رواية حكاية العمر كلو – الفصل الرابع
٤…. وقال..وده الى هربتى منى انا علشانه اتبدلت الغزلان بقرود
اربطهم عندك يا عزوز اما أشوف هموتهم ازاى عزوز والرجاله الى معاه اخدوهم وحبسوهم فى مخزن كده وربطوهم فى ضهر بعض و طلعه ورى الراجل يشوفو هيعمل فيهم ايه
حربى قال بغضب مين الراجل ده وايه الكلام الى بيقولو ده وفرح ايه الى هربتى منه قمر بقت تعيط وتشهق حربى زعق
وقال ..بطلى نواح وقولى مين دول خلينا نعرف نتصرف و لسه النواح بدرى عليه ياختى هتشوفيه على أصوله دلوقتى يلا تكلمى أخلصى
قمر شهقت ببكى وقالت … طيب هقولك بس والنبى تسامحنى
حربى قال بضيق …هتنيل على عينى اسامحك بس اخلصى
قمر شهقت ببكى وقالت ..الى اخدنى ده يبقى أبن مرات أبويا اسمه نادر والراجل الى معاه ده راجل بيتاجر فى حجات مشبوهه كتير اسمه بدر الصايغ وكان عايز يتجوزنى وهو أصلا متجوز مرتين وانا موفقتش بس هو هددنا و عمل الفرح فى الحته بتاعتنا كده على كد عقلى ومرات أبويا وافقت علشان الفلوس وقالت أحنا مش قد الراجل ومشاكلو وانا لما ملقتش اى حل قمت هربت منهم حربى كان بيسمعها بحزن
وقال …وليه خبيتى ليه مقولتيش انك هربتى من فرحك ليه مقولتيش انهم بيدورو عليكم كنا أخدنا احتيطاتنا
قمر بقت تعيط وقالت ..انا أسفه اسفه قوى خوفت تسيبونى خوفت متستقبلونيش وانا معنديش حد أروحله وكنت فاكره انهم مش هيعرفه العنوان بتاعكم لو كنت اعرف انهم هيلاقونا مكنتش عملت كده والله سامحنى والنبى يا حربى والنبى مش عايزه أموت وانت زعلان منى انت اكتر واحد انا حبيتو واحلى ايامى الى عشتهم كانو معاكم انا بحبك بحبك قوى سامحنى والنبى ياحربى
حربى نزلت دمعه من عينه وقال …احنا هنطلع ماشى أنشاء الله هنطلع بس انتى اهدى بصى حاولى تفكى ايديكى معايا تمام هى هتوجعك شويه بس هنتفك تمام قمر قالت اه تمام يلا
وحربى قال…. بصى فى جيب المنطلون فى مطوه تمام هاتيها
قمر قالت ..يعنى ايه مطوه
حربى قال …سكين صغيره كده قمر سحبتها
وحربى قال..يلا اقطعى الحبل بس
قمر قالت..لا طبعا انا مش شيفاك افرض عورتك
حربى قال.. لو مقطعتيش الحبل علشان ايدى هيقطعو رقبتى اخلصى يلاة قمر بقت تقطع فى الحبل بخوف وبكى مره تاجى فى الحبل ومره تاجى فى ايده وكانت كل شويه تسألو از الضربه جات فيه بس حربى كان بيقولها لا لحد ما فكت ايده وشفتها بتنزف مسكتهم وبقت تبصلهم بدموع
وقالت .. انت تعورت انا اسفه كل ده بسببى
حربى قال …مش مهم مش وقتو يلا ومشيو شويه وبصه من الباب وبدر كان بيدى اوامر للرجاله علشان يقتلوهم بس
نادر قال.. انت بتقول ايه انت قولتلى انك مش هتموت قمر قلتلى انك هتقعد معاها يومين وتدينى الفلوس وقمر ومن غير ما تأذيها مش ده كان كلامك قمر وحربى كانه بيسمعوهم من بعيد
وقمر قالت. .. اه يا واطى شوفت ياحربى هيدينى ليه يقعد معايا كام يوم وبعد كده هيتجوزنى عادى
حربى قال …انتى زعلتى ليه عادى بصى القعده
