رواية حياتي فقط – الفصل السابع
الفصل ٧
في فيلا سيف
طارق : اذيك يا عمي
يوسف : الحمد لله يا طارق يا بني عامل ايه؟
طارق : الحمد لله والله امال سيف فين ؟؟
يوسف بحزن : فوق اطلع ناديله يمكن يرضي ينزل ياكل معايا ولو لمره 😔
طارق طلع فوق في جناح سيف ( عباره عن سرير كبير وحمام كبير ومطبخ صغير وجيم ومكتب كبير كأنها شقه يغلبه الطابع المودرن الوانه رمادي في اسود ) سيف كان بيتمرن
طارق : مالك يا بني
سيف ببرود : مفيش
طارق : يخربيت برودك يا جدع !! طب تعالي ننزل تاكل اصل الصراحه ميت من الجوع
سيف : عايز تاكل انزل كل انا مش هنزل ويوسف بيه تحت
طارق : يا سيف حرام عليك دا مهما كان دا ابوك وكفايه عليه يا اخي ٢٠ سنه كدا
سيف : اسكت يا طارق علشان انت مش عارف انا حاسس بايه
طارق بحزن : لا عارف يا صاحبي وان كنت ناسي انا افكرك انا معاك من ٢٠ سنه يعني مش من سنه ولا اتنين وانا بقولك انسي او دور في الموضوع انا مش مصدق انه مامتك تعمل كدا وكمان عمو يوسف مستحيل يعمل كدا 😮💨
سيف : لا صدق لاني شوفته بعيني يمكن لو حد قالي مكنتش صدقت بس انا شوفت بعيني
طارق : انا همشي اروح علي الجناح بتاعي اجهز حاجتي علشان السفر ( طارق عنده جناح في الفيلا لانه عايش معاهم )
سيف : انا جاهز جهز نفسك أنت علي بكره الصبح
*******،********
حياه وعلي وملك وصلوا القصر
ثناء ومحمد سلموا عليهم وكل واحد ذهب لاوضته علشان يرتاح من السفر
***********
عند فيلا الاء
ابراهيم باباها في المكتب بيقرأ الجريده الاء بتخبط
ابراهيم :ادخل
الاء: حضرتك كنت عايزني
ابراهيم وقف ومشي لعندها وضربها بالقلم : انتي ازاي يا دكتورة بقالك ٣ ايام مش بتباتي في البيت كنتي فين انطقي
الاء بحزن وشفقه علي نفسها : كنت عند صحابي حياه وملك علشان خرجنا من المستشفي متأخر
ابراهيم : انا كام مره قولتلك ملكيش دعوه بالبنات دي دول مش مستوانا هما مصاحبينك علشان فلوسك
الاء: اولا دول انضف واحسن مننا مليون مره علي الاقل بنخاف علي بعض وبناكل مع بعض وبنضحك مع بعض وكمان مستحيل يقبلوا انهم ياخدوا مني جنيه عندهم كرامه فوق ما تتخيل علي الاقل مش زي ثريا هانم اللي كل حياتها النادي وبتصرف كل فلوسها عند دكاتره التجميل وزي حضرتك كل اللي همك الشركه والفلوس انتم اصلا مش فاكرين انكم عندكم بنت صحابي اللي مش عجبينك دول هما اللي احتويني هما اللي بيسهروا معايا وقت اما بتعب
ابراهيم ضربها بالقلم مره تانيه: اخرسي قطع لسانك هو انا بعمل كل دا لمين مش لكي واعملي حسابك خطوبتك علي مروان ابن صاحبي هتكون يوم الاحد
الاء بحزن وعند : وانا مستحيل اتجوزه نفسي افهم ذنبي ايه انا اني اتولد بنت وانت عايز ولد ذاكرت واجتهدت علشان اشوف نظره تغيير او فخر ليا وبرضو مش هامك!!! وفضلت زي ما انت بتعاقبني علي حاجه مليش دخل فيها .وان كنت بتعمل كل دا علشاني مش عايزه حاجه كان يكفيني انك تخدني في حضنك واننا نتجمع سوا في شقه صغيره عن كل اللي انا فيه دا
ابراهيم : انا أديت للراجل كلمه ويلا علي اوضتك مش هتخرجي منها الا علي بيته انا قررت انها تكون شبكه وكتب كتاب
الاء خرجت منهاره علي اوضتها اتصلت علي حياه تقولها
حياه : مساء الفل يا قلبي
الاء بتعيط : حياه الحقيني انا خلاص مش عايزه اعيش
حياه بصدمه وخوف : فيه ايه يا الاء بتعيطي ليه مالك يا حببتي ؟؟؟🥺
الاء: عايز يجوزني ابن صاحبه وقالي مش هتخرجي غير علي بيته انا عايز اهرب حاسه اني مخنوقه اوي مش قادره اتنفس (الاء لما تعيط كتير بتتخنق ومش بتعرف تتنفس ودا بسبب باباها وهو بيعملها كدا من وهي صغيره دايما بتضحك وبتعاند بس دا وسيله علشان متبينش الحزن اللي جواها )
