رواية عندما يغيب العقل – الفصل الخامس
حليمه…طلع فاضل راح يجيب الجوزه واني طلعت برا
طلع ابو ايمن من بيتهم مبدل وبيده سويج سيارته
ابو ايمن…هااا ام حسن مااجا الولد ابو المولد
حليمه…لا راح يجيب جوزه جديده لان طلعت الجوزه بيتنا عاطله
ابو ايمن…ادخلي بيتنا ليش واكفه بلشارع
حليمه….لا هسه الولد يجي لازم الزم الايت حتى يكدر يشتغل براحته
ابو ايمن…براحتج اذا المولد مااجا تنامين عدنا اليوم
واني باجر اجيب كهربائي يصلحه
حليمه….الله يحفظك بيت العامر انشاء الله
شغل سيارته وطلع شويه ورجع عليه فاضل
فاضل… جبتلج احسن جوزه بعد ما تنطفي كهرباتكم
تعاي الزمي الايت خل ارتب الجوزه
حليمه….اي يله بس كون تصير اني مااعرف اطلع من بيتي
لو انام بيت غريب
دخل فاضل شلع الجوزه القديمه وخله هاي الجديده واني اكفه ورا ولازمه الايت
كمل كلشي
فاضل…هاي هي اني طفيت الجوزه بلمولد هسه اروح اشغلها
حليمه…شكد تعبك عيوني
فاضل…خليها عليه اعذريني اني مااعرفج لان مشتغل جديد بلمولد
حليمه…واني بكل عمري ماواصله المولد من تعطل
ادز واحد من جهال الجيران ويشغلوني
حتى الفلوس ادزهن بيد ابو ايمن جيرانه
فاضل…. هلمره اعتبري عربون صداقه
حليمه….لا ولله مايصير لازم تاخذ حقك هاي ٢٥ كافي
فاضل…شكرا كلش كافي
اني اصلا كهربائي اي شي تحتاجي بس تواصلي وياي
كلشي اعرف
انطيج رقم تليفوني اذا صار شي بس اتصلي عليه اجيج
كبل
حليمه…اي ولله تسوي فضل لان مااكدر اطلع واروح واجي
فاضل…جيبي تليفونج اسجل رقمي
حليمه…اخذ تليفوني وسجل علي فاضل ابو المولد
تشكرت منه طلع وطبكت الباب ورا
اتصلت عليه ام ايمن
ام ايمن …… هااا خاله ام حسن اجتج الكهرباء
حليمه…اي اجت فدوه العينج ماقصرتي
جمانه السعيدي
دخلت صليت وتعشيت غسلت ملابسي ودخلت انام
ثاني يوم الضهر طفت الوطني ومااجا المولد
انتضرت ربع ساعه نص ساعه اسمع صوت الكهرباء
بيت جيرانه
طلعت التليفون واتصلت علي
حليمه….الووو عيوني اني ام حسن
فاضل…اهلا وسهلا
حليمه…عيوني ماجتني الكهرباء
فاضل…دقيقه اشوفها هااا اشتغلت
حليمه…اي اشتغلت الف رحمه على والديك
فاضل…تدللين
حليمه…صارت الكهرباء تنطفي بين يوم ويوم اتصل بفاضل
وترجع
تنطفي بلوقت الحرج لو الضهر لو المغرب
وكانما مقصوده
اخر مره طفت اتصلت علي
حليمه…عيوني ليش جاي تطفه قبل ولا تطفه يمكن الجوزه موزينه صار اسبوع كل يوم تطفه
فاضل…اصلا هاي احسن جوزه من الاصليه
حليمه…لعد ليش جاي تطفه
فاضل…. مااعرف اوعدج بعد ما تنطفي
شكيت هو الي جاي يطفيها لان بس اتصل علي ترجع
ايجوز هو الي يطفي علمود اتصل علي ونحجي
بس احنا مانحجي كلمتين وبس
بلبدايه كان كلام عادي
ورا اربع اوخمس مكالمات دزلي صباح الخير
