رواية حياتي فقط – الفصل الثاني عشر
الفصل ١٢
توالت الايام وكالعاده لم يتغير شئ حياه وفريقها في المخيم وبعد ذلك يذهبوا للتدريب ثم يعودوا للسكن
عند سيف وطارق ومحمد مستمرين في تدربيات الجنود ولكن سيف تغير مع حياه لم يعد يضايقها بل يعاملها باحترام كباقي الدكاتره
في يوم من الايام حياه وملك والاء أنهوا الشيفت وذهبوا للتدريب
ملك بتعب : انا مش قادره النهارده
حياه : الصراحه كان اليوم متعب بعد العمليه النهارده بس الحمد لله كان علي معانا
الاء: يلا علشان سيف جي
سيف اتي وتجاهل حياه ( هو قرر انه يتجاهلها ويعود للبرود اللي كان فيه )
بدأوا التمارين وبعد فتره اوشكوا علي الانتهاء فجأه
ملك فجأه اغمي عليها اتلم الدكاتره حولها وكانو هيشيلوها علي قرب منهم : لا محدش يقرب منها انا هشيلها شلها وداها المخيم وكان هيموت من القلق عليها
و حياه كشفت عليها كان شويه إرهاق بس اول ما فاقت
ملك بتعب ظاهر : هو فيه ايه ايه اللي حصلي ؟
حياه حضنتها : خوفتينا عليكي ليه تعملي كدا في نفسك وتتعبي نفسك علي الاخر كدا
الاء: كدا يا ست ملك ترعبينا كدا وحضنتها
علي دخل اول ما عرف انها فاقت : انتي كويسه ؟؟حاسه بايه ؟؟
ملك : انا كويسه الحمد لله باقي الدكاتره اطمنوا عليها ومشيوا واخدوا ملك علي السكن
في السكن حياه والاء حاضنين ملك
ملك : يا جماعه انا والله كويسه بس اللي عاملينه دا هموت مخنوقه كدا ابعدوا شويه
حياه : بعيد الشر عليكي متقوليش كدا
الاء : عايزه تموتي وتسبيني طب مين هيعملي بيتزا بعد كدا
ملك : امشي يا بت من هنا بقي خايفه اني مش هعمل بيتزا ومش خايفه عليا
الاء : لا طبعا مين قال كدا دا انتي الخير والبركه يا كوكو
حياه ضحكت عليهم واتمنت يفضلوا سوا طول العمر
*********************
في مكان آخر
الباشا بعصبيه : كل اللي كنت هعمله خلاص اتدمر
مساعده : ليه يا باشا اللي حصل
الباشا : الغبي اعترف علي اللي كنت اعمله وانا كنت قربت اوصل للقرص خلاص
مساعده بخبث : بيقي ندخل لهم بالخطه البديله واللي هتخلينا نوصل للقرص اللي مع سيف بأسرع وقت
الباشا بخبث : جهز الرجاله علشان الهجوم
مساعده : تحت امرك يا باشا
******,,*************
تاني يوم
سيف قام علي نفس الكابوس وقام وجهزوا نفسه ونزل للتدريب بعد فتره محمد كمل مكانه وهو وذهب لمكتبه
ونادي علي طارق يجيله
طارق : كنت عايزني
سيف أعطاه صندوق صغير طارق فتحه لاقياه القرص
سيف : طارق مش لازم حد يعرف ان القرص معاك وحاول بسرعه توصله للرئيس
طارق : كله مفكر انه معاك بس متقلقش كلها بكره بالكتير وهروح بنفسي اوصله
سيف : واثق فيك
طارق خرج من مكتبي سيف لقي سلمي واقفه بره
طارق : فيه حاجه يا دكتوره جايه هنا ليه
سلمي : كنت عايزه طلب من سيف بيه
طارق : تمام ادخلي هو جوه
دخلت سلمي بعد ما اذن ليه سيف
سيف : خير يا دكتوره في حاجه
سلمي: كنت عايزه اقول لحضرتك اني تعبانه النهارده ومش هعرف اعمل التمارين
سيف : تمام يا دكتوره ممكن تستريحي النهارده
سلمي خرجت بره لقت حياه شايفاه عملت نفسها بتعدل في هدومها وكأن فيه حاجه بينهم وبين سيف
حياه بقرف : استغفر الله العظيم وانا اللي مفكره محترم
فلاش باك
في المخيم علي : حياه معلش انا مشغول ورايا عمليه مهمه لجندي حالته خطيره ممكن تروحي بدالي لطارق باشا تطلبي منه الادويه اللي ناقصه ودا كشف فيه اسماء كل اللي محتاجينه
حياه : حاضر يا علي ولا يهمك.
حياه خرجت وتوجهت لمكتب طارق بس العسكري قال ليها انه عند سيف فذهبت لمكتب سيف ولكن وجدت سلمي اللي كانت شايفاها وهي متجه لمكتب سيف فسبقتها عنده ودخلت ليه قبلها وشافتها حياه وهي خارجه وبتعدل لبسها )
باك
سلمي عملت نفسها مصدومه من حياه : حياه !!!
