رواية زهرة وسط أشواك – الفصل السادس عشر
: اسمه ايه
قالها حمزة بغضب مكبوت لزهرة اللي قاعدة معاه في العربيه ودموعها بتنزل بصمت ومش بترد
ليعيد حمزة سؤاله تاني بغضب واضح… اسمه ايه انطقي يابت
مسحت دموعها وقالت بهدوء …. هـ هو مين
حمزة…. اللي حملتي منو ياروح امك
زهرة من غير ماتبصله قالت بوجع من اهانته…. معرفوش
مسح علي وشه بعصبيه وغضب وهو بيحاول يمسك اعصابه
وقال……. انا لحد دلوقتي هادي. بس صدقيني مش هفضل كده كتير.. اتكلمي دلوقتي كده بالذوق وقولي مين اللي سلمتيلو نفسك. والا اقسم بالله هخليكي تشوفي مني وش مش هتحبيه خالص.لاني واثق مش هتستحملي غضبي هعمل فيكي اللي عمره ما يخطر علي بالك .. و بردو هعرف بطريقتي هو مين وساعتها مش هرحمك. فالاحسن ليكي تتكلمي دلوقتي.. دي اخر فرصة ليكي
وبهدوء لحد اخر لحظة قال… يلا. اتكلمي
زهرة كانت بتترعش بس ودموعها بتنزل
اتنفضت من صوته لما قال بغضب… انطقيييييي
زهرة وهي مش عارفه تجمع كلامها من شدة خوفها….
مـ. مش عـ. ار. فه. و. و الله. ما اعر. فو
حمزة بغضب….. اقسم بديني. لو ما اتكلمتي وقولتي مين هو لا اخليكي تكرهي نفسك وتكرهيني من اللي هعملو فيكي. انطقيي ياروح امككك.. ماهو مش معقوله تكوني حامل ومش عارفه من مين. متختبريش صبري وتطعلي جناني عليكي.. انطقي يارووح امكككك
زهرة ودموعها نازلة قالت بشهقات وهي بتترعش برعب… معرفوش. معرفوش. والله ماعرفه. صدقني
غضبه عماه. مرة واحدة مسكها من شعرهاا جامد ورفع وشها ليه وهو بيقول بطريقة مرعبة….. بصيلي يابت وقولي
زهرة كانت بتهز راسها برفض ودموعها بتنزل… صـ صدقني ا انا معرفش ح حاجة. و والله ماعرف
وهي ماسكة ايده اللي ماسكة شعرها وبتحاول تخفف من ماسكته
قالت بوجع….. سـ سيب شـ شعري. حرام عليك
حمزة ولا كأنه سامعها قالها بغضب….. اقسم بالله لو ماتكلمتي لكون دافنك بالحيا مكانك هنا وما حد هيعرفلك طريق
زهرة وهي بتترعش ولسه ماسكه ايده اللي ماسكه شعرها.. والله مااعرف. صدقني انا نفسي هتجنن ازاي حصلي كده وانا متأكده محدش لمسني
وهي بتبكي اوي…. شـ شعري. سـ سيبو حرام عليك. بيوجعني
حمزة اخيرا ساب شعرها بعد ما زقها راسها خبطت في ازاز العربيه
وهو بيمسح علي وشه بغضب طلع سيجارة ولعها وفضل يدخن بغضب ودماغه عمالة بتودي وتجيب وهو هيتجنن
طفي السيجارة وبصلها بحيرة وقال … الواد اللي كان خاطبك. هو مش كده..
كمل وقال…. ولا اللي كان معاكي في الصور.. او. ابن خالتك اللي كان متجوزك عرفي. قوليلي مين فيهم. مين اللي عمل كده.. ولا في حد تاني انا لسه معرفوش
زهرة بصتله جامد …. قصدك ايه
حمزة… قصدي اللي فهمتيه ياروح امك.
كمل بتوعد…اقسم بديني يازهرة ماحد هيرحمك من ايدي.. اصبري بس لما اعرف هو مين وساعتها هخليكو تتمنو المو. ت ومش هتطلوه. غير لما اوريكو العذاب الوان وبعدها هبعتكو لعزرائيل
زهرة بدموع وقهر…. اقتـ لني. اقتـ لني دلوقتي ياريت بقا وتريحني.
