رواية خالتي مبسوطة – الفصل السابع
سعيده… يا خالتي مبسوطه تعالى شوفى.
مبسوطه…. في ايه يا بت
سعيده… جارتنا نازله في الشارع وبتشرشح لجوزها وهو كمان
مبسوطه…. انتى المفروض تشوفى المناظر دي عشان تبطلي لهفتك على الجواز بيتخانقوا ليه بقى
سعيده… اصل شافها بتتفرج على المسلسل التركي
مبسوطه….. طب وفيها ايه ما كل النسوان بتتفرج على المسلسلات التركي ايه الراجل الخنيق ده
سعيده… اصل هى قالتلو ان مهند اللي في مسلسل التركي احلى منه
مبسوطه… طبعا بس هو زعلان ليه
سعيده… يا خالتي ينفع واحده تقولجوزها ان فى راجل احلى منو
مبسوطه… شمعنا هم 24 ساعه بوصو للنسوان… شوفو النسوان… اهي النسوان…. ده انا متجوز غفير… ده انا معايا جعفر ابن عمتي… وهي الواحده اول ما تقول كلمه يزعلو
سعيده… رجاله ما عندهاش روح رياضيه يا خالتي
مبسوطه… طيب روحي شوفي اللي وراكي جوه خلاص كفاكي بص على الناس
سعيده… لا انا مستنياه يقولها انتى طالق
مبسوطه… يخرب بيتك ليه ما هم هيرجعوا يتصالحوا
سعيده…. تفى من بقك ما تقوليش كده يمكن الدم يجري في عروقو ويخبطها واحده انتى طالق وانزل اشقطه
مبسوطه…. خشي جوه يا بنت خشي جوه اها الباب بيخبط شوفى مين
سعيده فتحت وكانت بنت فى التلاتين
قالت… ده بيت خالتى مبسوطه
سعيده…… اه يا اختي هو اتفضلي
البنت… خالتي مبسوطه انا عبله جايالك تساعديني انا اتجوزت على من كام سنه كانت ظروفو الماديه متوسطه بس بخيل عليا قوى بدات مشاكلنا لما خلفت وبدئنا نطلع وندخل ونروح ونيجي واللى حصل انا كنت بشترى هدوم من المحل واخترت فستان…
على…. بس ده غالى
عبله… لا ما ليش دعوه انا عيزاه هيغلى عليا يا علوش
على…. لا استنينى فى العربيه وانا هدفع تمنه
ونزلت…
ها… ايه جبتو
على… اه
عبله….. لا رجعو ده مش موضه سلمى قالت الفستان اللى هناك ده هو الموضه هى جابت منو
على… ارجع ايه دلوقت خلاص الشهر الجاى نجيب ده يلا
عبله… لا لا رجعو
على… حاضر لو سمحت رجع ده هنستبدلو
الراجل….. لا ما فيش ترجيع هى مش المدام كانت معاك وقاست واختارت خلاص
على… اه صح بس غيرت رئيها
الراجل…. لا يا فندم مع الاسف ما فيش ترجيع
على… قال ما فيش ترجيع خلاص خليه معاكي والشهر الجاي باذن الله هجيبلك غيره
عبله…. لا ما ليش دعوه ده الموضه يبقى هجيبو
على… يا وليه اتقي الله يعني هي الموضه طبت دلوقتي في العربيه هتفضحينا قدام الناس
عبله… انت بتزعقلي
على…. ما اقصدش بس حركاتك غريبه يعني مش كل لما حد يجيب حاجه تجيبي زيه مش لازم يا حبيبتي
عبله…. عايز تقول ان انا بغير روحني
على… طيب اهدي انا ما اقصدش
عبله…. روحني
على.. طب هو يعني
عبله… روحني وكلمه كمان روحني هتبقى طلقني
على… لا وعلى ايه هروحك حاضر
ورجعنا وكنت بتكلم فى الفون.. ايوه يا سلمى لا هو كده يقولي هخليكى تجيبي اللي انتى عايزاه نروح هناك يجيبيب اللي هو عايزه اه والله حتى قلتله عايزه الفستان اللي سلمى جابتو ما رضاش وجاب فستان كده على ذوقه هو جوزك جابلك ايه جابلك منه ٣ طب اقفلي دلوقتي شايف جبلها ٣
