رواية خالتي مبسوطة – الفصل الرابع
مبسوطه… ايه يا بت الدلع ده ايه كل المكياج اللي انتى حاطاه ده بقيتي شبه عروسه المولد
سعيده…. مش العريس جاي يخطبني يا خالتي
مبسوطه… اموت واعرف وقعتي عليه فين ده
سعيده… فى السوق يا خالتي وانا بجيب الخضار وقالى اسف معلش عرفت انو بيحبنى وعينو منى يعنى ساب كل البنات اللى فى السوق وخبط فى انا هاها قديمه معروفه طبعا ده حب المهم يا خالتي زي ما فهمتك ظروف العريس مش قد كده بلاش الطلبات اللي تعجز بتاعتك دي
مبسوطه…. ليه تعجز يا اختي ما هي زي طلبات كل البنات
سعيده…. يا خالتي انا مش عايزه طلبات زى طلبات كل البنات انا عايزه ابقى زي كل البنات وكل البنات اتجوزوا وانا لا خليني اتجوز بقى زي كل البنات
مبسوطه…. كل البنات اللي اتجوزوا طلبوا
سعيده…. انا مش عايزه حاجه خالص بصي الحاجات عاديه لا انا راضيه بدبله
مبسوطه…. دبله انا نفسي اعرف انتى طالعه مدلوقه كده لمين دي امك كانت تقعد كده وتنقي
سعيده… يا خالتي مش لما يكون في اللي يتنقى منهم ده هو واحد كدا غلطه عشان خاطري والنبي يا خالتي سلكيها يا خالتي مش تعقديها
مبسوطه… ما قلت حاضر
سعيده… وصل يا خالتي وصل اما اروح افتح
مبسوطه شدتها من شعرها سحبتها لورا
مبسوطه… خدي تعالي هنا ما تطلعيش من المطبخ انا اللي هروح افتح وانا اللي هقعد معاهم مش عايزه المح طرفك في الصالون تجيبى القهوه وتنكشحي تاني
وراحت مبسوطه فتحت الباب وكان الشاب وامه
مبسوطه…. اهلا وسهلا اتفضلى يا اختي
امه… ازيك يا خالتي مبسوطه
مبسوطه….. خالتك جاكى وجع فى لسانك اتفضلي
دخلو
امه…. انتى طبعا عارفه احنا جايين ليه احنا جايين نخطب بنتكم سعيده لابني مودى ربنا يحميه
مبسوطه…. تشرفنا يا اختي
امه… بس انا ما كنتش شفت سعيده ما اعرفش اذا فيها مواصفات البنت اللي تنفع ابني ولا ما عندهاش
مبسوطه…. امم وايه المواصفات اللي تنفع البيه ابنك يا اختي
امه…. اول حاجه عايزينها تكون جميله جدا تاني حاجه لازم تكون بتعرف تخدمنى وتعرف تلبس وتكون بيضه وشعرها طويل واسود وتعرف تكنس وتمسح وتطبخ وتغسل وتروق ولو بتعرف تشتغل علشان تشيل مصاريفها
مبسوطه… وترد المطلقه وتجلب الحبيب وترد الغايب لامه ايه يا اختي مش عايزه ليها اجنحه وبتطير زي سوبر مان
امه… ايه الكلام ده الصفات دي موجوده في كل بنت عندنا في العيله هو بس ابني اللي سابهم وقال ايه عايز بنتكم
مبسوطه… اه اللى ما سمعت صوته من ساعه ما دخل جايبلي شعره على جنبه وقاعد مع نفسه كدا لعله خير يا ختى
امه…. اه اصل ابني مش بيتكلم
مبسوطه… اخرس
امه…. لا هو مش بيتكلم في وجودي
مبسوطه… يا مصبتى ابن امه
امه…. نعم
مبسوطه… خليكي هنا يا وليه
ودخلت المطبخ عند سعيد
مبسوطه….. الناس قالت ابن امه لا ابن امه لا الجيش ما اخدهوش تاخديه انتى تعملي بيه ايه يا مسخوطه انا همشيهم
سعيده…. انا راضيه بابن امه انا هحبه وهحب امه
مبسوطه…. جاكى وجع في قلبك تحبي مين انتى مش شايفه شكله
سعيده… يعني هو انا لقيت الحلو وقلت لا
مبسوطه… يا بنت هو انا بطفى السجاير فى قفاكى هنا
سعيده…. لا يا خالتي انا ما ليش دعوه انا عايزه
مبسوطه…. ما ترجعيش تبكي
سعيده… مش هبكي
مبسوطه اخدت القهوه
مبسوطه…. اتفضلي القهوه يا اختي اه مواصفات اللي انتى عايزاها لابنك تمام ناجى لطلباتنا بقى
امه… لا هو انتم هتطلبوا كمان انتوا اصلا تطولوا ان ابني يجيلكم
مبسوطه…. ايه اطول واطول اطول منه كمان ده عامل زي عود القصب المخوخ كمان
امه… لا لا لو سمحتى ما تغلطيش في ابني
مبسوطه….. طب يا اختي شقته كام اوضه كم صاله
امه….. انا ابني حبيبي هيجي يسكن معاكم
مبسوطه…. يسكن معنا فين مؤاخذه
امه… هنا في شقتك علشان ابني ما عندوش شقه مش كده ولا ايه يا مودي يمع خالتك صوتك
مودى…. انا ما عنديش امكانيات اجيب شقه
مبسوطه… ما معروفه يا اختي عند كل الناس العريس هو اللي بيجيب الشقه ما عندوش امكانيات استني لما يبقى عنده.
