رواية سهام الهوى – الفصل الحادي عشر
طول الطريق كان ساكت وهي بتبص ناحيته مستغربه هدوئه.. وقف العربيه ونزلوا وهو بيسندها ويساعدها.. لحد ما دخلت اوضتها وقعدت على السرير ..
هي مستغربه سكوته وهدوئه ده مش متعوده عليه.. لف وشه عاوز يمشي. لكنها ندهت عليه
سهام : سالم..
سالم وقف ومبصش ناحيتها وقال: ارتاحي دلوقتي هنتكلم بعدين.. ومشي وسابها…
كان حاسس انه مخنوق ومش فاهم الللي بيحصل معاه قصه جوازه دي كلها متلغبطه من ساعت إصرار جده على جوازه منها وقسوة أهلها عليها ووصيت جده بيها أنه ميطلقهاش مهما حصل.. لحد النهارده هو دخل بيها من شويه ازاي بقت حامل ..
اصلا هما بقالهم اكتر من شهرين متجوزين ومن فتره كان عندها عذر شرعي .. ايه اللغبطه دي دماغه بتلف بيه..ايه اللي بيحصل البنت دي وراها حجات كتتتير غامضه .وايه علاقة جده بيها ..كان بيمشي عالبحر بيحاول يفهم اللي بيحصل ..
رجع وكان الوقت متأخر .
كانت مستنياه ومش نايمه لسة ..
سهام: انت رجعت .. اتأخرت اوووي..
سالم : بقيتي احسن
سهام بتوتر : ايوا .. هي الدكتوره قالتلك ايه ..
سالم : بتسألي ليه .
سهام بارتباك : مفيش يعني بس بسال..
سالم بص ناحيتها وفضل مركز في ملامحها وقال : مبروك قالت انك حامل ..
سهام اتصدمت ومكنتش مصدقه اللي سمعته..: انت بتهزر صح..
سالم : والحاجات دي فيها هزار..
سهام : حامل ازاي دي كدابه انا اصلا عملت نفسي تعبانه عشان تصالحني .
سالم…..
سهام : انت مصدق كلامها
سالم ….
سهام : بص ليا انت مصدق كلامها.
سالم ..
سهام: دلوقتي هتاخدني ليها ياسالم دلوقتي .دي كدابه وربنا كدابه ..
سالم : اهدي .
سهام : انت بتبصلي كده ليه … انت مصدقها بجد.
سالم مسح وشه وقال: بقولك اهدي والصباح رباح..
سهام عيطت وقالت: انا عملت كده عشان كنت بتدلع عليك ..كنت عايزاك تصالحني. والله. .. اصلا مكنتش تعبانه..ولا حاجه
سالم حاوط وشها : طيب اهدي بتعيطي ليه دلوقتي..
بصت ليه بدموع وشهقات وقالت : انت مصدقني مش كده … مش مصدقها ..
سالم : كل اللي اعرفه انك لحد من كم ساعه كنتي لسة بنت فعشان كده مش هصدق ايه كلام تاني.
سهام عيطت ..
سالم حضنها وهي دفنت وشها بصدره وقالت: والله كدب انا محدش لمسني غيرك .. والله ياسالم ..
سالم :عارف وبكرى من الصبح هنروح نكشف عشان اطمن عليكي .
رفعت وشها ليه وقالت : انت كويس ..شكلك تعبان..
سالم بابتسامه باهته : بصراحه عاوز انام .. دلعك ده طلع عيني النهارده ..
سهام بعدت عنه كانت حاسه ان فيه حاجه غلط سالم شكله متغير من ناحيتها بيحاول يبعد عنها.. عشان كده قالت بحرج.: طيب انت نام وارتاح انا تعبتك اوووي النهارده
سالم قلع الجاكيت بتاعه وقال تصبحي على خير… ونام من غير ما يقول اي كلمه تانيه أو حتى أنه معرفش ينام بس مغمض عينها عشان يهرب منها .
سهام طول الليل كانت سهرانه بتعد الدقائق عشان يطلع الصبح..
*******
الصبح في عيادة اشهر دكتوره في مصر
كان سالم مستني برا أوضت الكشف… كان في دماغه سيناريوهات كتيره ومش عارف فين الحقيقه .
خرجت سهام مع الدكتوره… ووقف سالم وهو على نار بيبص ليهم بقلق. .
سالم : طمنينا يادكتوره ..
الدكتوره : الحمدلله الوضع كله تمام بس محتاجه اكتبلها شويه ادويه عشان هي لسة عروسه جديده
سالم هديت ملامحه وقال: يعني مفيش حاجه غير كده..
الدكتور:ه حاجه زي ايه المدام زي الفل .
سهام بصت لسالم.
سهام اتكملت بدموع حاولت تداريها وقالت: اصل امبارح تعبت شويه ورحنا مستشفى و الدكتوره هناك قالت اني حامل .
الدكتوره :حامل ازاي معلش
سهام معرفتش تسيطر على نفسها و عيطت
الدكتوره حركت نظارتها بعمليه وقالت : عشان يبين الحمل المفروض يعدي اكتر من اسبوعين او تلاته عشان نتأكد منه وحضرتك غشاء البكاره اتفض من تقريبا كده حوالي 48 ساعه او اقل دكتوره ايه اللي هتعرف الحمل بالمده دي الا لو كانت تعلم الغيب مثلا…
سالم بحرج : متشكر تعبناكي معانا .. يلاا ياحبيبتي..
**********
سالم وصل سهام الشاليه وطلع مباشره على المستشفى عشان يشوف الدكتوره لكنها مكنتش موجوده وعرف انها اسقالت .. واتأكد ان في حد مش من مصلحته جوازته من سهام تستمر…
رجع الشاليه وكانت سهام محضرة حاجتها كلها ..
سالم: على فين. العزم أن شاء الله
سهام بسخريه : مش خلاص كده انت اتأكدت انك مش مخدوع نرجع بقى ..
سالم : نرجع فين احنا هنا عشان نتبسط ونغير جوى .ونتفسح..
سهام بحرقه: اتبسطنا خلاص بص حتى انا هموت من الأنبساط..
سالم : انتي بتعملي كده ليه ..
سهام : عشان انا تعبت..تعبت ياسالم .. خلاص جبت اخري . انا هفضل لحد امتى محل للشك عندك..
سالم : انا مكنتش شاكك بيكي على فكره ..
سهام : عشان كده ودتني دكتوره تكشف عليا..
سالم : ..
سهام : ياريتني مكنتش اتجوزتك ياسالم ياريتني ما حبيتك ولا تعرفت عليك . ياريتني فضلت بعيده عنك ..
سالم : انتي بكده بتظلميني .. واي راجل مكاني كان هيشك ومش بس كده كان هيتصرف بطريقه تانيه..
سهام : طريقه تانيه ازاي هتضربني يعني. . اضربني. اضربني ياسالم عشان انا حامل ..مش ده اللي كنت بتفكر بيه ..
سالم شدها ليه بيحاول يهديها : اهدي ياحبيبتي .
سهام وقتها بدموع ابعد عني متقربش مني متلمسنيش ..
لكنه شدها لحضنه وهي حاولت تمنعه لكنه كان اقوى منها لحد ما هديت بحضنه بس صوت شهقاتها مسموعه لحد ما سمعت صوته قال …
الفصل التالي اضغط هنا
يتبع.. (رواية سهام الهوى) اضغط على اسم الرواية لتجد الفهرس كاملاً بجميع الفصول.