اني الصراحه مارديت كلت يمكن مشتبه بلرقم ودزلي
لليل دزي مساء الخير
استغربت ليش يدزلي هيج اني ماعندي بي معرفه عميقه
معرفتنا سطحيه بس علمود المولد
جمانه السعيدي
مارديت علي
رجع دزلي السلام لله ليش ماتردين
حليمه….اهلا وسهلا توقعت مشتبه بلرقم
فاضل…لا ما مشتبه متاكد
حليمه…اكو شي
فاضل…لا ماكو شي بس حبيت احجي وياج اذا ماعندج مانع
حليمه…بخصوص شنو
فاضل…انتي مبينه فاهمه وعاقله واني ارتاحيتلج
اريد اخذ رائيج بشغله اذا سمحتي
حليمه…تفضل
فاضل…يعني عندج وقت نحجي شويه
حليمه…اي ماعندي شي احجي
فاضل… عندي مشكله اريد اخذ رائيج بيها
حليمه….مشكله باستار تفضل
فاضل….. اني مزوج صار عشر سنوات مزوج بت عمي
ابوي فرضها عليه فرض مااحبها ولا كدرت احبها بيوم من الايام
عندي منها ٣ اطفال
صدكيني ذوله الاطفال صارو غصب عني اني جنت
شارط عليها مااريد جهال بس هي عبالك شغلت عناد
سوتهم اتلاثه
حليمه….احمد ربك غيرك يتحسر على ريحة الطفل
وانت جاي تتبطر على نعمة رب العالمين
جمانه السعيدي
فاضل…اني حامد ربي بس
حليمه…شنو بس وين المشكله
فاضل…عشر سنوات وماكدرت احب بت عمي
وحده غثيثه وابد ما تنحب همجيه شكد حاولت أقرب عليها واحبها بس مو بيدي
حليمه….وين المشكله هسه شنو اذكرت ما تحبها
ليش ما انفصلت عنها من اول طفل
فاضل…مو بكيفي اهلي ما يقبلون ولا اني عندي امكانيه
اطلع من بيت اهلي وازوج
حليمه….انت عندك نعمه ماحاس بقيمتها
زوجتك هاي بت عمك تعرفها وتعرفك احسن من الغريبه
ايجوز لو وحده غريبه ماتقبل بوضعك هذا
فاضل….شلفايده مامرتاح العمر ينعاش مره وحده
واني مو زغير عمري ٣٥ سنه بعد يمتى اعيش
حليمه…واني ماعندي حل الك شنو تنفصل عنها وتبهذل جهالك حرام عليك
فاضل…بس اني احب وحده غيرها
حليمه….لا اله الا لله زوجتك خطيه
فاضل…واني مو خطيه يضيع عمري هيج
حليمه…استغفر ربك وانتبه الجهالك ترا بدون الجهال
الحياة ما تسوه ابد فلس واحد ما تسوه
فاضل….وكلبي شلون بي
حليمه….مااعرف حاوول تنسى
فاضل…شلون انسى واني من يوم شفتها لليوم ماانام اليل
حليمه…الهلدرجه تحبها
فاضل….اموت عليها لو شايفتها تخبل جمالها عجيب
عبالك لوحه فنيه ولا غلطه
حليمه… زين حبيبتك تقبل ترتبط بيك وانت مزوج وعندك ٣ اطفال
فاضل…مااعرف هي اصلا بعدها ما تعرف اني احبها
حليمه…فاتحها بلموضوع ايجوز ما تقبل ترتبط بيك
وانت مزوج
فاضل…دقيقه اطفي المولد لان اجت الوطني
حليمه…براحتك
فاضل…بعدج وياي
حليمه….اي
فاضل…خاف جاي ازعجج
حليمه…لا ماعندي شي
فاضل…شنو رايج اصارحها بحبي
حليمه…اي اني اشوف هاي احسن طريقه لان انت اذا عرفت موقفها منك تحدد ساعتها شراح تسوي
بس احجيلها كل ضروفك
فاضل…هااا انتي تشوفين هيج
