رواية خالتي مبسوطة الفصل الخامس 5 – بقلم جيجي

رواية خالتي مبسوطة – الفصل الخامس

سعيده…. بقولك ايه يا خالتي مبسوطه سمعتى يا خالتي عن الفلتر ده اللي بينفخ الشفايف ويشفط وينفخ وكده ده ايه رايك يا خالتي اروح اعمل الحاجات دي يمكن ابقى مزه كده في نفسي واحد يعجب بيا ويجي يطلبني

مبسوطه… الحاجات دي حرام يا سعيده ما تخلنيش اقوم انفوخك وبعدين غيرتى شكلك وبعد ما اتجوزك عرف انك هبله وطلقك استفدتي ايه غير يروح عليكى تمن عمليات التجميل على الفاضي

سعيده… عمرك ما تقوليلي كلمه حلوه

مبسوطه… الباب بيخبط روحى افتحي

سعيده.. بقالك فتره بقيتي عصبيه جدا يا خالتي وما بقيتيش مبسوطه خالص انا بقولك اهو

مبسوطه… ما هو منك ترفعيلي ضغطي وبعدين تقوليلي مش مبسوطه

راحت سعيده فتحت الباب وكانت بنت شابه

سعيده… اهلا وسهلا

البنت… خالتي مبسوطه جوه

سعيده.. اه جوه اتفضلي

البنت… السلام عليكم

مبسوطه… عليكم السلام يا حبيبتي اتفضلي

انا منى يا خالتي مبسوطه نجوى تبقى مرات اخويا يا خالتي قوت اخويا علينا وخلتو عايز يسبلنا البيت ويمشي وسيبنا واحنا بنات ملناش غيره في الدنيا يا خاله ده اخونا الحيله اللي طلعنا بيه من الدنيا

مبسوطه… طب اهدي يا اختي شاي يا بنت يا سعيده ايه اللي حصل طيب

منى…. انا هحكيلك الحكايه من اولها يا خاله مبسوطه احنا بنتين انا وداليا اختى واخويا اسمه مجدي امنا وابونا ماتوا من زمان وما معناش غير بعض وكنا عايشين زي الفل لحد ما كبر مجدي وقال انه عايز يتجوز وجوزناه في بيت العيله حاكم فى الصعيد ما ينفعش نقعد لحالنا واللي حصل يا خالتي مبسوطه

منى… مرت اخوكى ما نزلتش لغايه دلوكتي ليه يا داليا هى فاكره نفسها لسه قاعده عروسه في العسل دى بقالها 17 يوم متجوزه انا هطلع انكد على جابوها اخوي نزل الشغل ما نزلتش تعمل ويانا ليه ولا احنا هنطبخ ونطلعلها
…… منى طلعت..

منى… ايه يا اختي مش جوزك مشى ما تنزلى تطبخي ويانا وتكنسى ولا هنخدمك يا سدا العدى

نجوى… نازله ونزلت معاها ها الكلام على ايه النهارده

منى.. طبيخ بس بقولك ايه الاول اطلعى جيبى المفراك اللي بالكهربا اللي عندك في الشقه

نجوى… مالكم بيه ماتفروكوا كيف ما كنتوا بتفركوا قبل ما اتجوز

منى… شوف البيت لاتكونى هتبروزيه هو انتى مش جايبه العفش بالمهر اللي دفعو اخويا خلاص جيبيه وانتى وطالعه خديه ما حدش هياخد منه قطمه

نجوى… والله اني مانيش مرتاحالك بس هروح

وطلعت جابته ورجعت

منى… جدعه بقولك ايه الشياطه اللي بتتحط تحت حله الرز عشان الرز ما يشيطش انا كنت شايفاها في عفشك

نجوى… انتى ايه اللي خلاك تقلبي في عفشي اصلا

منى… ما انتو اما فرشتوا العزال قبل ما انتى تيجي اصلا خدنا لفه كده نشوف جبتى ايه وما جبتش ايه

نجوى… لا حول ولا قوه الا بالله عايزه ايه يا منى

منى…. تروحي تجيبي الشياطه دي عشان نجربوها بتشيط ولا لا

نجوى… حاضر وطلعت جابتها وجات… خدي

منى….تسلم الايادي خدي يا بنت يا داليا بقولك انا كنت شايفه فوق عندك المكنه اللي بيخرطوا بيها البصل ديت ما تطلعي يا بت تجيبيها وتاجي

نجوى… فى ايه يا نؤه ما تتبطى حبه ما هتطلعي تجيبي ما تطلعي تجيبي هو انا شركه دهب للمنتجات المنزليه انا ما هطلعش انا كفايه رجلى وجعتني من السلم

