا هبعد عنك دلوقتي بس اوعدك بعد كدا اني مش هبعد عنك ابدا
وسابها ونزل و خرج زي ما دخل
وحنين وطت لزينب وبدموع فوقي يا ابله زينب وصرخت بتعب علي الحرس اللي موني مقعداهم معاها بره عقبال ما اسر يخرج وللأسف محدش سمعها حنين جابت قماشه وكتمت لزينب الدم بيها واتصلت علي احمد جوز زينب
اللي جه بسرعه الصاروخ والحرس أول ما شافوه طالع يجري علي جوه طلعوا يجروا وراه بعد ما موني مشيت وطلعوا كلهم فوق لقوا زينب أثر الدم علي وشها ودماغها مربوطه وحنين قاعده تعيط جنبها
احمد جري عليها و شالها وبخوف… فوقي يا زينب فوقي بس لا حياه لمن تنادي سابها لحنين اللي اخدت دماغها علي رجلها و دموعها مغرقه وشها
واحمد اتصل علي الدكتور اللي جه بسرعه وطهر لزينب الجرح وخيطهولها و ربطه
وبجديه لأحمد… هات العلاج ده وايدهولها وان شاء الله هتبقا كويسه وسابهم ونزل
واحمد ادي الروشته لواحد من الحرس يجيبوا العلاج
قرب من حنين و بجديه… ممكن أعرف ايه اللي حصل
حنين حكيتله علي اللي حصل من غير ما تقوله الكلام اللي أسر قالهولها
احمد باستغراب… طب الحرامي ازاي دخل الفيلا و محدش من الحرس شافه وهو مين و كان عايز ايه انا لازم اعرف الحكايه دي لان فيها إن وانا لازم اعرفها
****************************كل هذا الحب… عشق حنين… بقلمي… دي دي فتحي… صفحتي الشخصية… باسم… اللهم أسألك الفردوس لوالدى
&&عند إبراهيم & &
ابراهيم بتعب وبحاله شبه اغماء وبصوت متقطع… ارجوكي ياحنين اوعي تسيبني وتروحي معاه… انا هموت من غيرك والله هموت وغمض عنيه واستسلم للموت
واخوها بص لامه وابويه وبجديه روحوا هاتوا حنين وهو كدا كدا عما البوليس يجي هيكون مات… وبانتصار وانتقام… يلا روحوا هاتوها ومتتاخروش
ابراهيم قام بفزع وخوف ورعب… وبصريخ…اوعي ياحنين تروحي معاهم… محدش هياخدها مني لااااااا
والعسكري اللي كان واقف عند اشارات المرور …و بسؤال وجديه… فيه ايه يااستاذ الاشاره فتحت وانت موقف الطريق وراك… انت كنت بتحلم ولا ايه
ابراهيم بخوف ورعب وبينهج … لا ده مش حلم ده كابوس كابوس وانا لازم مروخش عان ميتحققش وياخدوها مني… مش لازم اروح ابدا وطار بعربيته ورجع تاني ومرحش لاهل حنين
بس الحلم اللي حلمه مش عايز يروح من باله وكلام امها واخوها وابوها عقله بيردهوله كل شويه
ماشي بالعربيه ومش عارف يروح فين ولا يجي منين… قلبه موجوع اوي ونفسه مكسوره.. هو عارف انه عمل أخطاء كتير في حياته وعصي ربنا كتير بافعاله بس معقول ربنا هيعاقبه ويحرمه من حنين روحه بعد كل الحب ده وبعد ماخلاص قال الدنيا ضحكتله معقول حنين تكون تمن اخطاءه وافعاله معقول
رجع بلده تاني وقبل ما يروح الفيلا راح المقابر
و قرب من مقبره وبيخبط عليها بضعف و وجع وحزن .. ليه عملتي فيا كدا ليه خلتيني انتقم من اكتر انسانه حبتني في حياتها وانا كمان حبيتها و قاومت كتير وعذبتها اكتر ليه مخلتنيش احط أمل في اي وحده ممكن تحب اللي معاها وتخلص له ليه… ردي عليا اطلعي و ردي عليا وييخبط جامد وبصريخ… ردي عليا ردي… بس لا حياه لمن تنادي
