رواية خالتي مبسوطة – الفصل الثامن
سعيده… اه يا حظى
مبسوطه… فى ايه يا بت
سعيده… واحد بيبع مناديل فى الاشارات اخدت منو كل المناديل اللى معاه واديتلو فلوس كتير واخدتو اكلتو فى مطعم جميل وفخم جبتله لحم وفراخ وحجات كتيره بس ماكنش بياكل بيبصلو بس
مبسوطه…. اه لازم صعب عليكى عشان كدا بتعيطى
سعيده… لا صعبت عليا نفسى قالى ممكن تليفيلى الاكل هاكل مع مراتى وابنى واخد الاكل ومشى وانا قاعده بمسح دموعى فى المناديل اللى اشتريتها
مبسوطه… ايه اللى زعلك ربنا يوسع على الناس انا فخوره بيكى
سعيده… ما انا كنت هجيبو يعيش معانا ونتجوز طلع متجوز ومخلف واما قولتلو قالى هو انا لاقى اوكل واحده عشان اتجوز اتنين وسابنى ومشى
مبسوطه… هتتجوزى شحات يا سعيده..
سعيده….. ومالو يا خالتى مش راجل
مبسوطه…. انتى جايه فى اى حاجه فيها الروح هتشل يا ناس يا لهوى
سعيده…. يعنى ايه مش هتجوز انا ولا ايه يعنى
مبسوطه… داهيه تاخدك انتى واللى عايزه تتجوز واللى اتجوزو كمان يا سعيده غورى يا بت من هنا
سعيده… الباب يا خالتى روحي شوفي مين انا ما ليش نفس تعبانه ومقهوره يا سعيده يا حظك الوحش حظى عكس اسمي الاسم ده اهلي هيتحاسبوا عليه انا بقولك اهو
مبسوطه…. انا هقوم افتح الباب وانتى قاعده انتى شكلك شبشبى وحشك يا سعيده لا يا حبيبتي جعفر جاهز في اى لحظه فزى افتحي الباب
سعيده فتحت… وكانو ست فى الاربعين وبنت فى العشرين… ده بيت خاله مبسوطه
سعيده… ايوه اتفضلي هي جوه يا خالتى واحده ومعاها واحده
الست… انا هدى ودي بنتي مروه مطلعه عيني مش راضيه تتجوز يا خالتي كل ما يجيلها عريس ترفض كارها الرجاله انا مش عارفه هي كارهه الجواز والرجاله كده ليه ممكن اعرف عندها ايه
مبسوطه.. عندها حق يا ختى عادي ما هم الرجاله اساسا يتكرهوا
هدى… وخلقها ضيق ولسانها طويل
مبسوطه… عشان انتى ما ربيتيهاش والله ما ربتيها لو ربيتيها ما كانتش تتكلم كده بس انتى جايه ليه هو انا خاطبه
هدى… هنحكيلك اللي حصل معانا وتقوليلي انا اللي على حق ولا هي اصل احنا مختلفين وجبتهالك عشان تسمع منك
مبسوطه.. احكى واحنا ورانا حاجه يا اختي ادينا قاعدين
هدى.. ابن خالتها حلمى شاب حليوه وامور خليها هي تقولك بنفسها على اللي عملته فيه لما جه عندنا ناقصو ايه
مروه… ده ابن اختك ده شبه صراصير البلاعات ولزقه الصراحه اللى حصل…
حلمى… اتفضلى يا مروه انا جبتلك ورد حلو قوي بس مش احلى من عينيكى
مروه…. تشكر والله بس انا ما بحبش الورد
حلمى… ايه ده حقيقي طب انا جبتلك خاتم دهب جميل لايديك النعمه دى
مروه… معلش انا اصلي صوابعي مفرطشه فوق فلما باجي احط الخاتم فيها بيزنق من فوق اول ما هوب ينزل تحت يبقى واسع ليه صوابعى مفروشه من فوق وصغيره تحت شبه قرطاس اللب
حلمى.. لا والله ايدك شكلها جميل
مروه… بتقلب بالليل
حلمى… طب انتى ممكن تشوفي حاجه وانا اجيبهالك فستان مثلا يعني
مروه… لا انا ما بلبسش فساتين ما انت شايف استايلى كاجول الفساتين دي بتاعه البنات النوتي المدلعه دي انا ما ليش في الجو ده
حلمى… ايه ما لكيش في الجو ده يعني انتى مش من الصنف يعني
مروه… اما انت قليل ذوق بصحيح بقى انا مش من الصنف…… يا كمالت عدد على الرجاله…. يا فرخه مش من غير شوايه….. يا سحر من غير دجاله….يا خضره من غير شواله…. يا اللى ما عندكش نخوه يا عره الرجاله…
حلمى…. انتى بتشتميني كمان على فكره انا هقول لخالتي
مروه… قول… لخالتك يا حبيب خالتك وانا هخاف منك ولا من خالتك
هدى… ايه ايه يا ولاد في ايه صوتكم طالع ليه
حلمى بحزن…. انا مش عارف يا خالتي انت بتجيبيني ليه لما بنتك مش عايزه تتجوز ولا مرمطه وخلاص
هدى… وبعدين معاكي انتى بتعملي كده ليه
مروه…. عشان ده مستفز وتافه انا لما اتجوز اتجوز ده ده قد المسؤوليه
هدى… يا بنتي هو انتى جربتيه عشان ترفضي حرام عليكى هتشليني انا مش عارفه انتى بترفضيهم ليه
حلمى…. انا ماشي يا خالتي لو غيرت رأيها ابقى كلميني
…….ومشى….
