رواية خالتي مبسوطة – الفصل التاسع
مبسوطه… عايزه ايه يا اختي
سعيده…. امثل في التلفزيون
مبسوطه… لا وانتى بتعرفي تمثلي يا بنت
سعيده… يا خالتي التمثيل ده موهبه جوات كل شخص فينا ،، اه مال ايه ،، يعنى انا لما اقوم ساكعه بت عمى قلم زمان واحنا عيال ،، واقول ما حصلش ويصدقونى مش انا كده ابقى ممثله شاطره.
مبسوطه… يعنى مش كدابه.
سعيده… يا خالتي ده مش كدب ده تمثيل ومن شطارتى فى التمثيل صدقونى .
مبسوطه… عشان ضربتي بنت خالتك ،، وقلتى مش انتى وعدوهالك تروحي تمثلي.
سعيده….. طب انا همثلك مشهد وانتى احكمي عليه
مبسوطن… ماشي.
سعيده بزعيق…. انت بتعمل فيا كدا ليه ،، انا اذيتك في ايه
حطت ايديها على جبينها وقالت بصطناع.
انت متغير معايا قوي.
بس نزلت ايديها وبصت للكنبه وقالت ….
كله بسبب امك يا هشام ،، انت متغير معايا بسببها ،، انت بقيت تعمل كده فيا بسببها ،، هي اللي وزتك عليا انا عارفه.
مبسوطه باستغراب….. هشام مين.
سعيده…. استني بس يا خالتي لسه المشهد اللي هيقطع القلوب المشاهدين.
ونطت على الكنبه ومسكت مخده وبقت تخنقها وتقول…….
هموتك يا حبيبى عشان اتغيرت.
مبسوطه خدت منها المخده وقالت….
اوعى كده سيبى المخده ،، طلعتى الفايبر من جواها ،، في ايه هشام مين ،، وبتخنقيه ليه هو اي حاجه بتتمثل ،، كلو عملت كده ليه ،، ايه اللي عمله يا اختي ؟
سعيده….. ما اعرفش ،، بس هما الرجاله اي حاجه بيعملوها بتبقى من ورا امهم ،، هي امه ،، امو اللي وزتو عليا انا عارفاها ،،
مبسوطه….. تمثيلك زباله ،، ويرجع النفس ،، اعمليلك حاجه تفهمى فيها ،، بلاش تفهمى انتى ما بتفهميش اصلا ،، اعمليلك اكله حلوه ولا كوبايه شاي وسيبك من التمثيل ده .
سعيده…. اصل انا امبارح ،، كنت بقلب في النت ،، ولقيت بطلين ،، كانوا ممثلين مسلسل سوا ،، واتجوزوا في الواقع ،، وكتبو لم يحصل عليها في المسلسل ولكن
،، حصل عليها في الواقع.
مبسوطه… حصل عليها ،، هم كاتبين حصل عليها.
سعيده…. فاز بها يا خالتى ،، بتدقى على حجات غريبه،، المهم انا بقى عايزه اروح امثل ،، يمكن انتشلى ،، مخرج ولا منتج ، ولا ممثل ، ولا حتى ريجيستير.
مبسوطه…… اه يعني انتى عايزه تمثلى ، عشان تتجوزي.
سعيده…. اه زي مي عمر كده متجوزه محمد سامي.
مبسوطه…. طب دى مي عمر ،، انتى بقى ،، المخرج هيتجوزك على ايه ،، خشي جوه ربنا يهديكى.
سعيده…. كده يا خالتي ،، الاحباط لما بيجي منك ،، يبقى بيوجع اكتر يا خالتي.
مبسوطه…. بهزر معاكي ، بس برده المخرج هيبصلنا على ايه ، احنا فقره.
سعيده… شفتي صدقتي ان انا زعلانه يبقى امثل ،، انا قدمت على اعلان وان شاء الله لما يتقبل همثل .. الباب بيخبط يكونش المخرج ،،
مبسوطه….. ارحم يا اللي بترحم ، المخرج هو اللى هيخبط عليها يشوفها.
سعيده.. فتحت الباب ،، وكانت بنت في العشرين قالت….
ده بيت الخاله مبسوطه
سعيده…. ايوه هو….. انتى… تبع التلفزيون.. يا شابه
البنت… تلفزيون ايه يا اختي انا عيشه ،، من الصعيد.