منى… نطلع البت داليا تجيبو لو انتى ما قدراش تطلعى وعجزتى خلاص عادى ما احنا كيف خياتك

نجوى… انا لسه ما كملتش شهر جواز عشان اطبخ واكنس وامسح معاكم عشان ما هتعملوش اكل وتطلعهولي فوق عشان مش هتخدمونى وجايه دلوكتي تقولي اخواتى يجيكو البلا انتو واخواتي

مجدى رجع من الشغل

منى بدموع…. تعالى يا مجد

مجدى… مالك يا منى مين زعلك

منى… مرتك قولتلها ادينى قطاعت البصل من عندك قالتلي انى مش شركه دهب للمنتجات المنزليه عشان كل شويه تقوليلى هاتى حاجه قولتلها احنا كيف اخواتك وتعشمنا سبب ما طلبنا منك قالت جاتكم البلا

مجدى…. طب خلاص ما تزعليش هديكي حق القطاعه تروحي انتى بكره تجيبيها

منى…. ما عايزاش القطاعه اني قولت نتشارك ف تحس انها مننا بس خلاص ما عايزاش حاجه ما تسالنيش تاني ايه اللي مزعلك عشان ما اشكيلكش من مرتك انا ما بحبش اشكي من الحريم لاتروح تطلقها ولا حاجه تيجي في وشي اشيل ذنبها

مجدى طلع لنجوى…. فيها ايه يعني لما تديهم القطاعه دقيقه كنتى قوليلي كنت جبتلك واحده غيريها

نجوى.. والله ما حصل الكلام ده هي اخدت الاول المفراك بعد كده اخدت الشياطه تاعت الرز وبعد كده قالت القطاعه تاعت البصل واما قولتلها ما هطلعش تانى قالت اختى تطلع شقتك كيف يعنى اختك تطلع تبحبش فى شقتى منى اختك دى حافظه عفشى اكتر منى فين الخصوصيه

مجدى… معلش باليل هنطلعو نتفسحو سوا واعشيكم بره كمان وراضيكم كلكم

نجوى… تسلملى
باليل كان مجدى ماشى ومنى ماسكه ايدو اليمين وداليا ماسكه يدو الشمال ونجوى ماشيه وراهم مجدى بص لورى

وقال…. يلا يا بنتي انتى لسه ماشيه ورانا

نجوى بغيظ… ما فيش ايدي تالته اعبط فيها زي ما اخواتك معبطين في يديك ايه انط اركب على ظهرك

منى… شوف قليلة الحياه بتقول ايه قدامنا عيزاه يشيلك وهو ماشي معنا

نجوى… لا بس صاحب العقل يميز وانتى ما عندكيش منه واصل يا منى

منى… سمعت بتقولي ايه

مجدى… معلش خلاص عاد عديها

منى… الحق مش حماتك دي اللي بتشتري هناك

نجوى… امى ازيك ياما

سعاد… اهلا يا حبيبتي هي دي الخروج اللي خرجهالك عشان يفسحك ما شايفاكيش بتتفسحي يعني راميكى وراهم معلش يا كبد امك قلنا الحمد لله امو ميته وما هيبقالكش حمايا بقولك حمايتين مش وحده

منى… مالها حماتك شكلها ما عجبيناهاش ولا ايه

مجدى… لا لا هي بتتحدت مع بتها عادي كيفك يا حماتى

سعاد… اهلا يا حبيب اخواتك ان شاء الله تكون مبسوط

مجدى.. اه الحمد لله مبسوط يلا يا نجوى ولا هتقعدي مع امك

نجوى… هنمشي اهو يلا سلام ياما

سعاد… سلام يا عيني عليكى يا بتى وعلى بختك المايل

مجدى… امك عم تلقح في كلامها فى ايه

منى… بقولك يامجدى امسك الشنطه بتاعتي دي دقيقه كده عقبال ما اجيب حاجه هنا من المعرض واجى

مجدى. طب ما انا ادخل معاكى

منى… لا انت خليك هخد داليا ومشيت

نجوى…. انت كمان هتشلها الشنطه بتاعتها

مجدى…. وفيها ايه مش اخواتي

نجوى…. وانا على فكره عروستك اللي ما بقلهاش شهر متجوزه وملقحني وراك وقاعد حاطط دي من هنا ودي من هنا لو حد شافني بالمنظر ده الناس تقول عليا ايه مغصوب عليا