كملت بصريخ…. اقتـ لني وريحني من الدنيا وقرفها بقاااا. انا مش عاوزة اعيش لأني تعبت. والله تعبت ومبقتش مستحمله كل اللي بيحصلي ده .. مو. تني وارحمني ارجووك
وهي بتبكي وتصرخ بانهيار
كان حمزة بيبصلها بملامح جامدة باردة ولا اتحرك منه شعره قال بطريقة مرعبة…. مستعجلة علي ايه. هقتـ لك كده كده. بس لما اجيب الخروف بتاعك واقتـ لكو انتو الاتنين مع بعض.. ولو عاوزني ارحمك علطول. قولي هو مين فيهم
كمل بشك… ابن خالتك صح.. تعرفي انو لسه متلقح عندي في المخزن
ابتسم بسخريه علي نفسه وقال…. بس ماينفعش اروح اقوله انت قربت من مراتي ولا لا.. متخيله ان حيوان زي ده ابقي عاوز اسأله ومش قادر.. ومش عارف. اصل هقوله ايه.. مراتي طلعت حامل فقولي اذا كانت حامل منك .ولو مش منك قولي علشان اشوف من مين غيرك.
كمل بزعيق…. قوليلييي ادور اقول للناس والنبي حد يقولي مرراتي حامل من ميين.. هااا. اعمل كدااا
زهرة كانت دموعها بتنزل بكسرة وألم شديد من كلامه وهي مش قادرة ترد
اتنهد حمزة وخد نفس وهو بيحاول يهدي نفسه وقالها…. اتكلمي يازهرة. دي اخر فرصة ليكي. اتكلمي قبل ما ااذيكي. انا مضمنش ممكن اعمل فيكي ايه. ارحمي نفسك واتكلمي
زهرة بصتله برعب لكن هزت راسها بتعب وقالت.. قولتلك مش عارفه. مبقتش عارفه اي حاجة.. كل اللي اعرفه اني اقسم بالله ماسلمت نفسي
لحد.
حمزة…. والمفروض ابقي اهبل واصدقك مش كدا
زهرة….. انت حر. تصدق متصدقش.. انا واثقة من نفسي وعمري ماعملت الغلط..
حمزة….. وصورك اللي وصلتلي دي ايه. والفيدوهات. ايه
بردو متعرفيش عنهم حاجة. كل حاجة قدامي بتثبت انك شمال يازهرة
كمل وقال… انا ازاي كنت اهبل كده ومش واخد بالي
كنت فاكرك شريفة. بس طلعتي
زهرة بغضب …اخرررس. انا ماسمحلكش. والصور دي متفبركة. دي مش انا. والله ما انا.. والحمل ده انا معرفش عنو حاجة. معرفش. وحامل من مين.بردو معرفش.. معرفش اساسا اناا ازاي حامل. انا هتجنن اكتر منك اصلا
تجاهل حمزة اخر كلامها وقال بغضب….. انا مش عيل صغير يابت. يعني ايه حامل ومش عارفة من مين..
بصلها وقال بوقاحة… ايه هما كتار للدرجادي. مش عارفة مين ابو اللي في بطنك
هنا زهرة مستحملتش مسحت دموعها بعنف وقالت…. انا مسمحلكش.كفاااية كده بقااا.. كفاااية…كفاااية تتكلم في شرفي كفاااااية. مش هسمحلك فااهم. مش هسمحلك ولا هسمح لاي حد لاني شريفة وعارفة نفسي كويس
حمزة…اركني بس موضوع الشرف ده علي جمب دلوقتي.. نبقي نشوفه بعدين
…….