مبسوطه….. اهلا اتفضلي.
عيشه…. انا جايه احكيلك حكايتى يا خالتي مبسوطه ،، علشان الحكايه دي مهمه جدا ،، لكل الاهلي اللي بيسمعونا.. لان الاهلي دورهم بيفرق جدا في حياة.. الاولاد ،، وهو اللي بيحدد مصيرهم ،، يا اما يطلعوهم فوق السحاب ،، يا اما يشدوهم ،، لاخر القاع.
مبسوطه…… لا يا اختي ما تقوليش حكم ،، انا هنا اللي بقول الحكم ،، انتى تحكي حكايتك ،، وانا اقول الحكمه ،، في الاخر ما تبوظيش السيستم بتاعى.
عيشه… الحكايه بدت لما كنت في اولى اعدادي ،، رايحه مدرستى الجديده ،،وفرحانه زي كل العيال .. خلصت الابتدائي وداخله على مرحله جديده ،، بس اللي حصل كان غير. رجعت اول يوم من المدرسه وقلت لامي….
لاما عايزاش اروح المدرسه يا اما ما عايزاش.
حسنه….. احسن ،، اطلعي فطرى الطير ،، ومعايا الغسيل انشريه.
عيشه… حاضر ياما.
وطلعت فوق السطح تنشر الغسيل ،، وكان بيتهم قريب شويه من المدرسه ،، بصت علة الاولاد بدموع ، بس سمعت صوت امها بتقول…..
ما تيلا يا بت ،، ساعه عندك الشمس هتحرقك ،، وانتى مش ناقصه حرقه ،، انتى سودا لوحدك ،، مالك بتبصي كده ليه.
عيشه…. حتى انتى ياما هتقولي سودا.
حسنه…. بهزر معاكي يا بت يلا .
عيشه…. نازله اهو.
ونزلت دخلت اوضتها وقفلت الباب ،، وقعدت تذاكر ،، بالليل كانت مرات عمها عندهم وحسنه قاعده معاها وقالت…..
الشاي يا عيشه حبيبتي عيشه ،، نفعاني نفع الدنيا والله النافع ربنا…. في شغل البيت ،، بالذات من ساعه ما قالت انها مش عايزه تروح المدرسه ،، بتعمل كل حاجه في البيت.
حليمه مرت عمها….. ليه ماهتروحش المدرسه.
حسنه… ياختى احسن بلا مدرسه بلا زفت ،، ما لها بيها، بكره تتجوز وتقعد في بيتها.
حليمه…. طب اني ما اتجوزتش.
حسنه…. عشان سمره يعني ومش حلوه ،، احسن ما تتجوزش ،، اهى قاعده معايا تخدمني ، انا اصلا هكون عجزت .
حليمه…. على رايك يعني هم اللي اتجوزوا وخدوا ايه بعدين ما تتجوزش ليه ،، بخت العفنه بالحفنه.
عيشه…. انتو خلاص اعتمدتوا ان انا عفشه.
حسنه…. مالك يا بت في ايه ،، ما نهزرش معاكى ،، اوف دي على طول من ساعه ما راحت الزفت المدرسه وهي في الحاله دي ،، طب بتنوحي على امك ليه ما حدش عارف ،، قعدتها من العلام…. انا هعلم اخوها محمود عشان هو ولد هيصرف على البيت ،، هي بت بكره يجيلها عدلها،، وتتجوز مالها بالعلام..
تاني يوم الصبح . حسنه بتقول…
عيشه روحي جيبي الطلبات.
عيشه… ياما بلاش اروح انا روحي انتى.
حسنه…. اروح انا وانتى قاعده ،، انا ما قلتش لابوكى اني نازله ،، يلا روحي الدكان ،، هاتى الحاجه وتعالي.
عيشه.. ياما ما عوزاش اروح الدكان والنبي.
حسنه… وبعدين يلا روحى.
عيشه… اوه حاضر.
وراحت الدكان…
عايزه اشتري الحاجات اللي في الورقه يا سميه…
سميه…. ماشي بقولك ايه يا بت ،، جايبين كريم جديد لتفتيح البشره ،، خدى منو يمكن تفتح بشرتك شويه.
عشيه… بجد هتخليني بيضا.
سميه…. ايوه امال ايه ب 250 جنيه بس.
عيشه…. غاليه قوي ،، ينفع تخليي العلبه دي حاجى اخدها منك شويه.