مجدى….. لاه يا بت الناس والله بس انا ابويا وامي ماتوا من زمان قوي واخواتي دول ما عندهمش غيرى وانا ماعايزهمش يحسو انك ختنى منهم مافيش راجل يرضى اهلو مع مرتو يتخانقو سوا كل دقيقه

نجوى….اه بس الراجل يرضى عادى لمرته يرميها الرميه اللي انت رميهالي شكرا يا ولد الاصول

مجدى… انتى رايحه فين

نجوى…. هستنى في العربيه ما ليش لازمه معاكم ابقى خليني في البيت احسن اقلو ماحدش يشوفنى

منى…. البنت الجاحده ما عايزاش اخونا يحط يده في يدنا مستكتراه علينا عايزه تقطعو غلاويه البت دي وصفراء مش بتاعه عمار بسكوت الشاي ده مشترينه من بره احنا بنعمله في البيت احلى ميت مره عندنا على صوانى الكيك

مبسوطه… خلينا في الحكايه

منى…. ايوه الحكايه بعد كده في مره كمان

منى… بنت يا نوجه

نجوى… عايزه ايه يا منى اقصرى الشر

منى… انى قولت ندردشو حبه ونبقوا خيات

نجوى… ايوه ما انا فاكره اخر مره بقينا اخوات فيها كانت يوم الشياطه لما شعللتى اخوكى عليا

منى.. انا شعللتو عليكى ولا انت شعلتي علينا

نجوى… قصره

منى… انتى ما حبلتيش يا بت

نجوى… يوه هو انا لحقت منكم ما انتو شندلتونى وبهدلتوني وخليتوا شهر العسل عسل اسود عليا وعلى اللي جابوني وما كملتش 20 يوم وسحلتوني

منى… شوفتى بتتحدتي ويانا ازاي وتقولي مش صبايا معايا

نجوى… انتى عايزه ايه ما تنيلتش على عينك ارتحتي

منى… ليه

نجوى… زي الناس ربنا لسه ما رادش

منى… يعني العيب مش من اخويا يبقى العيب عندك وانا بصراحه عايزه ابقى عمتو الحربايه وانتى شكلك كد ارض بور وماهتخضريش واصل

نجوى… غورى يا منى وامشي من هنه بدل ما اقوم اديكي باللي في رجلي وأنحل شعراتك شعره شعره كيف ما بيريشوا البطه

منى… بالشبشب يا قليله الربايه يا عايبه

مجدى… بس يا جماعه انتوا بتتخانقوا ليه

نجوى… لم اختك حكم كيلى طفح منيها

مجدى… طب خلاص يا منى استهدي بالله واعقلى

منى…. هو ايه اللي تعقل منى هي اللي بتقول انها طافح منها الكيل تقوم تقولي اهدي يا منى هو انا اللي طفح بيا ولا هي اللي طفح بيها

مجدى… طيب خلاص سيبوا بعض

نجوى… انى هجيبها من شعرها المعفنه دى

منى… انت سمعت بتقول عليا معفنه

مجدى… بس عاد انى راجع من شغلى حيلي مهدود انى لا عايز ازعلكم ولا عايزه ازعل مرتى وكل شويه ارجع الاقيكم شابطين في بعض كيف الضراير

منى… خلاص سكتنا اهه مره كمان جت عندنا امها في البيت

نجوى… اهلا ياما تعالى ادخلى وطي التلفزيون يا منى حبه عشان احنا عايزين نتحدتو

منى… بسمع المسلسل يعني اضيع الحلقه عشان امك جايه

سعاد… من باب الادب يعني تطفي الزفت ده وتقعدي معانا

منى… وانا مالي واحده وبنتها حاطين روسهم فى روس بعض وقاعدين يتنقمروا بصوت واطي يبقى ما عايزينش اسمع اللي بيقولوه

نجوى.. ليه هنتكلمو على ايه يعنى

منى… عليا وعلى اختي وعلى اخويا اصلكم ما لاددش عليكم الحال من ساعه ما اخويا قالكم ما ههملش اخواتي وهنتجوز في نفس البيت وانتم مكلاكم النار ما عيزانهوش يقعد معانا ومستكترين اخونا علينا يا جاحدين

سعاد.. تصدقى انك ماتربتيش

نجوى… تتكلمي وياي ماشى لاكن مع امي تقعدي عوج وتتكلمي عدل

منى… لا يا حبيبتي انا اقعد عوج وانام كمان واتكلم عوج وانام في الكلام انتى ما لكيش دعوه امك لو عايزه تطلعيها شقت اخوى اللي بنيها بفلوسه وتعبه وحرمتينا طلعتها طلعي امك فيها وربعيها