دا سيف كان ..اقصد سيف بيه كان عايزني اخد اجازه بس لانه حس اني تعبانه بس
حياه بقرف وكره سابتها ومشيت
حياه دخلت عند مكتب سيف
سيف : خير يا دكتوره حياه فيه ايه تاني
حياه بقرف ومقدرتش ما تتكلمش وعصبيه : انت ليك عين تتكلم وهي لسه خارجه من مكتبك طب اتقي الله حتي
سيف مش فاهم حاجه وبهدوء : هو ايه انتي بتتكلمي بتقولي ايه
حياه : طبعا هتعمل نفسك مش فاهم بس ربنا مش هيسيبك صدقني ولا اقولك لاقين علي بعض فعلا
سيف كان هيمسك ايدها وبيقول : انتي هبله انتي بتقولي ايه !!لاقين ايه !! ومش فاهم ايه
حياه بصوت عالي : ابعد ايدك !!انت شكلك متعود علي كدا باين بس زي ما فيه امثالك ربنا خلق ناس نضيفه بتخافه وتحافظ علي نفسها
سيف بعصبيه وعدم فهم بيتكلم وهو بيكز علي أسنانه :وطي صوتي وانجزي واخلصي انتي عايزه ايه انا مش ناقص عصبيه ولا دوشه ولا جنان
حياه : هكون عايزه ايه من وشك دي قايمه اسماء الادويه اللي محتاجينها وسابته ومشت وهي متعصبه
سيف بيحاول يهدي نفسه وهو مش فاهم ايه الي حصل وليه كانت بتتكلم معاه كدا بعد ما خلاص كان ناوي ميعملش مشاكل معاها تاني و يعاملها كويس
******************
في المخيم
علي : حياه اديتي الكشف لطارق بيه
حياه بعصبيه : ايوا وديته
علي : مالك فيه ايه
حياه : مفيش
الاء : مالك يا حياه ايه اللي معصبك
حياه بزعيق : اوووف مفيش كل شويه شويه مالك مالك انا زهقت انا رجعه السكن وحد ياخد مكاني
رجعت السكن وطلعت لقت ملك(ملك منزلتش لأنها تعبانه )
ملك: فيه ايه يا حياه رجعه بدري ليه
حياه بنرفزه : مفيش
ملك : لا فيكي ولازم تقوليلي
حياه بعصبيه وصوت عالي : قولتلك مفيش انتي ايه مسمعتيش
ملك بدموع : لا سمعت يا حياه بس كنت مفكره اني اختك وبتقوليلي كل حاجه
حياه زعلت من نفسها لأنها طلعت غضبها علي أقرب ناس ليها وعيطت وحضنت ملك : انا اسفه مكنتش اقصد انا بس حصلتلي حاجه وحشه
ملك : ايه اللي حصلك قوليلي مش انا اختك
حياه اضطرت تقولها وحكت لها علي سلمي وسيف وهي خارجه من عنده
ملك فهمت هي زعلانه ليه : استغفر الله العظيم ربنا يهديهم بس انتي مزعله نفسك ليه ولا تكوني بتحبيه
حياه باستنكار: لا لا احبه ايه انا بس زعلت لاني كنتي مفكراه محترم
ملك بخبث وهي تشعر بكذب حياة : طب عادي وبتحصل فيه ناس كتتير اللي جواها مش زي اللي براها وبعدين انتي مالك بيه ما يعملي اللي هو عايزه
حياه مش عارفه هي زعلت ليه وليه اتعصب كدا قالت في نفسها يمكن تكون حبيته وبعدين قالت مستحيل دا مش شبهها ودايما علي اختلاف ومشكاكل مع بعض وقررت انها تتجنبه وتركز في عملها
ملك : روحتي فين
حياه : لا مفيش انا هغير علشان انزل التدريب يلا سلام
***,,,,,,,,??,***************
في الساحه
حياه واقفه جنب زمايلها ولكن بتجد سلمي جات ونادت علي سيف
الاء: هي مالها دي لازقه فيه كدا ليه
حياه بغيره : واحنا مالنا خلينا مستنين خنجر بيه اما يخلص
الاء : خنجر !!!!وضحكت, علي الله يسمعك
حياه : وانا اخاف ولا ايه
الاء : ايوا يا جامد بس والله لايق عليه خنجر اكتر من سيف. وضحكت
عند سيف
سيف : نعم يا دكتوره مش قولتي انك تعبانه
سلمي : انا لقيت نفسي كويسه فهكمل التدريب بس لو تعبت ممكن اخرج
سيف بلامبالاه: تمام
سلمي كان هتمشي عملت نفسها اتكعبلت وسيف مسكها وحياه شافت المنظر دا
سيف : بدأ لهم التمارين وفي تمارين الدفاع عن النفس
سلمي بتقول لسيف يساعدها لأنها تعبانه فبيساعدها
حياه خلاص مش قادره تشوفهم سوا وعرفت انها حبيته بس قررت ان الحب دا لازم ما يكملش ولانه مينفعش