سميه…. اخليهالك عنيا.
عيشه رجعت البيت بفرحه…
انا جيت ،، نورت. البيت .
حسنه… ايه اللي بسطك كده ،، ما كنتى ماشيه زعلانه وعاقده وشك على اللي هيودوكي .
عيشه… بقولك ياما تديني 250 جنيه ،، وهأقصطهالك كل شهر 2 جنيه ونص.
حسنه… ايه الرقم ده ،، مالك بالفلوس اصلا ،، 250 جنيه ايه اللي عايزاهم يا بقره ،، انتى عارفه الفلوس دي ابوكى بيجيبها من فين ابوكى شقيان عليهم.
عيشه…. يا ماما في علبه كريم ،، هتخلي وشي ابيض ،، وعايزه اجيبها ،، ب250 جنيه بس.
حسنه… ايش تعمل الماشطه فى الوش العكر ،، احنا جبنا علبه الكريم هتغير حاجه في وشك يعني ،، وشعرك اللى كيف كنافه رمضان ده ،، وغير كده ،، انتى تخينه ،، خشى جوا ، قال 250 جنيه قال ،، 250 عفريت.
عيشه… انتى مرت ابويا ولا امي.
حسنه… يا بت انا امك وقلبي عليكى ،، عشان كده بقولك الكلام ده ،، انتى لازم تفهمى ان الحاجات دي ما هتغيرش حاجه ،، بطلي بقى كل يوم تاخدي الفلوس وتروحي تجيبي بيها الحاجات الفاضيه دي ،، الناس بتاخد الفلوس تاكل وتشرب بيها وترد في جسمها ،، انتى تاخدي فلوس تروحي بيها عند بتاعة الدكان تضحك عليكى.
عيشه… امم خلاص ياما مش عاوزه.
دخل ابوها وقال….
السلام عليكم.
عيشه.. وعليكم السلام ورحمه الله وبركاته ،، يا ابوي ازيك،
احمد… ما رحتيش المدرسه كمان النهارده ؟
عيشه… لا يا بوى ما رحتش.
احمد….. وبعدهالك هتسقطي تانى .
حسنه… سيبها انا هقطع نفس امها في الخدمه لحد اما تروح اللي ما فلحاش في حاجه دي.
وراحت تجهز الغدا.. وعيشه قالت…
بقولك يا بوي. الله يخليك والنبي ،، تديني 250 جنيه. ، وما تقولش لامي ان انت اديتهملي ،، عايزه حاجه ب 250 جنيه ،، وامي مش راضيه تجيبهالي ،، وعماله تقول ان الرقم كبير مش عايزه تجيبلي الحاجه دي ،، وعماله تزعق.
احمد.. ادى ال 250 جنيه ،، لما اشوف اخرتها معاكي.
عيشه…… الله يخليك يا ابويا يا رب يباركلك يا رب.
وراحت اشترت العلبه…… تاني يوم الصبح كانت لابسه لبس المدرسه ،، وحاطه الكريم على وشها ، وحطته على ايديها وفعلا بشرتها بدت تفتح شويه بس مش كتير…
حسنه… ايه ده لبستي لبس المدرسه ،، ولفيتى الطرحه ليه ،، بتدسى شعرك بردك.
عيشه.. اه انا حلوه كده ياما.
حسنه.. كيف كل يوم
عيشه… امم طب يلا سلام..
وطلعت بسرعه حسنه قالت….
سلام… البنت عامله زي اللي ملبوسه بالليل تقول حاجه ،، والصبح تقول حاجه تانيه خالص..
فى المدرسه كانت عيشه فى الفصل بتاعها ودخلت المدرسه وكانت حاطه ميكأب كتير وقالت….
السلام عليكم يا جماعه عليكم.
الطلاب… وعليكم السلام ورحمه الله وبركاته.
المدرسه… من اولها اهوه ، عشان ما ترجعوش تقولوا ما قلتيش ،، مش عايزه الاقي الاشكال اللي بتاجى رحله دي ،، ما تحطوش حاجه فى وشكم ها.
بنت من اللى قاعدين… بس انتى حاطه يا ابله مكياج كتير .
المدرسه.. بت عيب انا احط انتى لا ، يلا اقعدو عاقلين عشان انا راسي فيها اللي مكفيها.. يلا عشان نشرح الدرس … عيشه اوقفي يا بنت.. ايه الي انتى حاطاه في وشك ده.
