رواية حياتي فقط – الفصل التاسع
الفصل ٩
حياه بتبص وراها وبتشهق بصدمه : دا ايه اللي جابه هنا دا ورفعت الحجاب بسرعه علي وشها علشان تداري نفسها وما يشوفهاش
طارق بجديه وهيبه سيف واقف جنبه ولابس نظاره : السلام عليكم احب اعرفكم في الأول انا الرائد طارق العدوي المسئول عن حمايتكم هنا ، ومعايا الرائد سيف ، والرائد محمد والرائد عصام، لو احتاجتم حاجه سواء ادويه او غيره تبلغونا بيها واحنا هنتصرف علي طول …..احنا دلوقتي هنوزع عليكم جهاز لازم يكون مع كل دكتور وممرض.. في الجهاز دا علامتين الخضراء يعني في حد حصله اصابه والجهاز اللي هينور ياريت صاحبه يجي المعسكر لو المخيم بسرعه اما الاشاره الحمراء يعني حصل هجوم وفي إصابات كتتير و وكل الدكاتره لازم تستعد وتجي باقصي سرعه فيه جهاز جي بي اس بنستخدمه في حالات الطوارئ بيحدد مكان صاحب الجهاز …..دا السكن اللي هتنامو فيه قصاده دا مكان الشغل بتاعكم اللي هو المخيم (مكان زي مستشفي صغيره ) جنبه دا مكان تدريب الجنود والظباط فيه….. علي بعد كيلو من مكان التدريب قريه فيها عدد سكان قليلين واجبنا احنا نحموهم ممكن حد من السكان يكون تعبان او حصله أصابه واجبكم انكم تعالجوهم كمان وشاور لمحمد يكمل
محمد : السلام عليكم انا الرائد محمد مسئول كمان عن حمايتكم …..اولا في قواعد لازم تتبعوها …. في بعض التمارين للدفاع عن النفس لازم تتعلموها علشان محدش ضامن ايه اللي هيحصل….بالنسبه لشغلكم اولا هتتقسموا الي فريقين الميعاد الصبح الساعه ٥ ووقت الانتهاء الساعه ٥ بالليل بالتبادل مع كل فريق كدا خلصنا كل اللي عايزين نقوله في اي حاجه مش مفهومه
الكل : لا تمام
طارق : استراحة النهارده علشان جايين من سفر وهتبدأوا بكره بإذن الله الساعه ٥
اتقسموا للفريقين واتفقوا كل مستشفي في فريق وسلموهم الجهاز طارق وهو بيسلم الجهاز لحياه
طارق : اتفضلي حياه مدت ايديها واخدته وبتتنفس بسرعه
طارق : مالك فيكي حاجه
حياه وهي بداري وشها : لا
بعد مرور بعض الوقت
في اوضه ملك والاء وحياه رتبوا حاجتهم
ملك : سبحان الله يعني من ضمن ٢٧ محافظة في مصر نشوف الظباط دول في سينا
الاء : شكلها ايام عنب
حياه بعصبيه : يا ربي انا جايه هنا ٤ شهور هستحمل ازاي اشوف الإنسان لا انا بطيقه ولا هو بيطقني
ملك بهدوء : اهدي بس مالك متعصبه ليه هما ولا يقدوة يعملوا حاجه
حياه : انا هخاف منهم ولا ايه ..انا بس بكره اسلوبه المستفز وانا مش عايزه اعمل مشاكل مع حد ولا اتعصب
ملك.: معاكي حق ولو كلمونا مش هنسكت بس نحاول نمسك نفسنا شويه علشان منأذيش نفسنا وبلاش نعمل مشاكل عاوزين الفتره دي تعدي بهدوء
الاء : كدا كدا احنا مش هنشوفهم احنا هنكون من ٥ الي ٥ في المخيم وهما في تدريباتهم بقولكم اهدوا كدا غلط علي اعصابكم وخدي شيكولاته يا حياه
حياه : اخدت الشيكولاته واكلتها لا تصبحوا علي خير الواحد متكسر من الطريق
،،،،،،،،،،،,,,,,,,،،،،،،،،،،،،،،،،،،
علي جانب اخر
سلمي : الو
روان : ايوا بقولك عرفتك موضوع بمليون جنيه
سلمي بخبث : موضوع ايه
