رواية ذنوب الماضي – الفصل الثاني
٢… وفتح المايكرويف بس بصله بصدمه.. لما لقى فلوس كتير جواه ولقى ورقه…. رضا مسك الورقه وبقى يقراها والصدمه على وشه باينه بشكل مش طبيعي وقال..
نهار اسود ومنيل…
ريناد.. ايه اللى في الميكرويف ده…
رضا حط الورقه في جيبه… وقال…. فلوس في الميكرويف كتيره قوى…
ريناد بصت للفلوس اللي في الميكرويف وقالت بزعر..
ايه اللي جاب الفلوس دي هنا يعني بابا فعلا هرب وسابلك الفلوس دي تصرف علينا منها… ايه اللي جاب الفلوس هنا انا مش فاهمه حاجه..
رضا بسرعه… لا لا اكيد ابوكي ما يعرفش الفلوس دي في الميكرويف اكيد امك هي كانت محوشه الفلوس فى الميكرويف وابوكى باعو من وراها..
ريناد.. لا ماما هتخبي فلوس في الميكروفون ليه ما تخبيها في الخزنه…
رضا… لا النسوان بتحب تحوش من ورا الراجل امي الله يرحمها كانت بتخبى بالفلوس من ابويا في فردة جزمه قديمه…
ريناد.. بطل كدب انتو عندكم فلوس اصلا يا رضا عشان امك تخبيها فى جزمه ولا شبشب.. انت بتضحك عليا انت فاكراني عيله..
رضا.. لا بس بلطف الجو اللي مش باينلو ملامح ده…
ريناد.. ما تلطفش هو متلطف خلقه… خد فلوس هات لنا هدوم واكل وحاجات ..
رضا… لا الفلوس ده مش هنجيب بيها اكل وحاجات من دي احنا هنركنهم عشان ولو عيل تعب مننا نلاقي فلوس نوديه الدكتور.. هبيع ده دلوقت واجيب الهدوم… والاكل هنتصرف ونجيبو ان شاء الله يلا.. انا ماشي…
ومشى
ريناد.. مع السلامه يا رضا.. في حاجه غريبه في حاجه غريبه ومريبه.. ايه اللي جاب الفلوس جوه المايكرويف وبابا راح فين… وليه ماما ما طلعتش لحد ما النار اكلت البيت كله… واكلتها معاه ازاي ما جريتش ولا صرخت…. يا رب الرحمه من عندك يا رب…
وبقيت تنظف البيت… ودخلت المطبخ وكان برده مكركب بقت تنظف وترتب.. ورضا كان بيحاول يبيع الميكرويف وبيقول…
يا عم والله ده جهاز نص استعمال يعني جديد هو كان عند ناس كباره يعني مش طحنينه قوي..
الراجل.. هما الالفين دول فوقهم مش هدفع جنيه يا رضا.. عايز ميكرويتك ده بتاع الناس الكبار خده واتوكل..
رضا.. وانا لو هاخدو واروح جيت ليه… هزهم شويه مش هناخد من كتفك يعنى..
الراجل… اهم 200 جنيه وفوقهم مش هدفع مليم واحد..
رضا اخد الفلوس وباسها وحطها فى جيبو وقال…
لا ده كدا جبرت واتعشت حلال علينا…
وراح على معرض الهدوم واشتري هدوم منو.. وراح على الصيدليه وجاب لبن وحجات للاطفال ورجع على البيت وقال…
احم احم السلام عليكم…
بس بص للبيت باستغراب… ورجع طلع تاني من البيت وبص قدامه وقال..
ايوه هون البيت بتاعى… اه.. وهي دي كراكيبي…
ريناد.. واقف عندك ليه ما تدخل…
رضا.. اه وانتى كمان هنا يبقى بيتى…
ريناد.. ايه ما عرفتش بيتك يا رضا… انا بس نضفته بدل الفوضى اللي انت كنت عايش فيها دي…. انا اخدت ساعه ادور على البوتاجاز…
رضا… بيت شاب وحدانى.. بس لما بقى في ست بقى بيت تانى… امال قولتيلى انا ما اعرفش اعمل حاجه وصعبتيني عليكى..
راحت على المطبخ وبقت تجهز العشا وقالت…..
لا انا اقصد معنويا… يعني انا محتاجه اهلي.. انسى انت مش هتفهم…
رضا بحزن.. مش هفهم هو لو انا ما فهمتش مين هيفهم.