مروه… الكرامه في ذمه الله… وقعدت وبقت تقلب فى الفون
هدى… كده يا بنتي حرام عليكى عذبتيني طلعتي عينى ترفضيهم ليه طيب لو بتحبي حد قوليلي انا امك حبيبتي بير اسرارك ده انا اقسم بالله لو قلتيلي على الواد اللي انتى بتحبيه والله ما هقول لابوكى حاجه بالعكس انا هفهمك انا ستر وغطى عليكى… ايه اللي في التليفون ده يا بنت
مروه.. في ايه
هدى… مين الواد ده ياللي اهلك ما جابولكيش بجنيه ونص تربيه تعال يا ابو محمود تعال شوف بنتك معاها صوره ولد على التليفون
مروه…ماما كفايه فضايح وطي صوتك الجيران هتيجي مش ابو محمود
هدى… مش كفايه وانا بكلمك بتفتحي التليفون كمان بتلاغيه اكمني يعني مش هعرف اقرا لا يا حبيبتي محمود تعال شوف اختك
محمود.. ايه الجيران هتيجى تشوف اختى وهى اختي معاها صوره ولد على التليفون وطي صوتك عيب كده
هدى… بقولك اختك معاها ولد على التليفون تقولي عيب
محمود… ماما مين الود فينو
هدى… يا واد اهو ما انتاش شايفه ابو شعر كتير ده اللي في الشاشه
محمود….. اختي مصاحبه الواد ده
هدى… ايوه وبتكلموا على التليفون ولا انا بتبلى عليها
محمود… لا هي لو بتحب ده حقيقي تتوكل على الله مش انا ولد بس اكرشيت عليه لو بتحبو تتوكل على الله انتى عارفه مين ده اصلا ده ما يمسحش جزمته كده وهو معدي على اختى مش يحبها وبعدين ده متجوز وعنده بنت قدها
هدى… يا فضيحتي كمان بتحبى واحد قد ابوكى
مروه.. بس حلو
محمود.. هو الصراحه حلو يا ماما بس مستحيل اختي تحب ده ده راجل كبير ده ده اصلا مش من هنا
هدى… قولي بقى وانتى قاعده تطلعي القطط الفطسه في كل العرسان مين ده يا بنت انطقي
محمود.. خلينى اخلص الجمله ده ممثل هندي والخبر نازل على الفيس اعلان فيلمو الجديد جيه وهى بتقلب عادي مش صفحتها ولا اي حاجه خالص
هدى…. ده ممثل هندي يعني ده مش واحد هي بتكرش عليه
محمود… لا هو من ناحيه الانكراش فهو في انكراش انا شخصيا منكرش عليه عادي بس ده شاروخان يعني ازاي حضرتك اصلا ما عرفتيهوش
هدى.. انا مش بتابع
مروه….. لا هو بس جاي عشان هي لسه قايله ان انا لو بحب واحد هتخبي عليكم بصراحه وتدارى وتستر
محمود… لا من ناحيه سترت فهي سترت ما فضلش غير بيتين بس في الحاره اللي ما يعرفوش ان انتى بتكلمي ولد انا بقى هنزل اقولهم عشان تبقى الحاره كلها عرفت
هدى… بس ياض بطل غلاسه روح… خلينى اكمل كلام مع اختك
مروه…. خلاص كده انا الموقف ده كفيل ان انا ما صدقش اي حاجه خالص تقوليها تمام
محمود… امي يا حبيبتي ريحي نفسك هي والله العظيم ما بتحب حد انا ابصملك واختملك وامضيلك على الموضوع ده دي اصلا خلقه حد يحبها ولا حد يبصلها فاكيد ما فيش حد نامي وفي بطنك محصول البطيخ الصيفي كله قبل ما يخلص احسن خلاص الشتا داخل علينا انا وطيت المروحه درجه ومن الصبح مشغل الاغاني ونازل رقص احتفالا بذهاب الصيف الحار
