رواية حكاية العمر كلو – الفصل الخامس
الاخير.. قمر راحت علشان تصحيه ملقيتهوش بقت تدور عليه بس من غير فايده نزلت قعدت على السفره تستناه وبقت تبص للساعه كل شويه وكانت نازله تدور عليه فى الورشه و فتحت الباب بس لقته فى وشها
قمر قالت بخضه …انت كنت فين قلقتنى عليك انا قلبت البيت كله عليك وكنت نزلالك الورشه
حربى قال بغزل…. اخص عليا حد يقلق القمر ده داانا وحش بشكل
قمر… ابتسمت وقالت طب كنت فين حربى أدالها ورق فى ايدها
وقال.. كنت بجيب مهرك يا قمرى
قمر فتحت الورق وكان ورق نقل من الجامعه بتاعتها للجامعه الى عند حربى
وقالت ..ده بقى مهرى حربى قال..ايوه وطلع من جيبه علبه فيها دبله وقال..ودى شبكتك ولو يلزمك قوى يعنى انا شايل خمس تلاف ونص كده على جنب كنت شايلهم لوقت عوزه بس ميغلوش عليكى
قمر ضحكت وقالت ..والخمس تلاف ونص هيعملو ايه للعوزه بس
حربى سحب ايدها ولبسها الدبله وبقى يلف بيها وقمر مسكت فيه جامد ونزلها بس كانت لسه قريبه منه
وقال ..انا عايز اتجوزك وتبقى معايا طول عمرى واعيش باقى عمرى كلو معاكى ونجيب أولاد وبنات كتير عايز منك تلت بنات وست أولاد
قمر قالت..ايه عايز تسعه ليه هتتجوز ارنبه هما اتنين كفايه قوى ولد يشبهك وبنت تشبهك برضه علشلن لما تغيب عنى تبقا لسه معاياحربى بصلها بعشق
وقال..انا مستحيل اغيب عنك ابدا انا مقدرش ابعد البعد قتال
قمر ابتسمت وقالت ..لا قصدى يعنى لماتروح الورشه بتاعتك أكيد يعنى مش هتخدنى معاك الشغل
حربى قال ..ومين بقى الى قالك انى مش هاخدك معايا الشغل وطلع الموبايل وفتحه وكانت صورتها عليه وطلع محفظته وكان فيها صوره ليها
وقال..وطبعا قبل ده كله صورتك هنا وحط ايدها على قلبه وحطها على عيونه وقال وهنا كمان ونزل ايدها وقال.مش بس كده انتى بتمشى فى دمى فى عروقى وفى الشريان
قمر بصتله بعشق وقالت …انت جبت الصور دى من فين
حربى قال ..لقطتهم فى السر من غير ما تاخدى بالك
قمر ابتسمت وقالت….انت كمان فى دقات قلبى وفى الميه وفى الهوى بس بعده عن بعض بخضه لما سمعه صوت أمه
بتقول ..كده على الباب طب خشو جوه اقفلو الباب اى حاجه يعنى غير الوقفه دى وانت مرحتش شغلك ليه
حربى قال ..انا روحت نقلت ورق الجامعه بتاع قمر للجامعه الى هنا علشان تقدر تروحها كل يوم
امه قالت ..كل يوم لا هو انتو قمر ابتسمت و ورتها الدبله من بعيد وامه ضحكت وقالت.. طب روحو جهزولنا الاكل انا تعبت من اللف فى السوق ..دخلو قمر وحربى يجهزو الاكل
قمر قالت ..انا بحب اسمع اغانى وانا بجهز
حربى قال.. تمام وانا كمان
قمر قالت.. انت كمان بتحب تسمع اغانى وانت بتجهز
حربى ضحك وقال ..لا انا بحب اشو فك وانت بتسمعى الاغانى وبتتمايلى عليها بيبقى شكلك تحفه قمر بصتله بزهول من جملته
وقالت ..ايه وانت شوفتنى فين
حربى قال… اول امبارح نسيت التليفون بتاعى و شوفتك وانتى بتغنى اطبطب وبتتمايلى عليها وكان شكلك ايه قمر الصراحه اسم على مسمى
قمر قالت …ايه ده بجد انا مشوفتكش
حربى قال …اه ما انا محبيتش اكسفك بقى فامشيت من سكات
قمر ضربته باديها فى صدره وقالت ..يسلام طب وبتكسفنى دلوقتى ليه ..