عيشه… ما حطيتش حاجه يا ابله.
المدرسه.. الحاجات دي ممنوعه في المدرسه ،، روحي على الحمام يلا اشطفي وشك وتعالي.
عيشه… معلش يا ابله والنبي خليني انا احط ،، اعمليلي استثناء.
المدرسه… اعملك استثناء ليه ان شاء الله.
طالبه… علشان هي سودا وحشه قوي يا ابله ،، لما ما بتحطش ده عشان تداري شويه ،، خليها والنبي يا ابله احنا بنقرف منيها لما بتمسحو.
المدرسه…. بس ايه الكلام اللي بتقوليه على زميلتك ده ،، اقعدي يا عيشه ،، وما تبقيش تاجي تاني بالحاجات دي ،، انتى حلو على كده ،، ركزوا في الكتب يلا كل واحد عينه قدامه..
…………………..
وهما خارجين من المدرسه البنات كانو بيضايقوها.
عيشه… بس سيبى شعرى ،، بتشدى الطرحه ليه.
البنت… خطيتي كريم ،، وبتغطي شعرك بالطرحه.
عيشه… مالكيش صالح ،، سيبي طرحتي.
البنت ….. طب ما انتى قاعده عفشه بردك ،، بعد ما حطيتى الحاجات دي .
عيشه… ما لكيش صالح سيبي طرحتى.
البنت… الحقى شعرها عامل كيف ،، كرته قوي كيف المقشه ،، ههه…. يا سودا يا عيشه…….. يا اللي شعرك خيشه ،، يا سوده يا عيشه ،، يا اللي شعرك خيشه.
عيشه… اسكتي.
البت…. يا سوده يا عيشه ،،،، يا سوده يا عيشه.
عيشه رجعت على البيت بدموع.
حسنه… هو انتى كل ما تغورى الزفته دي ،،، ترجعى تنوحي ،، طب بتروحيها ليه.
عيشه….. عشان نفسي اتعلم ،، كيف الخلق ياما ،، نفسي ابقى الدكتوره عيشه….. بس تعبت من مسخرتهم عليا ،، والأبله قالت ما تجيش بمكياج في المدرسه.
حسنه… ايه الاوفر ده بطلى نواح خلاص ، يا تروحى وانتى ساكته ،، يا ما تروحيش.
عيشه… ما هروحش يا اما….
ودخلت اوضتى ،، مش بس راح تمن العلبه ،، لا دى طلعتلى ،، حب فى وشى.
مبسوطه…. اه ما هو انتى كمان ما ينفعش تحطى اى حاجه كده ،، فكرتينى ببنت جارتى ،، زمان كانت تشوف وصفه وما تخليش غير كلمه وصفه، كلو بتستبدلو ههه ما بتخليش حاجه زى ما هى وفى الاخر بيخرب اكتر.
عيشه… اصلا بطلت احط اى حاجه باليل ابويا قال…..
بكره هنروح بيت جدتكم يا جماعه ،، ناخد ليلة الخميس والجمعه والسبت بالليل ،، نرجع علشان مدارسكم .
عيشه… انا ما عايزاش اروح يا ابوي.
حسنه….. انا عايزه اروح عند امي.
احمد… براحه على البت… انتى مش هينفع تقعدى في البيت لوحدك ،، روحي مع امك واخوكى ،، انا ببقى في الشغل طول الوقت.
عيشه… حاضر يا ابوي هروح.
وراحو عند جدتهم وكان عندها عديله اخت حسنه باولادها بس كانت بتذاكر لبنتها عبير اللى فى الثناويه..
حسنه… يا اختي انتى بتعملي ايه ،، نازله نحت في البت وسايبه الولد.
عديله… لا ما انا خلصت مذاكره الواد ،، وبذاكر للبنت ما انا بذاكر للاتنين شاطره يا عبير ، يلا ابوكى هيجيب علبة الشوكولاته اللي قلتي عليها.
حسنه بضحك… كفايه شوكولاته ، وكليها جبنه يمكن تفتح حته.
عديله… ليه هى بتى ناقصه جمال ،، بعدين بتى لو عايزه تهتم بشكلها وتبقى حلوه هتبقى ،، بس هي مش مركزه في الموضوع ده ،، مركزه في دراستها هتطلع دكتوره ،، ساعتها كل الناس هتجري وراها.