هدى.. يلا يلا من هنا ياض اوف….. ومشت ابن اختي قفاه يقمر عيش ليه كده بتعمل فيا ليه
سعيده… عشان جاحده بنتك جاحده والله انتى جاحده انتى عارفه ان حلمى ده كم واحده متمنياه
مبسوطه… اهدي يا سعيده يا حبيبتي احنا هنسمعها مش هناكلها
سعيده… عصبتني
مروه… ياخدوه مالها دي
مبسوطه… دي..دى هتموت على جزمه الولد اللي معاكي بس كملي يا اختي عشان ممكن تتحول وانا مش هقدر اسيطر
هدى.. اخواتى وعيالهم جو عندنا…
مروه… بقولك يا خالتي بطلي كل يوم تزني انتى وخالتي على امى فى موضوع جوازنا انا وابنك او ابن اختك حلمى زفت يعني مش لازم يعني انه ابن خالتي هو يتجوزني هو ابن عمي هو يتجوزني لا مش لازم على فكره بطلت المواضيع دي من زمان
محمود… خالتى امى عيزاكى
وقعد جمب مروه وقال….. بقولك ايه لو مش عايزه واحد في اولاد عمك ولا اولاد خالتك يتجوزكى ما تتكلميش معاهم اقلعي الشبشب وانزلي على دماغهم من شويه بنت خالتي كانت نازله من الشقه عادي جدا وانا طالع لبسنا فى بعض. سندتها وبقولها… اسف قامت سندت على كتفى اديها بضرب بعيني كده الاقى دماغ امى لازقه في دماغ خالتي ونازله بقى… شوفي لايقين على بعض شبه مش عارف مين لما سند فلانه ولا علانه لما بصيت لفلان واتخطبنا في دماغهم واتجوزنا وخلفنا مروان ويارا حقيقي ده حصل في السنده بس فانتى لو مش عايزه هزئيهم …
مروه…… اكيد هعمل كده طبعا
حلمى جيه وقال.. مساء الخير يا ميرو
مروه… مر فى حلقك يا بعيد ايه كل ما تشوفنى تقولى مساء الخير ايه ده اوف
بقلمى جيجى
حلمى… انتى ليه كدا ليه ما تدينيش فرصه يعني ليه رافضه جربينى خطوبه طيب
مروه…. انا مش هتجوز حد تمام وطلعنى من دماغك اصلا انت او غيرك البنات كتير ما حبكتش عليا
هدى… شفتي البنت المفتريه على اللي بيقولها مساء الخير هزئتو قدام الناس وكسفتو
مبسوطه…. سمعنا وجهه نظرك وسمعنا مشكلتك نسمع مشكله البنت انتى يا ماما مش بتتجوزي ليه
مروه… اتجوز ليه انا قدامى بابا في البيت زعيق وخناق وخناق وزعيق على اتفه الاسباب البنت عايزه الشي الفلاني الولد عايز الشى العلاني….. انتى رحتي ما اعرفش عند مين انتى مهمله في البيت….. انت في الشغل وسايب عليا كل حاجه انت مش بتساعدني….. انتى لو مش قادره انا اتجوز تاني اجيب واحده تعمل البيت…. انت تتجوز تاني مش اما تتجوز اولاني لما تكفي بيتك ومصاريفك واولادك …. 24 ساعه في البيت ما فيش حاجه خالص حلوه كلو نكد نكون قاعدين كده انا واخويا في البيت نلاقى صوتهم على يتخانقوا رعب وانتى عايزاني انا اروح اعمل زيك اجيب اولاد اكئبهم انا وهما ليه انا ناقصنى ايه ما انا قاعده واكله شاربه نايمه لابسه وخلاص اتجوز ومرمطهم معايا لا انا حلوه كده
مبسوطه….. اه بس هي كده وصلت