ريناد.. صحيح انت فين اهلك يا رضا..
رضا.. الله يرحمهم.
ريناد.. طب ايه اللي يخلي شاب زيك كده يشتغل في الزباله..
رضا.. اسمها روبابكيا…
ريناد…. انتوا ليه بتحطوا لها اسامي..
رضا…. في فرق على فكره انا اقولك تعالي الزباله دي الاكياس والقمامه… انما الروبابكيا دي ادوات مستعمله…
ريناد.. هى هي برده… ايه اللي يخلي شاب زيك يشتغل كده..
رضا كان بيغسل اديه قال بسخريه.. معلش ما هو ابويا لما سابلي الملايكي بتاعته انا ما عرفتش ادخل جواه اصل اكتافى كانت عريضه زمان فلما بدخل من الباب بيزيق…
ريناد. جابت العشا وبقوم ياكلوا سوا وقالت.. .. ايه ده دخلو في موضوعنا.. دى تريقه صح.. انا حاسه انها تريقه… بس مش فاهمه.. ايه دخلها في الموضوع…
رضا.. ما هو لو عندي شغله تانيه كنت جيت اشتغلت دي ليه… انا ابويا مات مني زمان وانا عيل… كان عندي سبع سنين كنت في تانيه ابتدائي… مات فى حادث عربيه وامى معاه.. انا كنت مع جدتى.. ماتت بعدهم بشهرين ما كنتش لاقي اكل زي حالتك كده… خدني الريس حسن شغلني معاه في الروبابكيا… كنت سبع سنين بس كان جسمي مليان شويه فكنت ايه يعني عفى الحمد لله.. لما كبرت لقيتنى شغال فيها والحمد لله مستوره…
ريناد.. وليه لما كبرت ما سبتش الشغل !!
رضا.. دا كارى اللى بعرفلو..
ريناد.. بس كده مش هتتجوز..
رضا.. انا متجوزك على فكره…
ريناد.. لا اقصد بعد ما الاقى بابا ونتطلق.. انت مش هتتجوز..
رضا… يا ساتر يا رب ليه يعني…
ريناد.. ما اظنش واحده ممكن تقبل بالوضع ده نهائي..
رضا.. يا ستي يعني انا هروح اتجوز بنت الوزير انا هجيب واحده زيي ابوها في نفس مستوايا واتجوزها وخلاص…
ريناد.. غلط المفروض الغنى يتجوز فقيره.. والعكس.. عشان يسندوا بعض…
رضا.. الراجل ما يعيبوش غير جيبه… لازم ياخد اللى شبهو..
ريناد.. مين الاهبل اللي قال كده… الفلوس ما تعيبش الراجل انا من وجهه نظري.. ان انا لو لقيت شاب كويس يقف معايا ويسندني مش مهم الفلوس.. اعيش معاه في اي مكان بس لو كان شاب كويس ويستاهل..
رضا.. انتى ملبوسه يا بت.. انتى مش لسه قايله ان انا مافيش واحده تقبل بوضعى…
ريناد.. عشان انت زباله يا رضا.. انا قولت لو شاب يستاهل مش انت.. انت حيوان .
رضا بغيظ.. امم ماشى يا اختى… اخواتك ناموا..
ريناد.. اه..
رضا…. انا جبت لهم لبن وجبتلهم هدوم وجبتلهم اكل وكل حاجه معايا… فضلت فلوس منه كمان اهي.. ١٥٠ جنيه امسكي..
ريناد.. لا ناخدهم ليه الفلوس دي بتاعتك انت…
رضا… لا البتاع اللى بعتو ده بتاعكم… بتاعتي ليه انا ما اديتش ابوكي فلوسه…
ريناد… ايوه بس انت واقف معانا من اسبوع فات وبتروح وتيجي معانا على القسم وجايبنا هنا واتجوزتنى ومتكفل بالمصاريف… لا لا..
رضا.. بت امسكى… ايه عايزه تديني حق جدعنتي معاكي ولا ايه… يعلم ربنا لو كان معايا فلوس ما كنتش خدت حق الحاجات دي اصلا…
ريناد… ربنا يرزقك ان شاء الله ويبقى معاك مال الدنيا كلو..
رضا بغمز.. ايه استاهل..
ريناد.. ضربته في كتفك وقالت وبعدين معاك بقى.. هروح اشيل الحجات دى يلا كفياك..