حسنه…. دكتوره ايه ، بكره تتجوز واحد شغال في الارض يجيبها ترعالو الجواميس.
عديله… بتى هتاخد دكتور زيها ، تاخد اللي شغال في الارض ليه ،، لما تبقى مركز ، تقعد وتحط رجل على رجل وتختار اللى عجبها الدكتور او بتاع الارض..
وبصت لعيشه وقالت….
تعالي يا بت اما أذاكرلك بدل ما تسقطى كيف السنه اللي فاتت.
حسنه.. يا اختي هي بتروح المدرسه اصلا عشان يذاكرولها ،، كل ما يودوها ترجع تبكي.
عديله…. انتى كيف تسيبي البنت كده.
حسنه… وانا هعملها ايه.
عديله… تعملى اى حاجه ،، تروحي لمديره المدرسه تشوفى مالها ، تكلمي بنتك تعملي اي حاجه.
حسنه….. لاه انا اصلا ما كنتش عايزه اوديها هو ابوها بس اللي شبط فيها ،، يا اختي بلا واكسه ما احنا ما تعلمناش وعايشين ،، خليكى انتى في اللي هتطلعيها دكتوره دي ،، وبعدين الدكتور يتجوزها ليه وهي بالخلقه دي … والله ما حد هيبصلهم.
عديله…. لما تبقى دكتوره معاها وظيفتها ما هتحتاجهمش اصلا ماشي ،، والكلام اللي انتى كسره بيه عين بنتك وساده نفسها عن الدنيا ،، ده ما تقوليهوش تاني قدام بنتي.
حسنه. … ايه الكلام ده ده انا اختك ،، وبهزر معاهم.
عديله….. لاه ما تهزريش كده ، ما تفتحيش عينيها على جواز وشكلها والكلام الفاضي ده … انا بهيئها للي احلى من الجواز واحسن من الحاجات دي كلها تبني نفسها بنفسها ،، ساعتها كل الناس اللي بتتريق عليها وتبصلها دي هتيجي عندها وتطلب مساعدتها… بس لما يبقلها كيان في المجتمع. مش هتغير حاجه فى خلقتها ،، كفاكي مرمطتى البنت وقلتي بختها.. صح يا عبير
عبير…. صح ياما عايزه ابقى دكتوره ، ساعتها كل الناس اللى اتضحكت عليا هتتمنى تقف جاري بس.
عديله… يلا كفايه مذاكره النهارده ، اطلعي اقعدى مع بنت خالتك شويه.
عبير وعيشه طلعو الاوضه .
عبير… هو انتى مش كنتى ناجحه في المدرسه …. ومتفوقه وكل سنه بتجيبي مجموع كبير… ايه اللي حصل ليه سقطتى السنه اللي فاتت….. ليه بطلتى تروحي المدرسه؟
عيشه…. انا ما عايزاش اروح المدرسه ،، وما عايزاش اطلع الشارع ،، ما عايزاش ازور الناس ما عايزاش حد يزورني.
عبير…. يا ساتر ليه كده؟
عيشه…. عشان انا شكلي وحش ،، كل الناس عم تتريق عليا ،، كلهم عم يقولوا كارته وسوده عجله.
عبير…. انتى ما عندكيش ثقه في نفسك ،، كيف عشان كلامهم ، تضيعى مستقبلك ؟
عيشه….. عشان بسمع كلامهم في كل مشوار ،، عارفه بيقولوا عليا ايه ،، بيقولوا عيشه شعرك خيشه.
عبير…. بلاش هبل ده سبب اصلا شعرنا متسرح ربانى اه والله تسريحه الفنكوش … تجبيه يمين شمال يفضل منكوش …. بعدين ما يقولو انتى عارفه كلام الناس ده هتقابليه في او كل اوان وكل سنه هتروحيها اول سنه في مدرسه الاعدادي اول سنه في الثانوي اول سنه لحد من جامعه وتتخرجى … انا اول سنه اتمسخرو عليا وقولوا ، سودا لوده امرات العسكري … امك سودا وابوكي فنجري…. انا ما اعرفش معنى الكلام بس هم كانوا بيقولوا كده قالو شوكولاته .. كانوا بيطبلوا على الدرج كمان … انا زعلت وقفلت عليا الباب وقلت مش رايحه تاني ….
عيشه.. اه وبعدين ..
