رواية عاشق السهر – الفصل الخامس
الاخير. الصدمه للجميع لما تحيه شدت سهر ورمتها بره الباب
وقالت…..كده خلصت يابنت موسى انا كان عندى بنت
وماتت وقفلت الباب ورضا جرى يفتح الباب بس
علا مسكت ايده وقالت …انا لسه ما قولتش انك موت بس لوطلعت وراها هتبقى بس رضا فلت ايدها وجرى فتح الباب لسهر وشدها لجوه
وقال…انا هتجوز سهر انا ليا فى البيت ده زى ماانتو ليكم وهنقعد فيه انا وسهر وبس سهر فلتت ايده
وقالت….لا انت تمام كده ..فرقتنا بايدك وتمام وبصت لأمها
وقالت…والله ماعمل حاجه هو جيه نام بس جمبى علشان
انتى توافقى انا هروح عند حسن وهقعد عنده لحد معاد
الفرح وهشرحلو الى حصل وهتجوزه يااما لأنى معملتش
حاجه هروح بس اخد هدومى وطلعت على أوضتها ولبست اول حاجه قابلتها وبقت تحط الهدوم بتاعتها فى الشنطه ورضا طلع الهدوم من الشنطه
وقال…انتى بجد هتمشى ياسهر هتروحى عندو هتتجوزيه خلاص سهر رجعت حطت الهدوم فى الشنطه تانى
وقالت بغضب انت ملكش دخل انا جد المره دى هتجوزه انا مش عايزه اخسر امى قولتلك الكلام ده مليون مره بس انت مهتمتش وبقت تعيط جامد وتقول قولتلك امى ممكن تقتلنى بس انت شوفتها من عندك انت راجل ويمكن ده عادى عندك وميعملش مشكله بس انا لا قولتلك حرام قولتلك أمى مش هتوافق و هخسرها لو اناعملت كده وانت برضه عملت الى فى
ماغك وخليتها تشوفنا فى الوضع ده.. اصلا ازاى عملتها.. بجد ازاى كده هونت عليك.. وقاعد تهزر وايدى خفيفه ولا كأنك عامل حاجه..
رضا قال ….انا حطيتلك منوم فى الميه وانتى نمتى.. عشان عارفك مش هترضى.. انا عملت كده علشان انا بحبك ياسهر بس
سهر قالت ….حبك خسرنى اكتر حد ممكن انو يحبنى وحتى اكتر منك حد كان بيحب وبيدى من غير مايستنى مقابل حد عايزنى اكون حتى احسن منه الحد ده امى حبك خسرنى أمى وزى ماهى حبتنى اكتر من نفسها انا كمان مش بس هاجى على قلبى وهدوس عليه انا هشيلو من صدرى وارميه اصلا يارضا واخدت الشنطه بتاعتها ومشيت فى الوقت ده تحيه كانت واقفه جمب باب الأوضه وابتسمت بسعاده ورضا قعد على السرير بحزن وجات علا قعدت جمبه
وقالت….مش نصيبك يا رضا افهم لو كانت من نصيبك كانت مستحيل تمشى رضا شاف تحيه جمب الباب
قال …تعالى ياتحيه ادخلى وبص لأمه ورجع بص لتحيه
وقال…لا أنتى أم ولاهى الأم أهم حاجه عندها مصلحة
اولادها وانتو بس عايزين مصلحتكم
تحيه قالت بغضب….اخرس انا عايزه مصلحة بنتى انا عايزالها واحد يكون يستهالها انا من حقى اجوز بنتى لواحد
انا احبه ابلعه مش اشوفه يومى يتقفل ارض وسما
رضا ابتسم بسخريه وقال….عارفه ياتحيه انتى ممكن
تجوزيها لواحد انتى تحبيه وممكن تجوزيها لواحد هى
تحبه انما اتجوزيهالواحد يحبهاربع حبى ياتحيه مستحيل وسابها ومشى
عند سهر كانت وصلت عند حسن وحكتلو الموضوع