هدى… اخص عليكى ازاي تقولي كده على ابوكى احنا متفاهمين هو بياجي من بره مضغوط ضغوط شغل ضغوطات تانيه يتخانق في البيت انا اتخنق من البيت ومن العيال ومن ده ومن ده بتخانق معاه ونتصالح في اخر الخناقه وما فيش حد فينا بيزعل انتى مالك بقى انتى ومالنا دخلك ايه انت في الموضوع
مروه…… ازاي مش انا اللي محشوره في النص وشايفه النموذج ده قدامي
سعيده…. فرجيها على مسلسلات تركيه يا خالتي زي بطل الحب الاعمى الله قد ايه كان بيحب البطله
مروه….. ده خيال انما اللي في الحياه كفيل انه يطفشنا
مبسوطه…. هو انا معاكي بانك طالما شايفه النماذج دي قدامك مش هتتجرئي تعمليها وتعيشي اولادك فيها ومش هنتدخل في المشاكل اللي بين مامتك وابوكي لان دي حياتهم الخاصه وهم حرين فيها وهي شايفه ان ده طبيعي حياتهم من يوم ما اتجوز بس انا هقولك على حاجه يا بنتي مش معنى ان ظروف امك كده يبقى كله كده في وفي انا مش هقولك اتجوزي ابن خالتك… امشى في الجنازه وما تمشيش في جوازه.. بس انتى ادي نفسك فرصه لو مش مع ابن خالتك مع غيره انما ما تقفليش من كل الرجاله يا حبيبتي غلط انتى لازم تتجوزي تجيبي اولاد وتعيشي وهو بيحبك عشان كدا مستحملك يمكن يكون كويس
مروه… اهى يمكن كويس دى اللي بتودينا في داهيه ولو ما كانش شاب كويس
مبسوطه… ربنا عمل الطلاق يا حبيبتي اتطلقى انتى هتعيشي في العصور الوسطى وتقولي الطلاق عيب جربي وادخلي في علاقه مش يمكن تظبط اتخطبى ياستى بلاش جواز عارفه انتى خايفه من التجربه صح
مروه… امم
مبسوطه… لا ما تخافيش اهم حاجه قبل ما تاخدي قرارك وتوافقى على العريس تصلي ركعتين استخاره اللي فيه الخير كله ربنا بيقدمو ربنا ما بيجيبش حاجه وحشه
مروه… تمام حدى ابن خالتي ده فرصه
مبسوطه… مش بقولك ابن خالتك بقولك اي راجل في الكوكب حاولي تدي نفسك فرصه مش ابن خالتك
سعيده….. اسمعوا كلام خالتي مبسوطه وما تدوروش وراها كلامها كله حكم ما فيش حد بيجي هنا الا ويطلع مرضى بس بقولك ايه لو ما ظبطش معاها ابن خالتها يا ريت حضرتك تكلميني ده الرقم بتاعي انا راضيه باي حاجه راضيه بالشوكه اللي في الورده مش بالورده نفسها ولو ضبط كلميلى محمود
مبسوطه…. خشى جوه يا سعيده خشي بدال ما اقوم ادخلك انا جوه… وانتى يا حبيبتي حاولي خناقاتك مع جوزك ما تبقاش قدام الاولاد ولا تدخليهم فيها جوزك بيخانق وبيرجع يصالحكم وانتم لوحديكم وانتى بتعدي وبتعزريه بس الاولاد ما بيشوفوش ده ما بيشوفوهوش وهو بيقولك معلش ما يهونش عليا انك تباتي زعلانه وقبل ما بينام بيصالحك ويراضيكى ويقولك معلش يا حبيبتي انا اسف على اللي حصل والله انا كنت مضغوط من الشغل لا ما بيشوفش الكلام ده بيشوفو اللي حصل قبل يبقى لازم نطلع ولادنا من الحاجات دي لما يبقى في مشاكل ما تبقاش قدام الاولاد
هدى… انا ما كنتش فاكره انهم بياخدوا فكره كده
الفصل التالي اضغط هنا
يتبع.. (رواية خالتي مبسوطة) اضغط على اسم الرواية لتجد الفهرس كاملاً بجميع الفصول.