ومين هيسمعه وهما ما صدقوا دخلوا جوه عشان يرتاحوا من كدب ونفاق البشر راحوا لرب العالمين راحوا بعد عذاب كتير و مصارعة مع الحياه
وبصوت كله وبصريخ ودموع … ااااه ااااه ااااه
وقعد يعيط زي الطفل الصغير في المقابر
ولحظات وجه شيخ بيخبط علي كتفه وبجديه وهدوء… وايه فايده البكي والنواح هما مش هيرودا عليك ولا يخففوا وجعك و حزنك ليك رب كريم قادر يبدل حزنك لفرح
ابراهيم بدموع وحزن…انا مجرم و عملت حاجات كتير الشيطان نفسه ميفكرش يعملها
الشبخ بجديه و هدوء… يبقا قوم صلح اللي انت عملته قبل فوات الاوان
ابراهيم بدموع… مش هيتصلح لانهم هياخدوها مني ويحرموني منها… وبدموع اكتر… والله انا بحبها اوي ومقدرش اعيش من غيرها
الشيخ بجديه… بلاش تيأس من رحمة ربنا وادعيله وهو هيستجاب ليك
ابراهيم بدموع… انا مش عايز حاجه غير انهم يسامحوني و يسيبولي حنين ومتروحش مني زي اللي راحت و تبعد عني
الشيخ بجديه… يبقي تقوم تحارب عشان اللي انت عايزه وتقرب من ربنا عشان يقرب منك
ابراهيم بحزن وسؤال… تفتكر ربنا هيستجيب مني لما ادعيله وانا اكتر واحد عصيته
الشيخ بجديه… قوم ادعيه وشوف نتيجه دعائك قوم ادعيه و الدعوه هتستجاب حتي لو بعد حين
ولحظات واختفي من قدامه
وابراهيم بص حواليه عشان يشوفه راح فين بس ملقهوش
و خرج من المقابر و راح علي الفيلا وشكله يغني عن السؤال وطلع فوق وفتح الباب وحنين اول ما شافته جريت عليه وحضنته بكل الخوف والحب اللي جواها وبدموع… سبتني ليه كنت فين ده كله وبعدت عني
ابراهيم ضمها اوي بحزن ووجع… صدقيني عمري ما هسيبك ولا ابعد عنك تاني
حنين خرجت من حضنه وبسؤال… ايه اللي عمل فيك كدا
ابراهيم بصلها بوجع وراح قعد علي الكنبه و حنين حست انه موجوع اوي قربت منه ومسكت وشه… وبحب وحنان مفيش حاجه في الدنيا كلها تستاهل زعلك وحزنك ده صدقني مفيش حاجه ابدا
ابراهيم رمي نفسه في حضنها و بحب وعشق… انتي يا حنين روحي انتي اللي تستاهلي زعلي و حزني لما حسيت انك ممكن تضيعي مني
حنين بدموع ووجع… ارجوك قوليلي ايه اللي حصل وقالولك ايه وعملوا ايه
ابراهيم بحب… صدقيني مفيش حاجه ابدا حصلت لاني ملقتش حد في البيت بس انا مش هياس وهروحلهم تاني عشان يسامحوني و يسامحوكي ومسك وشها وباس جبينها… طول ما انتي معايا هحارب الدنيا كلها عشانك بس انتي خليكي معايا ومتبعديش عني ابدا
حنين بحزن بتداريه… ان شاء الله هفضل معاك و سكتت
ابراهيم برجاء وعشق… ارجوكي قوليهالي مره واحده في الحقيقه زي ما كنتي بتقوليها لي علي الرسائل
حنين وطت وشها وفضلت السكوت
وابراهيم رفع وشها وبحب وعشق واشتياق… صدقيني انا بحبك اوي اوي من اول ما شفت صورتك اللي انتي بعتيهالي وكلمتك صوت و رسايل بس كنت بقاوم نفسي وامنعها عنك وحاربت كتير و أذيتك اكتر بس صدقيني خلاص مبقتش قادر علي بعدك اكتر من كدا والله مبقتش قادر
وبيقرب منها اكتر واكتر و انفاسهم اختطلت مع بعض وحنين نفسها تقرب وفي نفس الوقت تبعد…بس مش قادره هو مهما كان حبيبها اللي اتحرمت منه كتير واتعذبت اكتر وهي اهي بين أيديه خليه يعبر لك عن حبه وعشقه بقا كفايه كدا بقا كفايه
