رواية عندما يغيب العقل – الفصل السادس
فاضل….هسه شفت حبيبتي قبل شويه رحت جبت منها لوبيه
حليمه….سكتت اريد استوعب شنو قصده هو يقصدني
لا مو معقول يقصدني
السكوت طول؟؟؟؟؟
فاضل…ليش سكتي وينج
حليمه…شنو تقصد ما فهمت
فاضل….اقصد انتي اي انتي اني احبج من اول مره شفتج دخلتي كلبي وتربعتي وكعدتي بي
حليمه….اوكف دقيقه انت تحجي صدك
فاضل…طبعا صدك وبكامل قواي العقليه اني اول مره بحياتي احس هيج احساس حلو
حليمه…بس اني
فاضل…شنو انتي انتي احلى ماشافت عيوني
حليمه….انت تعرف شكد عمري
فاضل…عمرج وشنو علاقة عمرج بلموضوع الحب مايعرف عمر الحب احساس حلو ممكن باي لحظه ينولد
واني ماحسيت هذا الاحساس اله لمن شفتج
اني شايف هواي بنات أشكال واللوان
بس فعلا الاحساس وياج مختلف
حليمه…اني السنه دخلت بلستين وانت ٣٥
شلون يصير
فاضل….شنو هو الي مايصير فهميني الرجال رجال
من هو زغير والمره مره احاسيسها ما تتغير
حتلو كان عمرها ١٠٠ سنه يعني شنو اذا عمرج ستين مايصير ترتبطين
حليمه….فتحت عيوني ونشغت بصوت عالي كتله
ارتبط
فاضل…اي نزوج اني مااقبل علاقه اصلا استحرم
لازم نرتبط اني وياج
اريد هذا الحب يبدي بطريقه صحيحه
حليمه….اكيد لا شلون ارتبط واني بهذا العمر الناس شراح تكول عليه زحمه مايصير
فاضل….نزوج بلسر محد يعرف
حليمه….انت فاجئتني ابد ما مفكره واني بهذا العمر ممكن ارتبط
فاضل…شوفي تزوجيني لو اكتل نفسي انتي اختاري
اني مااكدر اكمل حياتي بعيد عنج بعد ماشفتج وحجيت وياج انتي وين جنتي من زمان
ليش عمري ضاع ومااعرفج
حليمه….اني اكبر منك ب ٢٥ سنه
فاضل…استغفر الله هم رجعنا الهاي السالفه بابا انتي احلى من بنات العشرين اني ماشايف هيج وحده
صدكي زوجتي عمرها ٣٠ بس عبالك عجوز جسمها مخربط شكلها مو نضامي من اسئلها ليش وضعها هيج
تكول من الحمل والولاده وتربية الجهال
جمانه السعيدي
حليمه….ياريتني لو جسمي مخربط ولا باقيه بدون اطفال
انت عندك نعمه ما تعرف قيمتها
فاضل…اني تصير عندي نعمه ماتتقدر قيمتها بلدنيا
كلها اذا قبلتي نزوج ارجوج فكري
حليمه…انت شليت عقلي بهذا الطلب
فاضل…واني اموت إذا رفضتي هذا الطلب
حليمه…بقا فاضل يقنعني طول اليل الحد اذان الصبح وهو
نازل عليه غزل وكلام حب
احس عقلي تفرمت سمعت منه كلام بعمري ماسامعته
للصبح يله نمت وهذا الشي اني ما متعوده علي
جديد بلنسبه اليه
للضهر سمعت صوت ام ايمن تصيح من الحايط
كمت اسحل بنفسي سحل
ام ايمن….هاااي شنو نايمه خير خوما مريضه
ام حسن….لا مابيه شي
ام ايمن …اليوم ماسمعت صوتج ولا ريحة طبخ
اتصلت عليج تليفونج مغلق
ام حسن….لا خلص شحن
ام ايمن…اذا تعبانه كولي اخذج للمستشفى
ام حسن…لا مابيه شي
جمانه السعيدي
نزلت ام ايمن حسيت نفسي تعبانه مانايمه زين
اخذت ملابسي ودخلت للحمام
اباوع على جسمي واكول ليش لا بعدني حلوه
جسمي لا مترهل ولا تعبان ليش مااقبل بعرض فاضل
على الاقل حياتي ترجع بيها حس
اكو واحد يهتم بيه ويطمن عليه
مادام زواج بلشرع ومو شي حرام ليش لا
مادام يحبني ورايدني ليش لا
من حقي ازوج اني ماناقصني شي اريد حياتي
يصير الها معني اريد يصير شي حلو بحياتي
حتلو كل يوم يجيني ساعه
ميخالف اني مااكدر اكمل على هذا الوضع
من حقي ازوج اريد ابدي من جديد يمكن فاضل عوض رب العالمين دزه اليه
ليش ارفض اذا رفضته مراح تجيني هيج فرصه مره ثانيه
مستحيل يجيني واحد بلستين يرتبط بيه
فاضل مناسب بعده شباب قوي يكدر يشتغل واني هم اساعده براتب التقاعد