عبير… امي دخلت ورايا وقالتلي مالك لما حكيتلها… قالتلي حاجه انا عمري ما انساها لو قعدت 100 سنه عايشه ،، قالت اجبرى على نفسك اول سنه وجيبي مجموع عالي قوي ،، اطلعي من الاوائل ،، ساعتها العيال اللي عماله تتريق دي ،، هتسكت وتقول انها بتحبك علشان تغشيشيهم في الامتحان ،، وعشان انتى اشطر منهم وهتبقي اشطر واحده في المدرسه كلها ،، لازم تنجحي ،، وتخلي كل واحد أتريق عليكى يا جي هو ويصالحك… عملت كده ، وكلهم اتخرصو عشان اديهم اجابات ،، ما حدش فيهم بيقولي حاجه من ما تبدا السنه وهم يتخانقوا مين اللي هيقعد معايا في الدرج ،، وابقى صاحبيته انا عارفه ان عشان يغشو منى ،، مش عشان هم بيحبوني ،، انا جبراهم ان هم يحبوني او على الاقل ما يتريقوش عليا،، اللي بيقول كلمه عند ربنا قاعداله ما مسامحاش اي حد يتريق…. ولما ابقى الدكتوره عبير كل الناس دي هتاجى عند العياده وتستناني ادخلهم ،، يستنوني بالساعه والساعتين.
عيشه.. ونفع ده جد..
عبير…. انا لما جربته اول مره جربته عشان انا ما عنديش حل تاني ،، مش عشان مقتنعه بيه بس لما عملتو عجبنى ، جربت اخبي شعرى زيك كده الأول ،، بس ما نفعش ،، لما اخبي شعري اخبي شعرى عشان انا كبرت بس ،، اللي عاجبه يقعد معايا ولا مش عاجباه يمشي ما لوش الحق يتريق عليا ، لما تتشغلي في دراستك مش هتتشغلي بكلام الناس ولا هيفرق معاكى اللي قال كلمه ،، هتنسيها لانك شاغله دماغك بحاجه اقوي. بعدين انتى فيكى حبوب في وشك من الكريم الجديد اللي جبتيه صح.
عيشه.. اه
عبير… ربنا لو كان عايز يخليكي بيضه كان خلاكى من الاول ،، اعملى زيى دلوك طالعه الاولى على مدرستي ٣ سنين ورا بعض.
عيشه…. عشان عندك ام بتسندك ،، وبتقولك الكلام ده.. امى بتقول… مين هيتجوزها حتى لو جه واحد هيبقى حظ ،،حظ العفنه بالحفنه ،، وأنزلي من الشمس انتى ناقصه حرقه اكتر ما انتى محروقه ،، امك سند وامي بتخبطنى ،، بتقول بهزر… معاكي عادى قدام خالتي قدام اي حد ،، وبتقارنى بناس تانيه مش فى ظروفى ،، في مره كانت خطوبه بنت خالتى ،، اختك الكبيره اللي كانت من شهرين ،، امي ما رضيتش تجيبني.
عبير… ايوه قالت رجلك وجعاكى.
عبير… تؤ يومها هي قالتلي انتى خليكي ما تروحيش وقولي رجلك وجعاكى ، وقعدت عند واحده جارتنا لحد ما رجعت ، بس انا سمعتها بتقول لابويا بنات عمها حلوين هي وحشه وانا ما عايزهاش تطلع كده وسطيهم وقولو يودونى كوافير يوم الفرح ،، شوفتى كلام الناس حاجه ، وكلام الاهل انيل بكتير.
عبير…. هوريكي حاجه ،، شايفه اسامي الناس اللي انا مسجلاها دول 20 اسم ،، دول اصحابي اللي مصاحبيني عشان اغششهم في الامتحانات ،، شايفه الاسامي التحتانيه دي 114 رقم ،،دول اللي تعرفت عليهم اللي فعلا ناجحين وداخلين المدرسه اصلا علشان يدرسو ،، لان اللي داخل يدرس وينجح ، ويبقى دكتور او مهندس او محامي ، ما عندهوش وقت ان هو يتريق على شكلك او لبسك ،، العيال العويله اللي ما وراهوش حاجه اللى امهاتهم مطرقاهم عشان بيخبطولها الكوره في النيش هما اللى مركزين معاكى ،، ودول رأيهم زى عدمو ، ال 114 دول داخلين يدرسوا على حق منهم في المدرسه وفي جروبات للتعليم ،، دول مكملين معايا حقيقيين على فكره ، بيصاحبوني ،، انا عشان انا شاطره عجبتهم شخصيتي ،، نجاحي بطلى تجري ورا الناس الهايفين اللي بيتريقوا عليكى ،، اللي يستاهلو انك تكوني منهم ،، هم اللي هياجو يدورو عليكى ،، انا اكبر منك وعديت بالحاجات دي قبلك وانا دلوك بستعد للجامعه.