امه… ده عند الناس علشان هي هتاخد اي ولد عادي اما هى هتاخد ابني مودي
مبسوطه…. مودي ده بيشتغل ايه يعني ما خدتش بالي معلش
مودى…. لا انا ما بشتغلش يا طنط
مبسوطه…… يا حلاوتك امال بتصرف منين
مودى…. لا ما هي سعيده قالت عندها ورث من مامتها ومعاها فلوس
مبسوطه…. يعني سعيده هي اللي هتصرف عليك
مودى….. ايه تصرف عليا دي انا ما سمحلكيش انا لا ممكن اعيش من عرق واحده ست هي سعيده هتصرف على البيت وانا هعيش معاها في البيت
مبسوطه… يعني هي بتصرف على البيت مش عليك
مودى… لا بتصرف على البيت
مبسوطه…. امشي اطلع بره انت وامك
جات سعيده….. انتى بتعملي ايه يا خالتي عشان خاطري انا هاخده معايا في اوضتي ده نسمه مش هتحسي بيه شوفي حتى نسمه بذمتك انتى حسيتي بوجوده
مبسوطه… ماهى دى المصيبه ما فيش شخصيه
مودى… من الواضح كده ان خالتك مش عايزه الجوازه وبتحاول تخربها
سعيده…. خالص يا مودي لحظه بس انا هحاول معاها تعالي يا خالتي تعالي
ومشيو بعيد
مبسوطه…. يا بنت انتى ازاى تقوليله عندي ورث ورث ايه اللي عندك ده احنا اغلى حاجه عندنا الانتريه
سعيده… اعمل ايه يا خالتي مش عشان اتجوز
مبسوطه… هنصرف على الشحط ده منين واحنا لاقيين ناكل
سعيده… عشان خاطري يا خالتي والنبي
مبسوطه… حاضر
وطلعت
اهلا وسهلا يا حبيبي الشبكه المهر طيب
مودى…. خالص انا ما عنديش الحاجات دي
مبيوطه….. نعم يا نن عين امك يعني ايه مش هتجيب دهب ولا مهر امال ايه دورك في الجوازه
امه….. هتبقى مدام مودي والله ده ازا عايزين عريس
مبسوطه….. والله احنا عايزين عريس نجوزهولهم هما الاتنين
مودى…. ايه دا خالتك بتغلط فيا انا حسيت ان في غلط في الموضوع
سعيده… لا يا مودي هي ما تقصدش يا خالتي براحه شويه الله
مبسوطه…… يا بنت لا شبكه ولا مهر ولا شقه امال هيعمل ايه
سعيده…. هيدينى اسمو
مبسوطه… سم يسمكم انتوا الاتنين يا بعيده
مبسوطه… ما ينفعش يا حبيبي لازم تدفع مهر رمزي كده اي حاجه لازم تجيب شبكه برده اي حاجه
مودى… هجيب دبله عشان عيونك يا سعيده
سعيده… تسلم يا مودي
مودى… طيب عن اذنكم نستاذن احنا الخميس الجاي ان شاء الله هنيجي نلبس دبل بس هكلم سعيده دقيقه لوحدنا
وراح معاه عند الاوضه
مودى… انا ما عنديش امكانيات اجيب دبله انا مش عايز اضيعك مني خالتك بتعجزني
سعيده… قلعت السلسله بتاعتها واديتهاله
وقالت… خد بدلها بدبله خلينا نتجوز
مودى… ما احبش اخد من عرق واحده ست
سعيده… يا مودي عيب عليك انا ايه وانت ايه يا حبيبي
مودى…. اوكي بس انا كنت عايز اجيبلك هديه في الخطبه كده قدام الناس وتقولى خطيبى جبلى فاهمه
سعيده…. طب لحظه
وجابتت غويشه وادتهاله
وقالت.. بيع دى وهات وانجز في الجوازه خلينا نخلص هو انا مش محولالك فلوس على المحفظه قد كده عشان تجيب شيكولاته غاليه وانت جاي ما جبتهاش ليه
مودى…. اه لقيت المحل قافل كان لازم يعنى
سعيده…. لا خلاص مش مشكله
مودى.. اوكي يلا يا مامي
بقلمى جيجى
امه….. يلا يا حبيبي
مبسوطه قفلت الباب