وحسن قال…انا عمتى مقالتليش انك انتى ورضا بتحبو بعض انا قولتلها انى عايزها تدورلى على عروسه لان انا من ساعت ما ماما اتوفت مجتش هنا وهى قالتلى هجوزك سهر وانا وافقت ما كنتش اعرف لو كنت اعرف ماكنتش وافقت اكيد على حاجه زى دى تمام تحبى نفركش
سهر قالت…لا ياحسن على معدنا ارجوك ده الأمل الوحيد ليا ان امى تسامحنى
حسن قال…امم طيب الى تشوفيه ياسهر دى الأوضه الى هتبقى بتاعتك تمام حطى حاجتك فيها سهر راحت على الاوضه الى حسن شاورلها عليها واخدت شور وراحت مددت على السرير ودموعها بتنزل على خدها لحد ماراحت فى النوم بعد أيام كان معاد الفرح باليل وكان نفس المكان الى هيتجوزو فيه الأربعه كانت سهر جهزت وبقت عروسه جميله جدا ورضا كان جهز وبقى عريس جميل جدا سهر كانت مستنيا حسن
وتحيه جات وقالت…حسن قالى على كل حاجه انا بس كنت متضايقه انتى اكيد مش زعلانه منى صح
سهر باست ايد امها وقالت….المهم انتى ماتزعليش منى بس جيه
رضا وقال بضيق برن لمى علشان اروح اجيبها مش بترد
وسهر قالت….انا كمان برن لحسن مش بيرد بس
تحيه قالت…استنى كده حسن بعتلى رساله هشوفها وفتحت الرساله وقالت خدى ياسهر اقريهالى سهر مسكت الفون
وقالت…عمتى انا مش عايزك تزعلى منى بس بنتك بتحب الولد ده وبتهيألى ان هو كمان بيحبها فا انا مش هقدر اتجوزها بصراحه و انا قابلت مى وحكيتلها الموضوع وهى فهمت واحنا كتبنا الكتاب وسفرنا انا وهى وبتمنالكم حياه سعيده وافقى والنبى ياعمتى علشان بنتك
وتحيه قالت…يامصبتى عملها فيه ابن المتضايقه طب اعمل ايه انا دلوقتى
رضا مد ايده وقال …اصلا كانت ليا من الاول واضحه
و امه قالت… ايه هى ايه دى الى واضحه انا بس
رضا قال…يعنى يرضيكى ياأم رضا الناس تقول ان العروسه طفشت منى يوم الفرح بعد مااخدت غرضها منى سهر كانت كاتمه ضحكتها بالعافيه و
علا بصتله بغيظ وقالت …ياسلام وايه هو غرضها الى اخدته يختى
رضا قال…الدبله والمهر شقطتهم وطفشت بنت المستخبى بس يلا جات احسن معايا ومد ايده لتحيه
وقال…انتى كمان عايزاهم يقولو كده على بنتك
تحيه قالت ….شهر وهتطلق بنتى رضا مشى ايده عند وشو
و قال بطريقه كوميديه ….اه ليه ياختى ماشبهش ولا ماشبهش هم كلمتين ورد غطاهم هتجوزها هاستر عليها مش هتجوزها هسبهالك كده مسيوبه يوم الفرح قولتى ايه تحيه بصتله بغيظ ومسكت ايد سهر وحطتها فى ايده
وقالت…..انا هعرف زى ماحطيتهافى ايدك هعرف اشيلها منها ورضا شدد من مسكته
وقال …وانا طالما مسكتها مش هسيبها ابدا واخد سهر وجرى بيها عند المأذون
وقال….بسرعه والنبى ياعم الشيخ قبل مايغيرو رأيهم الله يباركلك وكتبو الكتاب وكانو بيرقصو بفرحه سوا وعلا قعدت جمب تحيه
وقالت…بتعرفى تولولى
تحيه قالت…أمال .يا غزال ربيتو سنين طوال لف لف واخدوه الأندال
علا قالت ببكى …ايوه اخدوه
تحيه قالت….قمر واخدو الواطى منى والنبت تاضعت منى