روان بخبث : بخصوص اللي انا قاعده معهم
سلمي : قولي وهديكي اللي انتي عايزاه
روان : شوفت حياه النهارده اول ما شافت الظباط دارت وشها وحستها اتضايقت ففضلت وراها واشوف مالها وانا داخله الاوضه سمعتهم بيتكلموا عن الظباط وشكلهم يعرفوهم وتقريبا مش عايزين الظباط.دول يشوفوهم شكلهم عاملين مصيبه كبيره اوي
سلمي بخبث : الله عليكي يا ريري افضلي وراهم واعرفيلي اكتر وما يبقاش اسمي سلمي ان ما فضحتهم وبقولك ايه اتقربي منهم واعملي نفسك بتكرهيني وحاولي تصاحبيهم
روان : ماشي سلام يلا دلوقت علشان محدش يلاحظ غيابي
سلمي قفلت الموبايل وقالت في نفسها بخبث عملالي فيها محترمه وانتي وراكي مصايب والله لافضحك
،،،،،،،،،،،،،،،،،،،،،،،،،,,,,,،،،،،،،،،،
تاني يوم
حياه وملك قاموا وصلوا حياه لبست بنطلون اسود علي شيميز ابيض اوفر سايز وطرحه مشجره اما ملك لبست بنطلون ابيض علي شميز بينك وطرحه مشجره
ملك بصوت يكاد يكون عالي جنب ودن الاء: الااااااااااااااء
الاء بفزع وزعر: ايه !!! مين اللي مات ؟ فيه ايه !!!!
حياه بضحك : قولتلك هي هتصحي كدا مش يا لولو ومعرفش ايه
الاء بتحاول تستوعب هي فين والمكان دا : منكم لله حد يصحي حد كدا اليوم باظ خلاص
ملك : ما انا بقالي ساعه بنادي ودادي فيكي مش راضيه تصحي اللي يشوفك يقول ما نمتش وانتي نايمه ١١ ساعه يا مفتريه
الاء : انتي بتعدي عليا ولا ايه ……هي الساعه كام
حياه : الساعه ٥ الا ربع يا دوب تلبسي ويلا علشان متأخرناش
الاء : بذمتك انا باخركم دا هي نص ساعه ساعه بالكتير
حياه باستنكار : لا طبعا دا تأخير دا
الاء قامت واتوضت وصلت ولبست بنطلون جينز علي شميز ابيض وربطت شعرها
حياه صحت روان لأنها كانت نايمه
حياه : روان روان اصحي ! يلا هتتاخري
روان : وانتي مالك اتأخر ولا متاخرش
الاء : تصدقي انك واحده رخمه وعايزه تتربي
روان : وانتي واحده قليله الأدب
الاء بنرفزه : طب والله لاموتك ومسكتها ضربتها بوكس في بطنها
روان : اااه
ملك : خلاص يا الاء بلاش مشاكل علي الصبح
حياه بصوت واطي : تستاهل
ونزلوا
روان صحت ولبست ونزلت
نزلوا تحت وهما ماشين حياه لمحت سيف وطارق وبعدت وشها بسرعه علشان ميشوفهاش ولكن سلمي شافتها …
تحت الدكاتره كلها واقفين في المخيم طارق دخل
حياه في نفسها اتنهدت الحمد لله انه مجاش
طارق : صباح الخير تقدروا دلوقتي تشوفوا شغلكم وتلفوا علي المرضي الظباط والجنود وانا هكون في المعسكر لو اي حد محتاج اي خدمه ومحدش ينسي الجهاز بتاعه في مكان
مشي طارق والدكاترة في المخيم بتشوف الجنود المصابين
توضيح (المخيم كان فيه جنود مصابين والدكاترة دول جم علشان كان فيه عجز في الدكاتره )
حياه استلمت الحالات وكشفت عليهم الساعه جات ٥ وقررت تروح السكن علشان الشفت بتاعها خلص
الاء: انا بقيلي حاله هبص عليها وامشي
حياه : طب انا هسبقك علشان ماخدتش الجرعه بتاعي وحاسس اني دايخه
ملك بغمزه : اكيد شيكولاته ماشي يا اختي روحي كلي الشيكولاته بتاعتك وانا هستني الاء
بعد فتره في السكن
روان شافت حياه وملك و الاء قاعدين وبيسمعوا فيلم كوميدي ويضحكوا