حربى ابتسم وقال.. لا بقى ما انتى خلاص هتبقى مراتى وعادى اكسفك فى الحجات دى يعنى اه فهمانى
قمر زقته بعيد وقالت ..بس بقى انا بتكسف بجد والله حربى ضحك وقال..مفيش بين الاحبه كسوف ولازعل ولاخوف
قمر ابتسمت و تعلقت فى رقبته وقالت …بجد امال فى ايه
حربى قال… فى حب وفى فرحه وفى اشتياق وفى لمسات قمر بصتله بتحزير وحربى قال بخوف مصطنع اه قصدى نظرات
فى نظرات وانا نظرتى فيكى مخيبتش ياقمر من أول ماشوفتك قولت هى دى مراتى و أم أولادى هى دى الانسانه الى انا عايز اكمل عمرى معاه اهو انتى يا قمر لو عشت الف سنه معاكى مشبعش منك ولا امل منك ولا هيبقو خساره فيكى بالعكس هبقى عايز اعيش الف تانى واعيشو معاكى برضه
قمر ابتسمت بدموع وقالت ..انا حاسه انك العوض على الايام الى انا شوفتها حاسه انك انت الى انا كنت بدور عليه وابتسمت بخبث وقالت صحيح انت نسونجى شويه وعينك زايغه وبترمى رصاص وكملت بعشق بص رصاصك صاب القلب والغريب انو هو برضه الى دواه وتغيرت ملامح وشها وهى بتقول بس تعرف ياحربى لو لقيتك فى يوم بتحلم بالى اسمها علا دى انا بس قطاعه
ا حربى لما شدهاعليه وقال…يابنت بقولك طبيت خلاص عمال اقولك كلام حلو وألف سنه والف تانى بس انتى شكلك كده عايزه اثبات وشالها
وقال…وانا هثبتلك دلوقتى حبى ليكى قد ايه
قمر قالت… انت بتعمل ايه اثبات ايه دلوقتى نزلنى يامجنون
حربى ضحك وقال …مخك حدف شمال منى بصى انا هفهمك بقى وخلاص اناياستى نويت والنيه لله انى اتهف فى نفوخى وئايس على الخمس تلاف ونص الى حيلتى وادفعهم للمأذون واتجوزك بقى وأمرى لله هعمل ايه طبيت
قمر ضحكت وتمسكت فيه وهى بتقول … وانا كمان هتجنن زيك واوافق ما انا كمان طبيت بس مش هتجبلى فستان ابيض وتعملى فرح
حربى مشى بيها وهو بيقول .. هنصرف الخمس تلاف وهنخربها انشاء الله هنجيب فستان وافتحلك سستته لما نطلع أوضتنا
قمر ضحكت وقالت .. .بس بقى اتلم شويه عمتى جوه
حربى قال ..هنوزعها هوديها عند خالتى شهرين كده وتاجى تانى هى بتحب تروح عند خالتى اه وهنعمل فرح و هنكتب الكتاب وهنعمل كل حاجه نزلها على باب الشقه وقال ..وهشيلك وادخلك الشقه
وقمر قالت… بسرعه كفايه كفايه كده
حربى حط جبينه على جبينها و قال ..انا بحبك قوى يبنت العربى قوى
قمر قالت وانا كمان بحبك قوى قوى قوى من هناللصبح حربى قال ..وانا هفضل احبك العمر كله يا حكاية العمر كله 
يتبع.. (رواية حكاية العمر كلو) اضغط على اسم الرواية لتجد الفهرس كاملاً بجميع الفصول.