رواية زهرة وسط أشواك – الفصل الرابع عشر
خرجت الدكتورة بعد ماكشفت علي زهرة وهي بتقول ببتسامة… مبروك المدام حامل
صدمة.. صدمة. صدمة. وصمت احتلهم
بصو لبعض كلهم بعدم استيعاب
انتبهو علي صوت هاورن اللي بص للدكتورة وقال بغلظة…. متأكدة يادكتورة انها حامل
الدكتورة بتأكيد…. متاكدة طبعا. كل الاعراض اللي عندها بتاكد ان المدام حامل. ولما كشفت عليها اتأكدت اكتر
كلهم كانو بيبصو بقلق ل حمزة اللي ملامح الصدمة والزهول علي وشه ومفيش اي رد فعل منو. حتي منطقش
هارون…. وصل الدكتورة يارحيم
وبعد ماالدكتورة نزلت امينه بسخرية قالت….. معقولة يكون الطب اتطور لدرجة انهم يقدور يعرفو الواحدة حامل ولا لأ من تالت يوم جواز… طب والله صدق اللي قال العلم نور
بصت لحمزة اللي كان لسه بيحاول يستوعب و تابعت بنفس السخرية…. الف مبروك يا ابن بطني علي حمل مراتك.
بصتلهم كلهم وقالت…. عروسة ابني الشريفة طلعت حامل وابني لسه مدخلش عليها
حمزة بصلها بصدمة وهي كملت… يتري حامل من مين.
هارون بحدة….. امييينه. اخرسيي
امينه بصوت عالي…. واخرس ليه. انتو مش سامعين الدكتورة قالت ايه. بتقول ان السنيورة حامل .. طب حامل ازاي. حامل ازاي وهي مكملتش 3 ايام متجوزة..
كملت بثقة وهي بتبص ل حمزة وقالت… دا غير اني متأكدة ان ابنك مدخلش عليها لسه… ملهاش تفسير تاني غير انها ماشية في البطال
انهت كلامها لتتفاجأ بصفعة قوية من هارون
اللي قال بغضب….. كلمة زيادة ومش هيطلع عليكي نهار. انتي فاهممة
بصتله بصدمة بعد ما حطت ايدها علي خدها وقالت بزهول… بتمد ايدك عليا ياحاج
هارون…. واقطع لسانك لو فكرتي تتكلمي في شرف البت تاني.
اخيرا حمزة نطق وقال….. بس امي مغلطتش يابوي.
بصله بجمود وكمل… ولا انت شايف ايه ياحاج
هارون…. انت بتقول ايه..هتعوم علي عومها.الدكتورة دي اكيد متفهمش حاجة في الطب
حمزة… تمام. وانا هتأكد بنفسي
و سابهم ودخل علي زهرة الاوضة بغضب اعمي
بص ل عمتو اللي قاعدة جمب زهرة اللي كانت بتفوق لسه
حمزة… سيبينا لوحدنا ياعمتي
صفيية بخوف علي زهرة… لسه مفاقتش كويس ياحمزة
زهرة كانت بتفتح عينيها اول شافته مسكت في صافية وقالت بخوف…. عمتو متسينيش
صفية بصتله وقالت.. دي تعبانة يابني براحة عليها
وهي بتبصله بترجي يرحمها
حمزة …. يلا ياعمتي لوسمحتي
قامت صفية وخرجت بقلة حيلة
وزهرة رجعت لأخر السرير برعب من شكله
قفل باب الاوضة بالمفتاح وقرب عليها وقال بهدوء مرعب …. حامل من مين
زهرة كل ده كانت خايفة من موضوع الصور لكن متعرفش اي حاجة عن الحمل لانها لسه فايقة
ردت بدون فهم…. يعني ايه حامل. ا. انت بتقول ايه
اما كلهم بره كانو واقفين بخوف وقلق من اللي حمزة ممكن يعملو في زهرة
صافية بقلق وخوف عليها بصت ل هارون وقالت .. هارون انت هتسيبو كده. دا ممكن يعمل فيها حاجة
هارون قرب علي الباب وابتدي يخبط وهو بيقول… حمزززة. افتح الباب..افتح ياحمزة
لكن حمزة مكانش بيرد
فضلو كلهم يخبطو علي الباب بخوف
و حمزة جوة كان غير مبالي للخبط اللي علي الباب
هارون بحدة… حمزة افتح بقولك
حمزة من جوا بكل هدوء …. متقلقش يابوي. بتفاهم انا ومراتي بس
وبص لزهرة بهدوء مريب… مين ابو اللي في بطنك. انطقي
زهرة وهي لسه مش قادرة تستوعب اللي بيقوله… ا. انت بـ بتقول ايه. انا مش فاهمه حاجه
حمزة وهو بيحاول يسيطر علي نفسه…. انا لحد دلوقتي ماسك نفسي.اخلصيييي
مسح علي وشه وقال بغضب مكبوت… الدكتورة بتقول انك حامل. حامل من مييييييين
زهرة بصدمة… . ا. نت ب بتقول ايه. انا مش حامل. وهحمل ازاي وانت ملمستنيش اصلا
حمزة… ما هو انا مبتكلمش عن نفسي ياروح امك..