كنت اقنع نفسي بهاي الزواجه
رغم عقلي مايقبل بس كلبي فرحان طاير من الفرح
قررت انطي عقلي اجازه اغيب عقلي وانطي مجال الكلبي
كل عمري امشي ورا عقلي وابد ماسويت شي غلط
بس ماكنت سعيده ولا فرحانه
اليوم اريد اغيب عقلي وامشي ورا كلبي بلكت اعيش سعيده العمر مابقي بي وقت
لازم انتهز هاي الفرصه
جمانه السعيدي
طلعت من الحمام امشط بشعري رن التليفون
فاضل ابو المولده
حليمه…الوووو
فاضل…يااهلا بهلصوت يامية هلا ياقضاة الحب احنا بمشكله هاي اغنية كاظم الساهر
حليمه…هاي عليه
فاضل…واكو وحده غيرج تملى الكلب والعين ياست الكل
حليمه…هههه
فاضل…اروح فدوه الهلضحكه الحلوه
حليمه…يمتى كعدت
فاضل…هسه فتحت عيوني وكبل صرتي كدامي
حليمه…اني اليوم الجيران كعدوني لان مو من عادتي
ابقى نايمه للضهر
فاضل….شنو علاقتهم الجيران
حليمه…اني اخاف اموت وصيت جيرانه تتفقدني
فاضل…اني اموت ولا انتي
من عمري على عمرج حبيبت كلبي
حليمه…انت صدك تحبني
فاضل….احبج بس احبج اكيد اموت عليج مو بس احبج
انتي الاختلاف الوحيد بحياتي الي جنت انتظره
حليمه…شلون تحبني واني
فاضل…لا تكملين رحمه الاهلج ولا تكولين اكبر منك ومن هذا الحجي السخيف
اني احبج وبس واذا ما مصدكه وتردين اثبات
هسه اجي اتقدملج
واجيب مشيه واسويلج عرس
واطلع اني وياج واني لازم ايدج واتباها بيج كدام العالم
انتي جوهره محد يعرف قيمتج
حليمه…الهلدرجه تحبني
فاضل…واكثر ياعيوني انتي
حليمه…انت بلبيت
فاضل…اي
حليمه…وزوجتك شلون تحجي هيج كدامها
فاضل…زوجتي مو بحالي ملتهيه بلبيت والجهال
مو اكلج اني محروم
ولكيتج ضوه يضوي حياتي
على فكره هو وزوجته متفقين على هاي الخطه
هي الي جانت ادرسه شيحجي حتى يقنعني
بعد ماعرفت اني عندي بيت وذهب وراتب محترم
راتب صافي الله يرحمه
فاضل…حبيبتي هسه شلون
حليمه…بخصوص شنو
فاضل…نزوج اني بعد مااكدر اصبر اكثر
حليمه…ولله استحي شلون ازوج الناس شراح يكولون عليه
فاضل…نزوج بلسر محد يعرف اجيج بليل واطلع من الصبح
لاتخافين محد.راح يعرف بهاي الزواجه بس اني وانتي
واذا صار اي شي لو الناس عرفت
انطلع عقد زواجنا ونخلي بعيون اكبر واحد
حليمه…كلش خايفه ومتررده
فاضل…ؤعني انتي موافقه بس متردده
حليمه…مااكدر عليك اي موافقه بس ابقى بيتي
فاضل…اي اني هم اريد اكلج نزوج بيتج فتره
الحد مالكه سكن مناسب وننتقل اني وياج
حليمه…لا اني مااطلع من ببتي
فاضل…موافق براحتج بس عندي طلب
تقطعين علاقتي بجيرانج اني مااريد جارتج كل شويه
تصيح من الحايط لو تصعد
انريد ناخذ راحتنا اكطعي علاقتي بلجيران
حليمه…مااكدر ذوله عشرت عمر شلون اكطع علاقتي بيهم
فاضل…حبيبتي المصلحتج
حليمه….زين شويه شويه مو كبل اكطع علاقتي بيهم
فاضل…واريد اصارحه بشي ثاني
حليمه…كووول
فاضل…اني ماعندي مهر اقدملج اني وعائلتي عايشين على المولد بلكوه مكفين المعيشه
طبعا انتي تستاهلين ماي العين مو ذهب وفلوس
بس اني مااريد اغشج اني ماعندي
بس اذا تصممين تردين مهر اروح اتقرض
واجيبلج مهر
حليمه….لا مااريد مهر وجودك بحياتي كافي بلنسله اليه
كل عمري عندي عندي ذهب بس مو سعيده
انت عندي اغلى من كل الذهب
فاضل…فدوه اروح الهلحلك الحلوووو
يله نحدد يوم العرس
حليمه….نحدد يوم العرس
فاضل…الخميس يناسبج
حليمه…اليوم شني بلايام
فاضل…احد
حليمه…اي موافقه
الفصل التالي اضغط هنا
يتبع.. (رواية عندما يغيب العقل) اضغط على اسم الرواية لتجد الفهرس كاملاً بجميع الفصول.