تاني يوم
حمزة ورحيم واقفين بيتكلمو في جنينه الفيلا
فجأة دخلت من بوابه الفيلا واحدة ست وقربت عليهم وهي بتبكي وهي بتقول ل رحيم… بنتي فين. بنتي فين يارحيم. عملت فيها ايه
ودي بتكون مامت ياسمين
رحيم ببرود.. وانا مالي ومال بنتك ياست انتي
الست …. انت اللي خطفتها انا متأكدة. بس بنتي معملتش حاجة ارجوك سيبها
رحيم…. روحي دوري علي بنتك بعيد. يلاا
الست برفض…. انا مش متحركة من هنا لاني متاكده انها عندك.. مش هتحرك غير لما اخدها معايا.. هاتلي بنتي يابن الهواري قبل ما ابلغ عنك
اتجاهل رحيم تهديدها وقال بجبروت .. طب اخرجي برا بكرامتك.. بدل ما اخلي الرجاله هما اللي يرموكي
بص حمزة للست وقالها بهدوء وهو بيحاول يطمنها.. اتفضلي دلوقتي وانا اوعدك اني هرجعلك بنتك
مامت ياسمين بلهفة قالتلو.. هي هنا صح.. ارجوك انا عاوزة بنتي.. ارجوك خليه يسيبها هي معملتش حاجه
حمزة وهو بيطمنها…. اتطمني متقلقيش. هرجعهالك
مامت ياسمين بترجي وبكا…. طب اشوفها.اشوفها ارجوك. عاوزة اشوف بنتي
حمزة بص ل رحيم
لكن رحيم قال بجبروت… انسي بنتك لانك مش هتشوفيها تاني
مامت ياسمين بدموع … انت عملت في بنتي ايه. حرام عليك بنتي مظلومة
رحيم بنفاذ صبر زعق فيها وقال… اطلعي برا بالذوق قبل ما اخلي الرجاله يرموكي يلااا
مامت ياسمين مسحت دموعها وقالت بقوة….. انا مش هتحرك غير لما اشوف بنتي و اخدها معايا
رحيم… تمام
و نادي لرجالته وقالهم بأمر.. الست دي تطلع برا ومتدخلش من البوابه تاني. فاهمييين
الرجاله… مفهوم يارحيم بيه
وراحو يقربو منها علشان يخرجوها
وقفهم حمزة لما قال بغضب…. ابعد عنها انت وهو
الرجاله بصو ل رحيم
وحمزة وجه كلامه ل رحيم بزعيق… في ايه يارحيم. من امتا واحنا بنتعامل كده مع ستات
مامت ياسمين….. هبلغ عنك يارحيم واقول انك خاطف بنتي
رحيم ببرود…. لو تقدري تعملي كده وريني
مامت ياسمين… حسبي الله ونعم الوكيل. ربنا علي الظالم والمفتري
رحيم بغضب… اقسم بالله لو ماخفيتي من قدامي لاخلي الرجالة يعملو معاكي الصح
حمزة…. خلاص . هي هتمشي
و قرب منها…. امشي دلوقتي لو سمحتي. وانا زي ماقولتلك
الست بصتلهم بقهرة ومشيت
……………
عند زهرة
: انا عاوزة انزل البيبي
قالتها زهرة وهي قاعده قدام الدكتورة اللي راحتلها عشان تنزل الجنين
زهرة…. ممكن تعمليلي العمليه
الدكتورة…. حضرتك انا مش بشتغل في العمليات دي
ونصيحة مني متموتيش ابنك بايدك غيرك مش لاقي
زهرة من جواها بوجع وهي بتقول في نفسها عارفة انو حرام. بس هجيبو الدنيا ازاي وانا مش عارفة مين ابوه
لكن بصت للدكتورة وقالت… حضرتك انا ممكن ادفعلك كل الفلوس اللي تطلبيها. بس تعمليلي العمليه
الدكتورة…. انا اسفة انا مش بشتغل في كده.. مش هقدر اعملك اللي بتطلبيه
زهرة بتفهم قامت…. شكرا
واخدت شنتطها وخرجت من عند الدكتورة
وهي بتفكر تشوف دكتورة تانيه توافق تعملها العمليه
……
بعد يومين
في بيت جدة زهرة
حضرت جدتها الفطار وراحت تشوفها في الاوضه
خبطت علي الباب وهي بتقول….. زهرة. يازهرة. يلا ياحبيبتي علشان تفطري
لكن زهرة مكانتش بترد
فتحت الباب. اتفاجأت بـ زهرة واقعة علي الارض
جريت عليها بخضة وابتدت تفوقها…. زهررة. فوقي ياحبيبتي
وهي بتحاول تفوقها. لكن بدون فايدة زهرة مكانتش بتفوق
جدتها بدموع…. فوقي يازهرة. فوقي ياحبيبتي
بسرعة قامت مسكت تليفونها بدموع واتصلت علي حمزة
اللي اول ما رد عليها قالتلو بدموع ….حمزة الحق زهرة يابني. الحقها ارجوك
حمزة بقلق.. في ايه. مالها زهرة
جدتها بدموع….. واقعة ومغمي عليها. مش عارفه افوقها. الحقها ارجوك بسرعة. بسرعة يابني
حمزة كان اخد مفاتحيه ونزل بسرعة من المعرض بتاعه
وهو بيقولها … انا جاي حالا
وخد عربيته وطلع بيها وفي وقت قياسي كان وصل
طلع اخد زهرة من شقة جدتها ونزل بيها حطها في العربيه وطلع بيها علي المستشفى
..