كمل بزعيق… غلطتي مع مين يابت وسلمتيلو نفسك
زهرة بغضب… انت بتقول ايه. بتقول اييه. انا مفيش حد لمسني. الدكتورة دي اكيد شخصت غلط انا مش حامل. مش حامل
مسح علي وشه بغضب وعصبية
بعدين مسكها من شعرها جرها من علي السرير وقال وهو بيزقها ناحية الدولاب.. في ثواني تكوني لابسه. هنروح لدكتور تاني يكشف عليكي.. يلااا اخلصيييي
هزت راسها بالموافقة بسرعة وهي بتمسح دموعها اللي بتنزل بوجع شديد ولبست اول حاجة قابلتها
..
بعد وقت كانو راحو لدكتور تاني
وبعد ما دخلو غرفة الكشف والدكتور ابتدا يكشف عليها
حمزة كان قاعد علي اعصابه… ها يادكتور
الدكتور… مبروك المدام حامل
حمزة بص لزهرة بعيون مشتعلة وقال للدكتور … انت متأكد يادكتور
الدكتور وهو بيبص علي الجهاز….. واضح قدامي اهو..حامل في شهر وكام يوم
قام الدكتور وقعد علي مكتبه وابتدي يكتبلها علي علاج وهو بيقول. ودي شوية فيتا..
قاطعته زهرة بصوت مرتعش… يادكتور حضرتك متأكد اني حامل.. ط طب ممكن تكشف عليا تاني
الدكتور … انا متأكد بس لو انتو حابين تتأكدو اكتر. دي تحاليل ممكن تعملوها
وكتبلهم علي التحاليل
……
امينه كانت راحة جاية في اوضتها بغضب.. بقي علي اخر الزمن يمد ايدو عليا قدام ولادو .. انا بعد العمر دا كلو يهيني قدام عيالو.. ماشي ياهارون. دي اخرتها
حبيبة… عشان خاطري ياخالتي متزعليش نفسك
بصت لحبيبة وقالت… انتي اتفقتي مع الدكتورة امتا يابت
حبيبة بعدم فهم… مش فاهمة اتفقت معاها ازاي وعلي ايه
امينه…. انتي هتستهبلي. مش انتي اللي اتفقتي معاها علي انها تقول ان اللي ماتتسمي حامل
حبيبة بصدق .. بس انا مااتفقتش معاها علي حاجة ياخالتي. انا افتكرتك انتي اللي متفقة معاها. هو مش انتي؟
امينه….لا مش انا
بصتلها بشك .. بت متكدبيش هيكون مين غيرك
كملت وهي بتديها الامان علشان تعترف وقالتلها … متخبيش عليا انا كده كده ستر وغطا عليكي.. انتي اللي عملتي كده. صح
حبيبة بصدق…. صدقيني ياخالتي والله ما اتفقت مع الدكتورة علي حاجة. اقسم بالله ما انا
امينة بحيرة…. يعني ايه. يعني البت دي طلعت ماشيها بطال بحق وحقيقي
شردت ثواني وبعدين ابتسمت بخبث.. يعني حامل بجد.. طب حلو اوي. وهارون بيه محموق اوي علي بنت اخوه
كملت بشر… اللي وحياتو لكون مجرساها في البلد كلها
حبيبة… يارب بس الدكتورة متطلعش غلطانة زي مابيقولو.
امينه….لا مش غلطانة. الدكتورة كان باين من كلامها انها متأكدة. وبعدين دي دكتورة شاطرة. دي اشطر دكتوة في البلد
حبيبة بفرحة… يعني حمزة اكيد هيطلقها ياخالتي. صح
امينه… اكيد هيطلقها. امال هيخلي واحدة خاطية زي دي علي ذمته.
كملت بقلق… بس ياخوفي لا يق. تلها ويودي نفسه في داهية بسبب بت فاجرة زي دي
…..
خرجو حمزة وزهرة من عند الدكتور، كانت زهرة تايهة حرفيا الصدمة ملجماها مش قادرة تستوعب اللي هي فيه،، فاقت علي صوت حمزة .. يلاا
وقفت مكانها وقالت … انا هعمل التحاليل
حمزة بسخرية… ملهاش لزوم يامدام. في اتنين دكاترة كشفو عليكي. ايه الاتنين بهايم
لكن زهرة بإصرار قالت… انا مش هتحرك من هنا قبل ما اعمل التحاليل واثبتك اني مش حامل لأني محدش لمسني
وبعد ساعة كانت عملت التحليل واخيرا ظهرت النتيجة
قربو علي الدكتور بلهفة لكن اتصدمو للمرة التالتة لما
دكتور التحاليل وهو بيديهم الملف اللي فيه النتيجة قال.. النتيجة ايجابيه. الف مبروك
زهرة غمضت عنيها وكأن حاجة نزلت علي دماغها
يتبع….
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.