وخلاص حنين مبقاش فيها اي مقاومه واستسلمت لابراهيم وهو كمان مش اقل منها استسلام
وقرب من شفايفها اكتر ولمسها ولسه هيطفي نار اشتياقهم لبعض إفتكر كلمه امها ودعواتها عليه ربنا يوجع قلبك زي ما وجعت قلب بنتي و وجعت قلوبنا كلنا هو صحيح حلم بس هو كان عايشه بكل تفصيله
بعد عن حنين بقلب مفطور و حزين ودموعه نزلت
وحنين استغربت من ده وبخوف قربت منه… مالك وبجديه علي فكره إللي كان هيحصل بنا ده مكنش هيكون غصب عني ارجوك كفايه بقي و هون علي نفسك
ابراهيم بحزن ووجع ودموع… ياريت اقدر ياريت ممكن تنيميني في حضنك ممكن
حنين بحب… ايوه يا حبيبي ممكن
ابراهيم ابتسم لكلمه حبيبي ونفسه يفرح بس مش قادر يفرح بعد الحلم اللي شافه
ولسه هينام في حضنها افتكر زينب بعد نفسه وبجديه وخوف…فين زينب هي راحت فين
زينب كانت مشيت عشان ميشوفهاش و دماغها مربوطه كدا يقلق عليها و يتعب فهي مشيت و طلبت من حنين انها تقوله انها فضلت معاها وبعدين سابتها مع الحرس وروحت لان محمد ابنها تعبان وطبعا دي كانت حجه بتقولها لابراهيم عشان تتوه عن غيابها
وحنين قالت لابراهيم كدا وهو حاول يصدقها ونام في حضنها من التعب
***************************
تاني يوم زينب جت وشالت الرباط من علي دماغها واكتفت بلصقه و غطيتها بشعرها وعرفت من ملامح ابراهيم انه مش خير أبدا من روحته لاهل حنين اللي هو اصلا مرحليهمش
قربت منه وبحب وامل… اعزرهم يا حبيبي و ان شاء الله الزمن كفيل يداوي اي جرح بس انت هون علي حنين وخليك جنبها
إبراهيم بحزن… ان شاء الله وسابها وخرج
و راح قعد في الجنينه وحنين قربت من زينب اللي دموعها مغرقه وشها… ان شاء الله كل حاجه هتبقي تمام هي ازمه و هتعدي قريب ان شاء الله
حنين قصدها ان مبقاش باقي كتير علي موتها وخصوصا ان وجع قلبها بيزيد يوم عن يوم وهي خلاص استسلمت للموت فهي بتواسيها علي اساس انها هتموت و إبراهيم يلاقي حد تاني يعوضه عنها
زينب اتكلمت بدموع وحزن… يارب يا حنين يارب وان شاء الله ربنا يرزقكم بشروق الصغيرة وبجديه وحب… عيد ميلاد ابراهيم بكره وانا عايزه اعمله عيد ميلاد حلو كدا يهون عليه شويه و يخرجه من إللي هو فيه وكمان ليه معايا هديه هتفرحه اوي
حنين بدهشه… معقول عيد ميلاده بكره
زينب بحب… ايوه ياحبيبتي عيدميلاده بكره… ايه رايك نعمله عيد ميلاد؟
حنين بجديه وصدق… مفيهاش رأي الرأي رأيك يا ابله زينب وانا معاكي في اللي انتي عايزاه
زينب بحب… ربنا يديمك نعمه علينا في حياتنا يا حبيبتي وعشان انتي تستاهلي كل خير و جدعه هديكي الهديه اللي انا جيباها لابراهيم وهتفرحه اوي ان انتي تديهاله عشان تكوني انتي علي طول مصدر فرحه وسعادته
حنين بجديه و سؤال…ايه هي الهديه دي يا ابله زينب اللي هتفرحه للدرجه دي
زينب والدموع لمعت في عنيها… بيت بابا وماما الله يرحمهم
كان ابراهيم قاعد فيه ولما حص مشاكل بينه وبين بابا و حرموا من فلوسه وكمان باع البيت مع انه كان عارف اد ايه ابراهيم بيحبه ومرتبط بيه
و ابراهيم مكنش معاه فلوس عشان يشتريه… ولما بابا مات
