رواية زهرة وسط أشواك – الفصل الخامس عشر
: متأكدة يادكتورة اني حامل
قالتها زهرة وهي قاعدة قدام الدكتورة وهتتجنن دي تالت دكتورة تكشف عليها غير التحاليل اللي عملتها وكلهم اجمعو علي رأي واحد،، انها حامل
الدكتورة… انا متأكده انتي فعلا حامل يامدام
زهرة بجنون…. ازاي. ازاي وانا لسه عذراء محدش لمسني
الدكتورة باستغراب… مش حضرتك متجوزة
زهرة…. يادكتورة. انا لسه عذراء
بلعت ريقها وقالت بحرج…. جوزي لسه ملمسنيش.. ازاي حامل يادكتورة. ازاي
وهي هتتجنن
الدكتورة….انتي متأكدة انك عذراء
هزت راسها وقالت…. ايوا طبعا. محدش لمسني
الدكتورة…. طيب ممكن اكشف عليكي تاني
زهرة هزت راسها بالموافقة و قامت راحت ناحية السرير ونامت عليه وابتدت الدكتورة تكشف عليها
زهرة كانت بتبص للدكتورة بترقب بعد ماكشفت عليها
وهي خايفة الدكتورة تصدمها وتأكدلها انها مش عذراء
بلعت ريقها وقالت …. ها يادكتورة
وهي بتبصلها بتوجس وبتتمني كله ده يطلع غلط
لكن للاسف اللي كانت خايفة تسمعه قالته الدكتورة فعلا لما اتكلمت وقالت بأسف…. للاسف يامدام. انتي مش عذراء
زهرة بجنون… انتي بتقولي ايه يادكتورة
الدكتورة… بقول اللي واضح قدامي في الكشف. انتي فعلا مش بنت بنوت
..
قدام الجامعة
كان شاب واقف بعربيته بملل مستني حبيبة تخرج
خرجت حبيبة اخيرا من الجامعة قربت عليه وفتحت العربية وركبت فيها جمبه واللي بمجرد ماقفلت باب العربية بصلها وقال.. عملتلك كل اللي اتفقنا عليه. ياريت حسابي علشان نخلص
حبيبة…. عملت ايه يعني هو انت عملت حاجة
كملت وهي في نفسها بتقول. يارتني كنت صبرت دا اللي حصل احسن بكتير من موضوع الصور ده
وهي شمتانة في زهرة وحاسه بانشراح في قلبها بسبب اللي حصلها
فاقت علي صوته وهو بيقول … نعممم. كل ده ومعملتش . ماللي طلبتيه عملته كله. فبركت الصور والفيدوهات زي ماطلبتي وبعتهم لجوزها
حبيبة…. بس معرفتش تخليها تجيلك شقتك
الشاب…. انا كنت بتمني انها متوافقش تجيلي الشقة اساسا والحمدلله مجتش . انا مش غبي علشان اوقع نفسي تحت ايد حمزة وانا متأكد هو ممكن يعمل فيا ايه. دي اقل حاجة كان هيقـ تلي. دا لو مكانش علقني زي الد. بيحة وقطع مني كل يوم حتة لحد ما اخلص وانتهي قدامو
حبيبة بضحك … دا علي اساس لو عرف ان انت اللي فبركت صور مراته هيرحمك
بصلها بخوف لكن قال وهو بيطمن نفسه… وهو هيعرف منين. عموما ربنا يستر. انا كده كده هاخد الفلوس وهطير برا مصر
كمل وقال…. ها جيبتي الفلوس معاكي ولا لا
حبيبة…. جبتها.. مستعجل علي الفلوس اوي
هو… اظن حقي
حبيبة وهي بتطلع فلوس كتير جدا من شنطها.. وادي حقك ياخويا
وهي بتديهمله
مسكهم وبدأ يعدهم
حبيبة… استأذن انا بقا. علشان السواق مستنيني
مسك ايدها وقال قبل ماتتحرك… تروحي فين. لما اعد فلوسي الاول. مش يمكن يكونو ناقصين عن الاتفاق
حبيبة…. لا اطمن مش ناقصين دول 100الف زي مااتفقت معاك..
هو….. اعدهم بردو
حبيبة….. هتعد 100الف دلوقتي وعلي ايدك!!