علا قالت…ياختى ماهى هى قولى حاجه جديده ووبصو على رضا وسهر وكانو بيأكلو بعض ومبسوطين جدا
تحيه قالت…فقريه زى امها سابت الناس العسل علشان شوال بصل
علا قالت…ايه ياختى الكلام ده بنتك الى بصل يلا كفياهم كده خلينا نروحهم انا مش قادره اشوفهم سوا اكتر من كده ضغطى على قوى
تحيه قالت …وانا ضغطى وطى وتقريبا فى بداية جلطه وخلصو الحفله وراوحووعلى بيتهم وأول مادخلوالأوضه بتاعتهم رضا فرك ايده بحماس
وقال …هدومنا هتطير النهارده من فرحتناامسكيها كويس
سهر قالت بكسوف … بس بقى يارضا ماتكسفنيش
رضاقال …انتى لسه شوفتى كسوف وشالها وراح بيها على السرير
وقال….بعون الله هنعيش الحياه ونط جمبها بس الباب اتفتح وكانو تحيه وعلا
وقالو مساء الخير احنا جينا ننام معاكم رضا وسهر بصه لبعض بزهول
ورضا قال بغضب… وتنامو هنا ليه متروحو تنامو فى أوضكم
تحيه قالت…انا اقولك ماتتاخد بس كده شويه ونامت فى النص وقالت …تعالى جمبى ياعلا ياختى
رضا قال اختك
سهر قالت…امم اختها مش قولتلى هياجى يوم وأمى وأمك يتفقو سوا اهو جيه يابن المنحوسه وبصت
لتحيه وقالت …روحى اوضتك ياما ايه جايبك النهارده
تحيه قالت…انا اقولك اصل النهارده الجمعه مش عارفه ازاى الواحد يتجوز يوم الجمعه اصل انا باخد السبت والأحد والإتنين بنام عندأبوك وعلابقى بتاخد تلات والأربع والخميس علشان انا الخميس بتقل فى العشى فابنام بدرى الجمعه بقى فاضى فاانا هنام معاكم احنا الاتنين بعد كده الى فاضيه فينا هتاجى تنام معاكم
رضا قال…هتنامى قدامى عادى كده ياحمتى ميصحش يعنى
سهر قالت…هى دى المشكله اسكت يارضا خالص دلوقتى
بس تحيه قالت…اه عادى انت زى ابنى
رضا قال …ابنك دلوقتى بقيت ابنك حسبى الله فيكى ياشيخه وشد الغطى ونام وسهر شدت الطرف التانى ونامت وعلا وتحيه فضلو قاعدين للصبح واحده تنام واحده تصحى لحد الصبح فى صباح يوم جديد قام رضا من النوم
علاقالت … ايه رايح فين رضا قال بغضب….. رايح استحمى يااما وانزل الشغل بقى بدل القعده الى تحسر دى
وقامت سهر على صوته قالت …ايه يارضا مش تقول صباح الخير الأول حد يصحى حد كده
رضا بصلها بغيظ ولف ناحيتهاومسك المخده وضربها بيها وقال…..صباح الهنا على الى نايمين هنا نوم العوافى على الى قاعدين على كتافى
بس تحيه قالت….ايه ياولد ده انت بتضربها قدامى رضا بصلها بغيظ
وقال…مش احسن ماأعمل حجات تانيه ها هتقومو
تشوفولكم مصلحه ولاو ادخل استحمى قدامكم عادى
تحيه قالت…لاعادى ياحبيبى روح وشدت الغطى ومددت تانى وسهر بصت لرضاوابتسمت ورضا ابتسملها وراح اخد هدوم وراح على الحمام بعد شويه كانت سهر بتجهز الأكل ورضا
راح وقف وراها وحط اديه حوالين وسطها وسند دماغه على كتفها
وقال…صباح العسل ياعسل سهر التفتت لعنده واتعلقت فى رقبته
و قالت …صباح الخير ياحبى