ابراهيم راح عشان يشتريه لما بقا معاه فلوس صاحب البيت رفض يبيعه… بس انا عرفت بعد كدا انه هو اتوفي وقدرت اشتريه من الورثه بتوعه ونجحت في ده
بعد ما حوشت فلوس من مرتبي علي مدار السنين اللي فاتت دي ولأنه بيت صغير مش كبير آوى مكنش غالي بس أنا صممت اشتريه من تعبي أنا بعيدا عن فلوس احمد وفلوس الشركه مع اني لو كنت طلبت من احمد مكنش هيتاخر ابدا والحمد لله اشتريته وكتبته بأسم ابراهيم و كنت هقدم له مفتاتيحه هديه في عيد ميلاده
وبحب وجديه… بس انتي اللي هتقدميهم يا حنين والله بقولك كدا عن طيب خاطر
حنين بجديه وحب و اعتراض… لا يا ابله زينب ده تعبك و مجهودك… انتي اللي لازم تقدميه وتعرفيه قد اية انتي بتحبيه و ضحيتي براحتك وسعادتك عشانه
زينب بجديه وحب… بس انا عايزكي انتي اللي تقدميله.. وبزعل مصطنع… يرضيكي تزعليني منك
حنين بأسف… انا أسفه يا ابله زينب مش هقدر انسب حاجه لنفسي و هي مش بتاعتي أبدا دي مش اخلاقي ولا طبعي اعمل كدا
زينب بعد ما يأست منها وبجديه… خلاص اعتبري نفسك اشتريتيه مني وانا بعتهولك وبكدا تقدري تديه لابراهيم ها ايه رأيك
حنين لسه هتعترض زينب اتكلمت و بجديه… انا هاخد منك فلوسه هااا اظن كدا ملكيش اي حجه ولا ايه؟؟؟
حنين باستسلام… ماشي بس انا معيش فلوس كتير
زينب بابتسامه… هاتي اللي معاكي وبعدين أبقى اديني الباقي لما يبقي معاكي فلوس هااا ايه رايك بقا
حنين حضنتها وبحب… ربنا يخليكي ليا و ميحرمنيش منك ابدا يا ابله زينب
زينب بادلتها الحضن وبحب.. ولا يحرمني منك يا حنون
ولان حنين كانت اشتغلت حوالي 6 شهور او 7 كان معاها فلوس وقررت تديها لزينب كلها وترجع تشتغل تاني وتسد لزينب باقي الفلوس
وبعد وقت ليس بقليل
زينب بجديه… روحي يا حنين شوفي ابراهيم وتعالوا يلا عشان نتعشي عشان قدامنا بكره يوم طويل
وحنين بحب… حاضر ياابله زينب… وفعلا راحت لابراهيم ولقيته ضامم وشه بين رجليه وقاعد في دنيا تانيه
قربت منه وقعدت جنبه وبجديه وحب… علي فكره انت لو بصيت للسماء احسن بكتير من إنك تبص للأرض لان الارض مفيهاش حاجه ابدا تستاهل ان احنا نبص عليها ونقف قدامها كتير اما السماء فيها فيها نجوم و قمر وفيها إللي أهم من ده دول… فيها رب كريم رحيم مجيب للدعاء وبيستجيب لينا وبيفك كرب المضايق و المهموم هااا هتبص فوق ولا هتفضل باصص للارض؟؟
ابراهيم بص لها بحب وعشق… لا انا هبص ليكي انتي و هدعي ربنا انك تفضلي علي طول جنبي ومعايا ومفيش حاجة تفرقنا أبدا
حنين بحب وأمل… ان شاء الله ربنا هيستجيب
ابراهيم قرب عليها وشدها ليه وقربها منه ومسكها من شعرها وبهمس يخطف القلوب.. انا بحبك اوي اوي
وبهمس اكتر… وانتي لسه بتحبيني ولا مبقت… حنين حطت ايديها علي بقه وبحب…. متكملش لاني عمري ما حبيت ولا هحب غيرك مهما حصل
ابراهيم شال ايديها من علي بقه وبصوت خافت..ارجوكي قوليها و طمنيني… اني لسه ليه مكان في قلبك
حنين غمضت عيونها ولأول مره وهي بين ايديه و بهمس وحب وعشق يفوق كل الحدود…انا بحبك وهفضل احب
ولسه مكملتش ابراهيم شال من ذاكرته الحلم اللي هو شافه وشال من دماغه من كل حاجه… وحط حاجه واحده بس وهي كلمه بحبك اللي لسه سامعها من حبيبته وحنين روحه