روان كانت قاعده وبتفكر ازاي تقرب منهم بعد اللي حصل الصبح وقررت تتنازل من كرامتها شويه وتعتزر
علشان الفلوس وسلمي : انا اسفه علي اللي حصل الصبح ممكن اسمع معاكم
الاء : للاسف الفيلم خلص واحنا هنام
روان بتحاول يتعاطفوا معاها وتنزل دموع مزيفه : طب سامحتوني انا الصبح ببقي مش في واعي وبقول كلام كتتير مكنش يصح يتقال دي عاده فيا من زمان
حياه بتعاطف ومرح : خلاص بطلي عياط ولا ناويه علي نكد نهار وليل
روان ضحكت وقالت باستغراب علي مسامحتها ليها : يعني خلاص بقيت صحبتكم
الاء : لا مليش صحاب غير ملك وحياه
روان زعلت : خلاص والله انا اسفه
ملك : خلاص بقي يا لولو ونفك الرابطه الثلاثيه ونخليها رباعيه بقي
الاء : موافقه بس بشرط
روان : وانا مواقفه علي اي حاجه
الاء : متساعديش سلمي لو حاولت تعمل حاجه وحشه لحد لينا
روان وهي بتبلع ريقها : م..مواقفه
قعدوا اتكلموا شويه ونزلوا وكملوا الفيلم سوا روان اول مره تحس ان عندها صحاب بجد بس قالت إنها مش هتكون سلمي وهي مصحباهم علشانها
حضنوا بعضو ناموا
في اليوم التاني
كل واحد ذهب للمرضي
بعد فتره وكان فيه احد سكان القريه بيتخانق عند باب المخيم علشان ابوه تعبان
حياه سمعت دوشه طلعت تشوف فيه ايه : ايه الدوشه دي
احد الظباط : واحد من القريه تعبان وعايز يكشف بس الدكتور اللي بيتابع معاه مسافر الأسبوع دا
حياه : طب هاته وانا هكشف عليه
حياه : محتاج عمليه بسرعه وحالته بتسوء نادوا دكتور علي بسرعه يعمل العمليه
علي بيدخل بعد ما بيعرف اللي حصل ويعرف حالته : حياه اعملي انتي العمليه انا هعمل عمليه لمريض تاني حالته اتدهورت اكتر و مش هينفع استني
حياه بتوتر : بس دي .. عمليه صعبه
علي وهو يحاول يكسبها الثقه : انتي قدها وعملتي عمليات كتتير أصعب منها
في اوضه العمليات حياه عملت العميله التي دامت ٧ ساعات وتمت بالنجاح
حياه طالعه مرهقه شافت طارق
طارق : الف شكر يا دكتوره سمعت انك انقذتي حاله دكتور ربيع اللي هو اصلا كان بيقول حاله ميئوس منها وكنت جاي علشان لو حصل حاجه مش عارف كنا هنعمل ايه
حياه : حضرتك دا واجبي
طارق بيشبه: احنا اتقابلنا قبل كدا
حياه وهي عيونها بتلمع: لا معتقدش
طارق في نفسه ازاي انسي العيون دي واللمعه دي: اه افتكرت حضرتك كنتي عندي في المطعم يوم الافتتاح
حياه : اه افتكرت وياريت حضرتك تنسي اي حاجه حصلت قبل كدا بعتذر لحضرتك مضطره امشي
طارق : تمام يا دكتوره مع السلامه
اخدت شنطتها وروحت السكن لان الاء وملك روحوا من زمان
حياه وهي في الطريق للسكن وكانت عند البوابه لقت الجهاز بتاعها بيتهز و لونه أخضر افتكرت انه في حد مصاب وهي راجعه بسرعه للمخيم وقبل ما تدخل في حد شدها وضغط علي عرق في رقبتها واغمي عليها
يتبع ………….
يا تري مين اللي خطف حياه؟؟؟؟
ايه المستخبي لهم ؟؟؟؟؟؟؟
ياريت تتفاعلوا يا شباب وتشجعوني انا بتقبل الرأي من اي حد❤️❤️❤️❤️🙃
اللهم صل وسلم على نبينا وحبيبنا محمد وعلى آله وصحبه أجمعين ❤️❤️❤️❤️❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.