بعد وقت
حمزة وهارون وجدة زهرة واقفين قدام غرفة الكشف مستنيين الدكتور يخرج يطمنهم
اخيرا خرج الدكتور
قربو كلهم عليه بلهفة … هاا يادكتور. هي عاملة ايه
الدكتور……. اتطمنو.. هي بس كانت واخدة كمية كبيرة من المهدئات وده عملها هبوط. احمدو ربنا انكم لحقتوها والا كانت لقدر الله هتجيلها ازمة قلبية
جدتها وهي بتحمد ربنا…الحمدلله
بصت للدكتور وقالت….. هي هتفوق امتا يادكتور
الدكتور….. ساعتين وهتفوق.. بس اهم حاجة تبعد عن المهدئات الفترة دي لاني اكتشفت انها حامل والادويه دي خطر علي الحمل
هارون بجمود…. نزله
الدكتور بدون فهم…. هو ايه
هارون….. اللي في بطنها
الدكتور….. بس انا مش دكتور نسا. دا غير ان شرف المهنة مايسمحش بكده
هارون بغضب….. وانا بقولك نزلو
الدكتور…. ياهارون بيه مش هينف..
حمزة طلع سلا. حه وحطه في دماغ الدكتور….. انت هتعمل اللي بنقولك عليه. يا اما تتشاهد علي روحك
الدكتور بلع ريقه بخوف…. حـ حاضر. بس انا والله مش تخصصي. ا اوعدك هشوف دكتور نسا يعملها العمليه
حمزة…. ااخلصص
وبعد ساعات كان جي دكتور النسا عمل لزهرة عملية الاجهاض
مامت زهرة وباباها كانو اخدو خبر باللي حصل ل زهرة ف راحو ليها المستشفي
دخلو في نفس اللحظة اللي خرج فيها الدكتور وهو بيقول… الجنين نزل ساعة وهتفوق
باباها ومامتها بصو لبعض بصدمه
امال بزهول بصتلهم وقالت بدون فهم.. جنين ايه. هي زهرة كانت حامل. ازاي!!!!
محمد هو كمان…. هو في ايه…. مالها زهرة. ويعني ايه كانت حامل
هارون بصلهم شويه وبعدها قالهم …. انتو عرفتو منين اننا في المستشفى
جدة زهرة…. انا اللي قولتلهم بعد ما كلمت حمزة..كنت خايفة علي زهرة وعاوزة اي حد يلحقها
محمد والد زهرة…. ايه ياهارون مكنتش عاوزنا نيجي ولا ايه
هارون… لأ ازاي.. بس احنا هنا بقالنا اكتر من 6 ساعات.. ايه لسه مفتكرين تيجو
محمد بتوتر… انا كنت مشغول شويه
هارون…. يعني عندك الشغل اهم
اتكلمت امال وقالت…. المهم انها كويسة..
وكملت بتساؤل.. بس ايه موضوع الحمل ده
هارون مردش ودخل جوا ل زهرة
امال بصت ل والدتها… في ايه ياماما ممكن تفهميني
والدتها…. مش وقتو نتطمن علي زهرة الاول
وسابتها ودخلت هي كمان تشوف زهرة
بعد ساعتين كانت فاقت زهرة وبعد ما مامتها وباباها مشيو
هارون وجه كلامو ل حمزة اللي واقف بممل وزهرة اللي في السرير في حضن جدتها وقالهم….. دلوقتي انتو جوازكو باطل. يعني مابقتوش متجوزين خلاص
وقبل مازهرة وحمزة يتنفسو براحة هارون كمل كلامه وقال…. بس ماحدش هيعرف حاجه.. هتفضلو متجوزين زي ما انتو قدام الناس لحد مايتكتب كتابكم من تاني
حمزة بجمود قال…. انا مش عاوزها
غمضت زهرة عنيها بوجع
وهارون بصله وقال…. يعني ايه
حمزة…. يعني مش هتجوز واحدة غلطت مع حد قبلي
مش انا اللي هلبسها
هارون بغضب….. اخرررس.. انا مش باخد رأيك
مسحت زهرة دموعها اللي نزلت وقالت هي كمان بجمود.. بس انا كمان مش موافقة ياعمي. انا مش هتجوزه. كفايه كده بقا.