حياه بحزن علي صاحبتها هي عارفه باباها ومعاملته ليها : اهدي بس امانه عليكي هنشوف حل متقلقيش خدي الدواء بتاعك بسرعه متخلينيش اقلق عليكي
الاء قامت بسرعه تاخد الدواء علشان حالتها متسوءش اكتر من كدا
حياه : هديتي كدا
الاء: ايوا حياه بالله عليكي ساعديني مش عايز اتجوز
حياه بحزن علي حاله صاحبتها : بصي ركزي معايا هو قالك هيكتب الكتاب امتي؟؟
الاءبتتكلم بصعوبه : بيقولوا الأحد
حياه : احنا كدا كدا مسافرين السبت حاولي تبيني انك وافقتي علشان محدش يشك في حاجه ويوم الجمعه بالليل تجهزي شنطتك وكل حاجاتك اللي هتاخديها المعسكر وهاجي انا وعلي وملك بالعربيه ناخدك وبعدين نركب الاتوبيس ونسافر
الاء بالم : كنت لسه هقوله اني مسافره كنت عايز اسمع منه انه فخور بيا زي اي حد ومهما عمل يا حياه انا في ناظره فاشله ومنفعش لحاجه كل دا علشان بنت ليه يا حياه كان نفسي اعيش زي اي انسانه طبيعيه اهلها بيحبوها
حياه بتأثر علي حالها : احنا معاكي اهو ومش هنسيبك ابدا انتي اختي يا الاء وانا وملك بنحبك وعمرنا ما هنسيبك
الاء : ربنا يخليكي ليا
حياه : يلا ادخلي نامي دلوقتي واقعدي ٣ ايام اللي جايين دول متحسيسيش حد بحاجه
الاء : مع السلامه
حياه : مع السلامه يا حبيبتي
عند حياه حكت لملك علي الاء
ملك بحزن علي صاحبتها : ربنا يحنن قلبهم عليها يارب
حياه : يارب تعالي يلا ننزل ناكل
******************
علي السفره
ثناء بتتكلم مع علي ولاحظه انه زعلان
ثناء بهمس : مالك يا علي ، البت ملك مزعلاك
علي بصوت تسمعه ملك : وانا هزعل من اختي ليه بس
ملك بصت ليه بحزن حاولت تداريه
محمد يهدي الجو وقال بدعابه : ما تبعد يالا شويه عن مراتي مالك لازق فيها كدا ليه
حياه محاوله لطافه الجو وقالت بخبث : الله يا حمو لسه بتغير عليها من علي
ثناء بكسوف : بس يا بت
ملك وهي تداري حزنها وتحاول ألا تظهر ذلك : انتي بتتكسفي يا بطه
علي بهزار : والله لولا انها مرات عمي كنت اتجوزتها
محمد بعصبيه مزيفه : تتجوز مين يالا …وكان هيمسك فيه
علي بخضه : بهزر يا حاج فيه ايه!!!
حياه وملك وثناء ضحكوا
ثناء بخبث وهي تنظر لملك: وانت تتجوزيني ليه يا اخويا من قله البنات …دا انت دكتور حليوه وزي العسل وألف مين يتمناك شاور انت بس .. وبعدين احنا كبرنا ونفسنا اشوفكم متجوزين قبل ما نموت
علي : بعيد الشر عليكي يا ماما كبرتي ايه بس يا شيخه دا انا فكرتك اخت حياه !!!
محمد : حد يمشي الولد دا من هنا ..اصل جبت اخري ..معرفش طالع لمين كدا ابوه مكنش فيه زيه وفي أخلاقه
علي بخبث : فيه ايه يا حج ما انت قاعد معاها بقالك ٤ شهور لوحدكم سبها معايا شويه …وبعدين انا طالع لعمي الحليوه دا
محمد بنرفزه : هتتلم ولا ..!!!!
ضحكوا عليهم
ثناء: خلاص اهدوا احنا نجوز علي الاول مش صح يا ملوكه
ملك : طبعا يا ماما ..علي اخويا ما شاء الله عليه وقالت محاوله تغيير الموضوع الا قوليلي يا ماما جهزتي الشنط لبكره
ثناء : ايوة يا حببتي جهزتها
خلصوا اكل وقعدوا يتكلموا
ملك وحياه ماسكين في ابوهم و امهم علشان هيوحشوهم
علي : في ايه يا جدعان ما تخدوني معاكم في الحضن دا ولا أنا مش من العيله
ثناء : تعالي يا حبيبي في حضني
محمد : يجي فين يا اختي تعالي يا شحط هنا ..
وضحكوا وعدوا اليوم وكل واحد اتجه لغرفته علشان ينام
*******************
تاني يوم
علي وحياه وملك ودعوا أهلهم وعلي اخدهم علشان يوصلهم المطار
ملك وحياه قاعدين بيسمعوا التلفزيون وبياكلوا شيكولاتة
جرس الباب بيرن حياه قامت علشان تفتح ولكن تفاجأت من اللي علي الباب
حياه بصدمه: !!!!!!!!!!!!
يتبع …………
ياتري مين اللي كان علي الباب ؟؟؟؟
تتوقعوا مين ؟؟؟؟؟؟؟
ياريت تتفاعلوا وتشجعوني 🥺❤️
الفصل التالي: اضغط هنا
يتبع.. (رواية حياتي فقط) اضغط على اسم الرواية لتجد الفهرس كاملاً بجميع الفصول.