قربها منه اكتر واكتر والتهم شفايفها بعنف و رغبه وشراسه… والاهم من ده كله بعشق واشتياق جارف مع انهم كانوا في الجنينه… وبرغم الهواء… وبرغم الاشجار الموجودة… بس حسوا ان الهواء و الاكسجين خلصوا من المكان وخصوصا لما حنين بادلته بوسته بحب وعشق جارف
وبعد وقت ليس بكثير وهما علي نفس وضعهم
حنين بعدته عنها بهدوء لما لقيته عايز اكتر من البوسه دي ولسه هتقوم
ابراهيم شدها من ايديها وقعدها وبتوهان اثر لمسته لشفايفها وبانفاس متقطعه وبينهج… خليكي جنبي أنا مش هعمل حاجه تضايقك حتي لو كنت هموت علي الحاجه دي بس خليكي جنبي
حنين قعدت جنبه وابراهيم سند حبينه علي جبينها وبعشق وصدق… عندي استعداد ادفع كنوز الدنيا كلها واعمل اي حاجه في الدنيا… مقابل انك متبعديش عني
حنين… ان شاء الله يا حبيبي هنفضل سواء ان شاء الله
وبعد وقت من قعدتهم سواء
حنين بسرحان عارف لما كنت اقعد لوحدي كدا كنت بعمل ايه
ابراهيم بحب ومشاكسه… اكيد كنتي بتفكري فيا
حنين بحب وعشق وبتشاور علي النجوم اللي في السماء… كنت بكلم دول
ابراهيم بحب وسؤال… كنتي بتقولي لهم ايه
حنين وطت وشها للارض
وابراهيم رفع وشها وبحب..كنتي بتقولي لهم ايه؟؟؟
حنين بحب وصدق…. لما كنت تزعلني كنت بشتكي لهم منك
ولما كنت بتبقا واحشني اوي احسدهم انهم يقدروا يشوفوك وانا لا
ولما كنت بتقولي كلمه حلوه كنت باجي اتنطط من الفرحه معاهم
ابراهيم…. ياااه يا حنين روحي معقول حد بيحب بالشكل ده
حنين بعشق… ايوه معقول
ابراهيم بسؤال… هو في حد يستاهل الحب ده ؟؟؟
حنين بعشق… انت يا معشوق حنين انت
ابراهيم شدها لحضنه وضمها جامد ان شاء الله يا حنين روحي كل ايامنا هتبقى عشق في عشق
وبعد وقت طويل من قعدتهم سواء قاموا ودخلوا واتعشوا سوا وبعد ماسهروا سوا… طلعوا فوق وناموا و زينب كمان روحت
&&طلع يوم جديد وشمس جديده هتحرق كل القلوب وهتهدم كل الاحلام مع انه هيبقى عيد ميلاد جديد و سنه جديده ليه الا انه هيكون عيد ميلاد مختلف عن اي عيد ميلاد&&
زينب جت و طلعت صحت ابراهيم وحنين
وقالت لابراهيم ان احمد عايزه في الشركه ضروري عشان يعرفوا يعملوا أجواء عيد الميلاد في البيت من غير ما يعرف ويحتفلوا بيه
و ميعرفوش ان(( أسر)) هو اللي هيحتفل بيه الاول
وبعد ساعتين بمساعده المختص في تحهيز اعياد الميلاد جهزوا كل حاجه
و زينب قالت لحنين تطلع تلبس اشيك لبس عندها وحنين راحت من غير كلام وطلعت تلبس وبقت أميرة من الاميرات الجميله
وزينب اتصلت علي احمد عشان يجي هو وابراهيم والولاد
وبعد وقت ليس بكثير وصلوا والاضاءه كلها كانت مطفيه واول ما دخل ابراهيم استغرب وبخوف علي زينب وحنين وبينادي علي زينب وحنين ولسه هيولع النور
زينب شغلته والكل في نفس واحد.. هابي بيراز داي سنه حلوه يا جميل
ابراهيم اتفاجئ بس مش من عيد ميلاده لإنه كان هيعمل لحنين عيد ميلاد بكره… لان عيد ميلادها تاني يوم عيد ميلاده يعني بعده بيوم وبدهشه وحب قرب من حنين… علي فكره الحفله دي كنت هعملها لك بكره عشان عيد ميلادك.