عيشه…. انتى حمستيني قوي ان انا ارجع المدرسه.
عبير…. المدرسه ما بقتش حاجه وخلاص المدرسه دلوقتي بقيت طريق ،، اعتبري ان انتى في بحر وهي العوامه من غيرها ، هتتحطى في بيتك كيف اي مره في الصعيد، تقعد تستنى الراجل بقى يا جيه ويمن عليها انا اخدتك بشكلك ده وتبقى محتاجه اللى يصرف عليكى ،، بيها بقى هتكونى حاجه كبيره انتى اللي تختاري طريقك سيبك من كلام امك وكلام الناس تقفي قدام مرايتك كده وترددى قولو تعالى اعوذ بالله من الشيطان الرجيم
( بسم الله الرحمن الرحيم )
(لقد خلقنا الانسان في احسن تقويم )
(صدق الله العظيم)
وكمان رب العزه قال… ( بسم الله الرحمن الرحيم )
(في اي سوره ما شاء ركبك ) (صدق الله العظيم )
الأول فى سوره التين ربنا خالقك في احسن تقويم ، يعني ما فيش احسن من كده ،، يعني انتى نتفتي حواجبك عملتى وشك عملتى رجلك ، ما فيش احسن من اللي ربنا حطه ،، والتانيه ،، سوره الأنفطار،، دى الصوره اللى ربنا عايزك فيها اللي هو اشاء انه يخلقك بيها ، تغيرى فيها ليه ، لا تجيبي كريم بقى ولا تجيبي فازلين لا ، تقفى قدام المرايه كده وتفتكري الايتين دول بس ، عبايتك وطرحتك عشان انتى كبرتي وحرام تطلعي بشعرك مش علشان شعرك مكركت وبتخبيه ،، وتنزلي تروحي مدرستك اللي يقول كلمه ما ترديش عليه اللي يتريق ما ترديش عليه ان شاء الله لو قعدتي فى درج لوحدك.
عيشه.. لا في بنات كتيره مش بتتريق فيه وفي.
عبير.. خلاص تنسي هبل الناس ده ونرجع بقى ، نغيب غيبتنا ونرجع بهيبتنا ،، عايزين ندشمل الكتب.
بعد يومين…
عيشه… كنت واقفه قدام المرايه وبعمل زى ما عبير قالت بس دخلت امى وقالت….
انا عايزه اقولك على حاجه ،، معلش حقك عليا ، انا ما كنتش عارفه انك واخده قوي على خاطرك بسببي ،، انا سمعتك امبارح وانتى بتكلمى بت خالتك ، انا كان قصدى ان انتى ما تروحيش الفرح عشان ما حدش يتريق عليكى ، بس هي عندها حق ما ينفعش تتدسى ، من الناس روحى وانا معاكي ،، وانتى روحك حلوه قوي ، وشكلك كمان حلو ، اهم حاجه الروح، مسمحانى يا بتى.
عيشه… طبعا ياما انتى امي. كفايه قوي ان انتى تقوليلي انتى تقدري تعمليها. وانا اعمل اي حاجه في الدنيا .
حسنه…. والله العظيم انتى تقدري تعمليها ،، ومن جد مش كلمه وخلاص ، وانا هحاول معاكى …
عيشه… ما تعرفيش كلمه انتى قدها بس دى بتغير قد ايه ، لما بتحسى ان اهلك مساندينك واقفين جنبك بتغيري الواقع….. ورحت المدرسه امتحنت ،، وكان في تنمر فعلا بس كنت بتخطى لما كنت برجع كانت امي تعمل زي خالتي ،، تقولي بلا شكلك بلا مش شكلك هو ده وقت تهتمي بشكلك ، احنا عايزين نجيب الشهاده عشان تكونى دكتور وتحققى حلمك ،، زي اي واحده شاطره اللى بتنجح مش احسن منك ، وانتى تقدري تعمليها ،، كانوا بيتنمروا لحد ما زهقوا ، وبطلوا يتنمروا من كتر ما انا مش فارق معايا ،، وكمان صاحبت مش العيال اللي هي اى كلام ،، لاه صاحبه العيال اللي داخله اساسا عايزه تذاكر ،، لا مهتمه بشكلك ولا بتتنمر ، لا هي داخله عايزه تدرس شبهي فطموحى مش في الشكل ، غيرو في حياتي قد ايه خلوني ناجحه ،، دايما ماشيه معاهم في شلتهم دايما في نفس الجروب في نفس الدرس في نفس المكان لحد ما بقيت الدكتوره عيشه بسطاويسي.