طالما مفيهاش فرشه وسرير يبقى الموضوع مش خطير
قمر قالت ..ولما هى مفيهاش فرشه وسرير هيخدنى يعمل بيا ايه هنلعب شطرنج
حربى قال..اهو بصى انتى طلعتى ظالمه ازاى الراجل ده هيقتلك بس يعنى مش الى جيه فى بالك وسحبها من ايدها وبقو يتسحبو لحد ما بعده شويه وبقو يجرو بسرعه وبدر كان مشغول مع نادر وبعد شويه كانو قمر وحربى وصلو على الطريق العام وبيحاولو يقفو اى عربيه بس من غير فايده قمر اتنهدت بضيق
وقالت ..كده هيرجعو يلاقونا تانى والمره دى مش هنعرف نهرب اتصرف يا حربى
حربى بصلها بضيق وقال اعمل ايه يعنى انتى مش شيفانى بحاول اوقف عربيه بس مش بوقف بقولك ايه بطلى رغى واعملى حاجه مفيده بص نزلى الجاكت ده شويه كده من هنا من عند الكتف وافردى شعرك كده وأغرى السواق تمام وأول ما يوقف انا أطلع واسبته ونركب معاه تمام
قمر قالت..هاها على فكره مش وقت هزارك البايخ ده خالص طب بص ماطلع انت من جيبك مسامير دى الى هى بتبوظ عجل العربيات وارميها على الارض تقوم تضرب عجل العربيه واول ميوقف نركب معاه
حربى قال ..لا والله فكره ممتاذه وتحترم بس انا هشيل فى جيبى مسامير ليه وبعدين احنا هنستفاد ايه بقى لما يوقف السواق وعجلته بايظه ممكن تسكتى بقى شويه خلينى اعرف افكر
قمر اتنهدت وقالت خلاص سكت اهو بس فجأه جات سماح ومعاها البوليس وبقو يدورو على بدر ونادر
وروحو قمر وحربى بعد ما أخدو أقوالهم و بعد شويه كانت قمر قاعده فى اوضتها وحربى كان قاعد فوق السطح بس مقدرش يقعد من غير ميطمن عليها نزل على أوضتها وخبط على الباب قمر قالت من ورى الباب اتفضلى يا عمتى حربى فتح الباب
وقال..ده انا اتفضل برضه ولا ألف ورجع تانى بس اتصدم لما لقى قمر حاطه الشنطه بتاعتها على السرير وبتحط الهدوم بتاعتها فيها
حربى قال..ايه ده انتى بتعملى ايه ها اوعى تقوليلى انك قمر اتنهدت بدموع
وقالت ..كل ده بسببى انا مش هقدر اعيش لو حصلك حاجه بسببى
انا مش عايزه يجى يوم تقول يارتنى ماعرفتك والله مش هقدر استحملها
حربى قرب منها وقال..انتى بقولى ايه انا مستحيل اقول على احلى ايام حياتى ياريتنى ماعشتهم انا مستعد اتحمل اى حاجه علشانك انا لما كنت مربوط هناك كنت خايف عليكى انتى ومكنش عندى اى مشكله انى اموت بس انتى تطلعى من هناك
قمر قالت ..بعيد الشر عن قلبك اوعى تقول كده
حربى مسح دموعها وشدها فى لحظه جميله وبعده عن بعض بصعوبه
حربى قال..انا هطلع انا مش هينفع افضل معاكى هنا اكتر من كده قمر هزت دماغها بكسوف وحربى طلع على السطح وفضل يفكر فيها وفى قربها ونظراتها وكلامها لحد مراح فى النوم فى صباح يوم جديد قمر راحت علشان تصحيه ملقيتهوش بقت تدور عليه بس من غير فايده نزلت قعدت على السفره تستناه وبقت تبص للساعه كل شويه وكانت نازله تدور عليه فى الورشه و فتحت الباب بس….
الفصل التالي اضغط هنا
يتبع.. (رواية حكاية العمر كلو) اضغط على اسم الرواية لتجد الفهرس كاملاً بجميع الفصول.