رواية حكاية العمر كلو – الفصل الثالث
٣…. وحربى بصلها داس بخفه على رجلها من تحت الترابيزه قمر شرقت وبقت تكح وسماح ادتلها ميه
وحربى بقى يضحك وقال..براحه كلى براحه قمر بصتله بتوعد
وفضلو ساكتين لحد مخلصو اكل وسماح راحت تنام وحربى طلع ينام وغمض عنيه بس سمع صوتها بتقول هى نفسها مش كده
حربى قعد وقال بستغراب… هى مين قمر قعدت جمبه و قالت البنت الى كانت واقفه معاك فى الورشه هى نفسها بتاعت الصبح وبصتله وكملت بتاعت الحلم يعنى الى ابوها هيطب عليكم حربى حمحم بحرج
قال ….لا مش هى الى كانت فى الحلم دى علا
قمر قالت ..اتنين بتتسنكح مع اتنين يا بجاحتك
حربى قال..لا هم الى بيتسنكحو والله مش انا وقرب شويه
وقال… انا ده انا غلبان قوى اه والله قمر بعدته بايدها
وقالت..وبعدين انا مش جيلى نوم وقلت اتكلم معاك شويه هتضيقنى هنزل بس
حربى قال بسرعه …لالا خلاص سكت أهو
قمر بصتله وقالت ….قولى ياحربى انت عندك كام سنه
حربى قال … اتنين و تلاتين تلاته وتلاتين كده يعنى قمر بصتله
وقالت..صغير قوى انا فكرتك كبير يعنى مخلص التلاتين بصراحه حربى بصلها بضيق
وقال …انا مش عارف ازعل على صغير ولا على كبير الصراحه بس حاسس ان الاتنين وحشين مش عارف
قمر قالت ..لا انا مقصدتش كده خالص انا كان قصدى ان انت سنك هو الى صغير بس اما بالنسبه لشكلك و سكتت شويه وبصتله كان شاب جميل جدا وطويل
حربى قال…شكلى مالو شكلى ليكون مش عاجبك
قمر قالت بسرعه….لالا قصدى يعنى مقبول
حربى بصلها جامد وقال ..مقبول بس قمر اتوترت شويه
وقالت..وحلو يعنى حربى قرب شويه
وقال ..وإيه كمان قمر اخدت بالها لكلامها
وقالت..وقليل الادب كمان حربى بصلها بزهول وقال…عليكى قلبه ياساتر منها
قمر قالت …لازم اقلب عليك انت ازاى تدوس على رجلى كده تحت فرضا عمتى شافتك
حربى ضحك وقال…ماهى شفتنى امال هى مشيت ليه بعدين ايه فكرك بالدوسه محنا بنتكلم اهو وحلوين
قمر بصتله بزهول وقالت ..انت بتهزر صح
حربى قال بلامبالاه..لا مش بهزر والله شافتنا فعلا قمر بصتله بضيق
وقالت..ومالك بتقولها عادى كده كانك بتقول صباح الخير طب انا ابص فى وشها ازاى بعد كده
حربى قال ..عادى زى ماكنتى بتبصيلها قبل كده بعدين انا مبخبيش حاجه على امى هى عارفه انى منحرف
قمر قالت بغيظ ..امم واخده بالى ولما انت منحرف كده ملقتش ليه واحده زيك كده تنحرف معاها وترحم أمى معاك
حربى قال..ماانا قولتلك ان امى عارفانى وأول ما بقولها يلا نخطب واحده بتقولى انت مش وش ستره شوف حد غيرى يروح معاك وطبعا من غير امى محدش هيرضى يدينى بنته
قمر قالت ..طب ما تتجوز علا الى كانت معاك فى الحلم وهو برضه ترحمك من طبة ابوها عليكم دى الى بتقلق حلمك كل يوم حربى
قال ..اهى دى بذات أمى هى الى مش راضيه بيها مش عارف ليه قال ايه ياستى شمال معأن البنت شمال ويمين ايه مظبوطين على الساعه قمر اتنهدت بضيق
وقالت…والله هى عندها حق بس برضه انت مينفعش معاك غير الى زى ديه يعنى واحده محترمه وبنت ناس تتجوزك انت ليه مالها بيك
حربى قال بسرعه ..ما انا بقولها كده والله هى مش بتصدقنى وسكت شويه
وقال …عارفه ياقمر انا نفسى اتجوز ويبقى عندى بيت وأولاد وست حلوه كده تكون ليا لوحدى لما ارجع من الشغل تعبان الاقيها مستنيانى وانسى معاها كل الدنيا دى وهمومها وتبقى مراتى وصاحبتى وبنتى وتبقى كل حاجه وأهم حاجه عندى بس انا مش حاسس ان الى زى علا دى تنفع تبقى أم الأولادى يعنى فى ست أخرها ليله زى علا دى كده وفى ست مستغناش عنها ليله