وعملت نفسها مش هاممها وخلصوا التمارين
سيف : دكتوره حياه ممكن كلمه
حياه : اظن مفيش حاجه بينا علشان تتقال
سيف بغيظ من اسلوبها المستفز: ممكن اعرف انا عملت ايه وايه اللي عملتيه الصبح دا
حياه : اظن دي حاجه تعرفها لوحدك
حياه ولسه هتمشي سيف بيلاحظ حد هيصوب النار عليها فيشدها ياخد الطلقه مكانها وبتكون في الكتف
وبتحصل ضرب نار وسيف بيطلع اللاسلكي ويتصل بالظباط وفي اقل من ٥ دقايق كان الظباط والجنود محطوطين المكان وضربوا كل الملثمين والظباط بيحموا الدكاتره
وبعد فتره من الاشتباك سيف فقد دم كتتير فاغمي عليه
حياه مخضوضه علي سيف : سيف !! سيف !! ونادت بسرعه علي حد يشيله طارق بيجي ويشيله هو ومحمد وبينقلوه المخيم
علي والدكاترة معاهم بينقلوا المصابين وبيستطيعوا يداوهم وحياه تدخل تعمل عمليه لسيف وتخرج الرصاصه وخرجت بره طارق ومحمد بيطمنوا عليه وهي طمنتهم عليه وانه فتره ويستعيد وعيه من البنج
فضلت تعيط كتتير لحد ما الاء وصلت مالك يا حياه فيكي ايه
حياه بعياط : انا السبب كان المفروض انا اللي اخد الرصاصه
الاء بتهديها وبتقول محاوله تلطيف الجو : دا قدر ومكتوب متعيطيش والحمد لله خنجر بيه حالته مش خطيره
حياه بتفضل تعيط ومستنياه يفوق من البنج
في اوضه سيف : طارق بيدخل ليه وهو قلقان
سيف ابتدأ يفوق
سيف : ايه اللي حصل حد حصله حاجه
طارق : كلنا بخير المهم انت كويس
سيف : كتفي بس مش قادر احركه
طارق : فتره ويخف ان شاء الله
فجأه بيرن موبايل سيف
سيف : الو
المجهول : الو الف حمد لله على السلامة يا سيف بيه
سيف : عايز ايه يا باشا انجز
الباشا بضحكه خبيثه: يعجبني ذكائك
سيف : اللي انت عايزه مش هتعرف توصله
الباشا : هديك مهله ٤ ايام تكون سلمتيلي القرص بدل ما كل شويه هتلاقي حد من اصحابك وجنودك بيموت
سيف بتفكير : واقدر اقابلك فين
الباشا بضحك : دي نحددها لو وافقت وقفل الخط
طارق : ناوي علي ايه
سيف : علي كل خير وبيلاحظ خيال حد بره كان بيسمعهم سيف بيشاور لطارق فطارق بيتسحب ويفتح الباب وبيخرج ولكن مش بيلاقي حد
***؟؟؟؟؟**********
بعد فتره حياه بتجي تشوف سيف بتخبط الباب وسيف بيقول ادخل
حياه : ح..حمد لله علي السلامه يا سيف باشا
سيف بلامبالاه وغير من طريقتها اللي كلمته بيها : الله يسلمك
حياه بتشوف الجرح وتغير عليه وبتقول بدموع : انا اسفه كان المفروض اكون انا مكانك دلوقتي
سيف وقد رق قليلا لرؤيته دموعها : اولا دا واجبي ثانيا هو كان يقصدني انا مش انتي
سلمي دخلت عليهم
سلمي محاوله اغاظه حياه : الف سلامه يا سيف بيه
سيف : الله يسلمك يا دكتوره
حياه : الف سلامه مره تانيه وسابته ومشيت
*****************
بعد.فتره
مجهول : الو معايا الباشا عندي ليكي حاجه هموت وتوصلها
الباشا : انت مين ؟وعايز ايه ؟وتقصد ايه ؟
المجهول بخبث: انا عايز كل خير انا ببساطه اقدر اجبلك القرص اللي انت عايزه
الباشا بخبث : والمقابل
المجهول : في دكتوره اسمها حياه عايزك تخطفها هبعتلك صورتها
الباشا : بس كدا
المجهول ايوا بس كدا
الباشا : انا ممكن اخلص عليها حالا بس ايه اللي يضمني ان كلامك صح
المجهول : مفيش ضمان ، بعد اسبوع بالظبط اكون عرفت اجيب القرص وانت تنفذ
الباشا : اتفقنا
مين المجهول دا ؟؟؟؟ وايه القرص اللي عايزه الباشا وعليه ايه ؟؟؟؟
اللهم صل وسلم على نبينا وحبيبنا محمد وعلى آله وصحبه أجمعين ❤️❤️❤️❤️
ياريت تفاعل يا حلوين وتقولوا رايكم في البارت ❤️❤️❤️❤️❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.