رضا قال..هنعمل ايه فى الناس الى بره دول دول هيعملوها ورديات حراسه علينا
سهر ضحكت وقالت… عادى ويعملو انت كان شكلك قمر امبارح وانت متغاظ ولا فى الصبح وانت بتضربنى بالمخده كنت هموت من الضحك عليك كتمت الضحكه بالعافيه والله
رضا قال بغيظ …بتضحكى فى الوضع ده ياسر وشدها لعنده جامد وسهر شهقة بخضه
ورضا قال… انتى مش عايزانى يا سهر
سهر قالت…لاعايزاك بس امى عايزه تطفشك بس انت لو تستحمل شويه هى هتزهق وتبطل تعمل كده
رضا قال …انا استحمل كده عشر مرات ده مش اكتر من انى اشوفك لابسه الفستان الأبيض لغيرى بس سكت شويه وضربها قلم سهر حطت ايدها على خدها
وقالت…ده دخل ازاى معانا دلوقتى ده دخيل مش موقعو خالص هنا رضا ضربها قلم تانى
وقال …الأولانى علشان القلم الى ادتهولى ايدك متدمدش عليا تانى انا سبتك سعتها علشان كنت مقدر وضعك ها فماتحصلش تانى والقلم التانى علشان الفستان علشان انا قولتلك مفتوح ماعبرتينيش عجبك قوى ياختى
سهر قالت…هوانا كنت جايبهولك انت انا كنت هلبسه لحسن بس يلا الى نصيبك لو فرقت الدنيا كلها مش هيسبك
رضا قال… عندك حق وانا هصبر على الحبيب لحد مايبقى النصيب بعد مرور ٤ سنين كانت سهر واقفه فى النص بين علا و تحيه وماسكه ولد عمره سنتين ونص
وقالت…يااما انتى مش حميتيه فى الصبح خلاص ده دور حماتى بقى بس
تحيه قالت ..ببكى مصطنع …سنين ربيتها وكبرتها علشان توقف دلوقتى فى صف حماتها اه ياعلا شوفتى الواطيه
علا قالت …شوفت ياختى شوفت سهر بصت لعلا
وقالت…طب معلش ياحماتى سيبيهولها انتى دلوقتى وبكره خدى اليوم كله من أوله لأخره
علاقالت….انتى بتوقفى مع امك ضدى صح بس جيه داخل رضا ووقف جمب سهر
وقال…ايه هما بيتخانقو على ايه النهارده
سهر قالت…بدموع على الى يحمى حسن وانا بقالى ساعه افض بينهم بس من غير فايده رضا خد منها الولد
وقال…بصى ياتحيه انتى هاتحمى النص وانتى يااما حمى النص التانى ولو ارتبكته شقوه اتنين وكل واحده تاخد نص وشال سهر ومشيى بيها
وعلا قالت…انت رايح فين
رضا قال…رايح احل المشكله وجيب ولد تانى علشان كل واحده تاخد واحد وطلع على الأوضه وسهر ضحكت
وقالت…لو جات بنت هيتخانقو تانى
رضا قال…نحاول تانى احنا ورانا حاجه
سهر قالت…لا انا عن نفسى مش ورايا غيرك انا طول اليوم
منك ليك مفيش تانى
رضا قال…وانا كده تمام كنت اسهر لحد ماينامو علشان اشوفك لانى عشقتك وعشقك زى عشق القمر الى عايز يشوفو يسهرلو وانا راضى اسهر ميت سنه لقدام ومشبعش منك قولتلك قبل كده العمر بيروح مش بياجى كنت بس عايز اشوف خطوه منك انما العمر مع غيرك مش عمر ياسهر انتى مش الى بتحلى العمر ولا الى بيتعاش بيكى العمر انتى العمر ياسهر سهر القلب وانا عاشق السهر
يتبع.. (رواية عاشق السهر) اضغط على اسم الرواية لتجد الفهرس كاملاً بجميع الفصول.