رواية حياتي فقط – الفصل الثامن
الفصل ٨
ملك : مين يا حياه
حياه بصدمه : الاء !!!!انت جيتي هنا ازاي لوحدك😲
الاء بابتسامه مزيفه كالعاده بتخبي حزنها ورا الضحك والهزار : ايه الاستقبال دا مفيش الدنيا نورت.. الشمس طلعت !
ملك من ورا : الدنيا ضلمت !!
الاء : وسعي كدا يا بنت انتي ، انتي مصدومه كدا ليه ودخلت وسابت الشنط لو سمحتي يا ملك دخلي الشنط لاني بصراحه بصراحه مش قادره
ملك ضحكت ودخلت الشنط
الاء: بت يا ملوكه ياقلبي
ملك : متقوليش ملوكه دي
الاء : خلاص بت يا كوكو يا عسل
ملك : اممم عايزه ايه اخلصي
الاء : هاتي اي اكل من جوا لاني هفتانه خالص يادوبك جيت سندوتش من ماك ولقيت عربيه بتعمل سندوتشات في الطريق ايه حكايه فضربت ٣ ٤ سندوتشات
ملك : ولسه جعانه
الاء : الله اكبر يا اختي
حياه : انتي جيتي ازاي
الاء : شوفي البت اقولها جعانه تقولي جيتي ازاي اقوم اروح
حياه : بجد والله عملتي كدا ازاي وكنتي اصلا قايله انك ممنوع تخرجي
الاء : هربت ،
ملك : ايه !!!!!!!!
الاء : نطيت من البلكونه بالليل بعد ما جهزت الشنط ورمتها من البلكونه وقالت بضحك ونطيت وراها اصل اللي محدش يعرفه اني اهبل واحده خلقها ربنا ومحدش يقدر عليا
ملك شهقت وقالت بصدمه : تصدقي انك ولا مره قولتي حاجه صح غير دي انتي اهبل واحدة فعلا وطب مخفتيش وانتي بتنطي
الاء بضحك: عيب عليكي يا دوك احنا جامدين اوي اوي
حياه حضنتها : انتي كويسه انا عارفه لسه زعلانه ومجروحه اتكلمي علشان ترتاحي
الاء: يادي النكد هو الواحد ميعرفش يعيش فرحان شويه وبعدين انا متعوده طول عمري علي الأسلوب والتعامل دا وبعدين ينفع اضيع شبابي وشباب بشرتي في الزعل اخرتها ايه يعني.. متر في متر
حياه ضحكت هي وملك : لا طبعا طالما مش جاي منها غير الزعل يبقي انبسط وافرح نفسي وحضنوا بعض
ملك ضحكت : حد يدخل عليكم دلوقت شكلكم مسخره
الاء : امشي يا بت هتيلي اكل
ملك : وانا اللي كنت ناويه اعمل بيتزا بس علشان خطرك والله ما قايمه غير لما تسعدوني
حياه : يلا يا الاء غيري هدومك وتعالي علشان نساعدها مفيش حد في البيت وعلي هيقعد في شقته وبكره بالليل هنمشي
في المطبخ
حياه وملك هما اللي بيعملوا البيتزا والاء عامله نفسها بتساعدهم
بعد فتره
حياه : دي احلي بيتزا كلتها في حياتي
الاء : طبعا مش انا اللي عملاها
ملك : نعم يا اختي
الاء : مين اللي قطع الفلفل الأحمر
حياه بضحك : بصراحه الاء
الاء: مين اللي قطع الفلفل الأخضر
حياه : الاء
الاء : مين اللي قطع الفلفل الأصفر
حياه : الاء
الاء: شوفي علشان تعرفي اني عملت حاجات كتتير اوي
علقيلنا بقي علي كوبيتين شاي علشان تعبت
ملك : تعبتي !!!! كنت خدامتك انا وبعدين دا هما فلفتين اللي قطعطيهم يا نصابه وقعدوا يتخانقوا وماسكين بعض بهزار من شعرهم سيبي وانا سيب
حياه بزعيق : بسسسسس!!!!ايه شغل المصغرة دا انا قايمه احضر الشنط
ملك والاء بصوا لبعض : مالها دي !!!كنا بنقول ايه ااه
انا اللي قطعت اللي الفلفل وانا الل عملت العجينه
حياه بتضحك من فوق علي صوتهم : مش هيكبروا ….و عدي اليوم
اليوم التاني بالليل
حياه : يلا يا بنات علي جي بالعربيه
الاء من وراها :انا خلصت بس والشنط طلعتها بره مع شنطتك بس انا عايزه طلب
حياه: عايزه ايه
الاء: ابقي خلي علي يقف عند أي سوبر ماركت اشتري شويه حاجات
حياه : ماشي
ملك : وانا خلصت
علي وصل وحمل الشنط وركبوا ووصل عند سوبر ماركت والاء نزلت اشترت حاجات وطلعت
ملك : ايه يا بنتي كل الحاجات دي
الاء : دا هما ١٥ ٢٠ كيس شبسي و٦علب شيكولاتة بس وشويه تسالي بس علشان مش ضامنين يكون فيه الحاجات دي هناك
ملك ضحكت: بس !!!!
