رواية حياتي فقط – الفصل العاشر
الفصل ١٠
حياه وهي في الطريق للسكن وكانت عند البوابه لقت الجهاز بتاعها لونه أخضر افتكرت انه في حد مصاب وهي راجعه بسرعه للمخيم وقبل ما تدخل في حد شدها وضغط علي عرق في رقبتها واغمي عليها
بعد فتره
الدنيا ضلمه وفي واحد واقف ومديلها ضهره وبيقرب منها
حياه بتوهان وصداع شديد لقت نفسها في اوضه شكلها غريب وضلمه : انا فين !!!!! انت مين !؟!! اااه دماغي ! عايز مني ايه ؟؟؟؟؟ انت بتقرب كدا ليه !!!انا جيت هنا ازاي !!
سيف بغرور: بس بطلي اسئله، فاكره انك لو خبيتي وشك عني مش هعرفك انا عارف انك هنا من اول يوم وانتي بتلفي الطرحه بداري وشك بس كويس انك خايفه هخليكي بعد كدا تخافي تلمحي ظوفر ليا بس
حياه بعصبيه من كلامه وبترفع صباعها في وشه : هو انت !!!!اخاف منك انت ليه ان شاء الله انا ما بخافش غير من اللي خلقني وبعدين انا جيت هنا ازاي
سيف : انتي غبيه كدا ليه اكيد انا جبتك يعني وكان هيمسك ايديها
حياه بسرعه : زقت ايده ابعد عني انت ازاي تتجرأ وتلمسني يا حيوان
سيف بعصبيه : المس مين يا ماما انت مش شايفه نفسك عامله ازاي روحي شوفي نفسك في الأول وبعدين اتكلمي انا ساكت ..بس خافي مني بقي الايام اللي جايه علشان مش ناويلك علي خير وهتكون اكتر ٤ شهور في حياتك عمرك ما تنسيهم وانا كنت ناوي ارجعك بس لولا انك انقذتي الراجل بتاع القريه كنت بلغت عنك وروحتك
حياه بعصبيه هي الاخري : يا ريت والله دا احسن مليون مره من اني افضل قاعده واشوف واحد زيك
سيف بخبث : ومالو اروحك انتي وعلي واسيب ملك والاء هنا ومستحيل اخليهم يعرفوا يرجعوا مش دول صحابك برضو ! اغلطي بس معايا كمان مره وشوفي هعمل ايه انا ساكت وهادي خالص لحد دلوقت وسابها ومشي قامت حياه ورجعت السكن
حياه فكرت في علي لانه محتاج الفلوس علشان يفتح العياده اللي نفسه فيها وكمان هي مستحيل تسيب ملك والاء لوحدهم هنا فقررت انها تتجاهله وتقلل من انها تتعصب وتتكلم معاه
خرجت ولكن لمحتها رنا وهي خارجه
،،،،،،،،،،،،،،،,,,،,,,,,,,،،،،،
في اليوم التاني
حياه كانت لابسه دريس ابيض وفيه ورد اخضر وطرحه نفس اللون اما ملك دريس بيبي بلو وطرحه بيضاء والاء كانت لابسه دريس بكم تلات اربع واصل لبعد الركبه بشويه و سايبه شعرها اما سلمي كانت لابسه بلوزه وبنطلون وسايبه شعرها وهكذا باقي الدكاتره
في المخيم حياه بتكشف علي جندي و اتي ميعاد استراحه الغداء ودي نفس فتره راحه الجنود اللي ساحه التدريب وموعد الغداء
حياه قاعده برا مع ملك والاء بياكلوا قاعد قصادهم سيف وطارق ومحمد وعصام
محمد : بس الدكاتره دول حكايه يا عم مكنتش اعرف انهم فيهم بنات
عصام وهو بيبص لحياه : انا اللي مفكر انها هتكون اسوء ايامي.. وكنت ندمان اني اخدت القرار دا بس بعد جيت حسيت ان القدر جبني علشان اكون في الجنه
طارق وهو يري نظرة عصام لحياه : هما بصراحه جامدين
هيثم وهو يواصل النظر لحياه : جامدين بس !!!!
سيف اتضايق منهم ولاحظ انه هيثم بينظر لحياه وقال بصوت عالي : مكفايه كلام فاضي بقي واحترموا نفسكم شويه
حياه وملك التفتوا للصوت : هو فيه ايه!!!