وقالت…. اوف هتاخدي ايه فيه
سعيده… اهو راجل وخلاص يا خالتي بيقولو ضل راجل ولا ضل حيطه
مبسوطه… طب دا الراجل ايه دخل الراجل فى مودى بتاعك ده حيطه تميل عليكى وعليه في ساعه واحده
سعيده…. معلش يا خالتي بقى عديها وحياه امك
مبسوطه….. ده طمعان فينا
سعيده… يا خالتي مش طمعان ولا حاجه
مبسوطه…. دا جاي بايده فاضيه
سعيده… معلش اصل المحل قافل
مبسوطه… هو محل واحد في البلد روحي نامي عشان بكره هتروحي تجيبي الدبل انا اول مره اشوف كدا
سعيده…. عشان انا مميزه يا خالتي
مبسوطه… يعني مش عشان واقعه وراضيه باي حاجه
سعيده… تؤ تؤ عشان انا مميزه
مبسوطه… نامي عشان ما اقلعش اللي في رجلي وانسره على دماغك روحى
تاني يوم الصبح كانوا في محل الذهب
مبسوطه…. الدبله دي حلوه
مودى….. لا دي تقيله جدا يا خالتي عايزين حاجه اخف شويه فلوسى خلصت
مبسوطه… في ايه يا حبيبي هو احنا اشترينا عشان الفلوس تخلص انت مش هتجيب حاجه غير الدبله ده انت حتى محبس يحكم الدبله ما جبتش
سعيده…. يا خالتي مش لما اتحكم انا الاول
مبسوطه…. على رايك صدقتى يعني لا هتجيب شقه ولا هتجيب مهر ولا حاجه ومستكثر حته دبله زي الناس يا ابنى الناس تقول ايه
امه…. الناس هتقول اخدت راجل بدل ما هي قاعده لوحدها كده انتى دخلتى ال 30 يا بنت ولا لسه
مبسوطه… يا اختي ما تقعد ان شاء الله 50 حد قالك قاعده في الشارع ولا مش لاقيه تاكل
سعيده… 50 يالهوى يا خالتي انا لسه هستنا 50
امه… احنا دي امكانياتنا لو عاجب
سعيده…. لا عجبانه عجبانه جدا ما جتش على الدبله يعنى
مودى….. هاتي ايدك يا سعيده انا البسهالك
سعيده….. خد يا مودي
مبسوطه…. هرجع يا محنو
مودى…. انا هخلى الدبله معايا لحد يوم الفرح
سعيده.. مودى تعال دقيقه
بعده شويه
سعيده….. يعني ايه الفلوس خلصت امال الحجات اللي انا مدياهلك امبارح وديتها فين
مودى…. قاعده يا حبيبتي مش هجيبلك حاجه في الفرح هديه واعملك فرح كبيره كل الناس تحضره
سعيده…. ماشي يا مودي
مودى…. طيب نستاذن احنا بقى باي
مبسوطه…. الواد ده طمعان ومش هنقدر نلمه بعد كده علشان انتى قاعده تقوليله معلش معلش خلاص معلش على كل حاجه ليه كده ايه يعني ما اتجوزتيش
سعيده… يا خالتي عايز اتجوز زي البنات يا خالتي انا بقولك الود عاجبنى قوي يا خالتي لو ما تجوزتهوش يا خالتي هرمي نفسي تحت العربيه
مبسوطه….. عربيه تاخدك وتاخد خالتك عشان ترتاحي يلا نروح قاعد في شقه امه لا عنده بيت ولا عنده نيله يلا نروح
ورجعو البيت
مبسوطه… بنت يا سعيده
سعيده… ايوه يا خالتي يا حبيبتي ياللى هتجوزيني
مبسوطه…. فين يا بنت السلسله اللي كنتى لابساها امبارح وفين الغويشه انا جيت افتح الدهب بتاعك عشان احط لك الخاتم اللي امك كانت موصياني البسهولك يوم فرحك احطهولك مع الذهب ما لقيتش لا السلسله ولا الغويشه
سعيده… ما هو انا يا خالتي اصلي
مبسوطه… اه ويعني اوعي عارفه اوعي
سعيده… يعني بصراحه يا خالتي كده اديتهم لمودي عشان يجيبلي دبله لانه مش معاه يجيبلي دبله
