رواية ذنوب الماضي – الفصل الرابع
الاخير…. لقيت الجواب اللي كان كاتبه ابوها وبقيت تقراه بصدمه وكان مكتوب فيه…
انا مش عارف اقولك ايه ولا عارف انت مين… بس عارف ان كل حرف كتبتهولك طالع من قلبي… انا مش عارف انت هتعمل ايه في البنات بس مضطر اسيبهملك انا اللى ولعت فى مراتى… بعد ما عرفت حقيقتها عرفت انها كانت بتخوني… انا مش عايز اكمل معاها ما اقدرش اسيب البنات معاها… وكمان ما اقدرش اصارحهم بحاجه زي كده… قررت انتقم لشرفى… بناتى امانه عندك لحد ما ارجع.. انا هختفي شويه… ومش عارف مصيرى هيبقى اى… انا عارف ان ما فيش حد يسيب بناته لواحد ما يعرفوش… بس مش قادر بصراحه اخليهم يعرفوا في يوم واحد ان امهم خاينه وان ابوهم قاتل. انما كده ابوهم اتفقد في الحريق… وامهم ماتت فيه.. انا محتار اوى. بين انى اسلم نفسي للبوليس… وبين اني انهي حياتي. انا سبتلك الفلوس دى خليها معاك.. وقول لبنتي رينو ما تنسانيش وقولها ان انا كنت بحبها قوي… لا ما تقولهاش حاجه.. ما تخليهاش تعرف حاجه عن الجواب ده.. انا شوفتك كذا مره وانت بتبيع وتشتري وعارف انك يتيم وهتراعي احساس بناتى.. سامحني يا ابنى وادعي ربنا يسامحني…
كانت بتبص للجواب بصدمه وهي مش مصدقه ولا كلمه من اللي مكتوب غير وجع ابوها اللي حست بيه من الكلمات اللي كان كاتبها… فضلت مكانها لحد الصبح… جيه رضا وقال…
انتى يا بنت انتى فين بقالي ساعه بدور عليكى.. ايه اللي في ايدك ده لاقيتيه فين…
ريناد.. امبارح كنت تعبان انا جبتلك الهدوم من الدولاب بتاعك وحطيت جاكتك في الدولاب ولقيته تحت الرف خبيته عني ليه…
رضا.. طالما قرتيه يبقى عرفتى ان ابوك قالي كدا…
ريناد…. كان ممكن نلحقه لو كنت قريتلي الجواب.. كنت لحقته ليه سكت…
رضا بحرج.. انا وريته للبوليس وما حدش عنده خبر لغايه دلوقتي…
ريناد. كدبه تانيه يا رضا..
رضا.. بصراحه كدا وريته للبوليس.. ومسكو ابوكي وحبسوه…. بس ما كانش قصدي والله العظيم… انا كنت عايز الحقة عشان ما ينتحرش… خفت اقولك تكرهيني..
ريناد بزعر.. نهار اسود يا رضا حد يعمل كده..
رضا بحرج…. اعمل ايه كنت عايزه الحقوا عشان ما يموتش والله قولت هيبقى دفاعا عن الشرف.. ويسيبوه بس مش عارفه هم حبسوه ليه المحامي قال لي كلام مكلكع ما فهمتش منو حاجه..
رينا. بدموع… طب انا عايزه اشوفه مره واحده حتى…
رضا… على فكره انا قلتله سامحني وهو سامحني قال انه مش زعلان مني… هو عشان الموضوع حرق وكدا اخد 25 سنه…
ريناد… يعني انت كنت عارف مكان بابا كل ده وما قلتليش
رضا.. خفت اقولك انه اتحبس بسببي تزعلى منى وتمشى… احم.. قصدى انك ما عندكش مكان تانى…
ريناد… عايزه اشوفو…
رضا… حاضر..
وقدمه على زياره وراحت ريناد تقابل ابوها… وقفت قصاده… وقالت…
اخر مكان اتوقعت الاقيك فيه…
ابوها بدموع… انا اسف حقك عليا..
ريناد ببكى.. معقول ماما تعمل كده… ليه كده.. انت ما كنتش منقصها حاجه.. انت اكيد فهمت غلط
ابوها… اخواتك البنتين الصغيرين.. لما تولدو كان عندهم مشاكل كتير من فتره وانا بعالجهم… الدكتور كان بيتكلم معايا… وقالي انت خفيت من المرض ازاى.. قلتله ان انا ما كنت مريض… قالى مستحيل ده بيجي وراثي… دخل الشك في دماغي عملت لهم تحليل وطلعوا مش بناتى… ولما صارحتها بالحقيقه قالت لي انا اسفه… سالتها كتير مين ابوهم.. بس ما قالتش… كان الغضب عميني طلعتكم بره عند رضا.. قلتلها اعترفي ما اعترفتش.. ربطتها وقفلت بقها… وولعت فى المكان كلو ما حسيتش بنفسى غير والنار بتاكلها….
ريناد بغضب…. انت مش من حقك تولع فيها .. ربنا بس اللي من حقه يعاقب بالنار… ما حدش يقدر يعمل كده مهما عملت… بعدين كان ممكن تطلقها ونعيش انا وانت…
ابوها… ما قدرتش صعبه… سيبي البنات على اسمي انا ما قلتش اي حاجه في التحقيق.. قلت لهم خانتني بس ما قلت لهمش ان البنات مش بناتى…. وبما ان ما فيش دليل احتمال تبقى 25 سنه واحتمال تبقى.. اعدا…م عايزك تاخدي البنات كلهم وتخليهم معاكى.. انا كتبت كل الفلوس بتاعتي باسمك.. بس لما تتمى ٢١ سنه هيدهملك… انا بحبك قوى انتى واخواتك…
ريناد ببكى…. انا كمان.. انا كمان بحبك..
ابوها…… كل واحد خد اللى يستاهلو… هى ماتت بالطريقه دى… وانا هنا لانى نسيت ان ما فيش حد يحقلو ينهى حياة حد.. لان ربنا بس اللى حطها وهو بس اللى ياخدها… انتو لازم تعيشو.. خليكى مع رضا ما تسيبيهوش ده شهم وجدع… اللى يعمل كل دا مع ناس ما يعرفهمش… تخليلى اللى ممكن يعملو عشان اللى منو… عيشوا سوا في البيت الكبير افتحي المعرض بتاعي… انتى وجوزك وربى اخواتك اعتبري امك وابوكر ماتوا في الحادثه… وما تحكيش اي حاجه غير كده لاخواتك… سلام يا بطله حكايتى…
ورجعوا على بيتهم من تاني.. وبعد ٣ سنين استلمت فلوسها… واشتغلت هي ورضا في المعرض وعاش سوا… رضا بقى معاه فلوس كتير من شغلهم.. فى المعرض…. وقررو يفضلو سوا هو وريناد.. ويربو البنات.. وكمان خلف ولد واحد.. سماه سعد على اسم ابو ريناد.. وكان سعيد جدا فى حياتو… ودا حصل لانو متخلاش عنهم رغم ظروفو كلها… اذا احب الله عبدا رزقه بلين القلب.. ولانو رضى باللى ربنا كتبو..
تشأ يا عبدى واشاء.. فأن رضيت بما أشاء اعطيتك ما تشاء…
.يتبع.. (رواية ذنوب الماضي) اضغط على اسم الرواية لتجد الفهرس كاملاً بجميع الفصول.