على.. انا بقولك تعالي هجيبلك اللي انتى عايزاه واجيب اللي انا عايزه هو انتى مش اخدتى الفستان والبستيه وقستيه وجيه على مقاسك وكنتى طايره بيه وانا جبته مع انو غالى طب في ايه بقى انتى ملبوسه يا بت
عبله… ما ليش دعوه وغيرت رايي وعايزه زي سلمى وانت ما رضيتش
على.. وطبعا المفروض اصالحك اعمل ايه دلوقتي
عبله… تجبلى الفستان منين ما اعرفش
على…. حاضر هجيبلك وامر لله
عبله… وجابو بعد ما طلع روحى وفى مره كنت قاعده مع قرايبي سلمى بنت خالي وسهى بنت عمتي وعلا اختي والبنت سلوى جارتنا ومنار اختها كان عيد الحب
منار… شايفين علبه الميك اب الجميله دي امبارح في الفالنتاين جوزى جبهالى
سلوى…. يا بنت اللذينه حلوه قوي جابلك ايه يا بنت يا سهى
سهى… انا جبلي الغوشتين الدهب دول مش شايفين بيشكشكوا ازاي
منار… قمر يا بنت وانتى يا يا علا جبلك ايه
علا…حاجات كد هدوم للبيت انا جوزي ما بيحبش المظاهر اصلا
سلمى… ايوه يا عم وانتى جابلك ايه يا عبله
عبله… اه لا ما جابليش
علا… معلش يمكن مش معاه
منار… اتلهى معاهم يا اختي هم الرجاله كده يفضلوا يدكنوا يدكنوا في الفلوس وقال ايه معهمش وتطلع الفلوس ويروح يتجوز بيها بقولك يا بنت عشان تعيشي بهنا اول باول قصى ريشو اسمعي مني
رجعت انا البيت والدم بيضرب في نفوخي
قولتلو…. ما جبتليش هديه في فالنتاين ليه يا علي ولا صحباتى احسن مني احلى مني
على…. لا بس هم معاهم فلوس اكتر مني
عبله….. وانا مالي الرجاله بتجيب للستات اشمعنا انا يعني يا تجبلى يا انكد عليك
على… ما تكبري مخك فالنتاين ايه اللي عايزاه ده نص الشعب قاعد عشان عياله والنص التاني مطلق اتقو الله فينا بقى
عبله… طبعا انت مش حاسس بيا وانا قاعده وسط صحباتي وكل واحده جوزها جايبلها هديه وانا الوحيده اللي جوزي ما جابليش هديه
على… حقك على راسى انا بكره الصبح هنزل اجيبلك احلى هديه
عبله… الصبح تجيبلي هديه واقولهم ان انت كنت موصي على الهديه واتاخرت وانت ما رضيتش تقولي عشان ما تحرقش المفاجاه
على… حاضر هجيبلك اللي انتى عايزه انام بقى
عبله… اه بس تكون حاجه كده غاليه زي البنات صحابي وخليتلك البيت عليه خل لحد ما جابلي عقد بعدين مره من المرات كنا فى زياره عند امي وابويا واختى علا وجوزها هناك جوز اختي بقى حالته مرتاحه جدا دخل من الباب بشئ وشويات الا ان انا يا خالتي ما دخلتش غير بحبه فاكهه صغيرين على قد فلوسو كنت قاعده مع اختى
علا…. مالك يا بنت قاعده مكشره كده ده احنا بنيجي عند امك يوم فى سنه خلينا نفرفش كده ونفك
عبله… انا زعلانه قوي من على ما جبليش هديه في الفالنتاين الا لما شبكت فيه راح جابلي السلسله الدهب وانا ما اعرفش جابها منين ولا جاب فلوسها ازاى بس فرحت عشان اقول قدام البنات انو جبلى
علا… طب وزنقه جوزك ليه يا عبيطه انا جوزي عندو فلوس وما جابش قولت كدا عشان اللي جوه البيت محدش هيشوفو جوزي نسي رغم انه عندو فلوس وانا قلت انه جابلي هدوم للبيت حد قالي وريني الهدوم ربنا ستار يا حبيبتي خلي بالك على جوزك مش ناقص تجيلو مصيبه بسببك نازله سحل سحل في الراجل ايه هيجيبلك منين انتى عندك عيال وعايزين مدارس واكل وشرب ولبس خفيها
عبله… انا فكرت انه جابلك
علا… وافرض جوزي معاه وجابلي جوزك مش معاه ما جابش خلاص
