رواية ذنوب الماضي – الفصل الثالث
٣… ريناد.. لا انا اول ما بابا يرجع هيدي لك زياده عليها مش هياخدها منك اصلا.. لان انت خليت بالك علينا.. ومع ذالك براحتك.. خد خاتمى دا بيعو ده دهب….
رضا بصلها شويه وقال.. امم جد شوفتيها فين اكيد مش من امك…
ريناد.. مش هما الستات دايما بيعملو كدا لما الراجل يتزنق…
رضا… لا مش عايزو انا كلمت الست وهتستنى عليا شويه .. انتى المهم علبه البامبرز اللي انا جبتها من الصيدليه دى.. اوعي تخلص قبل الشهر الجاي.. وانا قدمت لاختينك طلب نقلهم من المدرسه لهنا واتقبل الحمد لله وهيروحو من بكره..
ريناد.. اوف يعني لسه في مصاريف مدارس كمان..
رضا… هنعمل ايه بقى لازم يروحو هيبقوها يعنى…
ريناد.. عندك حق لازم يلا بقى ننام كفايه حسبه النهارده…
رضا… بقولك ايه تعالي نغير جو ونطلع نتفسح سوا…
ريناد.. فسح ايه هو احنا حيلتنا حاجه نتفسح بيها يا رضا
رضا تعالى بس يلا هاتى اخواتك..
وطلعو سوا رحوا الجنينه والاربع بنات كانوا راكبين المراجيح وبيتمرجحوا و الاتنين الصغيرين كانوا قاعدين جنبهم.. وكانت سهره جميله قوى.. بعد شويه كانوا بيتمشوا… هو شايل بنت وهي شايله وبنت .. والاربعه ماشين جمبهم.. بس كان فى ٥ شباب كانوا ماشيين وراهم وابتدوا يضايقوهم…
رضا بغضب.. ايع يا عم انت وهو متلم روحك..
واحد منهم بوقاحه.. اتلم انت يا عم براحه على الاموره الصغنونه دي… كل دول عيال حرام عليك يا اخي ده انت ظالم.. تعالى معايا وانا مش همشيكي… هعيشكى..
رضا بعصبيه.. والله ده انت اللي عايز تتعشى…
وبص لريناد وقال…
امسكى البت دى عشان هصور قتيل.. النهارده.. امسكى…
ريناد.. قتيل ايه اللي هتصوره.. ما تصورش حاجه .. امشى دول كتير امشي وانت ساكت.. انت شايفو مش لوحده…
رضا.. وهو عشان مش لوحده يضايقك يعني واسكتله امسكي البت دى ..
ريناد.. يا مجنون عايز تضرب خمسه..
رضا.. هئ ولا يهمنى ايه يعني خمسه يتضربوا الخمسه ..
وادالها البنت.. قالت بتحزير.. رضا رضا ما تفردش سدرك قوي تعال خلاص انا مسامحه..
رضا.. اش انتى اسكتى… مين فيكم حابب ينضرب الاول يلا…
اتقدم واحد طويل وعريض وقال برخامه.. انا اضرب…
رضا بصلو وكان طويل وعريض قوي ومعاه الاربع اصحابه… بص لريناد وقال.. بقولك ايه خدى العيال دى وروحي وقفى تكس ورجعى… اشهد ان لا اله الا الله واشهد ان محمد رسول…
بص يا كبتن انت كبير بس مهزاء ولازم تتربى..
وضربو بوكس… والخمسه اتلمو عليه وبقو بيضربوا فيه..
ريناد جريت وهى بتقول…
اوف منك.. انا ما بعرفش اصوت… ما بعرفش يا ناس… ساعدوني.. ساعدونا…
قابلوها ناس كانو بيلعبو ضمنه… وراجل منهم قال…
في ايه يا بنتي بتجري كده ليه…
ريناد.. الحقنى يا عمو لو سمحت بيضربوا جوزي هناك ممكن تروحوا وتساعدوه…
الراجل.. لا حول ولا قوه الا بالله.. تعالو يا رجاله..
اتلموا الناس وفضو الاشتباك..
الراجل… انت كويس يا ابني… انت لسه عايش وشك مليان دم مش شايفين وشك..
رضا… انا كويس تمام الحمد لله… انا كويس… هم بس انا لما ضربتهم دمهم جيه على وشى.. عشان كدا بس انتم مش شايفين وشي… بس انا كويس…
ريناد بصتلو بيأس وقالت.. ميرسي يا عمو شكرا تعبتكم معايا… وانت قوم انا هشيل كام ولا كام.. بقول ايه يا بنات خدوا اخواتكم واطلعو في العربيه دى..
وشيلت كل بنت من الكبار واحده من الصغيرين.. ومشيوا بالعافيه لحد التاكسي.. وهى سندت رضا وبقيت توصلوا لحد التاكسي وقالت…
عجبك كده قلتلك ما تروحش تتخانق معاهم.. ما تروحش بس انت لا ما بتعملش غير اللي في دماغك..
رضا… اعمل ايه اسيبهم بيعاكسوكى يعنى.. احنا اتحسدنا.
ريناد.. اتحسدت ايه بس يا رضا حد يتخانق مع خمسه مره واحده…
رضا.. والله عشانك اتخانق مع 20 وكنت هفضل في الخناقه يا قاتل يا مقتول..
ريناد.. لا كنت يا مقتول يا مقتول ما فيش قاتل.. دول خمسه يا رضا..
رضا… ولو كانوا جيش على فكره انا ضربتهم.. هم ضربوني اكتر بس… انا ضربتهم..
ريناد.. شفتك..
رضا.. شفتيني انا بضربهم عجبتك.. ماشى سيب من الهزار ما كنتش عايزك تشوفيني وانا بنضرب..
ريناد.. ليه انت مش كنت بتنضرب عشاني.. ازاى انا امشي …
رضا.. يعنى محرجه شويه..
ريناد.. بالعكس دي حاجه كويسه..
رضا.. كويسه انى بتضرب..
ريناد.. كويس ان في حد واقف معايا.. يعني انت لو ما كنتش معايا كانو عاكسوني وضايقوني .. انما انت عشان واقف معايا ما خليتهمش يقربوا مني فدي حاجه كويسه انا في حد معايا…
رضا… انا بعد الكلمتين دول عايز انزل اقولهم شكرا..
السواق.. انا عايز اقول وصلنا بس مش عايزهط اقطع الجو الحلو..
رضا.. ما انت قطعت.. انزلو يا بنات يلا… عايز كام…
السواق.. لا والله ما انا واخد فلوس روح جيبلك علبه قطن من الصيدليه…
وسابو مشى.
رضا.. شكرا ..
ودخلوه البيت ورضا نام وهي قعدت جنبه وبقت تعقملو الجرح وفضلت قاعده جنبه شويه… وقامت ترتب المكان فتحت دولابو وحطت فيه هدوم بس لقيت الجواب اللي كان كاتبه ابوها وبقيت تقراه بصدمه وكان مكتوب فيه…
الفصل التالي اضغط هنا
يتبع.. (رواية ذنوب الماضي) اضغط على اسم الرواية لتجد الفهرس كاملاً بجميع الفصول.