الاء : مشغوله بالأكل، سبكم .. كلوا كلوا وخلاص
بعد فتره وهما قاعدين محمد قام. ذهب ناحيه الدكاتره
محمد : السلام عليكم ازيكم يا دكاتره النهارده ان شاء الله هنبدأ في التمارين بعد شيفت كل جروب يجي الساحه بتاعه المعسكر علشان التدريب حد عنده اي اسئله
دكتوره : اللي مش حابب يتدرب يعمل ايه
محمد : اولا دا مش شئ اختياري دا علشان سلامتكم وانتو عارفين انكم في منطقه خطر
دكتور : طب ايه هي التمارين
محمد : هتشوف كمان شويه يا دكتور
,,,,,,,,,,,،،،،،،،،،،،،،
بعد فتره خلصوا الشيفت وغيروا ملابسهم علشان التمارين فجأه بيدخل سيف باطلالته التي تسحر القلوب
واحده من الدكاتره: يخربيت دا ظابط انا مش همشي من هنا الا وهو خاطبني
واحده اخري : عليه شويه عضلات
واحده اخري : يخربيت حلاوته يا جدعان وربنا لولا انه بيتكلم مصري كنت قولت دا تركي ولا اجنبي
سيف بلامبالاه وتكبر وهو يسمع همسهم : انا الرائد سيف المسئول عن تدريباتكم اللي هتكون لمده شهر او اكتر علي حسب المستوي اللي المفروض توصلوله وتعرفوا تتعملوا كويس في المواقف الصعبه اول تمرين معايا لازم تجروا ٥٠٠ متر استعدوا
جروا كانت الاء اول واحده توصل وبعدها حياه وبعدها ملك ثم باقي الدكاتره
الاء بتكلم حياه وبتقول بصوت واطي : منه لله احنا ناقصين مرمطه
حياه بقرف : واحد متخلف يا بنتي
سيف : انتو الاتنين ليكم لفتين زايده جري بعد التدريب
حياه : ليه ان شاء الله
سيف : طب انا كنت بكلم بقول ايه
الاء وحياه سكتوا لانهم مسمعوش
الاء : احنا في مدرسه ولا ايه ايه التهريج دا
سيف : دا اللي عندي
حياه : وان ما نفذناش اللي انت بتقول عليه هيحصل ايه يعني
سيف بنرفزه : اول حاجه تتكلموا بأدب ثانيا دي قواعد ولا تمشوا عليها ثالثا واخر شي كلمه كمان واخليهم ١٠ لفات او اكتب في السجل بتاعكم سلوك مشاغب وهتبقي علامه في السي في في اي مستشفي هتكونوا فيها ساعتها هتشوفوا ايه اللي هيحصل
حياه سكتت
سيف بصوت عالي تاني تمرين هو الملاكمه هتتعلموا الأول بعد كدا هتلاعبوة بعض حياه بتلعب ملاكمه وتتخيل سيف علي كيس الملاكمه وفي نفسها واحد متخلف دايما بيخرجني عن شعوري
بعد التمرين ما خلص سيف كان بيعمل الحركات والتمرين الأول وبعدين الدكاتره بيقلدوه
سيف : اخر تمرين هو بعض تمارين للدفاع عن النفس وعلمهم شويه تمارين
( سيف كان بيعمل الحركات علي عسكري )
عند ملك في حركه مش عارفه تعملها وعلي لاحظ
علي راحلها غلط اللي بتعمليه دا المفروض كدا
ملك : تمام شكرا مكنش فيه داعي
علي : انتي اختي يعني عادي
ملك حست بحزن شديد
سيف : فيه حاجه مهمه بالنسبه للبنات لو التمارين صعبه عليكم وحصل اي موقف ليكي ايد ربنا خلقهالك تحطها في عين اللي يزعلك ، ليكي ظوافر خربشي بيها لو مش عارفه تتصرفي بركبتك وتحت الحزام المهم تدافعي عن نفسك وبكدا نكون خلصنا تمارين النهارده نتقابل بكره ان شاءالله ويكون فيه تحسن اكتر وكان لسه همشي وبعض الدكاتره مشت
حياه بتاخد الشنطه علشان تمشي هي والاء
سلمي قربت من حياه وقالت : عملالي نفسك محترمه وانتي مدورها
حياه بعدم اكتراث: انتي بتكلميني انا
سلمي بخبث : متعمليش نفسك هبله انا شفتك امبارح وإنتي طالعه من اوضته بالليل يا تري كنتو بتعملوا ايه كنتي بتتكلمي تمارين برضو ولا ايه
حياه ضربتها بالقلم : انتي واحده قليله الأدب ومش محترمه واللي ذيك عار علي الدكاتره
سيف سمع صوت حياه بيبص وراها سلمي شافته عملت نفسها وقعت
سلمي: ااه اااه ااه الحقوني
سيف جري عليها : فيه ايه اللي حصل عملتيها ايه انطقي
سلمي بتسرع ودموع مزيفه : زقتني وضربتني علشان بقولها اني بعرف اتمرن احسن منها
حياه بحده : واحده مش محترمه وكدابه زيك هيكون ايه يعني
سيف بعصبيه : انتي اللي بني ادمه مش محترمه ومتربتيش ماشيه تشتمي وتضربي في الناس
حياه : اخرس انا متربيه احسن تربيه يمكن احسن منك مليون مره اذا كنت تعرف يعني ايه تربيه من أصله
سيف وهي يتوجع من كلمات حياه لأن مامته سابته واتوفت من وهو صغير وباباه دخله مدرسه داخليه : ضرب برجله علي كرسي جنب حياه كان جنبه حجر وقع علي رجل حياه
حياه : ااه وشدت رجلها
الاء جرت عليها ولسه هتتكلم حياه سكتتها
سيف بعصبيه شديده : عقابا ليكي هتجري ٢٠ لفه ولو وقفتي هتبدأي من اول وجديد
حياه بعناد : وان ما معملتش
سيف : يعني اعتبري انتي وعلي والاء وملك مش هتشتغلوا في اي مكان تاني وانا قادر واعملها
سلمي انبسطت انها هتتعاقب
حياه بقله حيله قررت تتحمل وتجري علشان متأذيش حد
سيف بيكلم الاء انتي ليكي لفتين هتجري معاها واما تخلصي امشي
الاء جرت لفتين وكانت عايزه تكمل مع حياه او تقف تستناها بس منع ان اي حد يكون موجود وهو اللي هيراقبها بنفسه
حياه بتجري مش قادره علشان رجلها ورمت من الحجر وخايفه توقف تبدأ من اول وجديد وسيف واقف بيراقبها
يتبع ………….
رايكم يا قمامير في البارت ❤️❤️❤️❤️
اللهم صل وسلم على نبينا وحبيبنا محمد وعلى آله وصحبه أجمعين ❤️❤️❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.