هارون بصرامة…. اسمعو انتو الاتنين. انا مش باخد رايكو
جوازكو هيفضل قدام الناس مستمر فاهميين.. عاوزين الناس يقولو ايه علينا.. هنقول ايه للناس وانتو مكملتوش اسبوع متجوزين هاا. اتكلموو
حمزة سكت مقدرش يتكلم وزهرة كمان لان هارون بيتكلم صح الناس فعلا هيقولو ايه. ف سكتو بتفهم
اتنهد هارون وكمل بهدوء….. كملو سنه علي الاقل وبعدين لو عاوزين تطلقو. اطلقو.. بس دلوقتي مش ينفع. لازم جوازكو يبان طبيعي علشان محدش يشك في حاجه
ومن هنا لحد مايتكتب كتابكو تاني
وجه كلامه لزهرة وقالها… هتفضلي يازهرة هنا مع جدتك. بحجة انك مشغولة في جامعتك وامتحاناتك
محدش في البيت هيعرف اي حاجة
حمزة بص لأبوه وبعدين خرج بغضب لان كل ده هيحصل رغما عنه بس مضتطر يوافق
وزهرة فضلت تبكي في حضن جدتها
…
بعد يومين
حمزة كان واقف بعربيته قدام القصر وهو شارد لحد ماجالو مكالمة من راجل من رجالته
حمزة…. ها جبتو
: ايوا ياباشا
حمزة… فين
: في المخزن
حمزة وهو بينبه علي الراجل …. اوعي يهرب منكو لحد ما اجي
الراجل… متقلقش ياباشا
قفل حمزة ودور عربيته وطار بسرعة البرق
…..
في بيت جدة زهرة
امال بسخريه…. يعني مكملتش 3 ايام ورجعت بفضيحة طلعت حامل. ومن مين ان شاء الله.
كملت بنفس السخرية…. وانا اللي كنت فاكراها متربية. اتاريها مشافتش تربيه.. طبعا ماهي اكيد طالعة لامها
والدتها…. بس اسكتي. اياكي تقولي عليها كده. زهرة مفيش في تربيتها ولا اخلاقها
امال بسخرية…. واضح.. علشان كده راحت حملت في الحرام
والدتها بغضب …اخرسي. انا متأكدة ان زهرة عمرها متغلط. لاني واثقة في تربيتي
امال… انا مش عارفة ازاي بتدافعي عنها بعد اللي عرفتيه.
والدتها…. انا اللي مش عارفة انتي ازاي بتكرهيها الكره ده كلو.. عملتلك ايه علشان تكرهيها كده.طول عمرك بتكرهيها.. وبتفرقي بينها وبين شيماء.. هي مش زي شيماء بردو
امال بندفاع…. لا مش زيها. لان ببساطه شيماء بنتي. لكن زهرة مش بنتي. ولانسيتي.. ازاي عاوزاني احبها زي بنتي.ازااي. وازاي انتي اساسا ياماما بتحبيها كانها حفيدتك بجد. فوقي ياماما زهرة مش بنتي ولا حفيدتك
والدتها… زهرة هتفضل حفيدتي. حتي لو مش من دمي. انتي فاهمة وهفضل احبها
امال… براحتك ياماما. لكن انا مخلفتش غير شيماء. زهرة مش بنتي. انا مش همثل اكتر من كده. مش قادرة امثل كفايه كده
في اللحظة دي كانت زهرة راجعة من برا فتحت الباب وهي مصدومة
جدتها بصدمة وهي خايفة تكون سمعت.. ز. زهرة
زهرة بصت ل أمال بدموع…
يتبع……
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.