رواية ذنوب الماضي – الفصل الأول
بعد ما فعل فى زوجته… استغل بائع الروبابكيا وترك بناته السبعه على عرابية الكارو ليفعل بهم شئ لم يكن فى الحسبان…
سعد راجل فى الاربعين معاه ٧ بنات….واحده منهم 18 سنه دى ريناد… واتنين توائم ٦ سنين.. واتنين… ٤ سنين… وتنين تؤم سنتين…
كان واقف بعيد من بيته شويه مع شاب فى التلاتين بياع الروبابكيه ده رضا اللى قال….
انا هشتري منك المايكروويف دا.. بس خليك حنين علينا عشان انت شايف الحاله…
سعد حط البنات السته على العربيه الكارو.. بتاعت رضا… وقال…
خليك واقف جنب البنات وانا هروح اجيب حاجات تانيه بس خليك واقف جنبهم احسن حد يضايقهم ما تتحركش من جمبهم… وانتى يا ريناد ما تتحركيش من جمب عمو..
رضا… بذهول.. عمو.. ماشى ما تقلقش عليهم في عيني….
سعد رجع البيت… ورضا بص للبنات وقال…..
هم كل دول اخواتك…
ريناد… قول بسم الله ما شاء الله ايه كل دول اخواتك.. ايوه اخواتي…
رضا… ما شاء الله ربنا يعين…
واستنى شويه بس سعد ما رجعش.. قال…
ما تروحي اختي كده تشوفي ابوكى ما جاش ليه..
ريناد بسخريه… اختي.. اسمها انسه خليك لبق..
رضا. ماشي يا انسه لبق ممكن تروحي تشوفي ابوكى ما جاش ليه… عشان انا عايز امشي ورايا شغل…
ريناد… ما اقدرش اروح…
رضا… بتسمعى الكلام…
ريناد.. لا بس ممكن تسرقنا وتجرى..
رضا نفخ بضيق ولسه هيتكلم… بس شاف دخانه من بعيد والناس بتجري عليها.. بص باستغراب… بس ريناد جريت وقالت بصراخ…
نهار اسود ده البيت بتاعنا…
رضا… البيت بتاعكم حظي وانا عارفه…
وجرى على البيت بس كانت النار ماسكه في كل مكان بعد شويه كانوا طفو الحريق وسيطروا عليه بعد ما النار اكلت كل البيت باللي فيه…
ريناد بصدمه.. انت بتقوله ايه يا حضره الظابط.. بابا دخل هنا…
الضابط… زي ما بقولك كده ي الاسف مامت حضرتك اتوفت في الحريق.. بس ابوكي مش موجود هنا لو دخل كنا لقينا جثته…
ريناد.. لا لا لو سمحت… لو سمحت طلعلي بابا.. انا ما عنديش حد غيره.. طلعلي ماما لو سمحت…
رضا… يا انسه تمالكي نفسك اهدى عشان اخواتك..
الضابط.. احنا ما فيش في ايدينا حاجه نعملها اذا كان جوه الحريق كنا لقيناه… هندور عليه.. انتى لازم تلاقي حته تانيه تقعدي فيها لان زي ما انتى شايفه كده البيت راح.. احنا حاليا بنعمل تحقيقاتنا.. عن اذنك..
ومشى.. رضا كان بيبصلها وبيبص للبنات اللي على العربيه.. قال…
لو سمحتى يا انسه استهدي بالله طب اديني رقم عمك ولا خالك ولا جدك اي حد يجي ياخدكم… ولا انا اوديكم…
ريناد.. احنا ما لناش حد غير ماما وبابا…
رضا… دول اللي ماتوا في الحريق صح..
ريناد…. انا مش عارفه اروح فين… ولا اعمل ايه اصلا باخواتي دول…
رضا.. انا معاكى ما تخفيش..
بس فاقت من شرودها على صوت رضا بيقول…
وصلنا… انزلى…
بصت للمكان وكان قديم ومتكسر… قالت…
انت ساكن هنا…
رضا… اه.. خشى ده كبير من جوه..
ريناد دخلت وكان البيت كلو خرده.. قالت…
امم انا مش هينفع افضل هنا كتير انا لازم ارجع بسرعه…
رضا… بقالك اسبوع.. مرميه انتى واخواتك عند بيتكم وما لقتيش حل… واضطريتى تاجى هنا هتمشى تروحى فين. اه المأذون قال الاسبوع الجاى هيدينا القسيمه…
ريناد بحزن… مش هتفرق امتى ما يجيبها يجيبها…
ودخلت الاوضه وكانت متكركبه ومش متنظفه.. والخرده في كل حته… والبيت ما ينطبقش عليه كلمه بيت اصلا.. بصت المكان بضيق.. وبقت تفكر في مامتها وباباها وايام ما كانت عايشه معاهم… وكانت دموعها بتنزل بحسره.. وحاطه الست بنات قدامها على السرير… بصتلهم وقالت…
يا رب اجمعلي بابا… يا رب انا مش هقدر اكمل لوحدي اعمل ايه بالعيال دي….
بس سمعت صوت خبط طلعت وكان رضا بيدق فى الكنبه وقال… انا هنام هنا انتى نامى مع اخواتك جوه.. وما تخافيش منى انا جوزك اه… بس محترم..