مبسوطه….دبله بثمن غويشه وسلسله يا اللي تنشكي
سعيده…… لا يا خالتي ما هو هيعملي فرح حلو وهيجيبلي هديه يوم الفرح يا خالتي
مبسوطه.. يا لهواتينى ياختاااى
سعيده…. ليه كده هو ان شاء الله هيجيبلي حاجات حلوه بس هو مش معاه
مبسوطه…. هو طمعان يا بنت الموكوسه قومي تعالي معايا ورينى بيته
سعيده… لا يا خالتي مش هينفع
مبسوطه… تعالى معايا بدل والله العظيم انتف شعرك زي البطايه شعرايه شعرايه وابلغ البوليس واقول ضحك عليكى وانك فاقده الاهليه ولو جده يكدبنى يلا
سعيده….. حاضر يا خالتى
ومشيو خبطوا على الباب فتحتلهم بنت فى العشرين ومعاها ولدين صغيرين
قالت….اهلا وسهلا
مبسوطه…. عايزين مودي الزفت انتى مين
البنت… انا مراته ثواني اناديهولك
مبسوطه… تعالي انتى قولتى ايه مراته طلع متجوز
سعيده….. مش مهم يا خالتي يمكن عايز يتجوز على مراته وما قايلهاش ما لناش دعوه معلش يا خالتي بقى هنعمل ايه
مبسوطه….. عمله تحيرك يا بعيده روحي يا بنت اندهيلي مودي ده
طلع مودى ومبسوطه مسكت فيه
وقالت… دهب البنت يا واطي والا والله العظيم افرج عليك الشارع
مودى…. دهب ايه انتى بتقولي ايه اصلا
مبسوطه…… الدهب بتاعها اللى لهفته من البنت يا اونطجي يا بتاع التلات ورقات الدهب يطلع والا قسما بالله افرج عليك الناس
بس البوليس جيه
… انت مطلوب القبض عليك في تهمه احتيال
مبسوطه…. انا كمان هتهمه كنا بندور عليه اخد دهب بنت اختي يا باشا هاتهولنا
بقلمى جيجى
الضابط….. انا مش عارف انت بتضحك على البنات ازاي دى البنت السابعه اللي تيجي تقدم فيك بلاغ فتش يا ابنى البيت ده
العسكرى…. لقينا كل الحاجات دي يا باشا
الضابط… شوفي يا خاله دهب بنتك هنا
مبسوطه…. ايوه هم دول صح الخاتم ده عاجبني قوي بس خلاص دول بتوعي بس
الضابط… طب روحي من هنا وما تمشوش ورا النصابين تاني
مبسوطه… اطلعى قدامي
سعيده…. حبسك قد ايه يا مودي
مبسوطه… تعالي هنا مودي في عينك انا اللي غلطانه ان انا ماشيه ورا عيله زيك وقاعده اقولك حاضر ومعلش فيها ايه يعني لما ما تتجوزيش فيها ايه يعني لما تقعدي معايا كرامتك احسن ما تاخدي واحد يهينك وجع صبرك ولا ندمك على سوء اختيارك يا هبله يا موكوسه
سعيده… اعمل ايه يا خالتي كنت عايزه اتجوز بس انتى برده عندك حق كان في مثل بيقول القطر يفوتك احسن ما يدوسك معلش بقى بسبب موضوع الجواز ده كنت هضيع نفسي يا خالتي
مبسوطه… يا مسهل العقل ده يفضل لحد بكره الصبح
سعيده….. لا خلاص يا خالتي توبه
مبسوطه….. طب يا اختي اتفضلي
ركبو التاكسي والسواق قال… على فين
سعيده… بقولك هو انت متجوز
. لا والله لسه بندور على بنت الحلال
سعيده… هو انت عايز فيها مواصفات ايه يعني
مبسوطه….. يا مصيبتي نزلني يا اخويا نزلني هنا
سعيده…. في ايه يا خالتي استنيتيني
مبسوطه… رفعتى ضغطى الاهي يرفع ضغطك
الفصل التالي اضغط هنا
يتبع.. (رواية خالتي مبسوطة) اضغط على اسم الرواية لتجد الفهرس كاملاً بجميع الفصول.