وشالت الاكل ومشيت.. رضا ابتسم وقال.. والله ما انا عارف افرح ولا ازعل ولا ا عمل ايه…
وراح نام فى صباح يوم جديد.. قام ركب على عربيتو ولسه هيمشى على شغلو طلعت ريناد وجريت عليه ومدت عليه ساندوتش وقالت…
هتمشى كدا على معده فاضيه خد كل دا…
رضا بصلها بابتسامه لان دى وال مره حد يهتم بيه بصلها بدموع وقال…
عادى ما انا على طول بمشى من غير اكل…
ريناد.. اه بس ده لما انا ما كنتش هنا يعنى كل دا بس وامشى…
رضا.. اخدو منها وقال.. يلا انا هشوف شغلى وانتى خلى بالك على نفسك وعلى اخواتك…
رينا… ماشى.. انت كمان خلى بالك من نفسك..
رضا ابتسملها وقال… عينى بارده عليكى.. الل يشوفك ما يقولش انك واقعه فى كم مصايب اللي عدى ده…
ريناد.. منك بصراحه..
رضا.. ايه ما فهمتش..
ريناد.. اخدت انا القوه منك شوف.. انت اهلك متوفيين من وانت سنك سبع سنين في الوقت اللي كنت محتاج فيه لحد يراعيك انت كنت نازل الشغل زي اي راجل كبير ضاعت منك مراحل كتير في عمرك ما عشتهاش زي الطفوله المراهقه الحاجات الحلوه دي.. وجو العيله اللطيف… كل ده انت اتحرمت منه ومع ذلك مكمل في الحياه وبتحاول تعمل بيت… وبتحاول تشتغل انا كمان لازم اقوى لان اخواتي محتاجينلى… انا ما بقاش عندى حد غيرهم وهما ما لهمش حد غيرى… فانا لازم اقوى.. وانا كمان محتاجاني برده… فلازم اقوم واكمل الحياه دي… علشان لما اقابل بابا اقولو انا قد اللي فات وقد اللي جاي… اخواتى دول اخر حاجه فاضلالي من ماما وبابا انا لازم احافظ عليهم…
رضا… قدها ان شاء الله.. يلا سلام بقى انا هنزل شغلي..
ريناد.. سلام ترجع بالسلامه…
رضا مشى.. وريناد دخلت تنضف وتجهز على ما رجع.. وعدت ايام كتير على رضا وهو بيشتغل علشان يصرف على البيت وعلى البنات اللي حس فعلا ان هم ملزومين منه.. وريناد كانت اخده دور الام كانت بتربي العيال وتاكلهم وتجهز الاكل وتنضف البيت.. هو كان بيشتغل بره وهي كانت بتشتغل جوه.. وكانوا قاسمين وكل حاجه ما بينهم… وفي يوم كانوا قاعدين… ورضا بيقسم الفلوس اللى اشتغل بيهم وبيقول…
بس يا ستي كده فضلت فلوس الجمعيه..
ريناد… جمعيه ايه يا رضا ده وقته..
رضا.. لا ما هو انا كنت داخل الجمعيه قبل ما اشوفك على اساس ان انا هتجوز بفلوس الجمعيه دى..
ريناد… طب هتعمل ايه دلوقتي !!
رضا… مش عارف دول للبامبرز.. ودول للبن.. ودول للاكل..
ريناد.. طب ما ادفع من الفلوس دي يا رضا..
رضا… قلت لك الفلوس دي مش هناخد منها جنيه مش هروح ادفعهم واقعد من غير فلوس لو عيل تعب ما لقيش اوديه الدكتور….
ريناد.. بقالهم اكتر من شهر وما تعبوش يا رضا..
رضا… وهما عشان بقالهم شهر ما تعبوش يبقى مش هيتعبوا.. لا يا اختي خلي الفلوس دي اصلا بتاعه صحابها..
ريناد.. لا انا اول ما بابا يرجع هيدي لك زياده عليها مش هياخدها منك اصلا.. لان انت خليت بالك علينا.. ومع ذالك براحتك.. خد خاتمى دا بيعو ده دهب….
رضا بصلها شويه وقال.. امم جد شوفتيها فين اكيد مش من امك…
ريناد.. مش هما الستات دايما بيعملو كدا لما الراجل يتزنق…
الفصل التالي اضغط هنا
يتبع.. (رواية ذنوب الماضي) اضغط على اسم الرواية لتجد الفهرس كاملاً بجميع الفصول.