هو بسماجة … اه انا شاطر في الحساب وهعدهم دلوقتي
حبيبة بضيق وزهق….. طيب مادام شاكك فيا عدهم واخلص
هو….. هعدهم
وبدأ يعد
حبيبة بزهق… ها تمام
قال ببرود … اه
وبعدين قالها…. الا قوليلي بتعملي كل ده فيها ليه
حبيبة…. وانت مالك
ونزلت من العربية
بصلها من الشباك وقال بضحك… حمزة مش هيتجوزك بردو
بصتله بغضب ومشيت
………….
في بيت هارون
حمزة دخل البيت لوحدو من غير زهرة
قامت صفية قربت عليه وقالت بقلق… زهرة فين ياحمزة راجع لوحدك ليه. وبعدين انتو مشيتو من امبارح ومرجعتوش حاولنا نكلمكم علي التليفون كذا مرة محدش بيرد .. كملت بقلق شديد وشك… زهرة فين ياحمزة… عملت فيها ايه. انطقق
حمزة بهدوء ….اطمني هي عند جدتها
وراح يطلع لكن وقف لما امينه قالت….. ويتري بقا لما روحتو لدكتور تاني يكشف عليها طلع ايه..مش الحمل حقيقي بردو
حبيبة بسخرية …. بس مايبنش عليها خالص اللي يشوفها يفتكرها محترمة بجد
ليلي … انا مش مصدقة لحد دلوقتي وبصراحة مصدومة في زهرة. مكنتش اتخيل انها تعمل كده و..
قاطعها حمزة بغضب وقال…. اخرسسسي
بصلهم كلهم وقال … قسما بالله العظيم اللي هيجيب سيرة مراتي بنص كلمة. لاكون قاطعله لسانه.
كمل بزعيق….. انتو فاهميييين
امينه… ايه يابن بطني مش دي الحقيقة بردو
حمزة…. لا مش الحقيقة. الحقيقة ان زهرة زي ماهيا. مررراتي اشرف واحدة في الدنيا.
كمل بتحذير……. واللي هيفكر يشوه سمعتها اقسم بديني ماهرحمه
صفية بفرحة…. يعني ياحمزة الدكتورة اللي كشفت عليها هنا كلامها طلع غلط. صح. ولما روحتو للدكتور قالكو انها مش حامل.. انا كنت متأكدة ان زهرة شريفة
حمزة…. بالظبط كده.. الدكتورة طلعت البهيمة بتفهم احسن منها.
وسابهم وطلع
ليلي هي كمان بفرحة … طب الحمدلله انا اصلا مكنتش مصدقة والله
……
زهرة خرجت من عند الدكتورة وهي تايهة فضلت ماشية لحد ما وقفت قدام بحر كبير. قعدت بتعب وفضلت تعيط وهي بتشتكي همها لربنا
كانت بتبكي بوجع شديد وحسرة وهي بتتمني ان اللي هي فيه ده يطلع كابوس وتفوق منو وتلاقي نفسها زي ماهيا لكن للأسف اللي هي فيه واقع مش حلم
فضلت ساعات مكانها بتعيط وهي بتقول.. لييه يارب. لييه معملتش حاجة وحشة علشان يحصلي كل ده
وهي بتبكي بشدة
فاقت علي ايد حد بيلمس علي شعرها بصت بخضة جمبها لاقت ست كبيرة
بصتلها باستغراب وخوف.. انتي مين
تجاهلت الست سؤالها لكن قالتلها بحكمة.. ربنا مش بيعمل فينا حاجة وحشة. بس اصبري واكيد ربنا ليه حكمة في كده. ربنا اذا احب عبدا ابتلاه اكيد ربنا بيختبرك.. اتحلي بالصبر وهتشوفي كرم ربنا عليكي
وطبطبت علي كتفها وبعدين قامت مشيت
اتنهدت زهرة وهي بتبص لطيفها وبتقول… يارب.
قامت ناوية الذهاب بتلف اتفاجأت ب احمد في وشها
: وحشتيني يازهرة
في نفس اللحظة كان حمزة بيوقف بعربيته بمجرد ما لمح احمد واقف معاها قال بغضب….. زهررررررة
يتبع……..
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.