عبله… كمان انت جايبه حاجات عند امي وانا ما جبت
علز… شوف البت هو اللي معاه وربنا موسع عليه وجاب ايه المشكله انا بجيب عشانك عشان انتى هنا تاخدي معانا احنا واحد بكره ظروفو تتحسن وتجبيلى خلي بالك عليه
امهم جات… ايه قاعدين وحدكم
علا.. هو بابا كل السنين كان يجيب هدايا ليكى
امهم.. استنو يا بنات اما افتكر
عبله…. شفتي عمره ما فوت
امهم… اتلهى انا بفكر لو في في يوم دخل عليا بهديه دخل عليا بهديه مره زمان لما رقوه في شغله جاب بطيخه قد كده وجابهالنا هديه اكلنا وكنا مبسوطين قوي بالبطيخ كانت ايام بقى مهندس على درجه اولى اكلنا البطيخه ونمنا مكاننا قومت لقيتكم مالين الشقه ميه نزلنا مسح في الميه لما ظهرنا اتكسر بسبب ام البطيخه من يومها قلتله يا رضوان يا حبيبي اوعى تدخل عليا بحاجه ما تجيبش هدايا تتحسد على طول هو ما صدق وما جبش
عبله… بطيخه ياما
امها….. ايوه بطيخ انتو عايزين يجيب بوكيه الورد ويجي داخل حاضنك ويلبسك السلسله من ورا ويقولك كلام شعر التلفزيون يخرب بيت التلفزيونات اللي خربتها
عبله… طب ما منار بنت خالتي جوزها جابلها غوايش
امها… ده من اراد الارض بتاعتها اللي مشغلها بياكل على قفاها قولي الحمد لله على اللي معاكي يا بنت بطني
عبله… وكل ما اكلم واحده يا خالتي مبسوطه تفضل تسحل فيا كان انا وحشه المفروض تبقى فهمانى
مبسوطه… علشان فاهماكي بتقولك كده هكملك بعدين بس لما تخلصي حكايتك
عبله…. كنا في زياره عند منى اخت منار
عبله…. الله يا منى بيتك الجديد حلو قوي
منى… اه بيعنا البيت القديم واتمينا واشترينا البيت ده بقى اوسع بكتير من البيت اللي كنا فيه كان ضلم وكنز كده وصغير
عبله… رجعت البيت …. علي قوم عايزه اكلمك كفايه نوم بقى
على… ايه عايزه ايه
عبله… عايزه بيت جديد يا علي ويكون كبير
على… بيت ايه بس يا حبيبتي ده وقته
عبله… اه عايزه بيت جديد
على… امم وماله بيتنا ما هو حلو الحمد لله وساترنا
عبله….. لا ما ليش دعوه منى اشترت بيت جديد
على… يادي منى وسنين منى هو كل واحد يجيب حاجه جديده هتيجي تقوليلي عايزه زيها بقيتى عامله زي خيريه احمد اللي فى فيلم فؤاد المهندس كانت كل شويه تجيلو…. محمود الجيران اللي جنبنا يا محمود… في ايه معاكى يا حبيبتي اعقلى انا عايز انام
عبله…. كده برده ما تكلمنيش تاني
على… انا ما بحبش ازعلك
عبله… لو ما بتحبش تزعلني يبقى تجيبلي بيت جديد
على… بيت ايه انا مش هجيب بيوت انا بيتنا ده عاجبني واصلا وارثه من ابويا هو حد عارف يجيب بيوت في الزمن الاغبر اللي احنا فيه ده انا
عبله… عايزه اعرف دلوقتي انت بتعمل كده ليه هو انا مش مراتك الرجاله بتجيب لمرتتها و
على… بصى بقى عشان انا زهقت يا اما نبيع البيت ده وناخد قرض فوقه ونجيب البيت اللي انتى عايزاه بيت احلامك ونفضل نسدد فيه ٣ سنين لقدام وندخل جهنم يا اما انتى بقى تبيعى الدهب بتاعك وانا ابيع البيت ده ونشتري بيت انا مش هروح اسرق بنك عشان ترتاحي واتحبس ومش هروح اقتل واحد واتحبس برده عشان اجيبلك فلوس كتير زي صاحبتك
عبله… انت قصدك ايه