زينب بدهشه وصدمه… ايه عيد ميلادها طب هي مقالتش ليه و بزعل مصطنع لحنين… طب انا زعلانه منك.
حنين قربت منها و بجديه وحب… بس انا مقدرش علي زعلك بس انا مرضتش اقولك عشان متتعبيش نفسك
زينب لسه هترد احمد قاطعها وبضحك… خلاص زياده الخير خيرين ونعملك عيد ميلادك النهارده مع ابراهيم ايه رايك ؟؟؟
حنين بصت لابراهيم بحب… و انا موافقه
ابراهيم قرب منها وباس جبينها ثواني هجيب لك هديه عيد ميلادك من فوق
حنين… طب خد شوف هديتي انا و ابله زينب احنا جبنهالك مع بعض
زينب اتصدمت من كلامها انها برضه محبتش تنسبها لنفسها واتاكدت ان حنين غير كل البنات الانانيه اللي بتشوفهم و تسمع عنهم بصتلها بحب وسكتت
وابراهيم اتكلم بحب وعشق… استني هوريكي هديتي أنا الاول انا متأكد ان شاء الله انها هتعجبك اوي
ولسه هيطلع اوضته ((أبوس ايدك متطلعش انا مصدقت ربنا هداك والجو راق بينكم الله يحرقك يا أسر الكلب مش عارفه ايه بس اللي صحاك من الموت
طب قبل ما تطلع قولينا جبتلها هديه ايه… لانك هتشوف اللي هيصدمك ويقلب فرحك حزن دلوقتي و للأسف مسمعش كلامي ولا قال علي الهديه وطلع ))
ولسه رايح يجيب هديه حنين اتصدم من اللي شافه وقف يشوف ومش مستوعب ابدا اللي هو شايفه ده مش وهم ولا تلفيق ولا تزوير دي حقيقة قدامه اللي شافه ينطق الحجر بس هو مش حجر هو انسان وفتح قلبه خلاص وقال الدنيا ضحكت لي… وقف دموعه مغرقه وشه… واتمني انه يكون بيحلم… بس ده مش حلم ابدا… لانه حقيقه وواضحه قدام عنيه… انهار علي الارض بقلب حزين ومفطور ودموعه مازالت نزله بوجع وقهر…ومره واحد قام كسر في كل اللي قدامه… كسر اي حاجه وكل حاجه تنفع تتكسر زي ماقلبه متكسر ميت حته
وبصريخ وحنون… ليه تعملي فيه كدا لييييه… ليه تحطميني وتكسريني تااااني ليييييه
الكل طلع يجري عليه… واول مادخلوا وبسوال وخوف علي ابراهيم… فيه ايه وايه اللي حصل
ابراهيم بصلهم بتوهان وبدموع لحنين… ليه عملتي فيه كدا… ليه وجرحتيني اوي كدا… وليه ترضي بعذابي ووجعي بشكل ده
.
❤❤❤❤❤❤❤❤❤❤❤❤❤❤❤💙
ستووووووووووووب هنا
الفصل التالي: اضغط هنا
يتبع.. (رواية كل هذا الحب) اضغط على اسم الرواية لتجد الفهرس كاملاً بجميع الفصول.