ريناد… انا عايزه اغير.. بس ما عنديش هدوم كلها اتاكلت في الحريق… انا واخواتي بقالنا اسبوع بنفس الهدوم.. وانت بتتريق ده وقتو انت مش شايف الوضع…
رضا.. شايف شايف ابوكي طفش منكم… وامك ماتت في الحريق… وانتى ما عندكيش هدوم تلبسيها.. واخواتك ما عندهمش اكل ياكلوه… ما فيش لبس ما فيش هدوم وما فيش فلوس ما فيش بيت شايف كل حاجه بس مش معنا كدا انك تيأسى… رحمة ربنا فوق كل شئ… انا هجيبلك لبس.. وهجيبلك اكل.. ومش هاخد منك حاجه….
وغمزلها..
ريناد بضيق.. حد قالك قبل كده ان انت مستفز يا رضا..
رضا.. مستفز لأ.
ريناد.. تمام اديني بقولهالك..
رضا.. مع انى ما طلبتش رايك فيا… بس ماشي مقبوله منك تعالي كليلك لقمه يلا…
بصيت للاكل وقالت.. ايه ده يا رضا !!
رضا… فول وطعميه بطاطس حاجات كده تحبيشه.. من عند عم سيد ب 75 جنيه… وجبتلك من ابنو حنكش فحلين بصل… عارفه انا بعد ما قعدت وعصرت دماغي كده.. عرفت ابوكي فين..
ريناد بلهفه.. جد فينو !!
رضا.. اكيد هرب… ليه بقى لانه حطلي ٧ بنات على عربيه الكارو وبعدها طفش… اكيد هو مش قادر يصرف عليكم سبع بنات صعبه في الدنيا دى… اكيد شاف محمد سلام فى كارثه طبيعيه متبهدل ازاي… فخاف وهرب…
ريناد بغيظ.. انا عندي 18 سنه وبابا بيصرف عليا ولما جاب الست بنات كان مكفينا.. ليه يهرب دلوقت..
رضا.. يمكن.. القريشين اللى كان محوشهم خلصو..
ريناد… انت اهبل بابي عنده فلوس وكان معيشنا في بيت كبير… ومعانا فلوس يعني مش محتاجين.. احنا كنا بنغير عفش البيت يا رضا لما قابلناك…
رضا.. انا شاكك فيه اصلا..
ريناد.. ما تقولش كده احسن ازعل وامشي..
رضا بسخريه… لا ما يهونش عليا زعلك يا اختي..
ريناد.. طيب انا مش باكل الاكل ده.. باكل فراخ سمك لحمه مش دي وجبه الغداء المفروض..
رضا.. امم لا بصي لو مش هتاكلى فول وطعميه يبقى مش هتاكلي عندي اصلا… لان انا مش باكل لحم غير فى عيد.. الضحيه بنجيب لحمه اللي هي بتاعه الجزارين يوم الخميس بقى بنغير من على الفول والطعميه مره بجيب كبده من عند الواد حمص.. مره بجيب كشري باقي الاسبوع الطعميه مداومه معايا.. اه اول يوم رمضان الست بهيه جارتنا.. ابنها مات هو شبهي فهي كل اول رمضان بتجيبلي الاكل اللي كانت بتدي لابنها عايزه بطه استني بقى على اول رمضان.. واقرى الفاتحه للراجل ده محترم الله يرحمه…
ريناد .. انت مجنون على فكره..
رضا.. عارف انها صعبه بس انتى قدها..
ريناد.. لا انا مش قدها مش قد الست بنات.. انا حتى مش عارفه اتصرف معاهم ازاي.. ماما هي اللي كانت مستلمه كل حاجه في البيت الاكل اللبس الهدوم كل حاجه انا مش عارفه اتصرف ازاي…
رضا.. انا هقولك احنا هنعمل ايه انتى تاخدي ٣ بنات وتنزلي تشحتي بيهم خدي الصغيرين الناس بيصعب عليها العيال الصغيره قولى ان امك ابوكى ماتوا في الحادثه البنتين الست سنين دولت هخدهم معايا…
ريناد.. انت حيوان يا رضا… هتستغلنا وانا اللي فاكره ان احنا صعبنا عليك..
رضا.. انتى سالتيني تعملي ايه..
رينا.. لا طبعا مستحيل اعمل كده..
رضا.. خلاص ما تعمليش انا بما يرضي الله هبيع الميكرويف ده وهجيبلكم بحقه لبس..
ريناد… اوكي ده غالي جدا على فكره وهجيب لك فلوس محترمه..
رضا.. ده لو لقيت حد محترم يشتريه… لو لقيت ناس عارفه ايه ده اصلا… يارب ما يكونش كدبه زي ابوكى..
وفتح المايكرويف بس بصله بصدمه.. لما لقى فلوس كتير جواه ولقى ورقه…. رضا مسك الورقه وبقى يقراها والصدمه على وشه باينه بشكل مش طبيعي وقال..
نهار اسود ومنيل…
الفصل التالي اضغط هنا
يتبع.. (رواية ذنوب الماضي) اضغط على اسم الرواية لتجد الفهرس كاملاً بجميع الفصول.