حياه : اهم حاجه الشيكولاته
الاء : عيب عليكي انا جيبالك علبتين
حياه رمتلها بوسه في الهوا : حببي
علي بضيق : يلا ولا ايه الاتوبيس هيطلع كمان نص ساعه يادوب نوصل
الاء: ماله دا براحه يا عم
وبعد فتره ركبوا الاتوبيس ووصلوا الصبح لأنهم كانوا بياخدوا استراحه في الطريق لانه طويل
وكانت سلمي بتحاول تضايق حياه كول الوقت بكلام بس حياه مكنتش بترد عليها
دكتور عبد الله من الدكاتره الموجودين معاهم : يلا يا شباب اصحوا احنا وصلنا اول ما ننزل كل واحد يجيب شنطه و هنلاقي ظباط هيرشدونا علي مكان السكن و كل واحد معاه مين في الاوضه
نزلوا
حياه بانبهار : سبحان الله …..واو المكان جميل
ملك : ااه تحفه شايفه الصحراء عامله ازاي سبحان الله فعلا
الاء: انا شكلي هقيم هنا تعرفوا ان بالليل منظر السماء بيكون تحفه
ملك : اه سمعت انه بيبقي تحفه مع النجوم كدا يلا نجيب الشنط
جابو الشنط والظباط جم واخدوهم علي السكن وراحوا علشان يشوفوا كل واحد هيكون في اوضه كام ومع مين
حياه لقت نفسها مع الاء ومع روان ورنا في اوضه ٧
ظابط : ينفع لو حد عايز يبدل مع التاني اوضته بس هي مره واحده مش هينفع بيدل تاني وبعد ما كل واحد يغرف اوضته ويحط حاجته و ينزل علشان كمان ساعه هنقولكم التعليمات اللي تمشوا عليها
كل واحد ذهب باتجاه اوضته
عند ملك والاء وهما ماشين باتجاه غرفهم
الاء: ملك خلي حد بيدل معاكي
ملك : انتي عارفه رنا وران مش مشكله وانا كدا كدا جنبكم
سلمي مع روان ورنا : عايزه حد يكون معايا في الاوضه
رنا بخيث : ايه رايك ابدل مع ملك وهي هتكون عايزه كدا علشان تكون مع صاحبها
روان باقتضاب : هتسبوني لوحدي مع دول
سلمي بحقد : متقلقيش كدا كدا انا كنت عايزه حد معاهم علشان اعرف بيعملوا ايه فخليكي معاهم واعرفيلي ايه اللي بيحصل اول بأول
روان : ماشي متقلقيش
رنا بدلت مع ملك
عند ملك : الله بقيت معاكم
حياه بانبساط : دي هتبقي إيام فل
يلا ننزل علشان هيقولو ا لنا علي شويه تعليمات
نزلوا تحت الدكاتره كلها واقفين مستنين الظابط علشان بيقول التعليمات وفجأه عربيه بتجي وبينزل منها ٢ والدكاترة بتهمس مين دول واللي بيتكلموا علي جمالهم
حياه : هما بيتكلموا علي مين دول !!
الاء: بصي كدا
حياه بترفع نظرها وبتشهق !!!!!!!!!!!!!
مين دا يا تري والايام اللي جايه هيحصل ايه ؟؟؟؟؟؟❤️❤️❤️
يا ريت تتفاعلوا يا شباب ❤️❤️❤️❤️
معلش مش بنزل الفتره دي علشان عندي امتحانات ادعولي ❤️❤️❤️❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.