قمر قالت .. والست الى متستغناش عنها ليله دى زى مين حربى بصلها بعشق واضح
وقال…مش متأكد لسه بس أول ما تأكدانتى أول واحده هقولها
قمر ارتبكت جدا وقالت ..انا انا هنزل أنام وانت كمان نام تصبح على خير ونزلت بسرعه من عنده وراحت على أوضتها وفضلت تفكر فيه وفى كلامه لحد ما راحت فى النوم .حربى كمان كان بيفكر فيها لحد مانام هو كمان فى صباح يوم جديد طلعت قمر على السطح تصحى حربى وكان لسه ناين وفضلت تبصله شويه وقعدت جمبه وقالت حربى قوم بس سحبها بين اديه بسرعه
وقال بنوم .. قمر نامى شويه الدنيا لسه بدرى
قمر شهقت بخضه ودقات قلبها زادت وحربى فتح عنيه وتلاقت عيونهم بنظرات جميله بس حربى بعد عنها بسرعه
وحمحم بحرج
وقال …أنا أسف اسف والله ماخدتش بالى
قمر وقفت برتباك وقالت ….يلا جهزنا الفطار ونزلت جرى من عنده
حربى استحمى ولبس ونزل فطر ومشى راح على الورشه بتاعته وقمر شغلت التليفون بتاعها اغانى وبقت تغنى معاه وتتمايل وهى بتنضف فى البيت
وبتقول … قال انا بتغير ولا ده عقلو صغير حير قلبى معاه وحكم القوى بموت فيه قوى وده الى مصبر نى على هواه
حربى كان نسى تيليفونو ورجع يجيبو خبط بس محدش رد عليه طلع مفتاح من جيبه و فتح الباب وبقى ينادى عليهم بس هى مسمعتهوش وراح على صوت الاغانى وشافها وهى بتغنى وبتتمايل ضحك من قلبه على منظرهاوشرد فيها شويه وبقى يتاملها باعجاب شديد بس نفض دماغه واخد بعضو ومشى بسرعه من غير مايكلمها وقمر كملت تنضيف و جهزت الأكل ولما جيه معاد الغدا لبست وتجهزت و اخدت الأكل بسرعه وراحت الورشه بس حربى كان لابس لبس الشغل ونايم تحت العربيه ومادد ايده
وبيقول.. ناولنى المفك من عندك ياض يا بليه قمر مسكت المفك وادتهولو وهو اخده وبقى يفك وهو
بيقول ..شبعان لف وبتسوح والباشا ياناس تقلان
دا انامن حرتى وانا مروح بتلخبط فى العنوان
بزامتك ياض يابليا مش صوتى حلو مش انفع أغنى
قمر قالت…أه حلو قوى تنفع مغنى بس بقى محتاج تنضف شويه حربى طلع نص جسمه من تحت العربيه
وقال..أنضف ماشى مقبوله منك وطلع وقف قدامها
وقال …. علشان شوية الاكل الحلوين الى بتجيبيهم دول
قمر بصتله وقالت… وانت بقى متعود تنسى اكلك كده على طول
حربى ابتسم وقال ….هو انا امبارح نسيتو بس النهارده بصراحه لا منسيتهوش انا سبته قاصد علشان انتى تجيبيهولى وأشوفك قمر ابتسمت بكسوف
وقالت ..طب انت عايز تشوفنى ليه
حربى قال ..هتصدقينى لو قلتلك وحشتينى
قمر قالت… وحشتك انا
حربى قرب منها وقال..اه والله مش عارف بس انا شكلى كده طبيت يابنت العربى وقعونى عيونك دول
قمر بصتله برتباك وادتلو علبة الأكل ومشيت بسرعه من غير ولاكلمه وحربى طلع وراها بس شاف شاب وقف قدامها وركبها العربيه ومشى بيها
حربى بقى يجرى وراه وينادى عليها بس ملحقهوش اخد موتوسيكل بتاع واحد من الى بيصلحو عنده ومشى وراهم وشافه بينزلها من العربيه وهى بتزعق معاه وبتنادى على حد يساعدها بس من غير فايده حربى اتقدم عليهم وشد قمر من ايدها وخباها ورى ضهره وضربه بوكس قوى جدا ونزل فيه ضرب بس
الشاب بقى يتألم ويقول سامحينى والنبى ياقمر
حربى استغرب قوى و قمربقت تلطم وتبكى
حربى بصلها وقال…. فى ايه بس قبل مايكمل جملته جاه راجل فى الأربعين ومعاه كام واحد
وقال..اهلا بالقمر الى هربت يوم فرحى وفرجت عليا الناس الزباله بتوع حتتها الزباله عالم غاوى فقر وشاور على حربى
وقال..وده الى هربتى منى انا علشانه اتبدلت الغزلان بقرود
الفصل التالي اضغط هنا
يتبع.. (رواية حكاية العمر كلو) اضغط على اسم الرواية لتجد الفهرس كاملاً بجميع الفصول.