نجوى… انا قعدتها معاكم اهو ما حدش فيكم عملها زين

منى… ليه يعني مش قعدناها على الكنبه وقلنالك روحي اعمليلها حاجه تشربها نعملها ايه زين يعني نقعدوها على روسنا

سعاد… سلام يا بت

نجوى… استني ياما

سعاد… ما مستنياش لما تبقي تعوزى تشوفينا ابقي تعالي شقي علينا ولا ما تجيش

نجو.. مجدى اخواتك مشوا امي من البيت اني كل اللي فات ده كنت باجي على نفسي فيه عشان خاطرك عشان مش عايزه ازعلك عشان شايفه ان ما فيش في يدك حاجه لكن دلوكتي توصل انهم يمشو امي لا انا ما هتحملش امي ما تجيش تزورنر ويبقى حرمان على امي بيتى البيت اللي امي تمشى منه انا كمان امشى منه جيبلي بيت لحالي

مجدى… بس انا قلتلكم من الاول ان انا ما هقدرش اهمل اخواتي من يوم قرايه الفاتحه

نجوى.. وقتها كانوا عاملين يزغرتوا وفرحانين وعم يرقصوا والحلوه اللي خدناها ودلوقتي بقيت الكخه اللى لبسناها

مجدى… والله لسه بيغنوا الحلوه اللي خدناها ايه والله انا لسه سامعها اختي الصبح وهي بتغنيها كانت بتقول

عميا ومش بتشوف…. خدناها بالشلوت…. جربه عايزه صابون ولوف… الحلوه اللي خدناها

نجوى… انت بتهزر ده وقت تهزر فيه انا يا تجبلى شقه واقعد لحالي يا اما تروح لحالك وروح لحالى ده اخر كلام عندي يا مجدي

منى… بس يا خالتي وقعدت تقوله دول مو امي يا مجدي شفتى الاستاذه ريم مصطفى في مسلسل سيد الناس لما بقت تقوله انت اللي قتلت ابنى يا مجدي اهي عملت زيها وقالتله دول مشو امي يا مجدي دلوقتي اخوي زعلان عليها قوي وناوى يمشى

مبسوطه. طب دلوقتي انا عايزه اسال سؤال مرات اخوك مشيتيها ليه ليه طلعتى روحها لحد ما خليتيها تقول انها عايزه تقعد في بيت تاني ليه لما تخرج مشوار انتو تمسكو اديه وتسيبوها لحالها هي مرتو تمسكى انتى ايد اختك وتمشي قدامهم كده ولا وراهم وهم يمسكوا ايدين بعض ويمشوا جنبكم عارفه اخوكم هيحبكم اكتر لما تعملوا كده ما تتحشروش بدل ما مراته تفضل تزن عليه ويكرهكم بسببها وهي لما تلاقيكم حلوين وما بتعملوش حاجه وقاعدين في حالكم هتسخن اخوكم ليه هي مرتو دي لسه ما اتطلقتش منه

منى… لا لسه قاعده متبته فيه ما راضياش

مبسوطه… تبقى اصيله وبنت ناس وعايزه تعمر ده انا لو مكانها اقسم بالله كنت طفشت تروحي عند مرات اخوكى اللى محلتكيش غيره وتستسمحي امها اللي انت هزقتيها في بيتكم يا قليله الادب عشان هي اكبر منك انتى عروسه ما شاء الله وحلوه دلوقتي تتجوزي واختك بعدك على طول هتحصلك وهو هيقعد لوحدو سيبولو البت اللي حبها واللي بتحبه

منى… عندك حق هروح ارجعهاله عشان هو اصلا زعلان عليها

مبسوطه… لازم يزعل بعدين انتى مالك انت حبلت ولا ما حبلتش وارض بور ولا ارض زراعيه مالك بشياطه الرز بتاعتها ومالك ب مخرطه البصل بتاعتها ما تجيبي حاجتك اخوكى ما شاء الله مديكم الفلوس ومش منقصكم حاجه زى ما كنتو بتطبخو قبل ما تاجى خليكى في نفسك ملكيش دعوه بمرات اخوكى عشانو مش هتنقصى حته اما تتاسفى

منى .. حاضر يا خالتي هروح

مبسوطه… والله في الحالات دي ما بيصعب عليا غير الراجل تلاقيه مقسوم اتنين كده بين مراته وبين اخواته

الفصل التالي اضغط هنا

يتبع.. (رواية خالتي مبسوطة) اضغط على اسم الرواية لتجد الفهرس كاملاً بجميع الفصول.