حليمه…هذا احسن شي تسوي بس زوجتك شلون
فاضل…اني مأناوي اضم عليها شي اكيد راح اصارحها
حليمه…واذا ما قبلت
فاضل…. المهم يكون عدها علم حتلو ما وافقت اني ازوج
يعني ازوج
اذا مااخذها اموت تعرفين شنو اموت
جمانه السعيدي
حليمه…اسم الله وين اكو رجال يموت علمود وحده
فاضل…اني مستعد اموت علمودها عشر مرات
صدكي لو ملتقيها قبل لا ازوج
جان اخذتها ونهزمت حقج ما شايفتها شكد حلوه
وراقيه وجذابه وحنينه كل المواصفات الحلوه بيها
حليمه…اذا هيج تحبها وتموت عليها اخذها
بس شلون راح تصرف عليها وعلى جهالك
فاضل…اشتغل ليل نهار حتى اكدر اصرف عليها
حليمه…تصرف عليها وجهالك
فاضل…جهالي وياا اهلي وابوي يحبهم وراح يدللهم دلال
هو الي ورطني بهاي الزواجه
خل يتحمل مسؤلية جهالي
من حقي اعيش يومين بحياتي
العمر يركض واني كلشي ما افتهمت من عمري
حليمه…الله يسعدك وتأخذ الي تحبها
فاضل….احلى دعاء يمكن اخرتج على العشى
حليمه…سلكت لوبيه بس اكلي طماطه واتعشى
وانت تعشيت
فاضل…لا بعدني بس ريحة اللوبيا دخلت بخشمي
حليمه…اصبلك تجي تأخذ لوبيه
فاضل….لازحمه
حليمه…ماكو اي زحمه هنا شويه لوبيه قابل ذبحت الطلي
فاضل…يله راح اجي من الباب اخذ لوبيه
حليمه…منتضرتك
جمانه السعيدي
فاضل…خل اتصل عليج ابقي وياي على الخط
منا لمن اوصل
حليمه… تمام اخليلك بماعون لو جدر زغير
فاضل…بكيفج
حليمه…جدر احسن حتى لا تبرد
فاضل…اي شي من ايدج حلووووو
حليمه…تسلم
اني لابسه ثوب بنفسجي طويل خليت شال على راسي وطلعت
انطيته جدر لوبيه وكرصت خبز وماعون زلاطه وتفاحه
فاضل…شنو هذا كله شكرا
حليمه…العفو
فاضل….اكمل واجيب المواعين
حليمه…الف عافيه
حليمه……طبكت الباب حسيت براحه عجيبه ساعه كامله واحنا نتراسل ماحسيت بلوقت
حبيت طريقته بلكلام
اتمني لو يبقى يحجي وياي طول الوقت
خلصني من اكثر وقت اكره نفسي بي بليل اكره نفسي
الوقت طويل وممل
خليت عشى وبديت اكل
اجتني رساله
فاضل…عاشت ايدج اطيب لوبيا اكلتها بحياتي
حليمه…الف عافيه
فاضل…تنامين من وقت
حليمه…من كد الملل والفراغ اتعشى وانضف المطبخ وانام
فاضل…زين خل نبقى نتراسل ونحجي سوه
اذا ماعندج مانع
حليمه….ليش انت تبقى بلمولد
فاضل….للسته الصبح وارجع للبيت لو عليه
ماارجع للبيت ابقى هنا
حليمه…زين يمتى تشوف حبيبتك
فاضل…قبل شويه شفتها
حليمه….يعني اجتك للمولد
فاضل…لا اني رحت عليها للبيت وشفتها
حليمه….يااا رحت للبيت ما تخاف يشوفك احد
هااا فهمت حبيبتك اقاربك
فاضل….شنو اقاربي ذوله الزباله حبيبتي تخبل
حليمه….شلون شفتها بلشارع
فاضل…لا رحت البيتهم جبت لوببه
الفصل التالي اضغط هنا
يتبع.. (رواية عندما يغيب العقل) اضغط على اسم الرواية لتجد الفهرس كاملاً بجميع الفصول.