سعيده….. هو انتى ابوكى اسمه بسطاويسي ،، هو كان بياع بطاطس.
عيشه.. لا ده اسم العيله.
سعيده…. ومش عايزاهم يتنمرو ، ده الاسم لوحده يتنمروا عليه سنه.
مبسوطه.. سعيده بس.
عيشه… قابلت دكتور معايا في الجامعه وتعرفنا على بعض ،، كنت ذكيه وشاطره جدا هو اعجب بيا ،، وتقدملي واتجوزنا ومعانا محمد وليلى في البيت مع أمي.
سعيده… طب يكونش معاه اخوه كده ولا حاجه ، اتجوزه.
مبسوطه.. وبعدين.. انا على طول بقول لسعيده يا فاشله معرفش ان الكلمه بتحطم قوي من جوه كده ، شوفي انا دايما بدي الناس نصايح. ،، بس اول مره حد يديني نصايح .
سعيده… ايوه امال انا مش عارفه انجح في حياتي ليه ، من كلامك اللي بيسد نفسى ،،عمرك ما قولتى بكره تتجوزي يا سعيده ،، وياجى ابن الحلال،، بس تقولى ما فيش جواز ، هم اللي اتجوزوا خدوا ، ايه انتى مش هتتجوزي خلاص ،، انسي الموضوع.
مبسوطه… شوفي البنت بتتكلم في ايه وانت بتتكلمي في ايه ، الله يلعن ابو الجواز على اللى عايزين يتجوزوا ، خشي جوه يا سعيده انتى بتفشلى عشان دى وراثه فى عيلتكم خشى جوه .
انتى كلامك كله صح ، وانا عايزه اقول للاهالي هم دايما عايزين مصلحة الاولاد بس الطريقه غلط ، انتم سند اولادكم ، بايديكم تنجحوهم ، وبايديكم تفشلوهم ،، ممكن تنجحوهم وتخلوهم كل حاجه ،، وممكن تحبطوهم وتخلوهم ولا حاجه ، بالنسبه للبنات اللى بتواجهه نفس المشكله ….
الشكل الخارجي مطلوب في مجتمعنا ده ،، عشان ما نكدبش ،، بس ربنا لما بياخد حاجه بيدينا حاجه ،، تانيه مكانها ، ف احنا بقى ما نفضلش ماسكين في الحاجه الناقصه ، و نندب حظنا عليها ، احنا لازم نشوف ايه الحاجه اللي ربنا ميزنا بيها عن الناس التانيين ، طالما حاجه ربنا خالقني بيها ، شكلي ده مش هقدر اغيره ، اشوف انا في ايه مميزه… واستغلو وتفوق فيه ، اهم حاجه النفوس ..
الرسول ﷺ قال..: إنَّ الله لا ينظر إلى صوركم، ولا إلى أموالكم، ولكن ينظر إلى قلوبكم وأعمالكم، ( صدق رسول الله صلى الله عليه وسلم)
اهم حاجه هنا القلب وطالما انتى بتعملي عمل كويس وقلبك نضيف ملكيش دعوه بالناس دي ،، وطالما انتى عابده ربنا على حق ما قصرتيش معاه ،، ربنا هيديكى كل اللي انتى بتتمنيه ،، حتى لو ما كانش في الدنيا فهو شايلهولك بعدين ،، نعبد ربنا على حق…. لا تعبد الله ل يعطي ،، اعبدوه ل يرضى فان رضي ادهشكم بعطائه ،،
الفصل التالي اضغط هنا
يتبع.. (رواية خالتي مبسوطة) اضغط على اسم الرواية لتجد الفهرس كاملاً بجميع الفصول.