على… بتغيري لما بتشوفي حد جاب حاجه بشتعوزي زيها وده مش اسلوب انا ما ليش دعوه بالناس لما اتجوزتيني كنتى عارفه ظروفي واقبلتى بيها اتجوزتك في البيت ده مش قولتلك ساكن فى قصر وبعدين جبتك هنا لا هو ده كان من الاول
عبله.. كل الناس بتجدد منى اتجوزت فى البيت صغير وكبرتو ويارا
على… يارا وعزه وليلى مش هنخلص من صاحباتك بصي يا بنت الناس انا ده مستوايا عايزه تعيشي فيه اتفضلي مش عايزه على بيت ابوكى اتفضلى
عبله… تخيلي يا خاله مبسوطه حته بيت مش عايز يجيبهولي رغم ان منى جوزها جابلها بيت وسلمى كمان لونت البيت وجابتله عفش خلتو كانه مش هو
مبسوطه… ناويه تعملي ايه انا من رايي تسيبيه
عبله… مش كده يا خالتي حسيتي بيا قولي لماما بقى عشان بتدافع عنه
مبسوطه… انا ما حسيتش بيكى حسيت بيه هو حرام ولد زي ده ولا غلط فيكى ولا شتمك ولا بيعمل حاجه وبس بيحاول يعمل اى حاجه علشان يرضيكي وانتى ما فيش فايده فيكى كل همك الفلوس سألتى الفلوس اللي جابلك بيها سواء السلسله الدهب ولا الفستان ولا الحاجات دي اللي جابها جابها منين لا ما سالتيش عشان انتى انانيه مش مهم عندك هو يجيب منين المهم انه يعملك الحاجه اللي انتى عايزاها عشان تتفشخري قدام صحابك ما فيش حاجه اسمها انا مالى مالك هو مالو
عبله… وانا عايزه اتفشخر ليه مش عشان اقول جوزي جابلي واطلع مش اقل منهم
مبسوطه.. طب ما اختك قالت جابلي وجابلي وهو ما جابش ولا نيل حتى لو جوزها جبلها هي جوزها معاه فلوس وانتى جوزك مش معاها فلوس خلاص مش كلنا بنعيش في نفس المستوى كل واحد بيعيش بمستواه المهم البني ادم يرضى كوخ مليء بالفرح والسرور اعظم من قصر تملؤه الدموع اهم حاجه البيت يكون في سكينه وبركه من ربنا زوج صالح واولاد صالحين وزوجه صالحه شاغله نفسك بفلانه جابت ايه وعلانه اشتريت ايه خدي بالك من اولادك حفظيهم قران علميهم شوفى في حاجه في البيت اللي انتى فيه لو وفرتى فساتين وهدايا هتجددى البيت مش عشان هم جوازهم معاهم فلوس وعايشين في مستوى كويس يروح هو يسرق ولا ينهب علشان يرضيكي اعقلى يا بنتي وارجعي لجوزك الراجل اللي زي ده مش سهل تلاقيه في اليومين دول
عبله… عندك حق يا خالتي هرجع لبيتى واولادي وانا ونصيبي بقى وخلاص
سعيده… لو حصل وما رضيتيش بنصيبك وحبيتى ان انتى تطلقي يا ريت تقوليلي عارفه ليه عشان هاخد جوزك منك عارفه ليه هاخد جوزك منك علشان الحاجه اللي انتى شايفاها انها قليله دي ومش عاجباكي ومش راضيه بيها حلم كبير بالنسبه للبنات اللى زي حالاتي اللى مش عارفه تتجوز وتخلف وسنها عدى والعمر بيروح فى ناس مش لاقيه البيت اللى مش عاجبك ده ولا اكلك متمنيه بواقيه حتى
مبسوطه.. سقفولها والنبي قالت حكمه اخيرا عملت حاجه حلوه من اول السلسله
سعيده… ما عصبتنى الراجل من الاول حاضر حاضر ما بيعترضش خالص وهى زفت ايه ده جاتك البلا حطيه في عينيك ده يا ابله نادر تلاقيه
عبله… عندك حق والله هرجع لجوزي هو حلو والبيت حلو فى ناس نايمه في الشارع صح سلوى عامله الباب غالى ومنى جابت نجف كريستال
مبسوطه… ما فيش فايده انزل يا ابني بتتر النهايه
الفصل التالي اضغط هنا
يتبع.. (رواية خالتي مبسوطة) اضغط على اسم الرواية لتجد الفهرس كاملاً بجميع الفصول.